حب في أرض الخوف

الجزء الثاني عشر

#حب في أرض الخوف
#بقلمي شمعة امل
#الجزء الثاني عشر

عبير .....كعدني رنا وسالي
وطلعوا شكو بالعلاكه وطشروه بصينيه جبيره كانت عدنه
بأن وسرور ميتات ضحك ...
ويصنفن عليه
...وهذا سهم الحب
وهذا كيوبيد اجاه طاير ورمه السهم على كلبه
ومن هاي السوالف
واني هم اضحك عليهن وعلى شقاهن
أما إيمان
فكانت اشبه بالقنبله الي تريد تنفجر بأي وقت
كان تحظير العشه عليهه
وكل شويه راكعتلهه حاجه
وهذني ولا يمهن الشغله
.....آخر شي بعد قبل لاتخلص العشه ...
اشتعل المنظم مال القنينه وكمنه طفيناه بسرعه
حطينه خاولي كان قريب على الباب نكعناه بمي
وطفينه المنظم وشلعناه
وتالي رحنه طبخنه بالمطابخ يعني مو على الطباخ السفري ...

المهم سالي ورنا كالوا باجر عازمني بالجامعه
ويريد يتعرف عليه

وطبعا اكيد ومليون بالميه كان الرفض اول جوابي

أما إيمان .....
ظلت تحجي ....اي ولا ترحين خلي يولي
سالي ...وانتي شعليج ....الولد يريد يتعرف عليهه
واحنه اصلا مجموعه اني ورنا وسرور وعبير وأحمد ومهند واذا يعجبج تجين هو ماعنده مانع

إيمان ...  مهند منو
رنا .....هذا صديقه كلش ...

إيمان .....🙄🙄🙄زين هذا مرتبط

رنا .....لا مامرتبط وشكله يخبل ...
إيمان .....شبيج عبير ...أقبلي ماطول مجموعه واحنه كلنه وياج
عبير .....يااااا...... انتي صدك دتحجين
انتي مو هسه جنتي معارضه ليش غيرتي رأيج
وشبسرعه ...

إيمان .....اتشاقه وياج غير ....شبيج انتي
صايره متتحملين شقه

سرور .....😂😂😂اي عبير صايره ولا تحب شقه

سالي ....😂😂لج عبير اقبلي حبابه
كال باجر يجي بسيارته حتى بعد الدوام يطلع يفرنه
ويجوز يعزمنه بمطعم

سرور ....ههههه صار بيهه مطعم ...
اقبلي يمعوده .....

على صيتج راح نشبع عزايم ...

عبير .....دروحن .....هاي السالفه قشمروا بيهه غيري

.....وتالي تعشينه ورحنه نباوع مسلسله وتالي رجعنه
كل وحده لفرشتهه ...

بعد كم يوم زادت ملحت أحمد بأن اجي للجامعه

وأصر انه اجي لان مسوي حفلة عيد ميلاد اله

واعرف هاي كانت حجه حتى اجي
وهم مارحت

بالليل من اجني رنا وسالي
استلمني ...مامخليهم يكصون الكيكه
بس مطفين الشمع ...
ودز الكيكه كلهه ويه البنات ووصاهن يكعدني ويوكلونياها كلهه بديهن

وصدك كعدن يوكلني واني اتوسل واضحك
رنا مجتفتني وسالي توكلني وسرور ميته ضحك
وايمان .....بعد متعرف وين تلطخ راسهه بأي حايط
اليمنه لو اليسره
لو تفشخ روحهه ....
😁😂😂😂😂😂😂
صدك مدري اضحك عليهه مدري انقهر