سلام حبيت نحكيلكم قصة حب بدات من الطفولة ، و شكون فينا اللي ما حبتش في طفولتها اما ابن الجيران او فاميلتها .
عند البطلة:
اسمي أمال انا الكبيرة في دارنا ، خمرية عينيا عسليين بدات قصتي مع وليد جيراننا محمد ملي كنت صغيرة يعني كان عندي 10 سنين ...و هو كان كبير علي ب 6 سنين... يعني كي طلعت انا للسيام هو كان فالثانية ثانوي .هو تاني الكبير في دارهم .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كي لحق للباك ماجابوش ماحبش يعاوده ، ولى يتاجر فالطراباندو يعني يبيع حوايج تاع الكابة فالسوق . كنا ساكنين في حي - لاسيتي- مش باطيمات.
كنا ساكنين في حي - لاسيتي- مش باطيمات. كنا كل عشية نخرجوا برة نتلموا بنات الجيران تاع لاسيتي الكل. ملي كنا صغار احنا لبنات كنا مقسومين 3جماعات ، لي جونفي تاع 17-19 سنة يقسروا مع بعضاهم ، و احنا تاع 11-13 سنة وحدهم و الاولاد و البنات الصغار بزاف يلعبوا في جماعات قدامنا ، كانت عندنا تقاليد غريبة فلاسيتي تاعنا تقدروا تقولو بلي لبنات هوما اللي كانوا محتلين لاسيتي اما ليجون يروحوا بعيد شوية يقعدوا كل عشية قدام وحد الفيلا فارغة تاع ناس ليزيميغري جاية مقابلة لاسيتي تاعنا ، و يخلولنا لاليبارتي فالحومة . وليد جيراننا محمد ، خمري مسرار بزاف عينيه نوازات و عنده سنة مكسرة مواتياته تبان تقولشي فلجة كي يضحك يهبلني .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.المهم احنا كنا نسكنوا فالصف الأول مقابلين هذيك الفيلا اللي حكيت لكم عليها و هو كانوا يسكنوا فالصف اللي مورانا ..كان يعجبني بزاف و كنت ديما نتبعه بعيني بصح من تحت لتحت بلا ما يفيقوا بي لبنات الاخرين خاصة انه اخته سعاد كانت صحبتي و قدي فالعمر و ديما معاي ..كانت تدخلني لدارهم و تجي لدارنا ..كنت ندخل معاها لشمبرته و نخربو في قشه و نضحكو ..لعب تاع ذراري بصح انا كنت نحب كي نكون تماك نشم ريحته و نمس حوايجه..و نبقى نحلم بيه بصح احلام بريئة تاع الطفولة .
كنت كل ما نكبر نتعلق بيه اكثر و اخته ما علابالهاش و ما قدرتش نقولها نحب خوك ، كنا انا و هي ما نتفارقوش كامل حتى لحقت لسن البلوغ ..كان في عمري 12سنة ، جاتني مع لي فاكونس تاع الصيف .. وماجات تخلاص العطلة و تبدا القراية حتى وليت نبان امرأة طول و عرض و كتاف و صدر و لي آونش و كنت سمرا و ضعيفة بصح كي بلغت وليت خمرية صافية و معمرة و زينت بزاااف ..المهم بابا دار لي حجاب و قال ليما ما تزيديش تخليها تخرج . كانوا لبنات صحاباتي يقعدوا يلعبوا و يحكوا و يضحكوا فالصف اللي مورانا و انا ما نقدرش نخرج معاهم بسكو نبان كبيرة بزاف عليهم ..و تاني ما نقدرش نقعد مع لي جونفي بسكو صغيرة فالعمر و هوما يحكو غير على صحابهم و واش يديروا معاهم. بقيت نحكي مع حباباتي غير من التاقة تاعنا الخلفية و سعاد على جالي ولات تقولهم للبنات نقعدوا هنا عند التاقة باه تكون معانا أمال ما نخلوهاش وحدها . المهم احنا كنا جماعة تاع 4 بنات ، انا و سعاد و ليلى و منال ، ملغري كنت نحشم بزاف و حسي ما ينسمعش بصح مع صحاباتي كنا طوايشيات 100 فالساعة ..كنا نديرو وحد المغامرات ما يخطروش على بال
