مثلا كانت عندنا وحد اللعبة تاع تحدي كنا كل مرة يطيح الدور على وحدة و نتحداوها تدير حاجة اذا قدرت عليها نديرو دراهم و نشرولها اي حاجة تطلبها ..و اذا فشلت تخلصلنا ساندويشات poulet
– عقل تاع ذراري ههههه –
المهم طاح الدور الأول على ليلى و قلنالها نعطوك تحدي ، تثيري انتباه خويا احمد
أحمد ، و لوكان نحكيلكم على خوي ! كان الزين الإماراتي طويل و أبيض و عينيه و حواجبه كحل توت و عنده وحد الخزرة تهببل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
..بصح كان ادايها في روحه شوية بالزين و ماكانش يشوف في أي واحدة ..و ليلى مسكينة ماشي شابة بزاف -و لضرك مازال ماجاش
مكتوبها ملغري عدات 40سنة – المهم قلنالها حاولي تطيحيه فيك ..كيما جربت تطيحه ما شافش فيها خلاص ههههه جربت كامل الطرق ، تخزر فيه ، تضحك له ، تجيبلنا قاطو كي يكون هو فالدار باه يشوفها ..وااالو ..هو موالفها تلعب معاي يشوف فيها ذراري كيما اخته ..عيات عيااات و استسلمت بعد سمانتين
و احنا كنا دايرين ديلي تاع اللعبة شهر لكل واحدة ، قالت لنا فشلت ما نستناش شهر كامل كرهت ..هو عنده20 و انا طفلة عندي 12 وين راح يديرني في باله !! شبعنا ضحك عليها و قلنالها وجدي الساندويشاات هههه. جاء دور سعاد ...سعاد بلونده بيضا و شعرها اصفر و عينيها نوازات كيما خوها و بتيت تاي ، تبان طفلة . بصح شابة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قلنالها شفتي مول الغاز اللي يجوز ديما من هنا يليفري الغاز للحانوت ؟وحد الجون عنده 18 سنة هكاك أسمر بصح حلو تقول هندي ،كان يجوز على دارنا كل يوم .. قلنالها لوكان تآتيري لاتونسيون تاعه و يديرلك جاست يبينلك فيه بلي عجبتيه نستعرفو بيك .. ايا ولات توجور فالوقت اللي يجوز هو على الستة تاع العشية توقف معاي قدام باب دارنا بسكو دارنا مقابلة الطريق و يجوزوا عليها الطوموبيلات و دارهم لالا ، انا نبقى متخبية و هي تبان ..حتى يجوز الكاميون تاعهم ..ولات تشوف في هذاك الجون كل ما يجوزوا . النهار الاول ، الثاني ، الثالث .. ديما يلقاها واقفة و تشوف فيه و تتبسم ، بعد 10 أيام من نظرات الود و الابتسامات يا عيني ..
جاز الكاميون كيما العادة و هذي المرة اتفاجأنا انا و اياها بلي رمالها وردة حمرا ههههه..شبعنا ضحك و قلنا للبنات السيد طاح فالشبكة غد من ذاك ما جاتش وصاتني انا نعسه ، جاز الكاميون والسيد غير يشوف بعينيه و يفتش و الباب تاعنا مغلوق و انا نطل عليه بالتخبية شفته غير يفتش بعينيه و حسيت انكسر خاطره مسكييين . النهار الثالث رمى ورقة " وين غبتي علي توحشتك"
قلتلهم لالا خيرولي اي حاجة الا الذكورة تعرفوني خاطيني هذو الشوفات ، قالولي علاه احنا تاع ذكور محسوب ؟ ياك هذي غير لعبة ،هذا هو طلبنا ، قلتلهم صحة بدلو أي واحد معليش بصح ماشي خو سعاد .. هي ضحكت قاتلي علاش لالا؟ محسوب خويا ما عجبكش !! الاول ما يتحول ..قالوا لك خويا خلاص . انسيستاو علي يا نقبل يا نخسر اللعبة ..و انا اصلا ما عنديش حتى باه نشري حبة حلوة منين نخلصلهم ساندويشات ؟
بابا يحكمني يوريلي ، صمطوا علي وافقت ..و انا ما كنتش حابة ندخل محمد في اللعبة بسكو كنت نحبه صح و خفت تمرق بيا سعاد .. المهم انا فالأول كنت رافضة الفكرة ..بصح كي خممت مع روحي ..قلت انا نحبه ، و ماذابيا هو تاني يحس بيا ..علاش ما نجربش حظي بالاك من اللعبة تجي فالصواب . قررت هذيك الليلة باه نبعثله رسالة كتبتله فيها كل مشاعري الحقيقية بعيدا عن اللعبة تاع لبنات.
قلتله " علابالي راك مستغرب شكون صاحبة الرسالة ، انا وحدة تحبك و تمووت عليك عندي سنين و انا نراقب كل تحركاتك من بعيد و جامي جاتني الجرأة باه نقرب منك ..نشوفك كي تخرج وكي تدخل و كي تكون مقسر مع اصحابك و انت تضحك و انا نتألم لاني بعيدة عليك ..المهم منين تكون فالحومة لازم تعرف بلي ديما عيني راهي عليك و نقدر نشوفك وين ما كنت..انا بإختصار بنت حومتك اللي ذوبها حبك ،و نتمنى في يوم من الايام تبادلني الشعور و تمنحني يا لوكان خزرة برك."
و طبعا كتبتها بالفصحى ماشي بالدارجة بسكو علابالي بيه أدبي و يعرف العربية . المهم علابالي بلي فكرة البرية كانت فكرة شيطانية و ما تسقسونيش كيفاش جاتني بسكو انا و ما علاباليش كيفاش فكرت فيها وقتها ههههه
