تفاهمنا ما نطولوش فالخطبة بسكو بكل صراحة لا انا لا هو كنا قادرين نزيدو نصبرو على بعض كثر، كيما كان يقولي "نتي اصلا قنبلة موقوتة كيفاش صبرت معاك هذو السنين كامل بلا ما نخسر فالهدرة و الله ماعلابالي ههه !!" المهم..بعد ثلاث اشهر تزوجنا ..درنا عرس واحد بويسك في بلاد واحدة ..كان عرس هبااال و ما نحكيلكمش واش دار المهبول تاعي ليلة عرسنا ...قريب خرج من عقله تالمون فرحان و ماشي مأمن بلي راني عنده خلاص ...ما نقدرش نحكيلكم لي ديتاي بصح كانت ليلة ولا أروع !!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جازوا اليامات اللي كنا فيهم كونجي رووووعة خلصنا العرس و ريحنا 10 أيام و رحنا بعدها درنا شهر العسل في عنابة قلتلو "أمنيتي اني نروح للبحر ملغري ماراناش بعاد عليه بصح بابا جامي داني، ديما يدي خاوتي و يخليني يقولي نتي كبيرة ، عمري ما شفتو بعيني قريب نشوفو غير من بعيد" قالي "خلاص انا ندي حنونتي تكومبي فيه".
كرينا 20 يوم فالبحر بصح هبلني همه عريس جديد و زادلو البحر هيجو ولى يظل شاعل 24/24 ساعة هههههه ، و زاد لحق وقت الدورة تاعي و ماجاتنيش تقلقت ..وليت ننوض مع الصباح قلبي يدور و غير نشم الهواء تاع البحر نولي نتقيأ قالي نديك تجوزي بالسيف قلتلو "لالا ما نروحش للطبيب جيت نجوز شهر العسل ماجيتش نمرض في عنابة" ..داني بالسيف عليا و انا علابالي بلي طحت اونسانت بسكو كي تزوجنا كنت في يامات التبويض ،هو خاطيه هذو الصوالح تاع النساء مسكين و و الله ما حبيت نحلبه ههه.
عييت عييت و داني للطبيبة ،عرفتنا عرسان جدد و من هدرتي باينة بلي منيش من الشرق قلتلها جينا نجوزو ليفاكونس برك سقساتني واش عندك قلتلها ما عندي والو غير راجلي يزيد من عنده هو قال لها كل صباح هي توصل للبحر تولي تتقيأ و قلبها يخبط حتى قريب يحبس و تقول لي ماكان والو ؟ قاتلو معليش تخرج ضرك نشوفها ما تتقلقش برك..هو راح و هي ولات تضحك سقساتني على الغسلة قلتلها دارتلي روطار سمانة قاتلي نتي راكي عارفة بلي راكي حامل و مخلياته مقلق هكا عليك ! ههه وليت نضحك قلتلها ايه بصح ماحبيتش نقوله،قلت نستنى ثلاث ايام ولا اربعة و ندير تاست بصح ما خلانيش ..دارتلي ليكو قاتلي مبروك عليك ، بلا ما تستناي روحي فرحيه مسكين باين يموت عليك هههه "
