Unicode
"သားဝပြီ...."
ထမင်းစားပွဲကနေအရင်ဆုံးထသွားတဲ့ငယ်လေး။
ပန်းကန်ထဲကထည့်ပေးထားသည့် ထမင်းတွေကလည်း အရာမယွင်း။
တိတ်ဆိတ်နေတဲ့ထမင်းဝိုင်းမှာ မေမေ့ရဲ့ သက်ပြင်းချသံတိုးတိုးကထွက်ပေါ်လာသည်။
"ငယ်လေးစိတ်ပြေလက်ပျောက်ဖြစ်အောင် ခရီးသွားကြမလား....."
"ကောင်းသားပဲ ဘယ်သွားမှာလဲဟင်...."
"အလောင်းတော်ကဿပ...
ဒီရာသီဥတုက သွားလို့အကောင်းဆုံးပဲ..."
"လမ်းကနည်းနည်းကြမ်းမယ်ထင်တယ်....
ငယ်လေးအဆင်ပြေပါ့မလား....."
မေမေတို့တိုင်ပင်နေကြတာကို မင်းညီဆက်နားမထောင်တော့ပဲ ထမင်းဝိုင်းမှထကာ ငယ်လေးရှိရာအခန်းသို့လှမ်းလာခဲ့သည်။
"ငယ်လေး..."
သူ့ခေါ်သံကြောင့် အပြင်ကိုငေးနေသည့် ငယ်လေးကလှည့်ကြည့်လာလေသည်။
"ဘာစားချင်လဲ ကိုကိုသွားဝယ်ပေးမယ်လေ..."
ခေါင်းလေးသာယမ်းပြပြီး မျက်ဝန်းတွေက အပြင်ကိုပြန်ငေးနေလေသည်။
"အဖေကိုင်ထားထားတယ် မကြောက်နဲ့ နင်းနင်း"
9 နှစ်အရွယ် ကောင်လေးကို ဖခင်ဖြစ်သူကစက်ဘီးစီးသင်ပေးနေသည်ကို ငယ်လေးက ကြည့်နေခြင်းပင်။
"အဖေ!!!"
သားအဖနှစ်ယောက် အော်လိုက်ဟစ်လိုက်နှင့် ဆူညံနေသည်ကို ကြည့်နေရင်း ငယ်လေးကလက်သီးလေးတွေကိုဆုပ်ထားလေသည်။
မင်းညီရင်ထဲမွန်းကြပ်သွားသည်။ ငယ်လေးအခုခံစားနေရတာကို သူနားလည်သည်။ သူလည်း တစ်ချိန်က ဒီလိုတွေခံစားခဲ့ရဖူးသည်။
ခုံလေးပေါ်မှာ ခြေထောက်လေးပါတင်ပြီး ကြုံ့ကြုံ့လေးထိုင်နေသည့် ငယ်လေးခန္ဓာကိုယ်ကို မင်းညီပွေ့ချီလိုက်သည်။
"ကိုကိုနဲ့ဈေးထဲသွားရအောင်...."
"မသွားချင်ဘူး....."
ပွေ့ချီထားတာကိုမကြိုက်သည့်ငယ်လေးက စူပုတ်ပုတ်လေးနှင့် ရုန်းနေသည်။
"အဲ့တာဆို စက်ဘီးစီးသင်မလား...."
ရုန်းနေရာမှ ငြိမ်သွားကာ တကယ်လားဆိုသည့် အကြည့်လေးများနှင့် သူ့ကိုပြူးပြူးလေးကြည့်နေသည်။
VOCÊ ESTÁ LENDO
Glossary Of Alive (Completed)
Ficção AdolescenteAbout a boy who loves butterflies, white roses and a boy..... ◾◽◾◽◾◽◾◽◾◽◾◽◾◽◾ (AN: This OC is based on the true story)
