Glossary Of Alive (Completed)

Part-46 ( a choice to protect him )

Unicode

နိုးနိုးချင်း နှစ်ချိုက်စွာအိပ်ပျော်နေဆဲဖြစ်သည့်ကောင်လေးကို နေ့တစ်နေ့ရဲ့အစပြုခြင်းကိုသက်သေထားသော အနမ်းတစ်ပွင့်ပေးကာ အိပ်ရာမှထပြီး မျက်နှာအမြန်သစ်သည်။

စောစောစီးစီးအေးလို့အေးမှန်းပင်မသိ အသည်းလေးနိုးတာနဲ့အဆင်သင့်ဖြစ်စေရန် မနက်စာကိုအပြေးအလွှားသွားဝယ်ကာ ပြင်ဆင်ရသည်။

အကုန်ပြီးမှ အခန်းထဲကိုခြေဖော့ဝင်ကာ အိပ်ရာထက်မှ ခင်ပွန်းလောင်းလေးကိုနှိုးရန်ကြိုးစားသည်။

"ချစ်...."
".........."
"ထတော့လေ....."
"အင်း......."

အသံရှည်လေးစွဲပြီး မျက်လုံးကပွင့်မလာ တစ်ချက်လူးလှိမ့်ကာပြန်ငြိမ်သွားသည်။

"ချစ်ရေ........
အိပ်ရာထတော့ကွာ......"
"အင်းပါဆို......"

စိတ်တိုသလို ခြေထောက်တွေနှင့်အသံမြည်အောင်တဖုန်းဖုန်းကန်ပြီး စောင်ပုံထဲမှာ စူပုတ်ပုတ်လေးပြန်အိပ်သွားပြန်သည်။

"ချစ်.....
ကိုယ်မနက်စာတွေဝယ်ထားပြီးသားနော်....
အကုန်လွှင့်ပစ်လိုက်ရမှာလား..."
"ဟာကွာ...."

စောင်ပုံထဲကနေ ဆံပင်စုတ်ဖွားနဲ့ထထိုင်ပြီး မပွင့်တပွင့်မျက်လုံးလေးတွေကသူ့ကိုမကျေနပ်သည့်အကြည့်တွေနှင့်ကြည့်သည်။

"ထမျက်နှာသစ်...."
"ဆယ်မိနစ်လောက်ပြန်အိပ်ဦးမယ်..."

ပြောပြောဆိုဆိုပြန်လှဲတော့မည့် ကောင်လေးရဲ့လက်ကိုဆွဲကာကိုယ်ကိုမတ်စေပြီး ပွေ့ချီရတော့သည်။

"မထချင်သေးပါဘူးဆို!..."

နှုတ်ခမ်းတထော်ထော်နှင့် ချစ်ရသူကို မျက်နှာသေချာသစ်ပေးရင်း ကောင်းကင်ရဲ့ နှုတ်ခမ်းထက်အပြုံးတွေဝေလျှက်....

သူ့ချစ်သူလေးက အိပ်ချင်တိုင်းမအိပ်ရရင် ဒေါသထွက်တတ်မှန်းသူကောင်းကောင်းသိပေမယ့် ဒီနေ့ကဒီခရီးလေးရဲ့နောက်ဆုံးနေ့လေ....

လက်ကျန်လွတ်လပ်စွာကြည်နူးချိန်လေးတွေကို အလဟဿ ဖြစ်သွားမှာနှမြောတာပေါ့...

"သွား...
မထိနဲ့..."

ပုခုံးလေးထက်ကသူ့လက်ကိုဖယ်ချရင်း ခြေဆောင့်သွားတဲ့ ကောက်စိန်လေး....