Glossary Of Alive (Completed)

Part-39 ( believe)

Unicode

နန်းစံထိုက်က ဘုန်းရှိန်ဝါထက် အတွက်မုန့်လုပ်ပေးသည်ဆိုတာနဲ့ ကောင်းကင်ကသူ့ကိုအတင်းမုန့်လုပ်ကျွေးခိုင်းသည်။

"ဘာမုန့်မှမလုပ်တတ်ပါဘူးဆို..!"
"ချစ်ကလည်းကွာ...."

ရေချိုးပြီးကတည်းကကောင်းကင်ဂျီကျနေတာများနားကိုပူလို့.....

"အာလူးချောင်းကြော်နဲ့ကြက်ဥပေါင်းကြိုက်လား..."
"ဟမ်....
ချစ်လုပ်တတ်တယ်ပေါ့..."
"အဲ့နှစ်မျိုးတော့ရတယ်....
စားမှာလားမစားဘူးလား..."
"စားမှာပေါ့....ဟီးဟီး...."
"အဲ့တာဆို ကူဦး...."

အိမ်မှာ အားလူးနှင့်ကြက်ဥကအလွယ်တကူရှိနေသည့်အပြင် လတ်လတ်ဆတ်ဆတ်နွားနို့လေးပါရှိနေတော့ အဆင်ပြေသည်။

ကြက်ဥပေါင်းလုပ်ဖို့သူပြင်နေတုန်း ကောင်းကင်ကို အာလူးအကြီးကြီး လေးလုံးကိုအခွံခွာခိုင်းလိုက်သည်။

ကောင်းကင်ရဲ့မိဘတွေကဒီနေ့လည်း အိမ်ပြန်လာကြမည်မဟုတ်သောကြောင့် အိမ်အကူတချို့နှင့်သူတို့နှစ်ယောက်သာရှိသည်။

ကြက်ဥကိုအနှစ်နှင့်အကာသမအောင်မွှေ နွားနို့ရော ဂျင်းကြက်သွန်ဖြူ ဆားနှင့်သကြားအနည်းငယ်ထည့်ကာ ပေါင်းလိုက်သည်။

"ချစ်...."
"အင်း..."
"ဟင်းရောချက်တတ်လား...."
"နည်းနည်းပါးပါးချက်တတ်တယ်..."
"ဘာဟင်းတွေချက်တတ်လဲ..... "
"မြန်မာဟင်းတော်တော်များများနဲ့....
တရုတ်ဟင်း ထိုင်းဟင်း တုံရန်းတွေဘာတွေ..."
"Woah!!!
ကိုယ့်အိမ်ရှင်ထီးလောင်းလျာလေးက တော်လိုက်တာ.....
ကိုယ်ကထင်တောင်မထားဘူး...."
"ဘာကိုထင်မထားတာလဲ...."
"ဒါတွေလုပ်တတ်လိမ့်မယ်ထင်မထားတာပေါ့..
ကိုယ်သိခဲ့တဲ့စူးနေရောင်ထက်က ဒီလိုမဟုတ်လို့.....
ကိုယ်အထင်မှား အ....."

ဓားကိုလွှတ်ချလိုက်သည့် ကောင်းကင်အနားကိုသူရောက်မှန်းမသိ....

"သွေးတွေ......
အရင်လက်ဆေးရမယ်...."

သလင်းမြူ ပြာယာခတ်စွာပဲ ကောင်းကင်ရဲ့လက်ကို ဘေစင်မှာဆေးစေကာ သွေးတိတ်အောင်အရင်လုပ်ရသည်။

ဒဏ်ရာကအရမ်းမကြီးသလို နက်လည်းမနက်ပေမယ့် ပူလောင်နေသည့်စိတ်ကမအေးနိုင်သေး...