وجع ثم حب ❤🔥

الجزء 13🔥

الجزء 13 🔥 خرجو بجوج و بقيت بوحدي فالبيت سديت عيني تا داني النعاس شوية حسيت بشي واحد كايتلمس شعري حليت عيني و انا نقفز : شكادير هنا ؟ عصمان : هادشي لي واقع ليك بسبابي ياك انا : ايه بسبابك و دابا خرج من هنا خرج عصمان : لاء مغانتحرك من هنا تاتجي معايا انا: وجهك قاصح عصمان : يالاه نوضي انا : بعدد منييي اعصمااان .. نتر ليا التيو دالسيروم من يدي بجهد و وقفني .. فكرت و كلت 15 العام دلاصال لي درت فصغري اتنفعني .. هزيت يدي لي كان شادني بيها و عضيتو بجهههههد تا غوت و طلق من يدي مخليتو فين يدور حتا هزيت رجلي و عطيتو للمنطقة الحساسة تحنى كايتألم و يتلوى من شدة الألم طلعت ركبتي و عطيتهالو للوجه شد نيفو لي بدا كايسيل بالدم و كايشوف فيا بشر : هادشي كامل خرج منك انا ( جمعت يديا بجوج علا شكل لكمة و عطيتهالو للوجه جيهت العين ماهي الا دقائق تا بدات كاتزراق ) : مازال ماغاتخرج تقود من هنا حشومة عليك هادشي لي كدير فيا سير الله يهنيك معاها خويتلكوم الساحة عصمان: لا انا كانبغيك نتي انا : لي كايبغي ماكايخونش .. فهاد اللحظة دخل خويا و جود شافو المنضر ديالي بالكسوة و واقفا و عصمان لي نيفو بالدم و عينو زراقت و شاد فالمعلم. جهاد شافو و صعر مشا شنق عليه و دربو بتيت اما جود فعنقني و جرني عندو جهاد: الزامل شباقي تادير هنا دمرتي ليا ختي و جاي مزال بوجهك حمر عصمان: راكانبغيها اصاحبي جهاد : انعطيك نصيحة لوجه الله الا كنتي مستغتي علا روحك عاود برزطها ( تنتر منو و طلع و هبط فيه ) : علم الله شكون خنتي اخر و دارلك هاد الحالة و لكن عبر عليك. عصمان ( شير بصبعو ليا ) هي. جود : كفاش هيا؟ عصمان: هي لي دارتلي هاكا.. شافو فيا بصدمة انا: حيت كنتي باغي تديني معاك بزز جهاد هز يديه للسما يالاه ايضربو و مشا جود شدو: هاد النوع ماتعصبس راسك معاهم .. عيط جود لسيكيريتي جاو خرجوه