الجزء 86 🔥ميرال بغات تدخل لغارق و صابر مامنعهاش حيت عارفها عوامة و ماتغرقش.. و لكن البلاصة لي مشات تعوم فيها، فيها دوك لي كايجرو ( نسيت علا سميتهوم) ماحسات تا تجمدات ليها رجعليها و طاحت بغات تنوض ماقداتش غير يديها لي بقات فوق الما تا غبرات كلها فحاد الاتناء كان واحد المتفرج من بعيد حاضي الناس و الجواء شافها و المشكل ان تواحد من دوك لي معاها مالاحضو غيابها رغم ان صابر كلا شوية كايضور كال اكيد اتكون غاطسة و تشادو اليدين و بقاو كايلعبو .. السيد لي شافها مشا تايجري و كلشي شاف فيه باستغراب تحشا وسط الما و هزها و طلع بيها فوق الما و مخرجها و صابر عاطي بالضهر لهاد المنضر تا شافتو فردوس : ااااا ميراااال .. كاملين دارو يشوفو كان هازها و هيا راخيا يديها حطها فوق الرملة و تحنى يشوف واش هي بخير.. فرظوس و كنزة تخلعو .. فهاد اللحضة صابر ماعرف باش تبلا لا هو لا جهاد لا مراد اما صابر دنيا دارت بيه ولا كايعفط رجل هنا رجل لهيه تاوصل عندها تلاح علا ركابيه و كايغوت بسميتها و يحركها و غايحماق هبط دارلها التنفس للاصطناعي ووالو جمع يدو بجوج و بقا كايبرك علا صدرها و عاود حنا دارلها التنفس خوها غايحماق و مراد تخلع نييييت اما صابر نفس العملية كايعاودها تا خرجات الما لي فرئة ديالها .. صابر ضحك و عينيه دامعين و حط راسو على كرشها: حمدتك ياربي و شكرتك ..
أنت تقرأ
وجع ثم حب ❤🔥
Romanceجيت و جبت معايا قصة تحت عنوان #وجع_ثم_حب تجمع بين #الحب #عشق #هوس #ضحك #حزن #عذاب #فراق #معاناة #رومانسية #تيتيز و #السفاااااااالة .. بقلم : #تيم_صفاء .. القصة فطور الكتابة .. لا احلل النشر دون ذكر اسم الكاتبة و الاحتفاظ بالصور . نلقا التفاعل نبداه...
