وجع ثم حب ❤🔥

الجزء 14 🔥

الجزء 14 🔥 جهاد : امتا تعلمتي هادشي انا: ملي كنتي فبلجيكا جهاد : و شحال و انا عايش معاك و مافراسيش نتي خطيرة جود : بسلامة اخوتي هادشي مافيهش اللعب خفت علا راسي انا : من نيتكوم .. جهاد : يالاه وجدي راسك انخرجو دابا من هنا ( مدليا الصاك ) هاكي هنا كاينين حوايجك و اتمشي للدار كوليلهوم بتي عندي فالدار صافي انا : صافي واخا اصلا ما تنساش را دايرين معا جود نخرجو. جهاد : جود خويا سير رتاحلك شويا راك اتكون عييتي توصل 7 نصوني عليك دابا را يالاه 12 جود : يحفظك اخويا تهلاو ميرال علا سلامتك. انا : شكرا ❤ خرجو و لبست و هبطت لقيت جهاد حدا الباب ركبنا ووصلنا للدار ، دخلت لقيتهوم مجمعين فالصالون سلمت عليهم كاملين .. مشيت كلست ما بين ماما و بابا و جهاد كلس حدا جداتي انا : هييييلو بابا : بنتي الحبيبة ماما : ياك دارنا مابقاتش معمرالك العين باش تمشي عند هاد خينا للدار جهاد: كفاش خينا الواليدة راني ولدك زعما ( نفخ صدرو ) و لد سي الغزواني الله يخليك.. شيرات عليه ماما بمخدة و بقاو كايضحكو انا: ماما انطلع نكمل نعاسي باش العشيا نكون اونفورم را انخرج بابا: معا جود ياك انا : وجهاد تاهو .. بابا: واش ابنتي عصمان ماكايكولك والو علا الخرجات ديالك انا : اشعندو مايكول اصلا .. اصلا مابقيناش معا بعضياتنا ( نضت مشيت لبيتي باش مايسولونيش كتر و خليت بابا كايعيط ليا . جهاد: بابا خليها فراحتها نتا اصلا ماكنتيش مرتاح لداك المخلوق و هاهو خرج من حياتها دابا صافي بابا: ياويلو و نعرف بنتي غير تقلقات علا ودو ايندم اما لابكاها انحيه من الوجود جهاد ( فخاطرو كايكول لهلا يوريك الواليد بسبابوو دخلات بنتك السبيطار) : مايقدرش ابابا انا هنا