الجزء 24 🔥 كولشي شاف فيها باستغراب جا خوها نترلها الورقة من يدها و هي باقا مصدومة ماتحركاتش قراها و صعر و بقا كايغوت و يتحلف انه ايندمو لاح الورقة و بدا كايسب فجود لي هو دابا فالطيارة مع مرتو غادييين لأستراليا اما بالنسبة لتعيسة الحظ بعد مافقت من الصدمة نترات داكشي لي فوق راسها ، مشات كاتجري كولشي كايعيط ليها و هي ودنيها تصمكو خرجات من تماك و دنيا فعينيها كحلا لهاد الدرجة هيا غبية زعما تدار بيها جوج مرات تأكدات ان الرجال كاملين مافيهم تيقة و ماكايسواوش .. كسوتها ولات كحلا من لتحت و غادا و كاتبكي بهيستيريا لي دازت من حداه كايتبعلها العين ماحسات تا لقات راسها واقفا حدا البحر فواحد الجهة ماكايوصلوهاش بزاف دالناس كلسات فوق الرملة طلقات رجليها للقدام و بقات كاتبكي بحر جهدها كي شي حمقة .. عائلتها ماخلاو فين قلبو عليها باها ايحماق و عائلة جود تاهي معاوناهم و هما ماعتارضوش حيت هما ماعندهوم دنب فهادشي .. طاح الضلام يالاه ايعلمو البوليس و هما يشوفوها داخلا معا الباب بخطوات تقيلة و الكحل سايح علا حناكها ، حالتها حالة انا : مالكم كاتشوفو فيا انا بخير هههههه فين العريس تعطل انا انمشي نحيد هادشي اكيد ايكون كايتسناني دخلات طلعات لبيتها وسدات الباب بالساروت وكاتعيط بسميتو بحركات بطيئة حيدات الكسوة و بقات بدو بياس دخلات الحمام و شافت فالمرايا تفكرات نهار كانت كاتهدر معا كنزة و هي دايراها كي شي هبيلة و كاضحك عليها.. جمعات صبعانها و زيرات يديها و ضربات فالمرايا لي تخشخات و طاحو طروفا دزاج.. هزات اكبرهم حطاتو فوق يديها جيهت العرق و حشات جاجة و جراتها...
أنت تقرأ
وجع ثم حب ❤🔥
Romanceجيت و جبت معايا قصة تحت عنوان #وجع_ثم_حب تجمع بين #الحب #عشق #هوس #ضحك #حزن #عذاب #فراق #معاناة #رومانسية #تيتيز و #السفاااااااالة .. بقلم : #تيم_صفاء .. القصة فطور الكتابة .. لا احلل النشر دون ذكر اسم الكاتبة و الاحتفاظ بالصور . نلقا التفاعل نبداه...
