الجزء 23 🔥 دازت هاد اليوماين بالزربة و ليوم يوم عرسي .. تقاديت و لبسوني كسوتي البيضة لي مفتوحة من جيهت الصدر و معرية من الظهر كانعيط لجود ماكايجاوبش اكيد مشغول بالتوجاد مشينا القاعة لي كانت كبييييرة و المعروضين كايجيو كان كلشي تماك الهام عصمان مراد عائلتو عائلتي كاملين كانوا دخلت و مشيت وقفت حدا العدول و كانتسناو سي العريس يجي، تزير عليا قلبي شويا جا واحد دري صغير و عطاني واحد البواطا و العينين كاملين عليا حليتها لقيت فيها رسالة و خاتم اه خاتم تاع جود هادا سرعان مانزلوا دموعي حليت الورقة و كل ما كانقرا شي كلمة كاينزلو دموعي **ميرال عارف راسي مازدقتش معاك راجل ولكن انا مضطر نمشي مانقدرش نخلي ولدي يتربا بلا اب و نتي ماتبغيش دري صغير يكبر يتيم الاب انا عارف كاتسائلي شكون هادي معامن غلطت ، انا غلطت معا كنزة لي بقات كاتقرب مني تا وقع الغلط و انا نادم عليه و لكن تيقي بيا كنت باغي نكولهالك و مانخليكش اليوم عرسنا و لكن هادشي جا علا غفلة كنت فطريقي للقاعة ملي وصلني الميساج ديالها انها ادير اجهاض الا ماكنتش ديالها ماعرفتش واش ايجي نهار و تسمحيليا حيت زدقت بحال عصمان و كتر منو و لكن انا عمري نسمح لراسي على دموع لي كايطيحو من عينيك دابا سمحيليا و لكن انا كلا نهار انكون كانتعدب حيت عايش مع انسانة ماكانبغيهاش نتيجة غلط بسيط.. انا متأكد اتلقاي لي يستاهلك و عافاك ماتنسايش انني عمرني انساك و انبقا ديما نبغيك 💔 جود **
أنت تقرأ
وجع ثم حب ❤🔥
Romanceجيت و جبت معايا قصة تحت عنوان #وجع_ثم_حب تجمع بين #الحب #عشق #هوس #ضحك #حزن #عذاب #فراق #معاناة #رومانسية #تيتيز و #السفاااااااالة .. بقلم : #تيم_صفاء .. القصة فطور الكتابة .. لا احلل النشر دون ذكر اسم الكاتبة و الاحتفاظ بالصور . نلقا التفاعل نبداه...
