الجزء 71 🔥 دخلات ميرال لبيتها خدات دوش خفيف نشفات شعرها و خلاتو علا راحتوا لبسات كسوة فالسومو قصيرة واصلا للفخاص بالكمام و معرية من جيهت الصدر و لبسات طالون كحل عالي معا بوشيت كحلة و دارت عكر قهوي ماط و ايلاينر مع شويا دماسكارا .. فضلات ماتكترش مايك اب.. و دارت ريحتها المفضلة مشات عند فردوس لقاتها باقا ماعرفات اشتلبس عاوناتها وختارتلها كسوة كحلة واصلة للركبة معا طالون بيج جمعات شعرها ديل حصان ومادارت والو فوجها من غير عكر حمر و ماسكارا.. مشاو طلو علا مامات فردوس متلقاوهاش دونك اتكون وجدات راسها و طلو علا ماريا نفس الشىء.. نزلو للصالون لقاوهم كاملين كالسين.. دراري كانوا فكامل اناقتهم.. جهاد كان لابس سروال جينز فيه شي تقيطعات و تيشورت كحل و سبرديلة كحلة اما صابر كان لابس سروال كحل و سبرديلة فنفس اللون و تريكو سومون و مراد لابس تريكو كحل و سروال كحل مع سبريدلة بيضة .. هاشم : امييييراتي مراد : اجمعو فمكوم و هو تحل مابغا يتسد الكل : ههههههههه عبدالله : نتوكلو عاالله صابر : يالاه .. كل واحد دا طنوبيلتو هاشم مع عبدالله و مراد و صابر مع ميرال و ماريا و جهاد مع فردوس و مريم ..
أنت تقرأ
وجع ثم حب ❤🔥
Romanceجيت و جبت معايا قصة تحت عنوان #وجع_ثم_حب تجمع بين #الحب #عشق #هوس #ضحك #حزن #عذاب #فراق #معاناة #رومانسية #تيتيز و #السفاااااااالة .. بقلم : #تيم_صفاء .. القصة فطور الكتابة .. لا احلل النشر دون ذكر اسم الكاتبة و الاحتفاظ بالصور . نلقا التفاعل نبداه...
