ﺍﻧﻮﺭ ﺷﺎﻫﻴﻦ .. ﻣﺎﻟﻚ ﺷﺮﻛﺔ ﺯﻳﻨﺔ ﻟﻠﺴﻴﺎﺭﺍﺕ ¡¡¡
ﻣﻌﻘﻘﻘﻮﻟﻪ ﻳﺎ ﺟﻮﺭﻱ ¡¡
ﻣﺸﻴﺖ ﺻﻮﺭ ﺍﻟﺼﻔﺤﻪ ﻭﻟﻘﻴﺖ ﺻﻮﺭﻭ ﻭﻛﺎﻥ ﻳﺎﻫﻮ ﺯﺍﺗﻮ ¡¡
ﻗﻔﻠﺖ ﺍﻟﻔﻴﺲ ﻃﻮﺍﻟﻲ ﻭﻗﻤﺖ ﻣﺸﻴﺖ ﺍﻟﻤﻄﺒﺦ ﻭﺑﺎﻟﻲ ﻣﺸﻐﻮﻝ ﺑﻲ ﺷﻨﻮ ﺍﻟﻠﻪ ﺃﻋﻠﻢ ..
...
ﻣﺮﺕ ﺍﻷﻳﺎﻡ ... ﻭﺭﻣﻀﺎﻥ ﻭﺩﻋﻨﺎ ﺧﻼﺹ .. ﻛﺎﻥ ﻳﻮﻡ ﺍﻟﻮﻗﻔﻪ ﻭﺍﻟﺸﻐﻞ ﻓﻮﻕ ﺭﺍﺳﻲ ﻟﻲ ﻓﻮﻕ !!
ﻭﺍﻧﺎ ﺑﻄﻠﻊ ﻛﻴﺲ ﺍﻟﻨﻔﺎﻳﺎﺕ ﺟﻤﺐ ﺍﻟﺒﺎﺏ ﻻﺣﻈﺖ ﺍﻧﻮ ﺑﻘﺎﻟﺔ ﻣﺤﻤﺪ ﻣﻔﺘﻮﺣﻪ ... ﻛﻨﺖ ﻣﺎﺷﻪ ﺍﺷﻮﻑ ﺍﻟﺸﻐﺎﻝ ﻓﻴﻬﺎ ﻣﻨﻮ ﺑﺲ ﺳﺒﻘﻨﻲ ﻣﺤﻤﺪ ﻭﻗﺖ ﺟﺎ ﻃﺎﻟﻊ ...
ﻭﻣﻦ ﺷﺎﻓﻨﻲ ﻃﻮﺍﻟﻲ ﺭﺟﻊ ﻟﻲ ﺑﻘﺎﻟﺘﻮ ﻭﻛﺎﻥ ﺧﺎﻳﻒ ﺧﻮﻑ ﻣﺎ ﻋﺎﺩﻱ .. ﻛﺄﻧﻮ ﺷﺎﻑ ﻋﻔﺮﻳﺖ
ﻣﺎ ﺍﺷﺘﻐﻠﺖ ﺑﻴﻬﻮ ﻭﺩﺧﻠﺖ ﺍﻟﺒﻴﺖ ﻭﺍﻧﺎ ﻣﺒﺴﻮﻃﻪ ... ﻛﻴﻒ ﻣﺎ ﺍﻧﺒﺴﻂ ﻭﻳﻤﺎﻥ ﻟﻲ ﺍﻵﻥ ﺑﺨﺖ ﻟﻲ ﻛﻼﻣﻲ ﺍﻟﻒ ﺇﻋﺘﺒﺎﺭ !!!
ﺭﻓﻌﺖ ﺗﻠﻔﻮﻧﻲ ﻭﺍﺗﺼﻠﺖ ﻋﻠﻴﻬﻮ ﻋﺸﺎﻥ ﺃﺷﻜﺮﻭ ...
ﻛﺎﻟﻌﺎﺩﻩ ﻓﺼﻞ ﻭﺭﺟﻊ ﻟﻲ .. ﻗﺒﻞ ﻣﺎ ﺃﻗﻮﻝ ﺃﻟﻮ ﺭﺩ ﻟﻲ ﻫﻮ : ﺣﺒﻴﺒﻲ ... ﻣﺸﺘﺎﻕ ﻟﻴﻚ ﻭﺍﻟﻠﻪ !
ﻛﻼﻣﻮ ﺃﺛﺮ ﻓﻴﻨﻲ ﻟﺪﺭﺟﺔ !!! ﺑﺲ ﻧﻬﺎﺋﻲ ﻣﺎ ﺑﻴﻨﺖ ﻟﻴﻬﻮ ﻛﺪﻩ !!! ﻗﻠﺖ ﻟﻴﻬﻮ ﺷﻜﺮﺍ ﻟﻴﻚ .. ﺷﺎﻳﻔﻪ ﻣﺤﻤﺪ ﺭﺟﻊ ﺑﻘﺎﻟﺘﻮ ﺗﺎﻧﻲ
ﻳﻤﺎﻥ : ﻣﺤﻤﺪ ؟؟؟ ﻣﻴﻦ ﻣﺤﻤﺪ !!
ﻣﺤﻤﺪ ﺳﻴﺪ ﺍﻟﺒﻘﺎﻟﻪ ﺍﻷﻧﺖ ﺍﺗﺸﺎﻛﻠﺖ ﻣﻌﺎﻫﻮ ﻭﺿﺮﺑﺘﻮ .. ﻭﺍﻧﺴﺠﻦ .. ﻭﻻ ﻣﺎ ﺍﻧﺖ ﺍﻟﻄﻠﻌﺘﻮ ﻣﻦ ﺍﻟﺴﺠﻦ !! ؟
ﻳﻤﺎﻥ : ﺍﻧﺴﻴﻨﺎ ﻣﻨﻮ ﻳﺎﺥ !! ﺍﻟﻤﻬﻢ .. ﺍﻧﺎ ﺑﺤﺒﻚ ﻳﺎ ﺟﻮﺭﻱ !" ﻭﻋﺮﺳﻨﺎ ﺍﻧﺎ ﻭﺍﻵﺀ ﻣﻔﺘﺮﺽ ﻳﻜﻮﻥ ﺧﺎﻣﺲ ﻳﻮﻡ ﻓﻲ ﺍﻟﻌﻴﺪ !!
ﻗﻠﺖ ﻟﻴﻬﻮ ﺍﻟﻒ ﻣﺒﺮﻭﻙ ﻣﻘﺪﻣﺎ ... ﻳﻼ ﺍﻧﺎ ﻭﺭﺍﻱ ﺷﻐﻞ ﻣﻊ ﺍﻟﺲ ....
ﻳﻤﺎﻥ : ﺟﻮﺭﻱ ﺟﻮﺭﻱ .. ﻟﺤﻈﺔ ﺑﺲ
ﺍﻫﺎ ﻓﻲ ﺷﻨﻮ ! ؟؟؟؟
ﻳﻤﺎﻥ : ﻛﻠﻤﺔ ﻣﻨﻚ ﺑﺲ ﻭﺍﻟﻌﺮﺱ ﺩﻩ ﺣﻴﺘﻠﻐﻲ ... ﺍﻧﺎ ﺑﺤﺒﻚ ﺍﻧﺘﻲ
ﺑﺘﺤﺒﻨﻲ ؟؟؟؟ ﻭﺁﻻﺀ ؟؟؟ ﻋﺎﻭﺯ ﺗﺠﺮﺣﻬﺎ ﺯﻱ ﻣﺎ ﺟﺮﺣﺘﻨﻲ ؟؟؟ ﻧﺤﻦ ﻣﺎ ﻟﻌﺒﻪ ﻓﻲ ﻳﺪﻙ ﻳﺎ ﺳﻴﺪ ﻳﻤﺎﻥ !
ﻳﻤﺎﻥ : ﻳﺎ ﺟﻮﺭﻱ ﺍﻧﺘﻲ ﻋﺎﺭﻓﻪ ﺍﻧﻮ ﺁﻻﺀ ﺍﺗﻔﺮﺿﺖ ﻋﻠﻲ ﻓﺮﺽ !! "
ﻫﻬﻬﻬﻪ ﺍﺗﻔﺮﺿﺖ ﻋﻠﻴﻚ !!!! ﻃﻴﺐ ﻣﺎ ﻋﺎﺭﻑ ﺍﻧﻮ ﺍﻟﻔﺮﻭﺽ ﻻﺯﻡ ﺳﻴﺪﻫﺎ ﻳﺄﺩﻳﻬﺎﺍﺍﺍ !!
ﻳﻤﺎﻥ : ﻗﺼﺪﻙ ﺷﻨﻮ ﺍﻧﺘﻲ !
ﻗﺼﺪﻱ ﺍﻧﻮ ﺗﻠﻔﻮﻧﻲ ﺣﻴﻄﻔﻲ ﺷﺤﻦ ... ﻳﻼ ﻣﻊ ﺍﻟﺴﻼﻣﻪ ... ﻗﻔﻠﺖ ﻓﻴﻬﻮ ﺍﻟﺨﻂ ﻭﺩﻣﻮﻋﻲ ﻋﺸﺮﺓ ﻋﺸﺮﺓ !!"
ﻭﺍﻟﻠﻪ ﺍﻟﻌﻈﻴﻢ ﺑﺤﺒﻮ ... ﺑﺤﺒﻮﻭﻭ ﻟﻜﻦ ﺑﺤﺐ ﻛﺮﺍﻣﺘﻲ ﺃﻛﺘﺮ ﻣﻨﻮ . !!!!
ﻣﺤﻤﺪ ﻗﺎﻋﺪ ﻭﺳﺮﺣﺎﻥ ﻓﻲ ﻛﺒﺎﻳﺔ ﺍﻟﺸﺎﻱ ﺍﻟﻘﺪﺍﻣﻮ ..
ﻣﺮﺗﻮ ﺻﻔﻴﻪ ﺟﺎﺕ ﻗﻌﺪﺕ ﻭﻛﺎﻥ ﻟﻴﻬﺎ ﺳﺎﻋﻪ ﺑﺘﺮﻏﻲ ﻭﻫﻮ ﻭﻻ ﻋﻠﻲ ﺑﺎﻟﻮ ... ﻟﻐﺎﻳﺔ ﻗﺎﻟﺖ ﻟﻴﻬﻮ ﺑﻬﺮﺷﺔ ﻛﺪﻩ : ﻫﻮﻱ ﻳﺎ ﺭﺍﺟﻞ ﺍﻧﺖ ﺟﻨﻴﺖ !!
ﻣﺤﻤﺪ ﻧﻄﺔ ﻣﻦ ﺻﻮﺗﻬﺎ ﻭﻗﺎﻝ ﻟﻴﻬﺎ : ﺑﺲ ﻋﻠﻴﻚ ﻳﺎﺥ !! ﻭﺷﺎﻝ ﻛﺒﺎﻳﺘﻮ ﻭﻣﺸﻲ ﺍﻟﺼﺎﻟﻮﻥ ...
ﻗﻌﺪ ﻓﻲ ﺍﻟﺴﺮﻳﺮ ﻭﺳﺮﺡ ﻓﻲ ﺍﻟﺤﺼﻞ ﻟﻴﻬﻮ ....
ﺑﻌﺪ ﻣﺎ ﺍﻟﻌﺮﺑﻴﻪ ﺑﺘﺎﻋﺖ ﺍﻟﺸﺮﻃﻪ ﺟﺎﺕ ﻣﺴﻜﺘﻮ .. ﻭﺩﻭﻫﻮ ﺍﻟﺤﺮﺍﺳﻪ ﻭﺗﻢ ﻳﻮﻣﻴﻦ ﺗﺄﺩﻳﺒﻪ ..
ﻭﻃﺒﻌﺂ ﻣﺎ ﺑﻄﻠﻊ ﺇﻻ ﺑﻲ ﻛﻔﺎﻟﺔ ﻗﺪﺭﻫﺎ 50 ﻣﻠﻴﻮﻥ .. ﻭﺍﻫﻠﻮ ﻭﻧﺎﺱ ﺑﻴﺘﻬﻢ ﻛﺎﻥ ﺑﺎﻋﻮ ﻧﻔﺴﻬﻢ ﻣﺎ ﺑﺠﻴﺒﻮ ﺍﻟﻤﺒﻠﻎ ﺩﻩ !!
ﻭﻫﻮ ﻓﻲ ﺍﻟﺤﺮﺍﺳﻪ ﺟﺎ ﺍﻟﻌﺴﻜﺮﻱ ﻭﻧﺪﻩ ﺍﺳﻤﻮ ... ﻭﻗﺖ ﻃﻠﻊ ﻣﻌﺎﻭ ﻗﺎﻟﻮ ﻟﻴﻬﻮ ﺍﻧﻮ ﺣﻴﻄﻠﻊ ﺑﻲ ﻛﻔﺎﻟﺔ ﻭﻛﺪﻩ ... ﻭﺍﺳﺘﻐﺮﺏ ﻣﻨﻮ ﺍﻟﺪﻓﻌﻬﺎ ﻟﻴﻬﻮ
ﻓﻲ ﺭﺍﺟﻞ ﺟﺎﻭﺑﻮ ﺍﻧﺎ ﺍﻟﺪﻓﻌﺘﻬﺎ ... ﺍﻟﺮﺍﺟﻞ ﻛﺎﻥ ﺻﻮﺗﻮ ﺍﺣﺮﺵ ﻛﺪﻩ ﻭﻋﻨﺪﻭ ﺩﻗﻦ ﺯﻱ ﺷﻮﻙ ﺍﻷﺏ ﻗﻨﻔﺬ .. ﺍﻟﻤﻬﻢ ..
ﺑﻌﺪ ﻃﻠﻌﻮﻫﻮ ﺍﻟﺮﺍﺟﻞ ﺳﺎﻗﻮ ﻣﻌﺎﻫﻮ ...
ﻭﺩﺍﻫﻮ ﻣﺤﻞ ﻛﺪﻩ ﻣﻘﻄﻮﻉ ﻭﻧﺰﻟﻮ ...
ﻣﺤﻤﺪ : ﻑ ﻑ ﻑ ﻓﻲ ﺷﺸﺸﺸﺸﻨﻮ !! ؟ ﻭ ﻭ ﻭﻟﻴﻲ ﻥ ﻧﺤﻦ ﺟﻴﻨﺎ ﻫﻨﺎ !!!
ﺍﻟﺮﺍﺟﻞ ﻣﺎ ﺟﺎﻭﺑﻮ ... ﻭﺑﻌﺪ ﺷﻮﻳﻪ ﺟﺎﺕ ﻋﺮﺑﻴﻪ ﻛﺪﻩ ﻭﻗﻔﺖ ﻭﻧﺰﻝ ﻣﻨﻬﺎ ﻭﺍﺣﺪ ﻭﻛﺎﻥ ﻏﻀﺒﺎﻥ ﻏﻀﺐ ﺍﻟﺠﻦ .... ﻗﺎﻝ ﻟﻴﻬﻮ : ﺍﻧﺖ ﻣﺤﻤﺪ ! ؟
ﻣﺤﻤﺪ ﻛﺎﻥ ﺳﺴﺴﺴﺎﺡ ﺧﻼﺹ ﻣﻦ ﺍﻟﺨﻮﻑ ... ﻭﻣﺎ ﻋﺮﻑ ﻳﺮﺩ ﺑﻲ ﻻ ﻭﻻ ﻧﻌﻢ ... ﻷﻧﻮ ﻟﻮ ﻗﺎﻝ ﻻ ﺍﻟﺮﺍﺟﻞ ﻣﺎ ﺣﻴﺼﺪﻗﻮ ﻭﺯﺍﺗﻮ ﺑﺎﻳﻦ ﺍﻧﻬﻢ ﺑﻌﺮﻓﻮﻫﻮ ﻋﺸﺎﻥ ﻛﺪﻩ ﻃﻠﻌﻮﻫﻮ ﻣﻦ ﺍﻟﺴﺠﻦ ... ﻭﻟﻮ ﻗﺎﻝ ﻧﻌﻢ ﻣﺎ ﻣﻌﺮﻭﻑ ﻧﺘﻴﺠﺔ ﻧﻌﻢ ﺩﻱ ﺷﻨﻮ .. ﻋﺸﺎﻥ ﻛﺪﻩ ﺇﺧﺘﺎﺭ ﺍﻟﺼﻤﺖ !
ﺍﻟﺮﺍﺟﻞ ﻋﺎﻳﻦ ﻟﻴﻬﻮ ﻣﺴﺴﺴﺎﻓﻪ ﺑﻌﺪﻫﺎ ﻃﻠﻊ ﻣﺴﺪﺱ ﻭﻋﻤﺮﻭ ... ﻭﻗﺎﻝ : ﻣﺎ ﺩﺍﻡ ﻣﺎ ﻋﺎﻭﺯ ﺗﺘﻜﻠﻢ ﺍﻧﺎ ﺯﺍﺗﻲ ﻣﺎ ﺣﺄﺗﻜﻠﻢ ... ﻭﺑﺎﻟﺘﺎﻟﻲ ﺣﻨﺨﻠﻲ ﺣﻀﺮﺓ ﺳﻴﺎﺩﺗﻮ ﻳﺘﻜﻠﻢ ... ﻭﺭﻓﻊ ﻟﻴﻬﻮ ﺍﻟﻤﺴﺪﺱ
ﻣﺤﻤﺪ ﻧﻄﻄﺖ ﻋﻴﻮﻧﻮ ﻭﻗﺎﻝ ﻟﻴﻬﻮ ﺑﺴﺮﻋﺔ : ﺍﻧﺎ ﻣﺤﻤﺪ !! .. ﺍﺍﺍﺍﻱ ﺍﻧﺎ ﻣﺤﻤﺪ !
ﺍﻟﺮﺍﺟﻞ ﺿﺤﻚ ﻭﻗﺎﻝ ﻟﻴﻬﻮ ﻛﺪﻩ ﺑﻘﻴﻨﺎ ﺣﻠﻮﻳﻦ ... ﻭﻣﺸﻲ ﻟﻴﻬﻮ ﺑﻲ ﻭﺭﺍ ﻭﺧﺖ ﺍﻟﻤﺴﺪﺱ ﻓﻲ ﺭﺍﺳﻮ ﻣﻦ ﻭﺭﺍ ﻭﻗﺮﺏ ﻋﻠﻲ ﺍﺿﺎﻧﻮ ﻭﻫﻤﺲ ﻟﻴﻬﻮ : ﻃﻴﺐ ﻳﺎ ﻣﺤﻤﺪ ﺑﺘﻌﺮﻑ ﺟﻮﺭﻱ؟؟؟
ﻭﺍﻧﺘﻮ ﺑﺘﻌﺮﻓﻮ ﺍﻟﺒﻨﺰﻳﻦ؟؟؟
ﻃﻴﻴﻴﺐ ﺍﻗﻴﻔﻮ
#ﺻﻠﻮ_ﻋﻠﻲ_ﻣﺤﻤﺪ
أنت تقرأ
صف البنزين
Romanceﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ) C6H6 ( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎ...
