ﺑﺘﻘﻮﻝ : ﻋﺎﻳﻨﻲ ... ﺍﻧﺎ ﻟﻮ ﻛﻨﺖ ﺩﺍﻳﺮﻙ ﺑﺎﻟﺠﺪ ﻡ ﻛﻨﺖ ﻓﺴﺨﺖ ﺧﻄﻮﺑﺘﻲ ﻣﻨﻚ ... ﺍﺑﻌﺪﻱ ﻣﻦ ﻃﺮﻳﻘﻲ ﻣﻦ ﻓﻀﻠﻚ ﻭﺍﺭﺟﻮﻛﻲ ... ﻭﻱ ﺭﻳﺖ ﺗﺤﺎﻓﻈﻲ ﻉ ﺑﺎﻗﻲ ﻛﺮﺍﻣﺘﻚ ﺩﻩ ﻟﻮ ﻓﻀﻠﺖ ﻟﻴﻚ ﻛﺮﺍﻣﻪ ﺃﺻﻶ ...
ﻗﺮﻳﺖ ﺍﻟﺮﺳﺎﻟﻪ ﻭﺍﻧﺎ ﻣﻘﻠﻌﻪ ﻋﻴﻮﻧﻲ ... ﻡ ﻛﻨﺖ ﻣﺼﺪﻗﻪ ﺍﻟﻜﻼﻡ ﺍﻟﻘﺮﻳﺘﻮ .. ﻭﻗﻠﺖ ﺃﻛﻴﺪ ﺑﻜﻮﻥ ﺑﻬﻈﺮ ﻣﻌﺎﻱ
ﻷﻧﻮ ﻓﻌﻶ ﺳﻤﻌﺖ ﺟﺮﺱ ﺍﻟﺒﺎﺏ ...
ﺟﺪﻋﺖ ﺍﻟﺘﻠﻔﻮﻥ ﻭﺟﺮﻳﺖ ﻉ ﺍﻟﺒﺎﺏ ﻭﻓﺘﺤﺘﻮ ﻭﺷﻔﺖ ﺷﺎﻫﻴﻦ !!!!
ﺑﺤﻠﻘﺖ ﻋﻴﻮﻧﻲ ﻓﻴﻬﻮ ﻭﻓﺘﺤﺖ ﺧﺸﻤﻲ ﻣﻦ ﺍﻟﻤﻔﺎﺟﺂﺓ !!
ﻗﺎﻝ ﻟﻲ ﻣﺎ ﺣﺘﻘﻮﻟﻲ ﻟﻲ ﺍﺗﻔﻀﻞ؟؟؟
ﻗﺒﻞ ﻣﺎ ﺃﺭﺩ ﺧﺎﻟﺪ ﺟﺎ ﻭﻛﺎﻥ ﺑﺴﺄﻟﻨﻲ ﻣﻨﻮ ﺍﻟﻠﻔﻲ ﺍﻟﺒﺎﺏ ... ﻭﻗﺖ ﺷﺎﻑ ﺷﺎﻫﻴﻦ ﺳﻠﻢ ﻋﻠﻴﻬﻮ ﻭﻓﻀﻠﻮ ...
ﺧﺎﻟﺪ ﺧﺘﻪ ﺍﻧﻮ ﺷﺎﻫﻴﻦ ﺑﻜﻮﻥ ﻣﻦ ﻣﻌﺎﺭﻓﻨﺎ ﻭﻛﺪﻩ ... ﻳﻌﻨﻲ ﻣﺎ ﺃﺳﺘﻐﺮﺏ ﺍﻟﺰﻳﺎﺭﺓ ...
..
ﻣﺸﻴﺖ ﺍﻟﻤﻄﺒﺦ ﻭﺍﻧﺎ ﺑﺮﺟﻒ .. ﺻﺒﺎ ﻛﺎﻧﺖ ﺑﺘﻌﺎﻳﻦ ﻟﻲ ﺑﻲ ﺷﻚ ﺑﺲ ﻧﻬﺎﺋﻲ ﻣﺎ ﺃﺩﻳﺘﻬﺎ ﻓﺮﺻﻪ ﺗﺴﺄﻝ ...
ﺟﺒﺖ ﻟﻴﻬﻢ ﺍﻟﻌﺼﻴﺮ ﻭﺧﺘﻴﺘﻮ ﻗﺪﺍﻣﻬﻢ ... ﺑﻌﺪ ﻟﺤﻈﺔ ﺻﻤﺖ ﺍﺗﻜﻠﻢ : ﻃﺒﻌﺂ ﻳﺎ ﺃﺥ ﺧﺎﻟﺪ ﺍﻧﺖ ﻣﺎ ﺑﺘﻌﺮﻓﻨﻲ ... ﻭﺍﻧﺎ ﻛﻤﺎﻥ ﻣﺎ ﺑﻌﺮﻓﻚ
ﺧﺎﻟﺪ : ﻓﻌﻶ ﻭﺍﻟﻠﻪ .. ﺍﻟﻈﺮﻭﻑ ﺑﺘﺤﻜﻢ ﺑﻲ ﻛﺪﻩ .. ﺍﻧﺎ ﺯﺍﺗﻲ ﻣﺎ ﺑﻌﺮﻑ ﻻ ﺃﻫﻞ ﺃﻣﻲ ﻭﻻ ﺃﻫﻞ ﺍﻣﻲ .. ﺍﻧﺖ ﺗﺒﻊ ﻳﺎﺗﻢ ﻫﻬﻬﻬﻪ
ﺷﺎﻫﻴﻦ ﻣﺎ ﻓﻬﻢ ﺧﺎﻟﺪ ﻟﻜﻦ ﺍﻧﺎ ﻓﻬﻤﺘﻮ ... ﻋﺸﺎﻥ ﻛﺪﻩ ﻭﺍﺻﻞ : ﻋﺎﻭﺯ ﺃﻃﻠﺐ ﻳﺪ ﺟﻮﺭﻱ ﻟﻨﻔﺴﻲ .. ﻭﻉ ﺣﺴﺐ ﻋﻤﺮﻱ ﻣﺎ ﻋﻨﺪﻱ ﻭﻟﻲ ﻏﻴﺮ ﻧﻔﺴﻲ ﻭﺑﺘﻲ ﺯﻳﻨﺔ
ﺧﺎﻟﺪ ﺷﻬﻖ ﻟﻤﻦ ﺳﻤﻊ ﻭﻗﺎﻝ : ﺷﻨﻮ !!!!
.
. ﺷﺎﻫﻴﻦ : ﻋﻠﻲ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﻭﺑﺘﻤﻨﻲ ﺗﻮﺍﻓﻘﻮ ..
ﺧﺎﻟﺪ : ﻭﺍﻟﻠﻪ ﻓﺎﺟﺄﺗﻨﻲ .. ﺍﻧﺎ ﻡ ﺑﻌﺮﻓﻚ .. ﻭﻡ ﺑﻌﺮﻑ ﻋﺮﻓﺖ ﺍﺧﺘﻲ ﻛﻴﻒ !! ﻭﺣﻜﺎﻳﻪ ﺍﻟﺒﺖ ﻡ ﺍﻇﻦ ﺍﻧﻮ ﺟﻮﺭﻱ ﺗﻮﺍﻑ ....
ﻗﺎﻃﻌﺘﻮ ﺑﻜﻠﻤﻪ ﻡ ﻛﻨﺖ ﻣﺘﻮﻗﻌﺎﻫﺎ ﺗﻄﻠﻊ ﻣﻦ ﻟﺴﺎﻧﻲ ... ﺍﻧﺎ ﻣﻮﺍﻓﻘﻪ
ﺧﺎﻟﺪ ﻋﺎﻳﻦ ﻟﻲ ﻭﻫﻮ ﺑﻬﺰ ﺭﺍﺳﻮ ..
ﻗﻠﺖ ﻟﻴﻬﻮ ﺍﻧﺎ ﻋﻤﺮﻱ 21 ﺳﻨﻪ .. ﻭﺍﻛﻴﺪ ﻋﺎﺭﻓﻪ ﻣﺼﻠﺤﺘﻲ ﻱ ﺧﺎﻟﺪ ..
ﻗﻠﺖ ﻟﻴﻬﻮ ﺑﻌﺪ ﺷﻔﺘﻪ ﻧﻈﺮﺓ ﺍﻻﺳﺘﻐﺮﺍﺏ ﻓﻲ ﻋﻴﻮﻧﻮ : ﻋﺸﺎﻥ ﺍﻛﻮﻥ ﺻﺮﻳﺤﻪ ﻣﻌﺎﻙ ﺍﻧﺎ ﻗﺎﺑﻠﺘﻪ ﺷﺎﻫﻴﻦ ﻓﻲ ﺻﻒ ﺍﻟﺒﻨﺰﻳﻦ .. ﻛﺘﺮ ﺧﻴﺮﻭ ﻭﺻﻠﻨﺎ ﺍﻧﺎ ﻭﻣﻨﻲ ﺻﺤﺒﺘﻲ ..
ﺑﺲ ﻭﻧﺤﻦ ﻑ ﺍﻟﻄﺮﻳﻖ ﻛﻠﻤﻮﻫﻮ ﺍﻧﻮ ﺑﺘﻮ ﻭﻗﻌﺖ ﻣﻦ ﺍﻟﺴﻄﻮﺡ .. ﻭﺍﻧﺎ ﻣﺸﻴﺖ ﻣﻌﺎﻭ ﺍﻟﻤﺴﺘﺸﻔﻲ ﻋﺸﺎﻥ ﺍﻃﻤﻦ ﻋﻠﻴﻬﺎ ..
ﻭﻳﺎﻫﻮ ﺍﺗﻌﻠﻘﺖ ﺑﻲ ﻭﺍﺗﻌﻠﻘﺖ ﺑﻴﻬﺎ ...
ﺧﺎﻟﺪ ﻗﺎﻝ ﻟﻲ ﻋﺎﻭﺯﻙ ﺟﻮﻩ .. ﻭﻗﺎﻝ ﻟﻲ ﺷﺎﻫﻴﻦ ﻋﻦ ﺍﺯﻧﻚ
****
ﺍﺗﻨﺎﻗﺸﻨﺎ ﻛﺘﻴﻴﻴﻴﻴﻴﺮ ﻭﻛﺎﻥ ﺧﺎﻟﺪ ﻣﺼﺮ ﺍﻧﻲ ﻭﺍﻓﻘﺘﻪ ﻉ ﺍﻟﺰﻭﺍﺝ ﻻﻧﻮ ﻳﻤﺎﻥ ﺧﺬﻟﻨﻲ ﻣﺮﺓ ﺗﺎﻧﻴﻪ
ﻗﻠﺖ ﻟﻴﻬﻮ ﺍﻧﺎ ﺍﺳﺘﺨﺮﺗﻪ ﻓﻲ ﻣﻮﺿﻮﻉ ﻳﻤﺎﻥ ﻭﺭﺑﻨﺎ ﺍﺑﻌﺪﻭ ﻣﻦ ﻃﺮﻳﻘﻲ ﻭﺭﺳﻞ ﻟﻲ ﺷﺎﻫﻴﻦ ﺑﺪﻟﻮ .. ﻋﺸﺎﻥ ﻛﺪﻩ ﺍﻧﺎ ﻭﺍﻓﻘﺘﻪ ..
ﻭﺍﺻﻠﺘﻪ : ﻱ ﺧﺎﻟﺪ .. ﺷﺎﻫﻴﻦ ﺣﻴﺸﻴﻠﻨﻲ ﻓﻲ ﻋﻴﻮﻧﻮ ﺍﻧﺎ ﻣﺘﺄﻛﺪﻩ
ﺧﺎﻟﺪ : ﺑﺲ ﺷﺎﻳﻔﻪ ﻓﺎﺭﻕ ﺍﻟﻌﻤﺮ ﻱ ﺟﻮﺭﻱ
ﻗﻠﺖ ﻟﻴﻬﻮ ﻭﻫﻮ ﺍﻟﺼﻐﺎﺭ ﻋﻤﻠﻮ ﺷﻨﻮ !!! ﻭﻟﻘﻴﻨﺎ ﻣﻨﻬﻢ ﺷﻨﻮ ﻏﻴﺮ ﺍﻟﺨﺬﻻﻥ !!!
ﺳﻜﺖ ﺳﺎﻱ ..
ﻗﻠﺖ ﻟﻴﻬﻮ ﺑﻌﺪﻳﻦ ﺍﻧﺖ ﺍﺳﺄﻝ ﻣﻨﻮ ﻛﻮﻳﺲ ﺑﻌﺪﻳﻦ ﺍﺩﻳﻬﻮ ﺭﺍﺋﻴﻚ ...
ﻗﺎﻝ ﻟﻲ ﺭﺑﻨﺎ ﻳﺴﻬﻞ ..
*
ﺑﻌﺪ ﺷﻬﺮ ﻣﻦ ﺍﻟﻜﻼﻡ ﺩﻩ ﻛﻨﺖ ﻣﺎﺳﻜﻪ ﻳﺪ ﺷﺎﻫﻴﻦ ﺯﻭﺟﻲ ﻭﺍﻧﺎ ﻻﺑﺴﻪ ﺃﺣﻠﻲ ﺯﻓﺎﻑ .. ﻭﻛﻨﺖ ﺃﺣﻠﻲ ﻋﺮﻭﺱ ﻓﻴﻚ ﻳﺎ ﺍﻟﻘﻀﺎﺭﻑ ...
ﺳﺎﻓﺮﻧﺎ ﺑﻮﺭﺗﺴﻮﺩﺍﻥ ﺍﺳﺒﻮﻉ ﻛﺎﻣﻞ .. ﻣﺎ ﻣﺸﻴﻨﺎ ﺑﻌﻴﺪ ﻋﺸﺎﻥ ﺯﻳﻨﺔ ﻭﻛﺪﻩ .. ﺧﻠﻴﻨﺎﻫﺎ ﻣﻊ ﻧﺎﺱ ﺧﺎﻟﺪ ﻋﺸﺎﻥ ﺷﻮﻳﻪ ﺍﺗﺠﺎﻭﺑﺖ ﻣﻊ ﺟﻮﺩ ﻭﺟﻤﺎﻥ ..
ﻓﻲ ﻏﺮﻓﺘﻨﺎ ﺑﻌﺪ ﺻﻠﻴﻨﺎ ﻭﻗﺮﻳﻨﺎ ﻭﺭﺩ ﻣﻦ ﺍﻟﻘﺮﺁﻥ .... ﺷﺎﻫﻴﻦ ﻗﺎﻝ ﻟﻲ ﺃﻋﻔﻰ ﻟﻲ
- ﺍﻋﻔﻰ ﻟﻴﻚ !!! ؟ ﺍﻋﻔﻰ ﻟﻴﻚ ﺷﻨﻮ ﻳﻌﻨﻰ !! ؟
ﻃﻠﻊ ﺍﻟﻘﻤﻴﺺ ﺍﻟﻼﺑﺴﻮ ﻭﺍﺗﻔﺎﺟﺄﺕ ﺑﺎﻟﺸﻔﺘﻮ !!!...
ﺟﺴﻤﻮ ﻛﺎﻥ ﻓﻴﻬﻮ ﺃﺛﺮ ﺣﺮﻳﻖ ﻗﺪﻳﻢ ﻓﻲ ﻣﻨﻄﻘﺔ ﺻﺪﺭﻭ ...
ﻗﻠﺖ ﻟﻴﻬﻮ ﻻ ﺣﻮﻻ ﻭﻻ ﻗﻮﺓ ﺇﻻ ﺑﺎﻟﻠﻪ !!
- ﺍﻧﺎ ﺃﺳﻒ ﻳﺎ ﺟﻮﺭﻯ ... ﻣﻔﺘﺮﺽ ﻛﺎﻥ ﺍﻛﻠﻤﻚ ﺑﻤﻮﺿﻮﻉ ﺍﻟﺤﺮﻳﻖ ﺩﻩ ..
ﻗﻠﺖ ﻟﻴﻬﻮ ﻻﻻﻻ ﻣﺎ ﻛﺪﻩ .. ﺍﻧﺎ ﻣﺎ ﻋﻨﺪﻱ ﻣﺸﻜﻠﻪ ﻭﺍﻟﻠﻪ ... ﻛﻞ ﺍﻟﺤﻜﺎﻳﻪ ﺍﻧﻮ ﺣﺮﻳﻖ ﺯﻱ ﺩﻩ ﻛﺎﻥ ﻣﻤﻜﻦ ﻳﻘﺘﻠﻚ ﻟﻮ ﻣﺎ ﺭﺑﻨﺎ ﺳﺘﺮ !!
- ﺍﻟﺤﻤﺪ ﻟﻠﻪ ﺟﺎﺕ ﺳﻠﻴﻤﻪ ..
ﺍﺑﺘﺴﻤﺖ ﻭﻗﻠﺖ ﻟﻴﻬﻮ : ﺍﻧﺎ ﻭﻗﺖ ﻭﺍﻓﻘﺖ ﻋﻠﻴﻚ ﻣﺎ ﻭﺍﻓﻘﺖ ﻋﺸﺎﻥ ﺷﻜﻠﻚ .. ﻭﺍﻓﻘﺖ ﻷﻧﻲ ﻣﺘﺄﻛﺪﻩ ﺍﻧﻚ ﺣﺘﻤﻨﺤﻨﻰ ﺍﻟﺴﻌﺎﺩﻩ ﺍﻷﻧﺎ ﻋﺎﻳﺰﺍﻫﺎ ..
ﺣﻀﻨﻲ ﻭﺑﺎﺱ ﺭﺍﺳﻲ ﻭﻗﺎﻝ ﻳﺨﻠﻴﻚ ﻟﻲ ﺭﺑﻨﺎﺍ
ﻭﺑﻌﺪﻫﺎ ﺣﺼﻞ ﺍﻟﺤﺼﻞ . ...
*
ﻗﻀﻴﻨﺎ ﺍﻳﺎﻡ ﺣﻠﻮﺓ ﻓﻲ ﺑﻮﺭﺗﺴﻮﺩﺍﻥ ... ﻭﺧﻞﺍﺹ ﺣﺎﻥ ﻭﻗﺖ ﺍﻟﺮﺟﻮﻉ .
ﻭﻗﺖ ﻭﺻﻠﻨﺎ ﺍﻟﻘﻀﺎﺭﻑ ﻧﺰﻟﻨﺎ ﻓﻲ ﺷﻘﻪ .. ﻭﻷﻧﻮ ﺷﺎﻫﻴﻦ ﻋﻨﺪﻭ ﺷﻐﻞ ﻓﻲ ﺍﻟﺸﺮﻛﻪ ﺗﻤﻴﻨﺎ ﻓﻴﻬﺎ ﺯﻱ ﺃﺳﺒﻮﻉ ﻛﺪﻩ ....
****
ﺍﻟﻤﺴﺎﺀ ﻣﺸﻴﻨﺎ ﺑﻴﺘﻨﺎ ﻋﺸﺎﻥ ﻧﺠﻴﺐ ﺯﻳﻨﺔ ..
ﺍﺗﻌﺸﻴﻨﺎ ﻣﻌﺎﻫﻢ ﻭﺍﺻﻶ ﺯﻳﻨﺔ ﻭﺟﻤﺎﻥ ﻛﺎﻧﻮ ﻧﺎﻳﻤﺎﺕ ..
ﺍﻧﺎ ﺷﻠﺖ ﺷﻨﻄﺔ ﻫﺪﻭﻣﻬﺎ ﻭﺷﺎﻫﻴﻦ ﺷﺎﻟﻬﺎ ﻭﻣﺸﻴﻨﺎ ﺍﻟﺒﻴﺖ ..
ﺍﺳﺘﻘﺒﻠﻮﻧﺎ ﻋﻢ ﺻﺎﻟﺢ ﺍﻟﺠﻨﺎﻳﻨﻲ ﺍﻟﻜﺎﻥ ﻻﻗﻴﻨﺎﻫﻮ ﻓﻲ ﺍﻟﻤﺴﺘﺸﻔﻲ ... ﻭﺍﺳﺖﻗﺒﻠﺘﻨﺎ ﻣﻌﺎﻭ ﺗﻨﻮﻳﺮ ﻛﻤﺎﻥ ..
ﻭﺩﻳﻨﺎ ﺯﻳﻨﺔ ﻏﺮﻓﺘﻬﺎ ﻭﺷﺎﻫﻴﻦ ﺭﺟﻊ ﺍﻟﺸﻘﻪ ﻳﺠﻴﺐ ﻟﻴﻨﺎ ﺑﺎﻗﻲ ﺣﺎﺟﺘﻨﺎ ...
ﺍﻣﺎ ﺍﻧﺎ ﺍﺧﺪﺕ ﺣﻤﺎﻡ ﻭﻧﻤﺖ ﻃﻮﺍﻟﻲ
ﺍﻟﺼﻒ ﻳﻼ
#ﺻﻠﻮ_ﻋﻠﻲ_ﻣﺤﻤﺪ
أنت تقرأ
صف البنزين
Romanceﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ) C6H6 ( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎ...
