ﺍﺗﻮﺍﻟﺖ ﺍﺗﺼﺎﻻﺗﻨﺎ ... ﺍﺗﺺﺍﻻﺕ ﻋﺎﺩﻳﻪ ﻣﺪﺗﻬﺎ ﺩﻗﻴﻘﻪ ﻭ 34 ﺛﺎﻧﻴﻪ ﺑﺲ ...
ﻛﺎﻥ ﺑﺴﺄﻟﻨﻲ ﻣﻦ ﺃﺣﻮﺍﻟﻲ ﻭﻛﺪﻩ ... ﻭﻧﻬﺎﺋﻲ ﻣﺎ ﻛﺎﻥ ﺑﺠﻴﺐ ﻟﻲ ﺳﻴﺮﺓ ﻋﻦ ﺇﺭﺗﺒﺎﻃﻲ ﺑﻲ ﺷﺎﻫﻴﻦ ..
ﻭﻛﺎﻥ ﺑﺎﻟﻤﻘﺎﺑﻞ ﺷﺎﻫﻴﻦ ﻣﺎ ﺷﻐﺎﻝ ﺑﻲ ﺍﻟﺸﻐﻠﻪ .. ﻋﺎﺩﻱ ﻣﻤﻜﻦ ﻳﻤﺮ ﻳﻮﻡ ﻛﺎﻣﻞ ﻣﺎ ﺍﺳﻤﻊ ﺻﻮﺗﻮ ... ﻭﻟﻤﻦ ﻳﺘﺼﻞ ﻋﻠﻲ ﺑﺘﻠﻜﻢ ﻣﻌﺎﻱ ﻛﻼﻡ ﻋﺎﺩﻱ ﻭﻏﺎﻟﺒﺎ ﺍﻟﻤﻜﺎﻟﻤﻪ ﺑﺘﻨﺘﻬﻲ ﺑﻲ : ﻛﺪﻱ ﺍﻗﻔﻠﻲ ﺍﺳﻲ ﺑﺮﺟﻊ ﻟﻴﻚ ... ﻭﺑﻲ ﻭﺷﻮ
ﻣﺎ ﻛﻨﺖ ﺯﻋﻼﻧﻪ ﻣﻦ ﺇﻫﻤﺎﻝ ﺷﺎﻫﻴﻦ ﻟﻲ ... ﻷﻧﻮ ﺍﻫﺘﻤﺎﻡ ﻳﻤﺎﻥ ﻏﻄﻰ ﺍﻷﻫﻤﺎﻝ ﺩﻩ
ﺍﻭ ﻳﻤﻜﻦ ﻷﻧﻮ ﺍﻧﺎ ﻣﺎ ﺑﺤﺐ ﺷﺎﻫﻴﻦ ... ﻋﺸﺎﻥ ﻛﺪﻩ ﺇﻫﻤﺎﻟﻮ ﻟﻲ ﻣﺎ ﻓﺮﻕ ﻣﻌﺎﻱ . ..
*
ﻧﻬﺎﻳﺔ ﺍﻻﺳﺒﻮﻉ ﺳﺠﻠﺖ ﺧﺮﻭﺝ ﻗﻠﺖ ﺍﻣﺶ ﺑﻌﺪ ﺍﻟﻤﺤﺎﺿﺮﺍﺕ ﻟﻲ ﻧﺎﺱ ﺧﺎﻟﺘﻲ .... ﺑﻌﺪ ﻛﻤﻠﺖ ﻗﻌﺪﺕ ﻣﻊ ﺻﺤﺒﺎﺗﻲ ﺷﻮﻳﻪ ﻭﻣﻊ ﻃﻠﻌﺘﻲ ﻋﺮﺑﻴﺔ ﻳﻤﺎﻥ ﻭﻗﻔﺖ ﻗﺪﺍﻣﻲ ...
ﻧﺰﻝ ﻭﺳﻠﻢ ﻋﻠﻲ ﻭﻛﺎﻥ ﺑﺴﺄﻟﻨﻲ ﻣﻦ ﺃﺣﻮﺍﻟﻲ ﻭﻛﺪﻩ ... ﻓﻲ ﺍﻵﺧﻴﺮ ﻗﺎﻝ ﻟﻲ ﺍﺭﻛﺒﻲ ﺍﻭﺻﻠﻚ ..
ﺭﻛﺒﺖ ﻣﻌﺎﻭ ﻭﻛﺎﻥ ﻣﺸﻐﻞ ﺃﻏﺎﻧﻲ ﻃﻮﻝ ﺍﻟﻄﺮﻳﻖ ... ﻗﻠﺖ ﻟﻴﻬﻮ ﻣﺎﺷﻪ ﻥ ....
ﻗﺎﻃﻌﻨﻲ : ﺑﻴﺖ ﻧﺎﺱ ﻣﻬﺎﺏ ... ﺍﻱ ﻋﺎﺭﻓﻮ
ﺍﺣﺘﺮﺕ ﻃﺒﻌﺎ ﻋﺮﻑ ﻣﻦ ﻭﻳﻦ ... ﻭﻫﻮ ﻋﺮﻓﻨﻲ ﺍﺣﺘﺮﺕ ﻭﻣﺎ ﻛﻠﻒ ﻧﻔﺴﻮ ﻳﻘﻮﻝ ﻟﻲ ﻭﺍﻛﺘﻔﻰ ﺑﻲ ﻣﻮﺍﺻﻠﺔ ﺍﻻﻏﻨﻴﻪ ﻣﻊ ﺍﺣﻤﺪ ﺍﻟﺼﺎﺩﻕ : ﻟﻮ ﺟﺎﻓﻴﺘﻨﻲ ﻭﻏﻴﺎﺑﻚ ﻃﻮﻭﻭﻭﻝ ... ﺑﺮﺿﻮ ﺍﻻﻭﻭﻭﻝ ... ﻳﺎ ﺣﺒﻴﺒﻲ ﺍﻧﺎﺍ .. ﻣﺎ ﺑﺘﺘﺤﻮﻝ ﻣﻦ ﻗﻠﺒﻲ ﻫﻨﺎﺍ
ﻭﺻﻠﻨﺎ ﺍﻟﺒﻴﺖ ﻭﻗﺪﺭ ﻣﺎ ﺩﻗﻴﺖ ﻣﺎﻑ ﺯﻭﻝ ﻓﺘﺢ ... ﺍﺗﺼﻠﺖ ﻋﻠﻲ ﻣﻬﺎ ﻗﺎﻟﺖ ﻟﻲ ﻃﻠﻌﻮ ﺯﻳﺎﺭﺓ ﻟﻲ ﺃﻫﻞ ﺍﺑﻮﻫﺎ ﻭﻟﻠﻤﻐﺮﺏ ﻛﺪﻩ ﺑﺠﻮ .. ﻋﺮﺿﺖ ﻋﻠﻲ ﺍﻣﺸﻲ ﺑﻴﺖ ﺟﻴﺮﺍﻧﻬﻢ ﻟﻐﺎﻳﺔ ﻳﺠﻮ ﺑﺲ ﺍﻧﺎ ﻗﻠﺖ ﻟﻴﻬﺎ ﺑﺘﺼﺮﻑ
ﻓﻜﺮﺕ ﺍﺭﺟﻊ ﺍﻟﺪﺍﺧﻠﻴﻪ ﻭﻟﺤﺴﻦ ﺣﻈﻲ ﻳﻤﺎﻥ ﻛﺎﻥ ﻭﺍﻗﻒ ... ﻓﺎﺍ ﺗﺎﻧﻲ ﺭﻛﺒﺖ ﻭﺍﺗﺤﺮﻛﻨﺎ ...
ﺍﻟﺰﻣﻦ ﻛﺎﻥ ﺍﻟﻌﺼﺮﻳﻪ ﻛﺪﻩ .. ﻗﺎﻝ ﻟﻲ ﺭﺃﻳﻚ ﺷﻨﻮ ﻧﻤﺸﻮ ﺷﺎﺭﻉ ﺍﻟﻨﻴﻞ ؟؟؟؟
ﺳﻜﺖ ﻣﺴﺴﺴﺴﺎﻓﻪ .. ﺍﻟﺼﺮﺍﺣﻪ ﻛﺪﻩ ﺧﺘﻴﺖ ﻟﻲ ﻛﻼﻡ ﻣﻨﻲ ﺃﻟﻒ ﺇﻋﺘﺒﺎﺭ ...
ﻗﺎﻝ ﻟﻲ ﺑﻼﻫﺎ ﻟﻮ ﻣﺎ ﻣﺎﺷﻪ ..
ﻗﻠﺖ ﻟﻴﻬﻮ ﻻﻻﻻ ﻣﺎ ﻛﺪﻩ ... ﺑﺲ ﻣﺎ ﺣﺒﻴﺖ ﺃﻋﻄﻠﻚ ..
ﻗﺎﻝ ﻟﻲ ﻣﺎﻑ ﺍﻱ ﻋﻄﻞ ... ﺑﺲ ﻻﺯﻡ ﺍﺩﺧﻞ ﺍﻟﺴﻮﻕ ﺍﻭﻝ ... ﻣﺸﻴﻨﺎ ﺍﻟﺴﻮﻕ ﻭﻧﺰﻝ ﺇﺷﺘﺮﻱ ﻛﻢ ﺣﺎﺟﻪ ﻛﺪﻩ ... ﻭﺩﺧﻞ ﺍﻟﺴﻮﺑﺮ ﻣﺎﺭﻛﺖ ﺍﺷﺘﺮﻱ ﻟﻴﻬﻮ ﻛﻢ ﻏﺮﺽ ...
ﻭﺍﺗﺤﺮﻛﻨﺎ ... ﺍﻟﻤﻎﺭﺏ ﻗﺮﺏ ﻳﺄﺫﻥ ﻭﺍﻧﺎ ﺍﻟﻤﺸﻴﻪ ﺃﺑﻴﺘﻬﺎ ﻛﻠﻮ ﻛﻠﻮ ... ﻗﻠﺖ ﻟﻴﻬﻮ ﻭﺩﻳﻨﻲ ﻧﺎﺱ ﺧﺎﻟﺘﻲ ﻭﺧﻠﻴﻬﻮ ﺷﺎﺭﻉ ﺍﻟﻨﻴﻞ ﻣﺮﻩ ﺗﺎﻧﻴﻪ ..
ﻗﺎﻝ ﻟﻲ ﺍﻧﺘﻲ ﺧﺎﻳﻔﻪ ﻣﻨﻲ ﻭﻻ ﺣﺎﺟﻪ ! ؟؟؟
ﻗﻠﺖ ﻟﻴﻬﻮ ﺍﻧﺎ ﻣﺎ ﺑﺨﺎﻑ ﺇﻻ ﻣﻦ ﺭﺑﻲ .
ﻗﺎﻝ ﻟﻲ ﺍﻧﺎ ﺯﺍﺗﻲ ﻣﺎ ﺑﺨﺎﻑ ﺇﻻ ﻣﻦ ﺭﺑﻲ . . ﻋﺸﺎﻥ ﻛﺪﻩ ﺧﻠﻴﻚ ﺳﺎﻛﺘﻪ
ﻭﺻﻠﻨﺎ
ﻭﻛﺎﻥ ﻓﻲ ﻋﺒﺎﺭﺍﺕ ﺟﻤﺐ ﺍﻟﺸﺎﻃﺊ ... ﺷﻴﻠﻨﻲ ﻛﻴﺴﻴﻦ ﻭﻫﻮ ﺷﺎﻝ ﺍﻟﺒﺎﻗﻲ ﻭﻗﺎﻝ ﻟﻲ ﻭﺭﺍﻱ
ﻣﺸﻴﻨﺎ ﺭﻛﺒﻨﺎ ﻓﻲ ﻭﺍﺣﺪﻩ ﻣﻦ ﺍﻟﻌﺒﺎﺭﺍﺕ ... ﻛﺎﻥ ﻓﻲ ﻭﻟﺪ ﺍﻇﻦ ﺑﻨﻀﻒ ﻓﻴﻬﺎ .. ﻭﻗﺖ ﺷﺎﻓﻨﺎ ﺟﺎ ﺷﺎﻝ ﺍﻻﻛﻴﺎﺱ ﻣﻨﻲ ﺩﺧﻠﻬﻢ ﺟﻮﻩ ﻭﺟﺎ ﻃﺎﻟﻊ .. ﺍﺑﺘﺴﻢ ﻟﻴﻨﺎ ﻭﻣﺸﻰ
ﻗﻠﺖ ﻟﻴﻬﻮ ﻣﻤﻜﻦ ﺍﻓﻬﻢ ﺍﻟﺤﺎﺻﻞ ﺷﻨﻮ؟؟؟
ﻗﺎﻝ ﻟﻲ ﻭﻻ ﺷﺊ ... ﺑﺲ ﻋﺎﺯﻣﻚ ﻋﺸﺎﺀ
ﻗﻠﺖ ﻟﻴﻬﻮ ﺑﺲ ﺩﻩ ﻣﺎ ﻣﻄﻌﻢ ...
ﺿﺤﻚ ﻭﻗﺎﻝ ﻟﻲ :.. ﻋﺎﺯﻣﻚ ﻋﺸﺎﺀ ﻣﻦ ﻳﺪﻳﻨﻲ
ﻃﻮﺍﻟﻲ ﺿﺤﻜﺖ ﻷﻧﻮ ﻫﻮ ﻣﺎ ﺑﻌﺮﻑ ﻳﺴﻠﻖ ﺑﻴﻀﻪ ... ﻗﺎﻝ ﻟﻲ ﻋﺎﺭﻓﻚ ﺿﺤﻜﺘﻲ ﻟﻴﻲ ... ﻭﺍﻧﺎ ﻣﺎ ﺣﺄﺭﺩ ﻟﻴﻚ ﺇﻻ ﺑﻌﺪ ﺗﻀﻮﻗﻴﻬﻮ
ﻗﻠﺖ ﻟﻴﻬﻮ ﺍﻫﺎ ﻋﺸﺎﻙ ﺷﻨﻮ ﻃﻴﺐ؟؟
ﻗﺎﻝ ﻟﻲ ﺍﻧﺪﻭﻣﻲ
ﺿﺤﻜﺖ ﻭﻗﻠﺖ ﻟﻴﻬﻮ ﻃﻴﺐ
ﺍﻟﻴﺨﺖ ﻣﻦ ﺟﻮﻩ ﺟﻤﻴﻞ ﻭﻣﺮﺗﺐ ... ﻓﻲ ﻃﺎﻭﻟﺔ ﻋﺸﺎﺀ ﻓﻴﻬﺎ ﻛﺮﺳﻴﻴﻦ ﻣﻄﻼﺕ ﻉ ﺍﻟﻨﻴﻞ ... ﺍﻣﺎ ﺟﻮﻩ ﻓﻲ ﻣﻄﺒﺦ ﺻﻐﻨﻮﻥ ﻭﺷﻜﻞ ﻏﺮﻓﺔ ﺟﻠﻮﺱ ﻛﺪﻩ ﻓﻲ ﻛﻨﺒﻪ ﻭﻛﺮﺳﻴﻴﻦ ..
ﻃﻠﻌﻨﺎ ﺍﻟﺤﺎﺟﺎﺕ ﻣﻦ ﺍﻻﻛﻴﺎﺱ .. ﻭﻛﺎﻥ ﻋﺒﺎﺭﺓ ﻋﻦ ﺳﻤﻚ ﻭﺳﻠﻄﻪ ﻭ ﺑﻄﺎﻃﺲ
ﻗﺎﻝ ﻟﻲ ﺍﻧﺘﻲ ﻗﻄﻌﻲ ﺍﻟﺴﻠﻄﻪ ﻭﺍﻟﺒﻄﺎﻃﺲ ﻗﻄﻌﻴﻬﻮ ﻟﻲ ﺷﺮﺍﻳﺢ
ﻃﻴﺐ ﺍﻧﺎ ﻛﺪﻩ ﻋﻤﻠﺖ ﻧﺺ ﺍﻷﻛﻞ !!!
ﻗﺎﻝ ﻟﻲ ﺳﺮﻋﻪ ﺳﺮﻋﻪ ﻋﺸﺎﻥ ﻣﺎ ﺗﺘﺄﺧﺮﻱ
ﻧﻀﻔﺖ ﺍﻟﺴﻠﻄﻪ ﻭﻗﻄﻌﺖ ﻟﻴﻬﻮ ﺍﻟﺒﻄﺎﻃﺲ ﻭﻫﻮ ﻟﺴﻊ ﺑﻘﺸﺮ ﻓﻲ ﺍﻟﺘﻮﻡ
ﺑﻌﺪ ﺗﻤﻴﺖ ﻣﺴﻜﺖ ﻣﻨﻮ ﺍﻟﺘﻮﻡ ﻭﻫﻮ ﻗﻄﻊ ﺍﻟﺴﻤﻚ ﺷﺮﺍﺋﺢ ... ﺑﻌﺪﻫﺎ ﺗﺒﻠﻨﺎﻫﻮ ..
ﺍﺧﺪ ﺭﺑﻊ ﺳﺎﻋﻪ ﻛﺪﻩ ﺧﺘﻴﺖ ﺍﻟﻄﻮﺓ ﻓﻲ ﺍﻟﻨﺎﺭ ﻭﻛﺒﻴﺖ ﺍﻟﺰﻳﺖ ...
ﻗﺎﻝ ﻟﻲ ﺑﻌﺪ ﺩﻩ ﺍﻟﺘﺤﻤﻴﺮ ﺣﻘﻲ ﺍﻧﺎ .. ﺍﻧﺘﻲ ﺟﻬﺰﻱ ﺍﻟﺴﻔﺮﺓ
ﻭﻗﺖ ﻃﻠﻌﺖ ﺑﺮﻩ ﻟﻘﻴﺖ ﺍﻟﻤﻐﺮﺏ ﻟﻤﻦ ﻣﺸﻰ .. ﺟﻬﺰﺕ ﺍﻟﻄﺎﻭﻟﻪ ﻭﺧﺘﻴﺖ ﺻﺤﻨﻴﻦ ...
ﻭﺟﺒﺖ ﺻﺤﻦ ﺍﻟﺴﻠﻄﻪ ﻭﺍﻟﺒﻄﺎﻃﺲ ﻭﺟﺒﺖ ﻣﺸﺮﻭﺑﺎﺕ ﻏﺎﺯﻳﺔ ..
ﺑﻌﺪ ﺷﻮﻳﻪ ﺟﺎ ﺟﺎﻳﺐ ﺍﻟﺴﻤﻚ .. ﻛﺎﻥ ﺍﺳﻮﺩ ﻏﺎﻳﺘﻮ ﺍﻇﻦ ﺣﺮﻗﻮ ﺍﻟﺨﺎﻳﺐ
ﺍﺗﻌﺸﻴﻨﺎ ﻭﻛﻨﺎ ﻣﺒﺴﻮﻃﻴﻦ ... ﻟﻐﺎﻳﺔ ﺣﺼﻠﺖ ﺍﻟﻜﺎﺭﺛﻪ
#ﺻﻠﻮ_ﻋﻠﻲ_ﻣﺤﻤﺪ
أنت تقرأ
صف البنزين
Romanceﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ) C6H6 ( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎ...
