ﺍﻟﺘﻔﺖ ﺑﺴﺮﻋﻪ ﻭﻟﻄﺸﺘﻮ ﻛﻒ !
ﻗﻠﺖ ﻟﻴﻬﻮ ﻛﻴﻒ ﺑﺘﺘﺠﺮﺃ ﻳﺎ ﻳﻤﺎﻥ ﺗﺪﺧﻞ ﻏﺮﻓﺘﻲ ﻭﺗﻌﻤﻞ ﻛﺪﻩ !
ﺍﺗﻔﺎﺟﺄﺕ ﻟﻤﻦ ﺷﻔﺖ ﺩﻣﻮﻋﻮ ... ﻭﻋﻴﻮﻧﻮ ﺣﻤﻤﻤﻤﻤﻤﻤﺮ ...
ﺍﻧﺎ ﻛﻤﺎﻥ ﺩﻣﻮﻋﻲ ﻧﺰﻟﻮ ... ﻗﻠﺖ ﻟﻴﻬﻮ ﺍﻃﻠﻊ ﺑﺮﻩ !
ﻋﺎﻳﻦ ﻟﻲ ﻣﺴﺴﺴﺎﻓﻪ ﺟﻮﺓ ﻋﻴﻮﻧﻲ .. ﻭﻗﺮﺏ ﻳﻔﻀﺤﻨﻲ ﺑﻨﻈﺮﺍﺗﻮ ﺑﺲ ﺩﻧﻘﺮﺕ ﺗﺤﺖ ﻭﻗﻠﺖ ﻟﻴﻬﻮ ﻳﻤﺎﻥ ...... ﺑﺮﻩ !
########
ﺻﻠﺤﻲ ﺗﻮﺑﻚ ﺩﻩ ﻳﺎ ﺑﺖ ﺷﻌﺮﻙ ﻛﻠﻮ ﺑﺮﻩ !
ﺑﺲ ﻣﺎﻑ ﺯﻭﻝ ﻓﻲ ﺍﻟﺸﺎﺭﻉ !!
ﺣﺪﺭ ﻟﻲ ﻣﺴﺴﺴﺎﻓﻪ ﻃﻮﺍﻟﻲ ﺻﻠﺤﺖ ﺍﻟﺘﻮﺏ ﺳﺮﻋﻪ ﺳﺮﻋﻪ ....
ﻟﻮ ﻟﺒﺴﺘﻲ ﺍﻻﺳﻜﻴﺮﺕ ﺩﺍﻙ ﺑﺤﺮﻗﻮ ﻟﻴﻚ ﻓﺎﻫﻤﻪ !!!
ﺑﺲ ﺍﻻﺳﻜﻴﺮﺕ ﻭﺍﺳﻊ ﻳﺎ ﻳﻤﺎﻥ !!
ﻱ ﺑﺖ ﺍﻧﻘﺒﻚ ﻳﻌﻨﻲ !!
ﺧﻼﺹ ﺧﻼﺹ ﻣﺎ ﺣﺄﻟﺒﺴﻮ ﺗﺎﻧﻲ ﺑﺲ ﺍﻟﻨﻘﺎﺏ ﻻ !
####
ﺍﻭﻭﻋﺎﻙ ﺛﻢ ﺍﻭﻋﺎﺍﻙ ﺗﻌﻤﻠﻲ ﺍﻟﺮﻭﺝ ﺍﻻﺣﻤﺮ ﺩﺍﻙ ﻭﺗﻄﻠﻌﻲ ﺑﻴﻬﻮ ﻓﺎﻫﻤﻪ !!!"
ﺍﺳﻲ ﺍﻟﺮﻭﺝ ﻋﻴﺒﻮ ﺷﻨﻮ ﻳﺎﺥ !
ﺑﺲ ﻛﻠﻤﺘﻚ ﻟﻮ ﺷﻔﺘﻚ ﻣﺮﻗﺘﻲ ﺑﻴﻬﻮ ﺍﻻ ﺍﻗﻄﻊ ﺷﻔﺎﻳﻔﻚ ﺑﺴﻜﻴﻨﻪ ﻣﻴﺘﻪ
###
ﻣﺮﻩ ﻗﺎﻝ ﻟﻲ ﻧﻜﺘﻪ ﻗﻮﻣﻲ ﺍﺿﺤﻜﻲ ﺑﺄﻋﻠﻲ ﺻﻮﺕ ﻋﻨﺪﻙ ﻳﺎ ﺟﻮﺭﻱ ﻭﺍﻟﻠﻪ ﻗﺮﺏ ﻳﻘﺸﻄﻨﻲ ﻛﻒ !!! ﻗﺎﻝ ﻟﻲ ﺣﺴﻚ ﻋﻴﻨﻚ ﺗﺎﻧﻲ ﺗﻀﺤﻜﻲ ﻓﻲ ﺍﻟﺸﺎﺭﻉ ﻣﻔﻬﻮﻡ !!!
ﺻﺎﺡ ﻛﺎﻥ ﺻﺎﺭﻡ ﻣﻌﺎﻱ .. ﺑﺲ ﺍﻟﺼﻔﺎﺕ ﺩﻱ ﻻﺯﻡ ﺗﺘﻮﻓﺮ ﻋﻨﺪ ﻛﻞ ﺭﺍﺟﻞ ...
... ﻣﺎ ﺗﺴﺘﻐﺮﺑﻮ .. ﻣﻦ ﺳﺎﻋﺔ ﺍﻟﺤﺼﻞ ﻭﺍﻧﺎ ﻳﻮﻣﻲ ﺫﻛﺮﻳﺎﺕ ﻳﻤﺎﻥ ﺑﺘﻄﺎﺭﺩﻧﻲ ﺯﻱ ﺍﻟﺸﺒﺢ !!!
ﺑﻘﻴﺖ ﻋﺎﻳﺸﻪ ﻣﻊ ﺷﺎﻫﻴﻦ ﺟﺴﺪ ﺑﻼ ﺭﻭﺡ ... ﻭﺩﺍﻳﻤﺎ ﺷﺎﺭﺩﻩ ..
ﻟﻐﺎﻳﺔ ﻓﻲ ﻳﻮﻡ ﻋﺮﺽ ﻋﻠﻲ ﺍﻣﺸﻲ ﺍﺗﻢ ﻳﻮﻣﻴﻦ ﻓﻲ ﺑﻴﺘﻨﺎ ...
ﺭﺣﺒﺖ ﺑﺎﻟﻔﻜﺮﺓ ﻭﻗﻠﺖ ﺍﺻﻔﻲ ﺫﻫﻨﻲ .. ﺳﻮﻗﺖ ﻣﻌﺎﻱ ﺯﻳﻨﺔ ﻷﻧﻮ ﺯﻳﻨﺔ ﺑﻘﺖ ﺟﺰﺀ ﻻ ﻳﺘﺠﺰﺀ ﻣﻦ ﺣﻴﺎﺗﻲ ...
ﻫﻨﺎﻙ ﺻﺒﺎ ﻣﺎ ﺭﻳﺤﺘﻨﻲ .. ﻭﺷﻐﺎﻟﻪ ﺗﺴﺄﻟﻨﻲ ﻟﺴﻪ ﻣﺎ ﺑﻘﻴﺘﻮ 4 ؟؟؟ ﻗﻠﺖ ﻟﻴﻬﺎ ﻟﺴﻊ ﻭﻗﻔﻠﺖ ﺍﻟﻤﻮﺿﻮﻉ ﻉ ﻛﺪﻩ
ﺑﺲ ﺑﺮﺿﻮ ﻛﺎﻥ ﺷﺎﻏﻞ ﺑﺎﻟﻲ ..
ﻗﻠﺖ ﻟﻤﻦ ﺍﺭﺟﻊ ﺍﻟﺒﻴﺖ ﺣﺄﻋﺮﺽ ﻟﻲ ﺷﺎﻫﻴﻦ ﻧﻤﺸﻲ ﻟﺪﻛﺘﻮﺭ ﻧﺸﻮﻓﻮ ﺍﻟﺤﺎﺻﻞ ﺷﻨﻮ ..
ﺗﻤﻴﺖ ﺍﻟﻴﻮﻣﻴﻦ ﺑﺨﻴﺮ ﻭﺳﻼﻣﻪ ﻭﺷﻮﻳﻪ ﻛﺪﻩ ﺑﺪﻳﺖ ﺍﻧﺴﻲ ﻳﻤﺎﻥ ..
ﺟﺎ ﺷﺎﻫﻴﻦ ﺍﻟﻤﺴﺎﺀ ﺯﻱ ﺍﻟﺴﺎﻋﻪ 9:34 ﻋﺸﺎﻥ ﻳﺮﺟﻌﻨﺎ ﺍﻟﺒﻴﺖ ..
ﺑﻌﺪ ﺍﺗﻌﺸﻴﻨﺎ ﻃﻮﺍﻟﻲ ﻃﻠﻌﻨﺎ . ﻭﻛﺎﻟﻌﺎﺩﻩ ﺯﻳﻨﺔ ﻧﺎﻣﺖ ﻓﻲ ﻳﺪﻱ
ﺷﺎﻟﻬﺎ ﻣﻨﻲ ﻭﻭﻣﺸﻲ ﻗﺪﺍﻣﻲ ﻭﺩﺍﻫﺎ ﻏﺮﻓﺘﻬﺎ ...
ﻣﻊ ﺩﺧﻠﺘﻲ ﺍﻟﻐﺮﻓﻪ ﺗﻠﻔﻮﻧﻲ ﺿﺮﺏ ... ﻟﻘﻴﺘﻮ ﺭﻗﻢ ﻳﻤﺎﻥ !! ﺍﻟﻈﺎﻫﺮ ﻫﻮ ﻋﺎﻭﺯ ﻳﻮﺩﻳﻨﻲ ﻭﺭﺍ ﺍﻟﺸﻤﺲ ... ﻗﻔﻠﺖ ﺍﻟﺘﻠﻔﻮﻥ ﻭﺧﺘﻴﺘﻮ ﻓﻲ ﺍﻟﺸﺎﺣﻦ ...
ﺷﺎﻫﻴﻦ ﺟﺎ ﺩﺍﺧﻞ ﻭﻫﻮ ﻣﺒﺘﺴﻢ .. ﻗﺎﻝ ﻟﻲ ﻧﻮﺭﺗﻲ ﺍﻟﺒﻴﺖ
ﻗﻠﺖ ﻟﻴﻬﻮ ﺑﻨﻮﺭﻙ ... ﺍﻫﺎ ﺍﻟﺸﻐﻞ ﻣﺎﺷﻲ ﻛﻴﻒ ﻭﺍﻣﻮﺭﻙ ﻛﻴﻒ؟؟
ﻣﺸﻴﺖ ﻉ ﺍﻟﺪﻭﻻﺏ ﻭﻓﺘﺤﺘﻮ ﻛﻨﺖ ﻭﺍﻗﻔﻪ ﻭﺑﻄﻠﻊ ﻓﻲ ﺩﻫﺒﻲ ﻋﺸﺎﻥ ﺍﺧﺘﻮ ﻓﻲ ﺍﻟﻌﻠﺒﻪ ...
ﻭﺍﺗﻜﺮﺭ ﺍﻟﻤﻮﻗﻒ ﻭﺣﻀﻨﻲ ﻣﻦ ﻭﺭﺍ ﻭﻗﺎﻝ : ﻣﺸﺘﺎﻗﻚ
ﺍﺗﺬﻛﺮﺕ ﻳﻤﺎﻥ ﻭﺣﺮﻛﺘﻮ ﺩﻳﻚ ... ﺟﺎﺗﻨﻲ ﺭﻋﺸﻪ ﻭﺯﺣﻴﺘﻮ ﻣﻨﻲ ﻃﻮﺍﻟﻲ
ﺍﺗﻔﺎﺟﺄ ﻣﻦ ﺣﺮﻛﺘﻲ ﻗﺎﻝ ﻟﻲ : ﻣﺎﻟﻚ ﻳﺎ ﺟﻮﺭﻱ !!! ﻓﻲ ﺣﺎﺟﻪ !! ؟
ﻣﺎ ﻋﺮﻓﺖ ﺍﻗﻮﻝ ﻟﻴﻬﻮ ﺷﻨﻮ .. ﻋﺸﺎﻥ ﻛﺪﻩ ﺿﺤﻜﺖ ﻭﻗﻠﺖ ﻟﻴﻬﻮ ﺟﺒﻴﻞ ﺷﻔﺖ ﻓﻠﻢ ﺭﻋﺐ .. ﻭﺍﺳﻲ ﺍﺗﺨﻠﻌﺖ ﻣﺎ ﺍﻛﺘﺮ
ﺍﺑﺘﺴﻢ ﻭﻗﺎﻝ ﻟﻲ ﺍﻧﺎ ﻣﺎﺷﻲ ﺍﻟﻤﻜﺘﺐ .. ﺍﻧﺘﻲ ﺍﺧﺪﻱ ﺭﺍﺣﺘﻚ ﻛﻮﻳﺲ؟؟
ﺍﺭﺗﺤﺖ ﻛﺘﻴﻴﻴﻴﺮ ﻟﻤﻦ ﻗﺎﻝ ﻣﺎﺷﻲ .. ﻗﻠﺖ ﻟﻴﻬﻮ ﺣﺎﺿﺮ ..
*
ﻣﺎ ﻋﺎﺭﻓﻪ ﻛﻴﻒ ﻛﻴﻒ ﺍﺟﺎﺯﺗﻲ ﺍﻧﺘﻬﺖ ... ﻣﻨﻲ ﺍﺗﺼﻠﺖ ﻋﻠﻲ ﻗﺎﻟﺖ ﻧﺸﺪﻭ ﺍﻟﺮﺣﺎﻝ ..
ﺍﻟﻴﻮﻡ ﻛﺎﻥ ﺧﻤﻴﺲ ... ﻭﺣﻨﺴﺎﻓﺮ ﺍﻟﺴﺒﺖ ﻭﺍﻟﺪﺭﺍﺳﻪ ﺍﻷﺣﺪ ..
ﺷﺎﻫﻴﻦ : ﺧﻴﺮ .. ﻣﻨﻰ ﻣﺎﻻ ؟؟
ﻗﺎﻟﺖ ﻟﻲ ﻧﺴﺎﻓﺮﻭ ﺧﻼﺹ
ﺷﻔﺖ ﺍﻟﺤﺰﻥ ﻣﺮﺳﻮﻡ ﻋﻠﻲ ﻭﺷﻮ .... ﺑﻌﺪﻫﺎ ﻗﺎﻝ ﻟﻲ : ﻫﺎﻧﺖ ... ﻛﻠﻬﺎ ﺳﻨﺘﻴﻦ ﻭﺗﻜﻮﻧﻲ ﺃﺣﻠﻲ ﺧﺮﻳﺠﻪ
ﻗﻠﺖ ﻟﻴﻬﻮ ﺍﻟﻠﻪ ﻳﺴﻤﻊ ﻣﻨﻚ ..
***
ﻳﻮﻡ ﺍﻟﺠﻤﻌﻪ ﻃﻠﻌﻨﺎ ﺍﻧﺎ ﻭﺯﻳﻨﺔ ﻭﺍﺑﻮﻫﺎ ... ﻗﻀﻴﻨﺎ ﺍﺣﻠﻲ ﻳﻮﻡ ...
ﻣﻊ ﺭﺟﻌﺘﻨﺎ ﺍﻟﻤﺴﺎﺀ ﺟﻴﻨﺎ ﺑﺸﺎﺭﻉ ﺍﻟﺪﻛﺎﺗﺮﺓ ...
ﻗﻠﺖ ﻟﻴﻬﻮ ﺍﻗﻴﻒ ﻫﻨﺎ ..
ﻋﺎﻳﻦ ﻟﻲ ﻣﺴﺴﺴﺴﺎﻓﻪ ﻭﻗﺎﻡ ﺭﻛﻦ ... ﻗﺎﻝ ﻟﻲ ﻓﻲ ﺷﻨﻮ ؟؟
ﻗﻠﺖ ﻟﻴﻬﻮ ﻣﺮﻭ ﺍﻛﺘﺮ ﻣﻦ 4 ﺷﻬﻮﺭ ... ﻭﻣﺎﻑ ﺃﺛﺮ ﻟﻲ ﺣﻤﻞ ... ﻻﺯﻡ ﻧﺸﻮﻑ ﺍﻟﺤﺎﺻﻞ ﺷﻨﻮ ﻳﺎ ﺷﺎﻫﻴﻦ
ﻗﺎﻝ ﻟﻲ ﻭﺍﻧﺎ ﺷﻜﻴﺖ ﻟﻴﻚ ﻋﺎﻭﺯ ﻃﻔﻞ ؟؟ ﻭﻟﻪ ﺷﻮﻓﺘﻴﻨﻲ ﻓﻲ ﻳﻮﻡ ﻣﻦ ﺍﻷﻳﺎﻡ ﺳﺄﻟﺘﻚ ؟؟؟
ﺳﻜﺖ ﻭﺩﻣﻮﻋﻲ ﻧﺰﻟﻮ
ﻗﺎﻝ : ﻳﺎ ﺍﻟﻠﻪ !!! ﺍﺳﻲ ﺍﻟﺒﺒﻜﻲ ﺷﻨﻮ ؟؟؟؟
ﺍﻧﺘﻲ ﻋﺎﺭﻓﻪ .. ﺍﺣﻴﺎﻧﺎ ﺑﺘﻠﺨﺒﻂ ﺑﻴﻨﺘﺎﻛﻢ ﺍﻧﺘﻲ ﻭﺯﻳﻨﺔ
ﻃﻮﺍﻟﻲ ﺿﺤﻜﺖ .
ﺩﻭﺭ ﺍﻟﻌﺮﺑﻴﻪ ﻭﻗﺎﻝ : ﺿﺤﻜﺘﻚ ﻋﻤﻠﺖ ﻓﻴﻨﻲ ﻋﻤﺎﻳﻞ !! ﻛﻦ ﻋﺎﺭﻑ ﻛﺎﻥ ﺧﻠﻴﺘﻚ ﺯﻋﻼﻧﻪ ﻭﺑﻲ ﺩﻣﻮﻋﻚ
ﻗﻠﺖ ﻟﻴﻬﻮ ﺑﺘﻄﻨﻄﻦ ﺑﺘﻘﻮﻝ ﻓﻲ ﺷﻨﻮ ﻳﺎ ﺃﺑﻮ ﺯﻳﻨﺔ ¿¿
ﻗﺎﻝ ﻟﻲ ﻭﻻﺷﻲ ﺣﺒﻴﺒﺘﻲ .. ﺑﺲ ﻗﻠﺖ :
ﺍﻗﻴﻔﻮ ﻓﻲ ﺍﻟﺼﻒ
#ﺻﻠﻮ_ﻋﻠﻲ_ﻣﺤﻤﺪ
أنت تقرأ
صف البنزين
Romanceﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ) C6H6 ( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎ...
