ﺳﺎﺑﻘﺎ
ﻳﺎ ﺍﻣﺠﺪ !! ﻳﺎ ﺍﻣﺠﺪ !
ﺍﻣﺠﺪ : ﺍﻟﻠﻬﻢ ﺍﺟﻌﻠﻮ ﺧﻴﺮ ... ﻳﺎﺭﺑﻲ ﻣﻨﻮ ﺍﻟﺒﻨﺎﺩﻳﻨﻲ !!!
ﺍﻣﺠﺪ ﻓﻲ ﺷﻨﻮ ! ؟
ﻣﺎﻑ ﺣﺎﺟﻪ ﺍﻧﺖ ﻛﻤﻞ ﻧﻮﻣﻚ ...
ﻭﻗﺖ ﻗﺎﻡ ﻣﺸﻰ ﻋﻠﻲ ﺍﻟﺒﺎﺏ ﺳﻤﻊ ﻛﻼﻡ ﺻﺤﺒﻮ ﻣﺘﻮﻛﻞ ﻭﻫﻮ ﺑﻘﻮﻝ ﻟﻲ ﻣﺤﻤﺪ : ﺍﻫﺎ ﻧﻜﻠﻤﻮ ﻭﻻ ﺍﻟﺤﻨﻚ ﺷﻨﻮ !!
ﻣﺤﻤﺪ : ﻣﺎﻑ ﺧﻴﺎﺭ ... ﻻﺯﻡ ﻧﻜﻠﻤﻮ ..
ﺍﻣﺠﺪ ﺯﺍﺩﺕ ﺿﺮﺑﺎﺕ ﻗﻠﺒﻮ ... ﻭﺯﺍﺩﺕ ﻛﺬﺍﻟﻚ ﺗﺴﺎﺅﻻﺗﻮ ... ﻳﺎﺭﺏﻱ ﺻﺤﺒﺎﻧﻮ ﻋﺎﻭﺯﻳﻦ ﻳﻘﻮﻟﻮ ﻟﻴﻬﻮ ﺷﻨﻮ ﻟﻐﺎﻳﺔ ﺑﺘﺮﺩﺩﻭ ﻛﺪﻩ !!! ﻭﻗﺒﻞ ﻣﺎ ﻳﻔﺘﺢ ﺍﻟﺒﺎﺏ ﺟﺎﻫﻮ ﺍﻟﺠﻮﺍﺏ ﺍﻟﻤﺮ
ﻣﺤﻤﺪ : ﻟﻜﻦ ﺳﻴﺪ ﺍﻻﻣﺠﺎﺩ ﻭﺩ ﻛﺐ !!! ﻳﺪﻗﺸﻬﺎ ﻭﻳﺠﺮﻱ !!!"
ﺍﻣﺠﺪ ﺑﻤﺠﺮﺩ ﺳﻤﺎﻋﻮ ﺍﻟﻜﻠﻤﻪ ﺩﻱ ﻓﺘﺢ ﺍﻟﺒﺎﺏ ﻭﻫﻮ ﺑﻘﻮﻝ : ﺍﻣﻲ !!! ﺍﻣﻴﻴﻲ ﻭﻳﻴﻴﻴﻴﻦ !!!!!
# ﺍﻟﺤﺎﺿﺮ
ﺍﻣﻴﻴﻲ !! ﺍﻣﻴﻴﻴﻴﻲ ﻭﻳﻴﻴﻦ ﺍﻧﺘﻲ !!!" ﻳﺎ ﺍﻣﻴﻴﻴﻲ !!!"
ﺳﻴﺪ ﺍﻣﺠﺪ ﺍﺻﺤﻲ ﺍﻧﺖ ﺑﺘﺤﻠﻢ !! ﺳﻴﺪ ﺍﻣﺠﺪ !!!
ﺻﺤﻰ ﻣﻔﺰﻭﻉ ﻭﻛﺎﻥ ﻣﺘﻌﺮﻕ ﻟﺪﺭﺟﺔ !!!
ﻳﺪﻭ ﺍﻟﻴﻤﻴﻦ ﻭﺧﺎﺩﻣﻮ ﺍﻟﻤﻄﻴﻊ ﻣﺪ ﻟﻴﻬﻮ ﻛﺒﺎﻳﺔ ﻣﻮﻳﻪ ... ﺷﺮﺏ ﺟﻐﻤﻪ ﻭﺍﺣﺪﻩ ﺑﻌﺪﻫﺎ ﺍﺩﺍﻫﻮ ﺣﺒﻪ ﺑﻠﻌﻬﺎ ﻭﻫﻮ ﺑﺮﺟﻒ .. ﻭﺷﻔﺎﻳﻔﻮ ﺑﺮﺟﻔﻮ ... ﺷﺮﺏ ﺍﻟﻤﻮﻳﻪ ﺑﻄﺮﻳﻘﺔ ﻫﺰﻟﻴﻪ ﻟﻐﺎﻳﺔ ﻧﺰﻟﺖ ﻣﻦ ﺷﻔﺎﻳﻔﻮ ...
ﺍﻟﺨﺎﻝ ﻣﺴﺢ ﻟﻴﻬﻮ ﺃﺛﺎﺭ ﺍﻟﻤﻮﻳﻪ ﻣﻦ ﺷﻔﺎﻳﻔﻮ ﻭﻫﺪﻣﻮ ... ﻭﻗﺎﻝ ﻟﻴﻬﻮ : ﻫﺎﻧﺖ ... ﺑﺲ ﺍﻧﺖ ﺍﺻﺒﺮ
ﻗﺎﻡ ﺑﺘﺜﺎﻗﻞ ﻭﺷﺎﻝ ﺍﻟﺠﻜﺖ ﺑﺘﺎﻋﻮ ﻣﻦ ﺍﻟﻜﺮﺳﻲ ... ﻗﺎﻝ ﻟﻴﻬﻮ ﺍﻧﺎ ﻃﺎﻟﻊ ﻋﻨﺪﻱ ﻣﺸﻮﺍﺭ
ﺍﻟﺨﺎﻝ : ﻭﺍﻻﺟﺘﻤﺎﻉ !!! ؟
ﺣﺮﻙ ﻟﻴﻬﻮ ﻳﺪﻭ ﻟﺰﻭﻡ ﺃﺟﻠﻮ ﻭﻛﺪﻩ .. ﺍﻟﺨﺎﻝ ﻫﺰ ﺭﺍﺳﻮ ﻭﻗﺎﻝ ﻓﻲ ﻧﻔﺴﻮ : ﺭﺑﻨﺎ ﻳﻌﻴﻨﻚ
------
ﺍﻟﻮ ...
- ﺟﻮﺭﻱ !!!!
ﻣﻨﻮ !! ﺷﺎﻫﻴﻦ !!
- ﺍﻱ ﺍﻧﺎ ﺯﺍﺗﻲ .. ﺟﻴﺖ ﺍﺯﻭﺭ ﻳﻤﺎﻥ ﻭﺳﺎﻗﻮﻫﻮ ﻟﺼﻮﺭﺓ ﺍﺷﻌﺔ ... ﻭﺧﻠﻰ ﺍﻟﺘﻠﻔﻮﻥ ﻣﻌﺎﻱ ... ﻓﺠﺄﻩ ﺟﺎﻧﻲ ﺍﺗﺼﺎﻝ ﻣﻨﻚ
ﻃﺒﻌﺎ ﻋﻦ ﻛﻤﻴﺔ ﺍﻟﺨﻮﻑ ﺍﻷﻧﺎ ﺷﻌﺮﺕ ﺑﻴﻬﺎ ﻣﺎ ﺑﻘﺪﺭ ﺃﻭﺻﻔﻬﺎ "!!! ﻳﺎﺥ ﻣﻮﻗﻒ ﻫﻮ !!"
ﻣﺎ ﻋﺮﻓﺖ ﺍﻗﻮﻝ ﺷﻨﻮ ﻭﺍﻟﻠﻪ ﻋﺸﺎﻥ ﻛﺪﻩ ﺍﺧﺘﺮﺕ ﺍﻟﺼﻤﺖ ... ﺟﺎﻧﻲ ﻛﻼﻣﻮ ﺯﻱ ﺍﻟﺒﺴﻠﻢ ﻭﻫﻮ ﺑﻘﻮﻝ : ﺍﻋﺬﺭﻳﻨﻲ .. ﻣﻔﺘﺮﺽ ﺍﻧﺎ ﺍﺗﺼﻞ ﻭﺍﺩﻳﻚ ﻟﻴﻬﻮ ...
ﻗﻠﺖ ﻟﻴﻬﻮ ﻻﻻﻻ ﻋﺎﺩﻱ .. ﺍﻧﺎ ﻗﻠﺖ ﺍﺷﻮﻓﻮ ﺑﻘﻲ ﻛﻴﻒ ﻻﻧﻚ ﻗﻠﺖ ﻟﻲ ﺣﺎﺩﺛﻮ ﺧﻄﻴﺮ
- ﺍﻱ ﻭﺍﻟﻠﻪ .. ﻫﻮ ﺯﺍﺗﻮ ﻣﺎ ﺑﻘﺪﺭ ﻳﺘﻜﻠﻢ ﺣﺎﻟﻴﺎ ... ﻟﻜﻦ ﺣﺎﻛﻠﻤﻮ ...
ﻗﻠﺖ ﻟﻴﻬﻮ ﺍﻫﺎ ﺍﻧﺖ ﺟﺎﻳﻰ ﻣﺘﻴﻦ !!! ؟
ﻗﺎﻝ ﻟﻲ ﺍﻟﻤﺴﺎﺀ ﺑﺄﺫﻥ ﺍﻟﻠﻪ ... ﺳﻠﻤﻲ ﻟﻲ ﻋﻠﻲ ﺯﻳﻨﺔ ...
ﻗﻔﻠﺖ ﻣﻨﻮ ﻭﺍﻧﺎ ﻗﻠﺒﻲ ﺑﺪﻕ ﺯﻱ ﺍﻟﻄﺒﻠﻪ !! ﺑﺎﻟﺠﺪ ﻛﺪﻩ ﻃﻠﻌﺖ ﻣﻦ ﻣﻮﻗﻒ ﻣﺎ ﺑﺘﻤﻨﻲ ﻳﻮﻡ ﺯﻭﻝ ﻳﺘﺨﺖ ﻓﻴﻬﻮ ﺩﻩ ﻛﻠﻮ ﻛﻠﻮ
ﺳﺒﺤﺎﻥ ﺍﻟﻠﻪ .. ﺍﺗﺼﺎﻟﻲ ﺩﻩ ﻋﺎﺩﻱ ﻋﻠﻰ ﻓﻜﺮﺓ .. ﻟﻜﻦ ﻳﻤﻜﻦ ﻷﻧﻲ ﻏﻠﻄﺖ ﻣﻊ ﻳﻤﺎﻥ ﺍﻧﻄﺒﻖ ﻟﻲ ﺍﻟﻤﺜﻞ : ﺍﻟﻠﻔﻲ ﺭﺍﺳﻮ ﺑﻄﺤﺔ ﺑﺤﺴﺲ ﻋﻠﻴﻬﺎﺍ ﻭﺍﻟﻠﻪ ﺃﻋﻠﻢ
######
ﻣﺮﺕ ﺍﻻﻳﺎﻡ ﺑﺴﺮﺍﻉ ... ﻭﻳﻤﺎﻥ ﻃﻠﻊ ﻣﻦ ﺍﻟﻤﺴﺘﺸﻔﻲ ... ﻭﺟﺎ ﺍﻟﻴﻮﻡ ﺍﻟﻜﻨﺖ ﺣﺄﺷﻮﻓﻮ ﻓﻴﻬﻮ
ﻃﻠﻌﻨﺎ ﺍﻧﺎ ﻭﺷﺎﻫﻴﻦ ﻭﺯﻧﻮﺵ ﻋﺸﺎﻥ ﻧﺰﻭﺭﻭ .. ﺷﻠﻨﺎ ﺑﺎﻗﺔ ﻭﺭﺩ ﻭﻛﺎﻥ ﻭﺭﺩ ﺍﻟﺠﻮﺭﻱ ... ﺍﻧﺎ ﺍﺧﺘﺮﺗﻮ ﺑﻨﻔﺴﻲ ... ﻭﻋﻠﺒﺔ ﺷﻮﻛﻮﻻﺗﻪ
ﺍﻣﻮ ﺭﺣﺒﺖ ﺑﻴﻨﺎ ﺷﺪﻳﻴﻴﺪ .... ﻭﻻﺣﻆﺕ ﺍﻧﻬﺎ ﺑﺘﻌﺾ ﺷﻔﺎﻳﻔﻬﺎ ﻧﺪﻡ ﻷﻧﻬﺎ ﺧﺴﺮﺗﻨﻲ ... ﻭﻓﻲ ﻧﻔﺲ ﺍﻟﻠﺤﻈﺔ ﻣﺎ ﺟﺎﺑﺖ ﺳﻴﺮﺓ ﻟﻤﻮﺿﻮﻋﻨﺎ ﺍﻟﺰﻣﺎﻥ ﺩﺍﻙ ...
ﺍﻧﺎ ﺣﻤﺪﺕ ﺭﺑﻲ .. ﺑﺲ ﻳﺎ ﺗﺮﻯ ... ﺣﻨﻔﻀﻞ ﺩﺍﺳﻴﻦ ﺍﻟﻤﻮﺿﻮﻉ ﺩﻩ ﻟﻤﺘﻴﻴﻴﻴﻦ !!!
ﺷﺎﻫﻴﻦ ﺟﺎﻫﻮ ﺍﺗﺼﺎﻝ ﻣﻦ ﺍﻟﺸﻐﻞ ﻭﻫﻮ ﻃﺎﻟﻊ ﺯﻳﻨﺔ ﺍﺗﺸﺒﻜﺖ ﻓﻴﻬﻮ ... ﺧﻼﻧﺎ ﺍﻧﺎ ﻭ ﻳﻤﺎﻥ ﻭ ﺍﻣﻮ ..
ﻛﻨﺎ ﺳﺎﻛﺘﻴﻦ ﻭﻣﺎﻑ ﻣﻮﺿﻮﻉ ﺃﺻﻶ .. ﺍﻣﻮ ﺑﺘﻮﺯﻉ ﺍﺑﺘﺴﺎﻣﺎﺕ ﺣﻘﺖ ﻣﺠﺎﻣﻠﻪ ﻭﻫﻮ ﻛﺎﻥ ﻛﻞ ﺷﻮﻳﺔ ﺑﺘﻤﻐﺲ ﻣﻦ ﺍﻷﻟﻢ ...
ﻳﻤﺎﻥ : ﺍﻣﻲ .. ﺍﺷﺘﻬﻴﺖ ﻟﻲ ﻋﺼﻴﺮ ﻟﻴﻤﻮﻥ
- ﻃﻴﻴﻴﻴﺎﺭﺓ ﺍﺳﻲ ﻭﻳﻜﻮﻥ ﻋﻨﺪﻙ .. ﻭﻗﺎﻣﺖ ﺑﺎﻟﺠﺮﻱ ﻋﺸﺎﻥ ﺗﺠﻴﺒﻮ ...
ﺑﻌﺪ ﻃﻠﻌﺖ ﻗﺎﻡ ﺑﺘﺜﺎﻗﻞ ﻭﻛﺎﻥ ﻋﺎﻭﺯ ﻳﻨﺰﻝ ﻣﻦ ﺍﻟﺴﺮﻳﺮ ... ﻗﻤﺖ ﻟﺤﻘﺘﻮ ﻭﻗﻠﺖ ﻟﻴﻬﻮ ﻣﺎ ﺗﺘﻌﺐ ﺭﻭﺣﻚ ﺗﻘﻮﻡ ..
ﻣﺴﻚ ﻳﺪﻱ ﻗﻮﻭﻭﻱ ﻭﻗﺎﻝ ﻟﻲ ﻭﻋﻴﻮﻧﻮ ﻣﺤﻤﺮﺓ ﻣﻦ ﺍﻟﺪﻣﻮﻉ : ﻭﺍﻟﻠﻪ ﻣﺎ ﻗﺎﺩﺭ !!! ﻣﺎﺍﺍﺍﻗﺎﺩﺭ ﻳﺎ ﺟﻮﺭﻱ ﻣﺎ ﻗﺎﺩﺭ !!
- ﻳﻤﺎﻥ !!
ﺟﻮﺭﻱ ﺍﺳﻤﻌﻴﻨﻲ !! ﺍﻧﺎ ﺑﻤﻮﺕ ﺍﻟﻒ ﻣﺮﻩ ﻭﺍﻧﺘﻲ ﺑﻌﻴﺪﻩ ﻣﻨﻲ !! ﺻﺎﺡ ﺍﻧﺎ ﻭﺍﻃﻲ ﻭﻣﺎ ﺍﺳﺘﺎﻫﻞ ﺿﻔﺮﻙ .. ﻟﻜﻦ ﺍﻧﺎ ﺑﺤﺒﻚ !!!!
ﺩﻣﻮﻋﻲ ﻧﺰﻟﻮ ﻛﺄﻧﻬﻢ ﻣﻄﺮﺭ ... ﻣﺴﺤﻬﻢ ﻟﻲ ﻭﻫﻮ ﺑﺮﺟﻒ .. ﻗﺎﻝ ﻟﻲ : ﻡ ﻡ ﻣﺎ ﺗﺒﻜﻲ ﻋﻠﻴﻴﻴﻴﻚ ﺍﻟﻠﻪ ﻭﺗﺰﻳﺪﻱ ﻟﻲ ﻭﺟﻌﻲ !!!
ﻫﻨﺎ ﻣﺎ ﻗﺪﺭﺕ ﺍﺳﺘﺤﻤﻞ ﻭﺷﻠﺖ ﺷﻨﻄﺘﻲ ﻭﻃﻮﺍﻟﻲ ﻃﻠﻌﺖ ....
ﺳﻤﻌﺖ ﺑﻜﺎ ﺯﻳﻨﺔ ﻭﺍﺗﺠﺎﻫﻠﺖ ﺍﻱ ﺷﺊ !! ﻃﻠﻌﺖ ﺑﺮﻩ ﺍﻟﺸﺎﺭﻉ ﻭﻛﻨﺖ ﺑﻤﺴﺢ ﺩﻣﻮﻋﻲ ﺳﺮﻋﻪ ﺳﺮﻋﻪ ..
ﺷﻮﻳﺔ ﻛﺪﻩ ﻭﺷﺎﻫﻴﻦ ﺣﺼﻠﻨﻲ ﻛﺎﻥ ﺷﺎﻳﻞ ﺯﻳﻨﺔ ﻭﺑﻌﺎﻳﻦ ﻟﻲ ﺑﺈﻧﻜﺴﺎﺍﺍﺭ !!! ﻳﺎﺍﺍ ﺍﻟﻠﻪ ﺍﻧﺎ ﺍﻟﻘﺎﻫﺎ ﻣﻦ ﻣﻨﻮ !!!!
ﻓﺘﺢ ﻟﻲ ﺍﻟﺒﺎﺏ ﻭﺍﺩﺍﻧﻲ ﺍﻟﺒﺖ ... ﺭﻛﺒﺖ ﻭﺟﺎ ﺭﻛﺐ ﺟﻤﺒﻲ ﻭﻛﺎﻥ ﺳﺎﻛﺖ ... ﻭﻣﺎ ﻧﻄﻖ ﻭﻻ ﺑﻲ ﺣﺮﻑ !!!!!
ﺑﻄﻠﻮ ﺑﻜﺎﺀ ﻭ
ﺍﻗﻴﻔﻮ ﺻﻒ ﺍﻟﺒﻨﺰﻳﻦ
#ﺻﻠﻮ_ﻋﻠﻲ_ﻣﺤﻤﺪ
أنت تقرأ
صف البنزين
Romanceﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ) C6H6 ( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎ...
