#المتسولة والضابط

البارت الاول

قيصر يلة يكوم  الساعة سبعة كوم عيني
كايمة اني احظرلك ريوك الك والعمي
كمت لبست ثوبي طويل لان جنت لابسة
ثوب نوم
لبست وسديت الكنتور درت وجهي ع قيصر
لسة مغطي راسة اهووووو
قيصر فدوه كوم لا تخليني اصيح ويكعدون الجهال
خلي اسويلي شغل فده
ايييي افتهمنة كايم
اه كعد امولي ليش هيج
مو كتلك ع كيفك
اوف ياربي
شلتة من سريره وطلعت بيه
غسلت وجهه ووجهي
دخلت للمطبخ عمو لكيتة كاعد
صباح الخير عمو
هلة بنيتي صباح النور
هلووو جدووو امولي  شنو هالصباح الحلو
انطينياه
وهذاك كيمر عرب جبت وصمون حار 
سويلنة جاي
صاار عمو
كمت طلعت القوري
وعمو ايناغي بامولي
كعدت عمتي صباح الخير
صباح النور عمه
هذا امولي كاعد فدوه  حبيبي
راحت باستة
شنو قيصر مكعدتي
كعدتة والله عمة بس تعرفيه شلون نومة ثكيل
كعد امولي وهو مكام
نزل قيصر وكايد مرام
هلة كملت السبحة
قيصر صباح الخير
صباح النور عيني
يلة تريكو  صار جاهز الريوك
بابا خليني يمك كاعدة
اي حبيبتي
سمية: مرام خلي بابا يتريك  وياخذ راحتة بالأكل
قيصر .. عوفيها سمية راحتي يمها
اي عيني ليش لا
اخذت امولي من عمو
اتريكو وطلعوا لدواماتهم
و عمتي شوية كالت سمية رايحة للسوك
خاف اتاخر
سوي تمن برياني ودجاج
كتلها صار عمة
صاحت مرام بيبي اريد اروح وياج
كالت الها لا ازدحام السوك واخاف اضيعين هناك
بيي لعد اطيني ربع
حتى من يجي ابو الشعر بنات
اشتري بيه
اي مو تدلللين حبيبتي
هاج هذا ربع
وطلعت عمتي اخذت علاكت المسواك وراحت
..........
اني سمية مواليد ٧٩ 
مزوجة من صغري بعمر ١٦ سنة
من ابن عمتي قيصر
قيصر مواليد ٧٧   معلم رياضيات
وعمي ابو قيصر مدرس تاريخ
قيصر الولد الوحيد لهلة
وعندة اختين مزوجات
عايشة وياه بهدوء  ماكو مشاكل
عمتي مرات تحجي ع شغل بس اعدي
ومااراددها لان عمتي هي واحترمها
هي نظامية كلش
وتحب النظافة والترتيب 
وأني اخذت طبعها 
لا عندي طبة ولا طلعة
بس لاهلي وبس
عندي بنتي مرام عمرها ٥ سنوات وكم شهر
وعندي مؤمل عمره سنة
حبايبي مالين البيت علينا كولنا نحبهم ومداريهمقيصر يلة يكوم  الساعة سبعة كوم عيني
كايمة اني احظرلك ريوك الك والعمي
كمت لبست ثوبي طويل لان جنت لابسة
ثوب نوم
لبست وسديت الكنتور درت وجهي ع قيصر
لسة مغطي راسة اهووووو
قيصر فدوه كوم لا تخليني اصيح ويكعدون الجهال
خلي اسويلي شغل فده
ايييي افتهمنة كايم
اه كعد امولي ليش هيج
مو كتلك ع كيفك
اوف ياربي
شلتة من سريره وطلعت بيه
غسلت وجهه ووجهي
دخلت للمطبخ عمو لكيتة كاعد
صباح الخير عمو
هلة بنيتي صباح النور
هلووو جدووو امولي  شنو هالصباح الحلو
انطينياه
وهذاك كيمر عرب جبت وصمون حار 
سويلنة جاي
صاار عمو
كمت طلعت القوري
وعمو ايناغي بامولي
كعدت عمتي صباح الخير
صباح النور عمه
هذا امولي كاعد فدوه  حبيبي
راحت باستة
شنو قيصر مكعدتي
كعدتة والله عمة بس تعرفيه شلون نومة ثكيل
كعد امولي وهو مكام
نزل قيصر وكايد مرام
هلة كملت السبحة
قيصر صباح الخير
صباح النور عيني
يلة تريكو  صار جاهز الريوك
بابا خليني يمك كاعدة
اي حبيبتي
سمية: مرام خلي بابا يتريك  وياخذ راحتة بالأكل
قيصر .. عوفيها سمية راحتي يمها
اي عيني ليش لا
اخذت امولي من عمو
اتريكو وطلعوا لدواماتهم
و عمتي شوية كالت سمية رايحة للسوك
خاف اتاخر
سوي تمن برياني ودجاج
كتلها صار عمة
صاحت مرام بيبي اريد اروح وياج
كالت الها لا ازدحام السوك واخاف اضيعين هناك
بيي لعد اطيني ربع
حتى من يجي ابو الشعر بنات
اشتري بيه
اي مو تدلللين حبيبتي
هاج هذا ربع
وطلعت عمتي اخذت علاكت المسواك وراحت
..........
اني سمية مواليد ٧٩ 
مزوجة من صغري بعمر ١٦ سنة
من ابن عمتي قيصر
قيصر مواليد ٧٧   معلم رياضيات
وعمي ابو قيصر مدرس تاريخ
قيصر الولد الوحيد لهلة
وعندة اختين مزوجات
عايشة وياه بهدوء  ماكو مشاكل
عمتي مرات تحجي ع شغل بس اعدي
ومااراددها لان عمتي هي واحترمها
هي نظامية كلش
وتحب النظافة والترتيب 
وأني اخذت طبعها 
لا عندي طبة ولا طلعة
بس لاهلي وبس
عندي بنتي مرام عمرها ٥ سنوات وكم شهر
وعندي مؤمل عمره سنة
حبايبي مالين البيت علينا كولنا نحبهم ومداريهم
طلعت عمتي للسوك كمت نظفت البيت خليت امولي بالحجلة ومرام تفتر وراي
وأني ارتب وارجع كلشي مكانة مثل كل يوم
امولي كام يبجي شلتة رضعتة
نام خطية كعد من وكت رحت نيمتة
بسريره
ورجعت امسح بالبيت
خلصت كل شغل
بقى اطبخ
شغلت التلفزيون لمرام

مرام ماما  اكعدي هنا ع التلفزيون  هاي فتحتلج سبيستون اكعدي اتفرجي ع ما
اسوي الغدة هسه تجي بيبي من السوك
تبقى تحجي لان ممخلصة تركيب
بعد امج لا تتحركين واذا سمعتي صوت اخوج يبجي صحيلي خاف مااسمعة
زين ماما 
اي ماما
عفية بالشطورة بنيتي 
سمية الام : دخلت للمطبخ اسوي تمن برياني
عمتي قبل لا تطلع وصتني اسوي
اندمجت اسوي وي الهدوء
وع نومة ابني مؤمل
........♡♡♡♡♡♡......
شعر بنات شعر بنات
مرام هييي شعر بنات
خلي اخذ الربع الي انطتنياه بيبي واشتري
ركضت  اخذتة وفتحت باب الشارع
وركض حافية ركضت وره عمو ابو الشعر بنات
عمو عمو عفيه انطيني
اي حبيبتي هاج
انطاني شعر بنات كيفت بي لزمته بيدي ورجعت للبيت
وكفت يم باب بيتنا اكلت منه والحس باصبعي
اجتي مره
كالت هلو حبيبتي
انت شسمج
اسمي مرام
مرام منيلج هذا الشعر بنات
اشتريتة من عمو ابو الشعر بنات
وينة عمو
راح براس الدربونة
تعالي دليني مااندل
عندي بنية مثلج وتريد اشتريلها ومااندل اني
ها عمة هسه ادليج  عليه تعالي منا راح
لزمتني من ايدي منين وصليني اله مااعرفة
ورحت امشي وياها لراس الشارع
امشي  ماكو  مااعرف وين راح
بقت لازمتني وتمشي
واحس رجلي توجعني من الحفه لان جنت حافية
بس استحي اكللها
بعدين اشرت سيارة وصعدتني
كالت مرام خلي انلحكة بسيارة
وانت تعرفين شكلة دليني عليه
هزيت راسي الها اي
وكنت اكل بالشعر بنات لساتني
مشت السياره مبية هواي خلصت الشعر بنات كلة وماكو
عمة يمكن راح لبيتهم رجعيني لبيتنة هسة امولي يبجي ومااسمعة وماما كالت ديري بالج عليه
كالت لا هسه نوصل اله حبيبتي لا تخافين
واخذج اشوفج بنتي تلعبين وياها عدها كومة العاب
وحلويات تلعبين وياها
بس بس انت اسكتي وهسه اخذج ونروح
نلعب  وبعدين نرجع لبيتكم
مو اخاف ماما متقبل
لا معليج  لا تقبل تعرفني هي
يله اسكتي وما اريدلج صوت
زين عمة
يتبع
للكاتبة ام مصطفى