#المتسولة
بقلمي ام مصطفى
البارت السابع والعشرين
((((((((وسام))))))))
خلص مريم قررت اخطبج هاي هي وصلت حدها
تردين تكملين دراسة
تعالي يمي كملي
واشوف ماكو داعي
اخذي شهاد سادس وهاي هي
مدام عرفتي تقرين كلش زين
مرام : لا اشون بابا ميقبل
انت لا اسديها بوجهي
مريم بعدين والله اخليج تكملين خارجي ثالث واخليلج مدرسين
بس هسه
بعد ماتتحمل
بكيفك وسام الي اشوفة صح سويه
يله اروح اني
وين ترحين
هذا وله
منو
ابن خالج راح
ايي راح
يله روحي لعد
اخابرج بالليل عندي خفر اليوم
ان شاء الله
رجعت للبيت
طبيت سبحت ولبست ملابسي العسكرية ونزلت
امي بالمطبخ
ها يوم وين شنو رايح
اي والله عندي خفر اليوم
حسام وين
بغرفتة لازم مبايله اكيد ومكنك
ها يله اروح اني
الله وياك يوم
طلعت واحس كلبي مقبوض
خايف افاتح اهلي
ويرفضون وادخل بصراعات وياهم
بعد لازم افاتحهم وصلت حدها
ان شاء الله باجر اكعد وافتح الموضوع وياهم
وصلت السيطره طبكت السياره ع صفحة
ونزلت الولد واكفين سلمت عليهم
وكعدت ع الشارع
وفكري يودي ويجيب
شوية اجة اللواء
دخلنا انذار كلها
وكفت
سلم شنو الاخبار
كله تمام سيدي
عفيه عليكم ابطال
اخذلة فره بالسيطره وراح
لهناك كمت اتخيل مريم كاعده بمكانها
وتبسم وحدي
ع شكلها اليوم
صايره تخبل طول وبياض وسمنانة
اخخخ وشوكت اخذج الي
يربي شلون بيه
شجاني وهيج بنيه بسيطة تهزني هز
هاي اني الثكيل
تالي تهزني بنيه مراهقة
اويلي يابة شجاني
لا وجمالة اغار عليها عبالك جاهل اني
كمت أتذكر كلامها وشلون تحجي وتغير بصوتها
لزمت المبايل وخابرت عليها
جاوبت بسرعه
كلت اي عفيه
هيج اريدج اجاوبين بسرعة
ههههه شسوي استاذ وسام
من الخوف بقيت لازمة المبايل بيدي
اخاف هم تزعل لان انت صاير طكة ونص
هاا ولج هذا اني هيج
ايي والله وخبلتني وياك هم
والله طالع لسانج مريم خانم
شسوي من وراك غير
اخخخ من وراي
لو هذا ابن خالج طير عقلي مني
احسه متقصد يحرك دمي
هسه شلون احنة ماعدنة سالفة غير
ضرغام
دعوفة يمعود
اي ع كولتج خلي اعوفة
كلي فاتحت اهلك
لا والله وصلت متأخر يادوب
سبحت وطلعت للسيطرة بوجهي
عندي خفر اليوم
بلكت باجر ارجع وافتح الموضوع وياهم
اي ان شاء الله
بقيت احجي وياها الى ان حسيتها نعست
كتلها روحي نامي ...
اني هم غفيت واني كاعد
كل شويه اباوع الساعه
الى ان صار الصبح
رجعت للبيت
لفيت راسي ونمت مكعدت إله ع الغده
امي صبت الاكل وكعدنا ناكل
كتلهم عندي موضوع وياكم
كال ابوي خير
من نخلص بابا
امي تباوع علي باستغراب
حسيتهم استعجلوا بالاكل
كاموا بسرعة
امي وهدى بدوا يشلون الاماعين من الميز
ابوب غسل اديه ومسحهن بالخاولي
وصاح تعال بابا خير
اني هم غسلت ادي
وكعدت خير بابا لاتخاف
اجت امي كعدت كبالي وحسام بصفي
هدى تغسل المواعين
وعينها علينا
أنت تقرأ
#المتسولة والضابط
ChickLitطفلة تخطف من اهلها لتصبح متسولة في الشوارع وتكبر وتلتقي بضابط فيقع بحبها الضابط قصة باللهجة العراقية للكاتبة ام مصطفى
