#المتسولة والضابط

١٧

#المتسولة
بقلمي ام مصطفى
البارت  السابع عشر

فهميني  شنو
راح احجيلك الصدك والي اذكره
جنت طفله صغيره
طالعه من بيتنه اشتري شعر بنات
وسليمة
اخذتني من الشارع
ومارجعتني للبيت
شلون يعني اخذتج
مااذكر شلون
بس اذكر عندي اهل وامي اسمها سميه
واني اسمي مرام
ومن اسىل سليمه ع اهلي
دكلي لا اني امج بقيتج يمهم واجيت اخذتج منهم
بس اني متأكده جذب
اني مو بتها باكتني من اهلي
وجابتني اجدي بيه
زين ماتندلين اهلج وين
لا
ابوج شنو اسمه
مااذكر
مااذكر اي شي
جان عمري خمس سنوات
وسليمة دوختني
وضيعت كلشي علي

هسه شلون
مااعرف
كومي
وين
كومي وياي نقدم شكوى بالمركز
لا اخاف من سليمة
اكلج كومي.
ولا تخافين من شي مدامج وياي
انتظريني هنا اغير ملابس العسكريه
واجي عليج
مريم لا تتحركين من مكانج
كتله  لا وين اروح بس خايفه 
كتلج  مدام  اني وياج لا تخافين
راح واني ضليت الوم بروحي
وارجف واطكطك  بأصابعي 
مره اكول شسويت  اني 
إذا لزموا  سليمة  وطلعت  امي هي
وين اروح  اني
شيخلصني  منها 
واذا مو امي هم شلون  وين اروح
شويه واجة وسام
لابس بلوز  ابيض وستره  سوده
وبنطرون  اسود
اباوع علي
فدوه لهالطول  والهيبه 
يمشي  بثقه 
كلت مااخاف  مدامه  وياي  لا والله ابد
خليها  ع الله  وين متصير 
توكلت  على الله 
كال يله كومي 
كمت 
وين
امشي كدامي
مشيت حتى  رجلي كمت امشي عليها نسيت وجعي واحسه  راح 
من كد  ماقلقت  وتوترت
وصل للسياره 
فتح  باب السياره 
كال اصعدي 
كتله  لا اصعد ليوره 
كال اصعدي يمه شييج  مريم
لا تخافين مني والله اذي  روحي وما اذيج 
صعدت  سد الباب
واندار  صعد هو
كتله وين رايحين
شغل السياره 
كال لا تخافين  مريم
راح اخذج الضابط صديقي
ضابط تحقيق 
أنسجل  دعوه  ع سليمه 

حتى  يلقون  القبض  عليها 
ويحققون  وياها 
بلكت  تعترف  وادليني ع اهلج

سكتت
كال شبيج 
كتله  خايفه  كلش 
كال  تخافين  واني  موجود 
زعلت  عليج 
شبيج  مريم  المفروض  تفرحين  .
وشكرين  ربج 
اني بعثني  الج
حتى  اساعدج  واخلصج  من هاي المجرمة 
كتله الف الحمد  الله والشكر 
بس هم خايفه
من الجاي
مااعرف شنو مصيري  وشراح  يصير
وين اروح
كال ان شاء الله كل خير يمج
متصورين شد فرحان لان طلعت مو امج وانت مو هذا وضعج 
هيج وتكمل  وياي 
ونلكة  اهلج  ويطلعون  ناس محترمين
كون امج داعيتلج ويصير الي ابالي 

وكف  السياره  كال  وصلنة  انزلي
نزلت
دخلنا  لمركز  الشرطة
سلم ع الشرطة 
كلهم  ضابط  محمود  موجود
اي موجود 
زين كله ضابط وسام بالباب يريدك
دخل الشرطي  وطلع
كله  تفضل سيدي 
فتتا  ع الضايط
السلام عليكم 
وعليكم السلام ورحمة الله وبركاته
اهلا وسام شلونك
لله يسلمك 
كال الولد الي جبته  البارحه 
صعدت  اوراقه  للقاضي 
وشغلته  كبرت
كله عساه  عوفه  ذول عصابة طلعوا  هو واهله