#المتسولة والضابط

الثالث

#المتسولة
بقلمي #ام_مصطفى
البارت الثالث

مرام دخلنا للبيت
جان البيت صغير كلش بي غرفة ومطبخ
وجان وسخ كلش ومضلم
من شفتة خفت وجلبت بعباية المره
عمة رجعيني لامي  اخاف منا
دفعتني حيل وسدت الباب
لزمتني من اذني
مااريد صوت الج
ماكو امج  راح تبقين يمي كم يوم وارجعج
غيرها ماكو
اذا اسمع صوت الج بعد ماارجعج
كمت ابجي ما ء ماءءءءء
اريد ماما اريد بابا
اسسس ولج فضحتينة اسكتي
خزرتني بعيونها وخلت اصبعها ع حلكها اسسس لا اذبحج
كتلها انت شريرة 
كالت اي شريرة تره اذبحج بالسجين  إذا تحجين
واشرت ع المطبخ
ارعبت وكمت ارجف بس خفت ابجي
كمت اخلي ايدي ع حلكي
حتى ميطلع صوت
كالت اكعدي هنا ولا تتحركين ابددددد
اي اي عمة مااتحرك
كعدت بالزوية مالت الغرفة
اريد ماما وينج ماما كتيلي ديري بالج ع امولي
هسه تعاقبيني لان رحت وعفتة ..
شويةاجت عمة جابت اكل بصينية
تمن ابيض ومركة وكعدت كالت تعاي اكلي
خفت اروح عليها
اني جنت كلش جوعانة 
عاطت بيه تعاي اكلي يلة
كمت من خوف وجوع ااكل
كملت كامت شالت الصينية
وراها جابت شراب دوه كالت هاج اشربي
عمة اني مو مريضة
اشربي لا مريضة  وخزرتني
اذكرت امي من جنت اتمرض تبوس بيه وتشربني الدوه جنت مااحب طعمة
تقربت علي وشربتني كوه
وراها كامت مدت فراش الها والي
وكالت نامي مااسمعلج  صوت
كمت ابجي جوه البطانية من الخوف  اريد بابا يومية ينومني بحضنة ويحجيلي قصة
اريد بيبي اريد جدو
اخاف منا
كام جسمي يرجف يرجف وصوت الشهك يطلع كوه علي
وبس اسمع شخير المره
وصوت صراصر بالبيت
غطيت  راسي جوه البطانيه وابجي
ودخت ونمت
حلمت بامي وابوي وامولي يلعب يمي
وما تصيح علي مرام مو كتلج ديري بالج ع اخوج  ليش رحتي وعفتيه
وطول الليل كوابيس واحلام تخوف
بس مااكدر اشيل راسي دايخ
كعدت ع صوت المرة تكعدني
اكعدي ولج دنيا ضهر
اريد اولي استرزق
كومي يلة كومي
عمة راح توديني لامي 
ولج انعل ابو امج
ضربتني راشدي مااريد اسمع بهاي الكلمة
امج باعتج الي متريدج خابرتني كالت
اخذيها الج مااريدها فهمتي
برطمت وخليت ايدي ع راسي
ليش متريدني لان عفت امولي وطلعت اشتري
اي اي فهمتي
يله كومي اكلي يله شنو جايبتج اصرف عليج
كومي وشنو اكلج سوي سمعتي لولا
تره احمي السجين واجوج
اي واحد يسئلج
كولي هاي امي
سمعتي لولا
بس انت مو امي
انجبي كولي اني
ضربتني ع راسي حيل
خفت منها كمت ارجف
كومي ازقنبي يلة
شكلها يخوف شعرها مكوش وريحتها مو طيبة مثل ريحة ماما وبيبي
ملايسها سوده من الوصخ
صاحت كوومي
كمت روحي اكلي
اي بس خلي اغسل وجهي
يلة يالنظيفة  روحي للحمام
فتت الحمام وصخ وريحتة تكتل
لبست نعالي وفتحت البوري وغسلت
اجيت للصينية الذبان يفتر عليها 
كالت يله اكلي
عمة بس الاكل صار بي جراثيم
خاف يمرضني الذبان فوكاه  يفتر
ولج انت مو جه نعمة
اذا متاكلين كومي يلة
نزعي ذن الملابس والبسي ذن
بقيت اباوع عليها
و على الاكل جوعانة بس الذبان فوكاه
وبابا كال الذبان يمرض وبي جراثيم
كالت يله ولججج بصوت عالي
كسمت خبزة وغمست بالماعون جان بي جبن
اكلت كوه الخبز مطيب وبارد 
جرتني يلة كومي
نزعتني وتكرص بيه وأني ابجي
اخ عمة
وغمة لا دكولين عمة
كولي يمة
لبستني ثوب مو حلو جوزي لونة ومشكك
وحجاب وسخ وبي ريحة خنكني
ولبست عبايتها وجرتني من ايدي وبايد الخ
شايلة جنطة بيدها
........... سمية .........
صار الليل وأني اون وابجي يم بنيتي
وين رحتي نمتي اكلتي كعدتي بجيتي
ضربوج اذوج 
شحالج هسه ماما وين رحتي
مرااام
قيصر يضرب راسة بالحايط
عمتي شكت ثوبها وتصرخ
راحت البنية
كمت شنو هسه  ابقى بالبيت وبتي بالشارع
خلي اطلع ادور عليها
كمت جريت عبايتي عمتي جانت معلكة وره الباب  لبستها لزموني وين
رايحة ادور بنتي
عوفني
وين تخبلتي انت
احنة زلم مشوربة  ملينا ورجعنا اخوي حسن حجة
كتلة حسن عوفني مااكدر ابقى اموت
عاط قيصر بية
صرتي شاطرة هسة وين جنتي عنها
فوتيييي جوه
امي كامت لزمتني يمة استهدي بالرحمن الرحيم
الصبح الف باب ربج يفتح
بلكت بايتة ابيت اوادم وباجر نلكاها
يمة مااكدر انام  وبنتي ماكو
تعاي يمة بحضني
نمت ع رجلها
وابجي نار بكلبي تسعر تاكل بروحي اكل
غفيت ع رجل امي وهي لازمة سبحة
وتسبح على راسي
يا راد يوسف لحضن يعقوب 
رد مرام  لحضن سمية
ع اسمها غفيت
واشوف مرام طبت علي
ها ماما اني هنا انت وينج
مرام بنيتي وينج ياروحي
هاي ماما ابجي عليج اني جنت
حضنتها  وفرحت كلش بيها
بعدها انسحبت من ايدي
فزيت  اصرخ
وينها وينها وينها
كمت مثل الخبلة  من حضن امي
اجت مرام شفتها
وين راحت كمت افتح بيبان البيت وادور بكل مكان
فتحت باب غرفتي
رحت لسريها
شفت لعابتها والدب مالتها
حضنتهم وابجي واصرخ بعلو صوتي
تمددت ع السرير ونمت
واصرخ
امي تفتر وراي
ولج يمة كطعتي كلبي كافي يمة
يارب صبر بتي سمية
اريد الصبر من صبر سيدتي زينب
تصبر بنتي  وترجع بتها الها
ربي انت جاهي
وج يمة بنتي يمة
يمة كولي يا الله كولي يا الله
يا اللللللللللللللله  ماعدي غيرك
انت المستعان 
بقينا للصبح كاعدين
امي الصبح سوتلي لكمة
كومي اكلي يمة انت ترضعين
ومن البارحة لليوم كلشي مماكلة
مااريد يمة مااكدر ابلع اللكمة وبنتي ماكو
يمة  محد يحس بيه
دخل قيصر ميباوع  بوجي
غير ملابسة وطلع ما جنة يشوفني
ولا يسمع صريخي
عبالك اني طلعتها
عمتي نفس الشي بس تحجي راحت البت
ومادرتي بالج عليها
وأني محد يحس بحالي فوك قهري
الملامة  .....
طلعوا كلهم من البيت يدورون  بقت بس امي وحمواتي
ماكو  اختفت
يومين اندور ماكو انتهينة كولش بهاليومين كعدنا وسكتتا بعد ما اطينا اسمها وصورها بكل المراكز
اني انتهيت  بهاليومين ايست كلش  واضلمت الدنيا بعيوني
.............مرام ........
طلعنا عبرنا الشارع وبقينا نمشي هي لازمتني من ايدي
وصلنا مكان بي تجع سيارات
كعدنا  كامت جابت كارتون اتجمع اتشكك وتحط
كعدتني عليه طلعت بطل مي وحبوب
كالت اشربي
مااريد عمة
كرصتني ولج مو كتلج لادكولين عمة
كمت ابجي حيل اريد امي اريد
دهر فرج راح اشهريني 
ولج لا تبجين اسكتي اوصل للبيت والعباس اله اجويج
حلفت
اشربي شربتني حباية بيضة صغيره
ونومتني ع الكارتونة نامي يلة ولا تتحركين
وادك ع ضهري حيل وتضرب وغطتني بوصلة 
وكامت تصيح بنتي مريضة ساعدوني
والناس تفوت وتذب فلوس
وأني ابجي وهي ساعة تكرص بيه وساعة تضرب اسكتي
واليفوت تكلة بنتي مريضة تبجي من الوجع
ماعرف شجانت تحجي وي الناس
كمت ادوخ  ونمت
وكعدتني كومي
وكامت اجر بيه جر وأني دايخة
وهي تسحل بية
رجعنا للبيت
وأني راسي يوجعني مسطوره
وصلت للبيت اول مطبت
جابت سجين حامية وخلتها ع رجلي
وكالت اني حلفت اله اجويج
مرة ثانية بس تبجين ودكولين اريد امي
اجويج اكثر
هي خلت السجينة ع رجلي وأني صرخت
ولج يمة الحكيلي 
اخخ  عمة لا عفية توجع 
ماما تعاي بابا تعال بابا تعالي
كالت ها اجويج بعد
لا دكولين بابا ولا ماما
اني امج وابوج
سمعتي
كمت اشيل روحي واطكها من الوجع
كامت جابت معجون طماطة خلتلي بردت شويه
انوب رجعت توجعني
ابجي ع كيف اخاف تسمعني
كامت جابت اكل
وكعدت تاكل كومي اكلي
عمة توجعني رجلي
رجعيني لامي عفية
انت ماسمعين الكلام متفتهمين لادكولين امي اني امج بعد
لا اريد امي سمية ماتجويني تحيني
بس بس كومي اكلي
كامت تفتح حلكي ووتوكلني حيل حتى طلع من خشمي التمن اختنكت ...
كامت يومية تكتلني وتاخذني  كمت اخاف منها واسمع كلامها
وتنومني ع الكارتونه بالشارع يومية
والذبان يفتر علي
وتغطيني وتجي الناس تذب علي فلوس
فديوم رجعنا للبيت
اجة رجال للبيت
فوتتة عمة الي كمت اسميها يمة
شافني كالها سليمة هاي منين البت جايبتها
خاف بكتيها
وللحكاية  بقيه ام مصطفى
القصة لتوعية الامهات  اطفالنا امانة في اعناقنا  حافظوا  عليهم