#المتسولة
بقلمي ام مصطفى
البارت العشروون
ان شاء الله نوصل الهم من وكت
كمت ابجي مدنكة وابجي خليت ايدي ع وجهي بس الشهكه تطلع مني
خايفة كلش
شلون راح التقي باهلي
شلون اشوفهم الكاهم لولا
مااعرف خايفة خايفة
وسام كال ادري ليش تبجين
هاي اهلج وراح ترجعين الهم شبيج بعد
بس اشهك استحي اجاوبة
كال هداوي اخذيها واصعدي فوك
كامت هدى جرت ايدي من وجهي
كومي مريومة حبيبتي
تعالي نصعد فوك
كمت ابجي مدنكة
ودموع توكع عشره عشره يربي ليش ابجي
ابجي من الخوف والقلق والشوك لهلي
صعدت الدرج
اسمع ابو وسام يكول
بس كون اهلها يطلون دارسين وفاهمين
كله شمعنه
كله إذا من ذول المتعصبين الي تحكمهم التقاليد والاعراف
صعب
بقيت واكفة ع الدرج اسمع
كله وسام ليش يابة
كله اكو ناس البنت إذا طلعت منهم حتى لو انخطفت
أو مرات تغتصب
يقتلون البنت يعتبروها عار
يابة خوفتني
مثل مااكلك وليدي
اتمنى يكونون اهلها ناس فاهمين ودارسين
يارب
صعدت الدرج النوب زاد خوفي
دخلنا للغرفة
كالت هدى كافي مريم ليش تبجين
خايفه
من شنو
من المجهول
مااعرف شنو راح يصير وياي
وحياتي شنو الجايه
مصيري شنو
ان شاء الله كل خير
يارب
دك الباب وسام
احممم
كالت هدى فوت
فات
وهي كالت أخذوا راحتكم نازله شويه وارجع
اجه كعد بصفي
مريم شبيج تبجين كطعتي كلبي تره
شبيج
بدي احضنه ونام بحضنه واكله خايفة خايفه بقيني يمك
بس مااكدر
كال مو احجي وياج وين صفنتي
كتله خايفة
تخافين واني موجود
هو خايفة من تروح مني
اني مصدكت لكيت الامان
أخاف تروح مني
مااعرف اهلي شلون تفكيرهم
وشنو راح يصير
لا تخافين اني موجود
باوع علي وذب حصره
اخخخ شلون راح افاركج
وج النوب تعودت عليج بالدوام وبالبيت
شلون راح ترحين
راح اكره روحي
مريم مو ما تخابرين
رفعت عيني عليه ودموعي تجري
اي ليش تبجين
ياعيني
استغفر الله
طلع جكارته ورثها
صدك تعاي اكلج محجيت يم اهلي
شفتي
سليمه طلعت بايكة طفله من المستشفى
ومربيتها ومخليتها تجدي وياها
تالي مسحوكة وميته
وبعدين خطفتج
وخلتج تجدين بدالها
كتله الله ينتقم منها
كله من وراها دمرت حياتي
جان هسه اني يم اهلي وعايشة حالي حال البنات
لا همزين خطفتج حتى اتعرف عليج
و ع عيونج الحلوات
تقرب مني مريم هواي حبيتج
وتعلقت بيج
يمة كلبي كام يدك انفاسة جانت دافيه
وعطره يخبل
كوه مسيطره ع نفسي
ارتبكت
لزم ايدي
جريتها
صارت نظراته غريبه علي
ابتعدت منه رجعت ليوره
وراها هز راسه كأنما جان بحلم وصحى
كام
كال اسف مريم
طلع وسد الباب
نمت ع مكانة
واشم ريحة عطره الي مله الغرفة
اه .....
لليل وره ماتعشينة
دخل وسام جان راجع من الدوام
كال اخذت اجازه لباجر
ان شاء الله من الصبح نطلع
جايب علاكة بيده
كال لهدى هاي تسلوا بيهم بالليل
خلي اروح اغير ملابسي
طلع سدت الباب هدى
وفتحت العلاكة
كرزات وحلويات
كامت تخلي كدامي اكلي
كمت اكل ولا ينشبع منهن
قبل جنت اشتري بالبوكة
من سليمة
متدري واخذ من شغلي واشتري نستله لو كاكاو
كالت مريم عندج فون
كتلها مبايل اي عدي
كالت سيفي رقمي يمج
إذا رجعتي
لهلج حتى نبقى صديقات ونتخابر
طلعت المبايل
كالت اكتبي
كتلها مااعرف اكتب
يا صدووك
اي والله ماسجلتني بالمدرسة سليمة
الله لا يوفقها
زين اطيني اني اكتب
لزمت المبايل
فتحته
شافت رقم وسام
كالت هذا رقم وسام
منو كتبة الج
كتلها ضابط وسام
شافت القلب الاحمر
ابتسمت
كالت هاي مكالمات تاريخها قديم
مو اكللكم شغلتكم مو خاليه
وقلوب حمر بسيطة وسام
استحيت منها
كالت مريم تحبين وسام
كولي لا تخافين
الحب مو عيب
أنت تقرأ
#المتسولة والضابط
ChickLitطفلة تخطف من اهلها لتصبح متسولة في الشوارع وتكبر وتلتقي بضابط فيقع بحبها الضابط قصة باللهجة العراقية للكاتبة ام مصطفى
