#المتسولة والضابط

العاشر

#المتسولة
بقلمي ام مصطفى
البارت العاشر
فتح الباب وجره من ياخته وشمره بالكاع
صاح عليه كوم اوكف
وكف
كله شبيج ليش هيج سويت
سيدي شسويت
شنو متعرف شسويت
تعكس ع هاي المسكينه
بعدين تدوس سرعه
وتنكعها خيس،
سيدي مو قصدي بس جنت مستعجل
وطلعت من الادحام دست سرعه
مو قصدك هاا
اطبك الساره محمد
وانت مرتضى اخذه للحجز
عليمن تحجزني ع مود مجدايه
هاي المجدايه مواطنه حالها حالك
وبعدين انت مااحترمت السيطره
كلها
اخذه ذبه
اني بس فاكة حلكي
يربي هالولد الله مصخره الي
كمت لزمت طرف حجابي وامسح بوحهي
هو جابلي بطل مي مقطر
هاج اغسلي وجهج
اشكرك سيدي  رحمه واليدك
كال العفو صفن بوجهي
بعدين هز راسه وراح
شبي هذا صفن واني اغسل
ماعليه
اجه مرتضى
ها ولج مريم وج ماعدنه شغل وعمل غيرج بعد
الضابط وكع بشباكج يمكن
اي عيني شلج بمرتضى
الضابط جيبه ثكيل
ردت اعيط بيه بس خفت تصير مشكله
بجيت
كتله مرتضى شبيك وياي تره اني مو هيج والله
امي تجبرني اجي اجدي
وكمت ابجي مثل الجاهل
هو اسكتي يمعوده فضحتيني
والله توبه اذا احاجيج بعد
كتله اتمنى تصير مثل اخوي
والله اني شريفه وماعدي هاي السوالف
صارلي سنين هنا
متحاميه بيكم
اكدر اروح لغير مكان بس اخاف من ذول المايخافون الله
ومتحاميه بيكم
بس انت ومحمد  مصدكون  وتشوفوني غير شي
اني شنو ذنبي اذا امي  تجبرني اجدي
شنو ذنبي
دنكت وابتعدت منه
صاح مريم والله قهرتيني اني اسف
وانت بحمايتي شحده اليوصلج
مسحت دموعي ابتسمت  إله
ومشيت 
وكفت بعيد عنهم كافي هواي سببت مشاكل الهم
كمت امشي وي السيارات
واركض وراهن  نوبات
صار الظهر رجعت للمسقف
شفت الظابط كاعد
كلت لازم اشكر منه
رحت يمه  يكلب بمبايله
خير
سيدي اجيت اتشكر منك
ع شنو تشكرين هذا واجبنا حماية المواطن
ماكو داعي
ميخالف لازم اشكرك
وشكرا لان انطيت لامي فلوس حتى تاخذني
لا عادي دفعت بله  كلت
ربي يدفع عنك القضاء، والبلاء ويستر عليك وع اطفالك ويحفظك
رفع راسه من المبايل ابتسم ابتسامة خفيفه
كال شكرا ع الدعوه الحلوه
بس اني مامزوج بعدني
ها ربي يرزقك ابنت الحلال يارب
كال اكعدي ليش واكفه 
كتله لا سيدي اروح كافي مشاكل
هواي سببت الكم
كال مريم انت ليش متغطين وجهج
شلون يعني 
تخلين وصله ع وجهج انت
حلوه ماشاء اللة  عليج وصغيره
اكيد المايخافون الله يطمعون بيج
انت شكد عمرج
كتله 14 سنه
كال بعدج طفله والله عبالي بالعشرين عمرج
كال طفله صغيره  وبالشارع
كتله والله اني لوما العوز وامي تجبرني اطلع جان ما طلعت
كال ليش ابوج وين
كتله متوفي وماعندي لا عمام ولا اخوان وكاعده وي امي بوحدنا وهي هم تشتغل صار سنين من جنت طفله صغيره اجي هنا حتى اسئل عمو ابو غايب وللله لا يوم سويت مشاكل ولا بكت ولا عاركت بس من كبرت كلها طمعت  بيه
جنت احجي ومدنكه استحي من الي احجيه كال ليش مدنكة راسج
ارفعيه خلي اشوفج
رفعت راسي
كال مريم اي شتحتاجينه اني موجود
كتله كلشي مااحتاج غير سلامتك
اني اريد استرزق واروح
والله ماعدي شي ثاني
كل ذنبي فقيره ويتيمه
اتمنى عندي اب اخ  عم
ويخلصني من هاي العيشه
تعبت واني كاعده بالشارع واجدي
واليسوه والمايسوه يسمعني حجي ويتحرش بيه
طلع جكاره ورثها
كام يتنهد ويذب حصرات
كال مريم باوعلي اريد اكلج شي رفعت راسي كال مريم
سمعت صوت محمد صاح سيدي  الحك كله شكو سيدي لزمنا ارهابي مفخخ
شنو وينه هناك سيدي
وينه ولك جوه يم المسقف
سيدي بسرعه قبل لا يفجر روحه
اتصل  بالهندسة  تجي تفككه
دار وجهه علي كال مريم  روحي بسرعة
منا بسرعة
كتله منتظره سليمة  قصدي امي تجي تاخذني
صاح اكلج  روحي بعصبيه بسرعه
مالكاج هنا روحي يله
كمت امشي
واتلفت  وكلبي يمهم خطيه الولد،مايستاهلون،
امشي واتلفت
الشارع فرغ
وصار رمي
واني استعجلت، بالمشي عبرت، الشارع
ورحت، 
وكلبي يمهم
سمعت صوت انفجار انقفص كلبي
درت وجهي اشوف بس الدخان طالع
كامت دموعي تنزل
يارب احفظهم شباب، وعدهم عوائل
يارب شيردون منه ذول
والله تعبنا  ربي احميهم بجاه الحبيب
محمد
رحت للبيت  فتحت الباب وطبيت كلبي مقبوض مااعرف شصار 
بس ادعي وابجي

فرشت المصلاية وكعدت  ادعي
كتله ياربي مااعرف شيكولون بالصلاة
بس اكيد بيها دعاء
يارب احفظهم من كل مكروه
لشويه اجت سليمه مفرفحة
طبت شافتني
حضنتني
يمه مريم سالمه
كتلها شبيح
كالت   رحت اجيبج  كالوا  سادين الشارع  صاير انفجار بالسيطره
ورجعوني ماخلوني
افوت عليج 
عبالي صارلج شي متت
يمه همزين سالمه
اول مره اشوف الخوف والحب بعيون سليمة
كتلها يمه فدوه
والجنود شصار عليهم كالت والله ماادري اني ردت افوت مخلوني
الدنيا مكلوبه
والدخان طالع
ورجعت ادك والطم عليج
انوب سليمة قلقتني بالزايد عليهم
عبالك شلون اهلي وخايفه عليهم
هيج كمتت ارجف عليهم
وضليت كاعده بس ادعي
سليمه مقبلت اروح لعصر
كالت ماترحين ضلي لباجر
بلكت تهدأ
وللحكاية بقية 
ام مصطفى