#المتسولة
بقلمي ام مصطفى
البارت الثلاثون والاخييييير
مرام
كلش فرحت من كال وسام أمه اقتنعت
سديته منه
ونزلت حاجيت امي
جانت واكفة تغسل اماعين ع السنك
وكفت وراها ماما
كالت ها ماما
سكتت
كالت تحجي ها
اندارت علي شافتني مدنكة
وخالة اصبعي بحلكي
ذبت الماعون من ايدها
ومسحت ايدها
واندارت علي
ها ماما شكو رايده شي
اي ماما
شنو
ام وسام تريد تجي تتعرف عليكم
كالت هله بيها ماما
يعني تجي تتعرف
لو تخطب
لا ماما هسه تريد تتعرف عليكم
لان أمه هواي تدقق بهيج أمور
اي ماما هله بيها شوكت متجي
قابل شعدنة احنه
بس بابا شلون
خاف يسئل ليش جايين
عادي نكوله زياره عادية
اي عفيه ماما دبريها منج
ان شاء ربي يقدم البيه الخير
بس ابوج مااصور يقبل يزوجج تره
ابوج واعرفة
عفيه ماما ابوي عليج انت اقنعيه
صعب والله
بس الله كريم خلي نشوف همه شيكولون
رجعت تغسل المواعين وتحجي وياي
هسه هو ليش مستعجل
خلي يعوفج ادرسين
وتخلصين ثالث ع الاقل
ماما هو يكول اني كبرت
واريد ازوج واستقر مو مال انتظر هالكد
ليش هو شكد عمره هسه
عمره ٢٩سنه
ها
العمر كله يارب
مو جبير زين صغير
تره بعده العمر كدامة
لا يكول كبرت مااكدر انتظر بعد أكثر
مااعرف والله
خلي نشوف ابوج شيكول
.......
بالليل خابرت وسام
هلو مريومة
هلو عيوني
اليوم كلت لامي راح تجون
اي وشكال
كالت كل الهلا بيهم
شوكت ميجون هله بيهم
اي زين
اليوم اني هم حاجيت امي
ان شاء الجمعه نجيكم اني وامي
وهداوي
اييي الله عليك جيب هدى
لج هي مخبلتني عليج
فدوه لعينها شكد محبوبه
عوفينه منها
مشتاقلج ولج اريد اشوفج
مو عدج نت دنزلي اي برنامج خلي افتح كام وياج
لا بابا ميقبل اي برتامج ميقبل انزله
بس دروس وبس
هسه هو شمدريه يمعوده
نزلي ع السريع فايبر وات ساب
لا اسفة مااكدر
ليش شبيج تره عادي
لا وسام بابا منعني منه
ما اكدر اسوي شي مانعني منه
بعدين كامرا ليش
جاي نتخابر كل يوم وتسمع صوتي
مرام عجبتيني أكثر
ردت اجربج بس لا غير
يعني شنو مافهمت
احسن لا تفتهمين
المهم مبقى للجمعه يومين واجيكم
اووف شيجيب الجمعه واصبر شلون
هههههههه شبيك
قلق وخايف
اني هم امك صراحه ميعجبها العجب
خايفه منها
يمعوده لا تخوفيني زايد
الله كريم
يله اروح انام
اوكي تصبحسن ع خير
اجمعين
الصبح كلت لامي ماما الجمعه يجون يعني عكب باجر
كالت العصر اخذج ونروح للسوك
شنسوي
اشتريلج ملابس والي
ليش ماما قابل خطوبه هي
ميخالف ماما اريدهم يشوفوج باحلى ميكون
خلي نخلص الغده من وكت
حتى نروح من وكت
ان شاء الله
هواي يعجبني اطلع للسوك وي امي
ادللني كولشي تشتريلي
أنت تقرأ
#المتسولة والضابط
Chick-Litطفلة تخطف من اهلها لتصبح متسولة في الشوارع وتكبر وتلتقي بضابط فيقع بحبها الضابط قصة باللهجة العراقية للكاتبة ام مصطفى
