#المتسولة
بقلمي ام مصطفى
البارت الرابع عشر
طبيت للبيت وسديت الباب
سليمة كالت تعاي ولج فهميني
شعدج وي الضابط
هااا احجي
يمة ماعدي شي وياه ع كيفج
مريمه تره اني مو مطيه وماافتهم
ضابط بكبره وبكده يجي يوصلنه
إذا مو عدج شي وياه
يمه شبيج هو يكول احب اساعد اني
مو بس وياج كل الفقره
وهاي هيه
لزمتني من شعري بعصبيه
احس ركبتي الوة
وج بيش يساعدج
لا تكون دكليله شي
وسليمة باكتني
وهاي السوالف
يمة اخ اخ عوفيني
ع كيفج والله مااكول
اصلا نسيت السالفه انت مو كلتي انت بنتي وبقيتج يمهم
لو جذب صح بكتيني منهم
اي بنتي وبقيتج يمهم فتره لان ماعدي مكان وبيت
وسمره طرتني من بيت سعدون واخذتج عدهم
بس عوفي شعري يمه
مااعوفة إله تكطعين علاقتج بيه كلش
يمه مااعدي شي وياه من كل عقلج يباوعلي
شوفي اكلج حتى لو باوعلج
حتى لو اجه يخطبج مااطيج إله
لو يموت لو يزحف زحوف
كطنة وشلعيها من اذانج
كمت ابجي بس عوفي شعري
ركبتي طكت شبيج
عافتني
كتلها كليلي سعدون يكلج بنتج انسحكت
يعني اني مو بتج
لا ماانسحكت اني كتله انسحكت من عفتج يمهم
يمه تشوفيني غبيه لهلدرجه
قابل ميعرف شكلي
كافي سدي الموضوع انت بنتي
وهذيج جنسيتج عدي
هذيج جنسيت
بنتج الماتت
اني وين اهلي منو اهلي دليني عليهم
لج اني امج انت بنتي والله بنتي
وكعدت تبجي
وتملخ بروحها
بنتي انتي تردين تعوفيني مريم
اكلج بتي انت انت روحي من الدنيا
اكتل روحي واخلص احسن
حتى بنتي ماتريدني
وين اطي وجهي
دخوتني ونستني الموضوع كله
تعاطفت وياها وانقهرت
عليها
كافي يمه كافي
ولج مريم انت طلعت بيج من الدنيا تالي
مصاحبة ضابط وتردين تشتكين علي
يمه والله ممفكره هيج ابد
هو شاف وجهي
وحجيتله ع لويث وبس
كتله اني وامي مالنه احد
وكال اني اساعدكم
احلفي بالقران ماكلتيله شي ولا راح دكليله
يمه والقران اصلا مو بالي اكله
وبعدين انت امي واني مااعرف غيرج بالدنيا
كالت هاي هي مدام حلفتي الي متكليله شي
بعد مالي علاقه بيج
بس اكلج إذا بس يساعدج عادي
احجي وياه بس حب وزواج وسوالف ماكو
يمه شبيج من كل عقلج ضابط يحب مجدايا
كالت انت حلوه وصغيره تصير يمه
واني اخاف عليج مو مستوانه
ويضل العمر كله يحملج منيه
انت جنتي مجدايه وازوجتج
يمه كافي فهمت والله
كامت كالت يله سوي عشه
اريد اطب اسبح
راحت طبت واني فتت اكشر بالبتيته
دك المبايل طفرت
تباوع عليه يشتغل الضوه والقلب الاحمر طالع
ويدك واكلبي يدك مثل هذا القلب
دست الخضره
خليته ع اذاني
كال الو
الو
ها مريم
انت الضابط
كال لعد منو ابوي
ها العفو سيدي
مريم كلت اطمن عليكم خوما صار شي
كتله لا سيدي ماكو شي
مرومه بلاها سيدي اني هسه مدني راجع للبيت
وانت بالبيت شيلي سيدي
كتله لعد شكلول
اويلي شنو هذا صوتج بالمبايل
شنو شبي
يخبل يمعوده دوخني
هااا
اي
شنو هو
ماكو شي سلامتج
محتاجة شي انت
كتله لا سلامتك
كال يله اروح
ادري امج يمج ومتكدرين تحجين
بس مثل مكتلج اي شي يصير
دوسي ع القلب وخابري
كتله ان شاء الله
باي
بيباي
سده
خليته ع الكاونتر
وكلبي يدك سريع
واحس اديه بايده مااكدر اسوي شي
اصفن بيه
دقايق وانتبهت ع روحي
شلون ياربي
شكد ضعيفه كدامه اني
كمت اكلي بالبتيته
طلعت سليمه
بعدج لهسه ممخلصه
شكد ثوله لخاطر ربج
كتلها هسه اخلص
أنت تقرأ
#المتسولة والضابط
ChickLitطفلة تخطف من اهلها لتصبح متسولة في الشوارع وتكبر وتلتقي بضابط فيقع بحبها الضابط قصة باللهجة العراقية للكاتبة ام مصطفى
