#المتسولة
بقلمي ام مصطفى
البارت الخامس عشر
صار دووووي قوي وعجاج ودخان
اريد افتح عيوني مااكدر
اريد اشيل روحي مااكدر
بديت ادووخ وعيوني تغوش
واذاني تصوووفر مااحسيت إله انشلت ع مكان وصووت الضابط
مريم مريييم
اكو شي يمشي بيه
سياره عربانه مااكدر افتح عيوني
بس احس
وصووت مالتهم يروح ويرجع
ووووووووواااوووو دووي
مينفهم
حسيت بجكة ابره
وراها كمت احلم هواي احلام وكوابييس
فتحت عيوني
اشوف سليمة كبالي
املخه وجها
شافتني مرررريم بنيتي دكتور كعدت كعدت فتحت عيونها
اجه الدكتور شافني كال اي زين
مدام صحت هسه حضروها للعمليات
نطلع الشضايا من رجلها
كالت سليمه يا عمليتيش دكتور
كالها رجلها بيها شظيه
لازم انطلعها
يمه كامت ادك
اني دايخه من سمعت هيج
حركت رجلي اليسرى مابيها شي
واليمنى وجعتني كلش وثكيله كلش
عرفت رجلي بيها شي
طلع الدكتور
وسليمة اجت يمي شيوجعج مريم
يمه راسي مسطور واديخة
ورجلي توجعني
بس كليلي شنو صار
وسام شصار علي
كالت لا تخافين مابي شي بس جروح بي ورغم جروحة شالج وجابج
هو شصار فهميني
انفجار انفجرت سياره بداخل المسقف
والحمد لله انت والظابط جنتوا بعيدين عنها
اجتكم بس الشظايا
يمه والجنود شصار الهم
يمه هو بس الجنود
سير السيارات الي بالمسقف كله احترك
عوايل ماتت واحتركت
كوستر مليانة ناس محتركة
والسيارات وحده تحرك الاخ
وصارت ملحمه
كمت ابجي
يمه اكيد وسام مابي شي
والله مابي شي
بس راح يشيلون بالجرحى والشهداء
يمه معرفتي منو استشهد مااعرفت والله بس الضابط
جان يبجي
وخابروه وراح حتى مبقى برغم اديه مضروبه
وشظيه بجتفه
وراح مااعرف منو من جماعته
مستشهد وراح
متت قهر وكمت بس ابجي كل شويه اتخيل واحد مستشهد
منهم وابجي عليه
وره ساعة
جابوا السديه ودخلوني عمليات
أول مره اشوف غرفة العمليات
شايفتها بس بالمسلسلات
نفس الشي صدك
كلوبات جبيره مشتغله فوك راسي
وسديه بالنص
ودكاتره داير مدايري
اجه الدكتور كال شسمج
اسمي مريم
شكد عمرج كتله راح ادخل بال١٥ سنه
يحجي وياي
وعلكلي مغذي بعدها
خله بحلكي هاي مال الاوكسجين
كال اخذي نفس باباتي
الله شكد حلوه هاي الكلمه
بابا
اخذت نفس وراها صورته بدت تروح
وصوته صار بعيد
نمت ماافزيت بس ع وجع رجلي
واني بالغرفة راجعه
واصرخ من الوجع
ووسام فوك راسي وامي سليمة
عيونه طاكة بجي
ومضمد جتافه
وايده لافها بلفاف معلك بالركبه
ووضعه يقهر
كلت وسام
كال الحمد لله ع السلامة مريم
بس صوت حزين مبحوح كوه يحجي
الله يسلمك
سيدي شلونكم ضل بالي عليكم
الحمد الله ونزل دموعه
وكام يمسح بيهن
فدوه سيدي شصار وي الجنود
امي دكول مدري منو مستشهد
كال ارتاحي وبعدين اكلج
لا عفيه هسه كلي
شصاير
كال ما اضم عليج كلبي مورم ومقهور
راح اطك مريم
دك مبايله جاوب
هااا يابه
ماكو شي زين لا تخاف
اي بالمستشفى
لا يم واحد صديقي
اي ابو غايب
لا اليوم زين
اي اي
ان شاء الله كلها لا يضل بالها هسه شويه وارجع
لا السايق وياي لا تخاف
شنو السالفه بويه
جهال خوما جاهل اني
يله اني يمي جماعتي
الله وياك
سده
سليمة كالت راح اجيب مي واجي
كال فوك ضيمي امي تركض وراي
تريدني اكابلها واكعد
كتله امك تخاف عليك
كال مو هيج خبلتني هي وابوي
تريدني ابطل واكعد
إذا اني اكعد
وذاك يكعد
منو يدافع عن وطنة
شلون نكدر نطلع ذول الانذال من يمنا
منو يحميها ويحمي الناس
إذا مو اني اطلع واخوي وجاري
ونضحي لاجل الوطن
وطنا يستاهل ننطيه روحنا
كام يحجي كلام صراحة ماافهمه
بس حسيته كلش حلو ويريح
كلامة
وهو جان دمه محروك
كتله سيدي ماكتلي منو استشهد منو أصوب
كال ابو غايب أصوب
كتله وهسه شلونة كال زين اليوم
بس
ودنك كام يجر حصره
كال مرتضى مريم
مرتضى استشهد
وضل يبجي
من كال هيج صرخت لا عفيه
عبالك اخوي لو واحد أقاربي مات
وهو أكثر من هاي صح اذاني آخر فتره
بس خطيه اتعذرلي
اذكرت كلمته من كلي ابريني الذمة
احنه مستهدفين
آخر كعده وياه
لا يربي بركبته عايله
ابوه عاجز
أمه اخواته
اطفاله
كمت ابجي واشهك
اذكر من يكلي اني مثل اخوج بعد
واخر كعده وياه من ضحك ع العكروكة
اووف ياربي
هيج بسع بسع راح
رفعت راسي وبعد منو استشهد
كال ياسر وكاضم ومرتضى
٣ جنود من السيطره
وجرحى كولنه وانت من ضمنا
وسياراتنا احتركت كلها
والمواطنين هواي راحوا
اخخخ بويه
لو شوفين أمه مرتضى كوه شالوها من التابوت
واله زوجته تخبلت
لو جهاله يتصارخون
لو اخواته
اخخخ
ليش هيج يصير بينه
هو يحجي واني ابجي
كال كافي مريم مو زين عليج
اني اروح
لازم ابقى واكف بالفاتحة
ابو غايب ومحمد موجودين هنا جرحى
اي شي تحتاجينه
كوليلهم
وصدك هاج
هذا مبايلج
لكيت جنطتج بالكاع بنفس المكان الشلتج منا
خابريني عود شتردين
خله فلوس يم راسي
وراح
واني بقيت بس اذكر بمرتضى
وشكله وضحكته وكلامة
وابجي شاب بعمر الورد راح
بلحظه
الله لا يوفقهم شيردون منا
دخلت سليمة
جايبه مي وشرابت
كالت راح الضابط
كتلها اي وابجي
كالت ها شبيج
يمة مرتضى مات
كالت الله يرحمه كلنة نموت
كافي مو زين عليج
دخل الدكتور و وياه الممرضه
كال اكلت شربت
كالتله بعدها
كلها وكليها حتى تأخذ علاجها
و باجر تطلع
مابيها شي
طلعنه الشظايا
وره اسبوع جيبوها نفتح الخيط
وان شاء الله فتره وترجع تمشي
كالتله ان شاء الله
ثاني يوم طلعت
بقيت كاعده بالبيت
وسام يخابرني يطمن علي
ويسده
ابد مفتح موضوع ثاني وياي
بس يسئل يسلم ويسده
وكلش مقهور وحزين
بيوم الي فتحت الخياط بالليل
أتهجم لويث علينا
بالليل
كام يصيح افتحوا الباب
لا اكسره ويصيح باسمي
لزمت المبايل وخابرت وسام
ربع ساعة ووصل
وللحكاية بقية
ام مصطفى
باجر اتأخر بالتنزيل
أنت تقرأ
#المتسولة والضابط
ChickLitطفلة تخطف من اهلها لتصبح متسولة في الشوارع وتكبر وتلتقي بضابط فيقع بحبها الضابط قصة باللهجة العراقية للكاتبة ام مصطفى
