#البارت العاشر
#ذنوب لاتغفر
#للكاتبه《روزاية》
جمدت بمكاني من شفت السياره اريد ابتعد رجليه ماتتحرك ماحسيت غير بس نغزه شي حاد بخاصرتي ...
يحجي بهدوء اصعدي بسرعه لا انوم السجينه ابطنج...
عيوني متروسه دموع واشوف احمد مبتسم ويأشرلي حتى اصعد...
ردت اصيح والم الناس تحركت شوي ..
جرني من ايدي وكال ترى صورج عدنه بس تصرفين تصرف غلط..
هسه ينشرن...
من كال هيج ما عرفت شراح اسوي اشوف الدنيا صغرت بعيني ماعاد حيلي يشيلني ضل يدفع بيه حته اصعد...
وي حضي الشارع جان فارغ وقليل بي ناس تفوت..
وهو مامبين علي شي عبالك واكف يحجي وياي...
اخذتني رجليه من الخوف وبخطوات بائسه صعدت بالسياره...
كتله احمد الله عليك رجعني ماسويتلك شي...
ساكت احمد وصديقه اسمه بسام هو يغلط ويحجي...
دموعي تجري والخوف متملكني شراح يسوون بيه ياربي ساعدني...
اتوسل باحمد ولا يمهم الحجي .. افتح بالباب واريد اشمر نفسي من السياره ...
بس مقفوله...
اشكال الغلط والفشار سمعت منهم ..
وصلنه لبيت قديم مبين متروك ..
بسرعه نزل بسام فتح الباب ودخلو السياره جوا...
كمت اعيط بس سد حلكي واخذوني يجرون بيه شمروني بنص الهول مفروش زوليه قديمه والبيت وسخ...
اتوسل بيهم الله عليكم عوفوني ...
ضربني احمد راشديات واني ما احس بالم بس اريد اخلص واطلع منا..
كال ولج انتي حرامات واحد ينقذج مخطوبه وخطيبج ابن اوادم وادورين ورا...
صارلج اشهر مصداقتني على الفيس ومسويه نفسج شريفه...
كام يضربني دفرات بكل قوته ...
واني اصيح اريد واحد يخلصني ...
جرني بسام وكام ينزع بشالي وايده على جسمي تتجول...
اصرخ بكل قوتي احس اوتاري تتملخ ومحد يساعدني...
ينزع بقميصي ويضربني ...
صاح بي احمد عوفهه خلي تولي...
ابتعد من يمي ...
وتقرب احمد خله وجهه كبالي كال هذا درس الج اكدر هسه اسوي بيج الي يعجبني ..
مره ثانيه حفظي نفسج وحفظي الرجال الي وراج...
وابتعدي عن انس ..
اذا سمعت لوشفتج تمشين وياهه والله امثل بيج تمثيل...
كام من يمي واني الم بنفسي عدلت شالي شلون ماجان وطلعت لسياره...
صعدت ورا وبسام بالصدر...
طول الطريق اشهك من البجي شسويت بنفسي ياربي ...
نزلوني براس الفرع ورحت اركض للبيت خاف واحد يشوفني ...
بسرعه صعدت للغرفه كمت ادك على راسي لويدري ثابت شراح يسوي بيه ...
شلون مشيت بهذا الطريق ...
كمت اضرب نفسي بقوه ولج تقوى ماخفتي ربج ...
احس حيلي انهد كمت غسلت وبدلت ولفلفت نفسي ونمت...
ثابت مسافر واتصالاته قليله ...
لوهنا جان كشفني وتصير موتي على ايده...
ضليت 3 ايام انترنيت ما افتح واتجنب نعيمه والبنات يسالني اكلهم مريضه...
دك عليه ثابت حجه وياي كال اسبوع وارجع ..
احجي ويا وارجف..
انتبه عليه وضل يسأل شبيج ..
واني احاول ما ابين على نفسي كتله مريضه...
كال افتحي انترنيت احجي وياج..
فتحت انترنيت بعدني بس فتحت الواي فاي ..
وبدت الرسائل اشكال تجيني
من صفحه اسمهه بسام...
ارتبكت حيل اريد احجي وي ثابت ما اكدر..
كوه سيطرت على نفسي...
شوي حجينه وراح..
فتحت رسائل بسام كاتب اذا ماتجاوبين
والله انشرج بكل مكان واخلي خطيبج يذبحج ويدفنج....
كمت ارجف ياربي ابيش ورطت نفسي
منين جاب صوري؟؟ شلون راح اخلص من هاي السالفه؟؟
معقوله انس الهه ايد بالسالفه الله لايرضى عليج اذا صدك..
أنت تقرأ
ذنوب لاتغفر
Romantizmلست انا من كتب قدري لست انا من حكم علي بالفقر والعازه ولست انا من حكم على قلبي بالنبض اليك فقط لكن انا من كتبت وحكمت على نفسي بان اصبح حلوى مكشوفة منبوذة يسيل لها لعاب الرجال القذره لعلك تراني وترأف لي وتنتشلني من هذا البئر فتكون منقذي من ضياعي ووح...
