Crestfallen
(Original Date Written: 09/19/18)
I
Tulala sa kung saan,
Iniisip ka na naman.
Bakit ba iniwang luhaan,
Gayong totoo naman ang nararamdaman?
II
Nagsimula sa wala,
Hanggang sa puso'y umasa,
'Pagkat iyong pinaasa,
At sinabing may pag-asa.
III
Nagkaroon ng tayo,
Ng ikaw at ako,
At sa bawat araw na lumilipas,
Pagmamahal sayo'y hindi kumukupas.
IV
Nararamdaman ay lumalalim,
At sa isa't isa'y walang itinatagong lihim.
Naging makabuluhan ulit ang buhay ko,
At 'yon ay dahil sa'yo.
V
Naging masaya naman tayo,
Laging nakangiti at tumatawa,
Kaya't ako'y nagtataka,
Kung bakit umabot sa ganito.
VI
Nag-iisang muli,
At lungkot ang pumalit,
Sa sayang nadama,
Noong tayo pang dalawa.
BINABASA MO ANG
Poems By Yours Truly
PoetryMga tula galing sa malikot kong isipan mehehehe. Ang iba ay mga karanasan ko mismo at naramdaman o nararamdaman. Ang iba naman ay galing lang sa mga naoobserbahan, nababasa, at napapanood. Enjoy! Puro tagalog lang po, ang hina ko po kasi pag-english...
