SEASONS of LOVE 1 The Series - Springtime : Songs of Haru ✔

Episode 14 - Sparks Fly

*Haru*

•••

   Hah! It's official.

   I hate that Sophie girl.

   At anong klaseng pangalan 'yon? Sophie? Katunog ng Shopee. Sophie, Shopee, Shophie. Kahit naiinis ay bahagya akong natawa sa naisip ko.

   Pero naiinis pa rin ako. Lalo na sa Dark Lord. Wala man lang siyang ginawa para umalis ang Sophie na 'yon sa kandungan niya.

   Sabagay, baka nga higit pa roon ang ginawa nila kahapon sa condo niya. Kung nagagawa nila ang magkandungan sa harap ng ibang tao, ano pa kaya kapag sila na lang dalawa?

   Napalitan ng lungkot ang nararamdaman kong inis. Parang gusto kong bumalik sa taas sa halip na para akong timang na naglalakad sa gilid ng kalsada.

   Gusto kong paalisin ang Sophie na 'yon at sitahin si Rain kung bakit hindi man lang siya pumapalag sa mga ginagawa ng babaeng 'yon.

   Pero ano naman ang karapatan ko?

   Wala.

   "Hi."

   Napaangat ang paningin ko sa nagsalita.

   "Ako?" Turo ko sa sarili ko.

   "Yup, I'm Oscar, but just call me Osky, and you are?" Inilahad niya ang kanang kamay habang nakangiti.

   "Haru." Tinanggap ko iyon at sinuklian ang ngiti niya.

   "Hi, nice to meet you, Haru. So, uhm, I was watching you from over there." Itinuro niya ang isang open-air na coffee shop sa kabilang kalsada. "Not that I was stalking you," saka siya tumawa. "But you look troubled."

   Lihim ko siyang pinagmasdan habang nagsasalita. Kasing taas ko siya, maputi, mabait ang bukas ng mukha. Nice smile.

   "Do you want someone to talk to?"

   "Ahm, hindi ko maintindihan pero, bakit?"

   "What do you mean?"

   "Bakit gusto mo akong kausapin. Ibig kong sabihin, hindi naman tayo magkakilala."

   "Oh. I'm a missionary, see?" Iminwestra niya ang kasuotan.

   Oh. Kaya pala ganoon ang suot niya. Itim na slacks, black shoes, white polo na may nameplate sa dibdib na may nakasulat na Tabamo, at necktie. At messenger bag.

   "And we spread the words of God. 'Yon, so, bakit malungkot ka?" Patuloy niya.

   Okay lang ba na idaing ko sa kanya ang maliit kong problema? I mean, hindi naman iyon ganoon kalaki.

   Pero sige, minsan mas mabuti nang magbuhos ka ng hinanaing mo sa isang taong hindi mo kilala. Knowing na hindi na ulit kayo magkikita.

•••

   "Ayon, naiinis lang ako kasi.." bumuntong-hininga ako at nagkibit-balikat saka humigop ng kape.

   "You're jealous."

   "Hindi. Ibig ko lang sabihin.."

   "It's okay. It's normal, especially kung may nararamdaman ka. But first of all, the Bible says, in Leviticus chapter twenty, verse thirteen; if a man lies with a male as with a woman, both of them have committed an abomination; they shall surely be put to death; their blood is upon them."

   "..."

   "Kasalanan ang magkaroon ng relasyon sa kapwa lalaki o kapwa babae. Pero, hindi kita sesermunan tungkol do'n." Ngumiti siya at tumingin sa paligid.