اشار الطبيب الي الكرسي المتحرك..اجلسنا عليه رائد..بين مصدق ومكذب..استمر ف تقبيلها واحتضناها بقية اليوم ..سمح لنا الطبيب بإخراجه من المستشفي..رافقنا المعالج الطبيعي الي المنزل ف خلال 3اشهر اصبح لدي رائد قدرة علي المشي مسافات قصيرة ..حقآ هذا العقل البشري معقد فسبحان الله..أصر رائد علي صغيرتي ان تعود الي البلاد..رفضت ف البدايه ولكنها اذعنت لرغبات اخيها..مضي شهران منذ اخر لقاء لي بها عندما اوصلتها الي الطائرة..استمرت طول الطريق توصيني ب اخيها وتشكرني علي م فعلته معهما..ظللت واقفآ الي ان اقلعت الطائرة وحملت روحي معها ..اصبحت الشقه باردة باهتة بدونها..لا اصوات ولا ضجه الا حين يتشارك رائد ومهند العاب البليستيشن ..تستمر بالاتصال ف معظم الاوقات تمزح تضحك..لكني حقآ افتقد وجودها..منذ اسبوع مضي كانت نتائج الفحص الاخير لرائد اعلن فيه الطبيب عدم حاجاته لمذيد من العلاجات..فقط يحتاج الي فترة نقاهه وراحه بعيدآ عن التوتر والانذعاج ..اقترحت علي رائد السفر الي احد البلاد الساحليه للاستجمام ..لكنه رفض الا ان يذهب الي عائلته ..اردت ان احتضنه واقبله لاني ايضآ اشتقت الي صغيرتي ..استمر صراخها وقفزها وهي تحمل الهاتق حين اخبرها رائد اننا سنعود ف الغد..اردت ان اقول للطبيب اي اذعاج اكبر من هذه الصغيرة المتحمسة..اقلعت الطائرة..دعوت الله الا نعود الي هذه البلاد ابدآ..كنت افكر..اشتقت الي بلادي حقا 4سنوات والنصف واكثر بقليل ..كيف مضت هذه السنوات ..اشتقت الي امي..ابي..اختي..وليد..اشتقت الي اصدقائي..هذ سماء بلادي م اروع هذا الشعور يخيل الي ان خارطة بلادي هي عيناها نعم اشتاق الي عيناها اكثر من كل شي اخر..وقفت قليلا مع احد اصدقائي من ضباط الجمارك ..اشرت الي مهند ورائد لكي يسبقونني .. عندما خرجت لم اجد غيرها ..عيناها تبحثان عن احد ما ..استقرت عيناها علي ..هرولت مسرعه الي تحتضنني قائلة لقد اشتقت لك كثيرآ ..وجدت نفسي ابادلها العناق لقد اشتقت لها انا ايضآ ..
..
..
مشينا المطار عشان نستقبل رائد ياخ اصحابو براهم كانو مالين المكان 😂😂بعد وصل رائد ومهند سلمت عليهم تاني م شفتهم بالجوطه 😑بقيت بفتش ف وسام ..وينو ي ربي 😕فتشت مهند سالتو قال لي جوة طلع لسه ..كلهم طلعو وركبو عرباتهم وانا واقفه منتظرة وسام 😑قلت خلاص معناتو طلع وانا م شفتو 😣عاينت كدة لقيتو طالع 😍وسام اخيرا ياخ والله بدون م احس لقيت نفسي ف حضنو 😂مشتاقه ليو ياخ ..م حسيت الا ب صوت وليد بقول لينا "م كدة ي جماعه عملتوها واضحه 😂"وسام قال ليو نعملها واضحه ف زول عندو لينا حاجه😒قال ليو لالا الرئيس م بسألك بس خايفكم تدرعوها قدام الناس😂😂وسام عاين ليو كدة😠قال ليو وليد اتخارج 👊وليد قال ليو طيب سلام زاتو م عايز تسلم😛سلم ع وليد وطلعنا وسام ماسكني ب يدو الشمال م نصي 🙈والمشكله انا عايزة امشي من جنبو وهو م راضي يخليني طلعنا بره سلم ع اصحابو وامي ورهف وخالاتي وعمي وكلهم وهو لسه ماسكني وهم م اتكلمو ولا حتي عاينو لينا ساي😕انا قلت ديل فرحانين ب رجوع رائد عشان كدة م انتبهو 😑وسام قال ليهم نحنا حنطلع مع وليد يلا نتلاقي ف البيت 😊دقيقه ي ود الناس نحنا منو😂متكون قاصدني انا 😑طوالي جراني وركبنا عربية وليد ورا عاينت ليو كدة😒قعد يضحك قال لي هسه م كنا مشتاقين وكدة وعاملة لي فيها عمر احساس وحضن وبتاع😉قلت ليو يعني شايف الناس كتيرة كيف ماسكني كدة مالك😬قال لي وانتي لما حضنتيني الناس ديل زاتم كانو وين😂م مشكله هسه ماف زول😉رايك شنو اوريك انا كمان مشتاق ليك كيف ☺طوالي زحيت من جنبو وعاينت ليو كدة😨قعد يضحك قال لي متخلفه دي👋قلت ليو اي اي اضحك غليظ👊وليد جا قال لينا اديتكم فرصه كافيه انشالله كملتو رومانسياتكم😛وسام قال ليو لالا م كملناها اتفضل انزل😒قلت ليو انت كمان بطل👋وصلنا البيت نزلنا ولقينا الجيرااان كوووولهم هناك😂😂رائد قال ل رامي انتو لميتو البلد كلها هنا ولا شنو😂 ضبحنا وعملنا كرامه لي وليد ياخ الناس دي كتيرة بشكل م شالله😊بعدها وسام قال لي رائد لازم ترتاح لانك قعدت كتير طلعو غرفتو بعد شويه جا نازل هو ومهند وودعونا وطلعو 😊ياخ كان احلي يوم ده ..
قضينا شهر بعدها انا نزلت الجامعه وكنت متفاءلة شديد بالسنه دي 😍 رائد قال الا ينزل الشغل بس رامي قال ليو م حتنزل هسه ترتاح شويه ورامي بقا يجيب ليو كل الاوراق حقت الشغل ف البيت يعني بقي متابع من البيت 😊واصحابو م مقصرين معاو كل يوم يجوهو ويطلعوهو وكدة😊 وانا انشغلت بالجامعه ونسيت اي شي 😊كنت بتمني متين اخلص الجامعه عشان ارجع البيت 😂بقيت بخاف اغيب من البيت تحصل ليهم حاجه 😣لا قدر الله ..رياض نزل المدرسة كمان ..ورهف برضو نزلت الشغل وكل يوم وليد بوصلها البيت ويدخل يتغدا معانا ويطلع 😊قلت ليها ربنا يديم المحبة😛قالت لي الله يديك😂قلت ليها دايرة وليد بس😍قالت لي وليد ده ذي الجوكر ف الكتشينه😊قلت ليها الكتشينه فيها جوكرين😛اليوم داك. انضربت ضرب منها😂😂يوم بعد وليد اتغدا معانا قال لي رامي ورائد عايز اتكلم معاكم😊دخلو االصالون 😑جرس الباب ضرب رياض فتح الباب لقاو وسيم جا داخل سلم علينا ولا سألنا الاولاد وين طوالي مشي ع باب الصالون ..انا وامي ورهف بقينا نعاين ل بعض😂😂قلت ل امي ف شنو 😑عاينت لي كدة😒قالت لي اساليني تاني👋قلت ليها ف شنو ي امي😂م حسيت ليك الا ب شبشب طاير ب فوق راسي 😑قلت ليها اصبحت السما تمطر شباشب 😂😂وجريت جري قبل م تلحقني الفردة التانيه 😂 رهف ساكته اصلو م اتكلمت .بعد طلعت غرفتي سمعت ليك الزغاريد 😕اجي ي نحنا الحاصل شنو 😑نزلت لقيت ليك امي تزغرد والاولاد يضحكو مع بعض رامي قال ليها كفايه ي امي لما القصه تبقي رسميه😂قلت ليهم ف شنووووووو😬وليد قال لي اتخيلي انك حتكوني ف وشي العمر كلو😊قلت ليو كيف يعني😕قال لي يعني لما اتزوج حشوف كتير بس😛قلت ليو تتزوج منو ي روح امك هو الزواج لعب يا وبعدين منو قال انا حتزوجك انت 😠امي الكلام ده صحي 😠امي قالت لي غايتو بري منك ومن لسانك انتي م تنتظري الكلام لما يخلص😂😂رهف ووسام بضحكو 😂وليد قال لي هو شكلك ده شكل وحده انا ارتبط بيها😒شوف الشينه دي😛رامي قال ليو حاسب م تجيك طوبة من وراك😑اتلفت وارو لقي وسام 😑قال اوووبس معليش ياخ ده انا القرد والله😂😂رامي قال لي وليد طلب يد رهف ونحنا وافقنا 😍قلت ليهم بببببجد😍وجيت جاريه من هناك اتعلقت ليك ف رقبه وليد😂😂قال لي بسم الله هسه م كنا رافضين 😂قلت ليو لانو عارفه رهف بتحبك ي متخلف😒قلت لي رهف ي جزمه انا اخر من يعلم😒👋قالت لي انتي لما اتزوجتي كلمتي زول😒قلت ليها شنوو 😞طوالي امي ورائد ورامي ووليد كل واحد بقي يتكلم كلام براو ..رامي قال لي رايك شنو نمشي نجيب بيتزا ونجي نعزم العرسان ديل هنا😊قلت ليو م نسوقم معانا طيب 😍قال لي والله فكرة ..مشينا لبسنا وطالعين كدة ماما قالت لي وسام عايزة اتكلم معاك 😊وسام رجع هو وورائد ونحنا مشينا ..بعد اسبوع كانت خطوبه رهف ووليد😍قلت لي رهف سرعه ف الاداء😂😂قلت لي خمسة وخميسة تسحرينا هسه م نعرس عشرة سنه 😒قلت ليها الشفقه تطير😂👋يوم الخطوبة من الصباح رشا داخله ومارقه ذي ام العروس😑ذي امي طيب قلت ل رشا روووقي ياخ اي حاجه حتظبط 😊عاينت لي كدة😒قالت لي ريم افصلي ذي الساعه دي👊قلت ليهم جبهتي اني لا اراها😂وصلو خالاتي وبناتم وعمي ومرتو واولادو 😍قصدي اقول اولادو المزز😂😂بس اصغر مني ياخ لكن مزز بجد🙊رشا وامي طلعو عشان يمشو يرسمو ويرجعو بدري وبعد اذان الضهر مشت رهف مع صحباتها الكوفير قلت ليها بنتظر وعد لما تجي ونجيكم بعد شوية 😍اتصلت ل وعد قالت لي ف الطريق 😑واقفه بره جنب عربيتي كدة وامي ورشا رجعو قلت ليهم وين ي مزز شنو الجمال ده كلو😂😂سفهوني طبعا عاينو لي كدة😒ودخلو😂😂بعدها مشينا انا ووعد الكوفير الساعه 7وليد ومعاهو اصحابو ب عرباتهم وصلو الكوفير 😊كنا طالعين مززز ياخ😍😍انا بفتش عن وسام م لقيتو 😑نحنا طوالي طلعنا ع الصاله وليد ورهف مشو يتصورو ☺ وقفت بعيد شويه ومعاي وعد وعربية رهف سايقاها صحبتا لما رهف ووليد وصلو حتي دخلنا معاهم 😍ياخ الصاله خووورافية طبعا اول م دخلت عيني وقعت ع وسام😍🙈طول السنين دي م حاولت اركز ف ملامحو ابدآ لانو بالنسبه لي كان حاجه اساسيه م اتوقعت يجي يوم م اشوفو او م اسمع صوتو وذي م بقولو الزول م بحس بقيمه اي حاجه الا بعد يفقدها😊وف كل يوم كنت بشتاق ل وسام بحاول اتذكر ملامحو بس نهاي م بقدر 😑 كان لابس بدلة كحلي وتشيرت عنابي من تحت😍استغفر الله 😙ربنا يحفظ ..دخلنا والحفله والجوطه غايتو انا م فهمت شي 😂😂الساعة12طلعنا من الصاله ..كلهم رجعو البيت وانا مشيت اوصل وعد بيتم ..رجعت البيت ذي الساعة 1 ماف اي صوت ديل نامو ولا شنو😕طالعه السلم كدة سمعت صوت من مكتب رائد😑اي رائد عمل ليو مكتب ف البيت لانو رامي قال ليو م حتنزل شغل الا بعد 6شهور😂 مشيت جنب الباب سامعه امي بتقول ل رائد والله انا اتوقعتو يحكي اي حاجه الليله لانو كان يوم مناسب..رامي قال ليها وانا ذيك ي امي لانو المرة الفاتت قال لينا اسبوع والموضوع بنتهي ..امي قالت ليو والله لو م قال ماف زول يكلمها غيري انا زمان كنت كلمتها يعني حيحصل ليها شنو اكتر من الحصل ليها ..والولد م قصر معانا والله عيوني انا لقيت اديهم ليهو ..رائد قال ليها ولو م انا بعرفو من زمان وواثق فيهو وعارف انو بحبها ومن قبل وفاة ابوي هو قال لي دايرها وانا قلت ليو لما تخلص جامعة م كنت حعمل كدة ي امي بس خلينا نديهو وقت ذيادة م دام هو مرتاح كدة..امي قالت ليو مرتاح شنو ي رائد والله انا م مرتاحه للوضع ده اصلو ..طبعا انا م متعودة اتصنت او انهم يخبو علي اي موضوع ..طوالي فتحت الباب 😑عاينو لي كدة😨امي قالت لي رهف 😱جيتي متين 😊قلت ليها قبيل😊كنتو بتقولو ف شنو انتو سمعت صوتكم جيت اشوفكم😑رامي قال لي لالا ولاشي يلا تصبحو ع خير وطلع ..امي قالت لي يلا امشي نومي الوقت اتاخر😊عرفتهم م عايزين يحكو لي شي طوالي طلعت😒 الاسبوع البعدو م شفت وسام نهاي 😑طبعا م عندي رقمو عشان اتصل بيو زاتو سالت رائد قال لي سافر ل شغلو 😊قلت ليو هو م شغال هنا يعني😑😕قال لي بتجيهو مشروعات من اي دولة وبستلمها لكن شركتو الاساسيه ف نيويورك😊اها يعني سافر😣 باقي الايام بقت عادية جدددا من الجامعه للبيت ومن البيت للجامعه😑وانا ورياض ورائد كل فتره بتكون عندنا فحوصات وكدة😑يعني فحص روتيني وووم ادراك الكلام الكتير ده ..ف يوم قاعدة ف الجامعه منتظرة رهف مشت تطبع اللكشرات تلفوني اتصل لقيتو رقم غريب😞فتحتو قال لي ريم كيفك ..قلت ليو منو معاي 😑قال لي معقول نسيتي صوتي ف تلات شهور ي كعبه 😂قلت ليو وووووووووووووووووووسااااااااااااام😍اتلفت لقيت الناس الجنبي كلهم بعاينو لي😂😂قاال لي يخرب بيت صوتك العالي ده ياخ اعقلي ي بت ..قلت ليو احللف ده انت قال لي لو م مصدقه تعالي شوفيني ف بيتكم هسه😊قلت ليو جد ياخ 😑قال لي والله جد قلت ليو خلاص بوصل وعد بيتم بجي وقفلت منو😍ياخ م مصدقه لالا مستحيل😂طبعا الحماس الذايد غلبني اقعد طوالي مشيت ل وعد قلت ليها اطلبي ترحال انا لازم امشي 😑وطلعت طوالي وصلت البيت 😊ف عربيتين واقفات اضافة ل عربية رائد وعربيه ماما 😍طبعا طوالي قلت ده وسام جريت دخلت البيت سامعه وسام ب صوت عالي بقول ليهم ياخ قلت ليكم م تفتحو معاي الموضوع ده تاني مش ب كيفي وع مزاجي انا عارف راحتي وين وانا اصلا م خايف الا من انها م تقبلني تاني نهاي لا اخ لا صديق ولا اي زفت تاني انا الموضوع ده مأزمني اكتر منك والله اتمنيت لو اني م عملت كدة بدون م هي تعرف رائد قال ليو كلنا متمنين كدة بس عملنا كدة مجبورين وعملنا كدة عشان مصلحتا اول شي وانا لو انت م كنت متقدم ليها قبل م ابوي يتوفي الله يرحمو م كنت حوافق وكنت حقول انك بتعمل كدة من داعي الشفقه بس لاني عارفك بتحبها من زمان وافقت ع طلبك وم كنت حوافق لو م انك نقنقت ف راسي ي وسام وانت عارف انا م كنت راضي بزواجك منها بالطريقه دي😬مهند قال ليو وسام من حقها تعرف اي حاجه انت كدة بتظلم نفسك وتظلمها معاك افترض ي اخي انها بتحب واحد تاني وقالت عايزاو وتجي تعرف نفسها متزوجه بغير علمها رائد قال ليو وده الفهم اللي من الصباح بحاول اوصلو ليك ي وسام .. يمكن هي اختي بس انت اخوي وصحبي وكل شي واغلي زول عندي وبخاف عليكم الاتنين 😣وسام قال ليهم طيب لو قالت م بتحبني ي رائد اعمل شنو 😭لو قالت م عايزاني ف احتمالات كتيرة انا م مستعد اواجهها ي جماعه افهموني ..مهند قال ليو مهما كانت الاحتمالات احسن تواجهها وانت بتقول الحقيقه من انك تتخيلها ف عقلك .. وسام قال ليهم طيب طيب خلاص حقول ليها رائد قال ليو لو م بتقدر انا ممكن اقول ليها ..قال ليهو لالا انا حقول ليها خلاص بس م الليلة اكيد رائد قال ليو الحاجه البتريحك ي وسام وانا غير مصلحتكم الاتنين م عايز حاجه وريم م صغيرة واكيد حتفهم الظروف والاسباب 😊 وسام قال ليو انشالله يلا انا طالع ع البيت برجع ليك بكره ونشوف البحصل ✋ده كلو انا واقفه جنب الباب بسمع فيو ..م قدرت افهم هم بقولو ف شنو بس بعد رائد قال اسمي فهمت الموضوع كلو م قدرت استوعب اي شئ 😭واقفه كدة شفت رائد ووسام ومهند جاين ع الباب اول م شافوني اتخلعو قالو لي ريم 😱وانا دموعي ماليه وشي طوالي فتحت الباب وجريت 😭وسام جا جاري وراي بنادي فيني ي ريم ي ريم طوالي ركبت عربيتي وطلعت 😭وسام ركب عربيتو برضو تاني م عاينت ل زول 😭م قادرة اصدق معقول انا ووسام متزوجين لالا مستحيل من متين وكيف اتزوج بدون م اعرف 😭كيف اطلع متزوجه وانا اللي كنت بحلم احب واتحب واعمل زواج خووورافي 😭لا اكيد كذب تلفوني بضرب م اشتغلت بيه بقيت لافه بس ب عربيتي م عارفه مكان امشي😭ف النهايه اتذكرت الكافي الكنت بمشي ليو زمان طوالي مشيت دخلت وطلعت جنب البحر 😭😭قعدت ابكي ب اعلي صوت لي وم كان ف زول بانو كان قريب اذان المغرب ..قريب ساعه دموعي م وقفت 😭😭مهما كانت الاسباب ماف ولا سبب يخليهم يقررو لي حياتي ولو كان وسام وقف معانا ف اصعب الظروف ده م سبب برضو يخليهم يعملو كدة ليه ليه يعني😭انا م معترضه ع وسام ابدا وسام بخليك تحبو غصب عنك بس انا معترضة ع انو كيف انا متزوجه من راجل بدون علمي ولاحتي كلفو نفسم يقولو لي يعني لو م سمعت كان حيستمرو يكذبو ل متين 😭😭م قادرة استوعب انو انا متزوجه 😭😭انا لليوم كنت بحلم ب الراجل اللي ح احبو وتفاصيلو وكيف حيحبني وكيف حنتزوج كل الاحلام دي 😭😭حسيت ب زول قعد جنبي اتلفت لقيتو وسام 😠طبعا قمت فيو وسمعتو فارغ لما اقتنع وقلت ليو م عايزاك ولا شي ومهما كان عملت م من حقك ولا من حق اي زول يقرر لي حياتي ويتوقع مني اقبل انا 😠وبقيت اضرب فيو وبقول ليو ليه عملتو فيني كدة ليه يعني انا لازم اتعذب ف حياتي كلها لو مت كنت ارتحت 😭وكمان م عايزين تكلموني ليه يعني عملت ليكم شنو 😭طوالي حضني وانا بضرب فيو وهو لسه ماسكني عليو بعد هديت شوية وببكي رفعت راسي لقيت دموعو ف وشو😢قال لي عايزة تعرفي عملتي فيني شنو..اول مرة شفتك جيت اشيل اوراق مشروع من رائد من بيتكم وانتي جيتي نازلة من السلم وشايله جوال ف يدك وجارية ووراك رياض امك جات طالعه من المطبخ قالت ليكم اها خلاص اصبحت ل جوطتكم دي..تتذكري وقتها..م بعرف اءا بتتذكر بس انا لو عشت مية سنة م حنسي اللحظه الشفتك فيها وانتي بتضحكي .. انا م شفت غير ضحكتك وعيونك م شفت غير براءتك وعفويتك ولما شفتيني وقفتي وانتي رافعه التلفون ف يدك لسه وقلتي لي اسسسفة م بعرف انو عندنا ضيوف وضحكتي لي شفتي الضحكه ديك هي العملت فيني اي حاجه وكل حاجه م انتي العملتي فيني طيبتك وعفويتك جمالك ضحكتك انتي كلك ع بعض عاملة فيني حاجات كتيرة..من اليوم اللي شفتك فيه وانا م قدرت انساك سافرت كتير وحاولت اشغل نفسي ب اي حاجه بس عيونك م كانت بتروح من بالي ابدا ..رجعت وقلت لي رائد انا عايزك بس قال لي لما تخلصي جامعه وبعدها سافرت م كنت قادر ابقي قريب منك وم اشوفك ..وف نفس الوقت م عايز اخون الوعد اللي قطعتو ل رائد انو م حقرب منك عشان كدة سافرت وم رجعت الا بعد ابوك اتوفي وانتي طلعتي من المستشفي..وعرفت بكل الحصل ليك ..لما رجعت شفتك م كنتي انتي نفس البت الحبيتها كنتي باردة باهته م فيك ملامح ولا حياة ..اشوفك كدة دي حاجه وجعت لي قلبي لانك انتي كنتي الحاجه الوحيدة الجميلة ف حياتي ..يمكن لانك جيتيني ف زمن قياسي خليني اقول شفتك ف الوقت الصح لانو قبلك كنت مشغول ب نفسي ومستقبلي وكنت مصمم انو احقق كل احلامي وذي م شايفه حققت كل شي الا انتي ..م قدرت اصل لي قلبك .. وبرضو رجعت وكررت طلبي ل ماذن بس قال لي انو انتي طالعه من فترة صعبه وطلب مني انو الموضوع يتأجل لما حالتك تستقر بس بعد م رائد عمل حادث ورجعت شفتك حتموتي م قدرت اتخيل انو انتي ممكن تضيعي مني والدكتور لما قال لازم نسفرك بره رامي كان مستعد يسافر معاك ..وم كان ممكن يخلي الشركه اللي هي بتوفر علاجكم..وف اللحظه ديك م جا ف بالي غير انو انتي ترجعي احسن من اول اقنعت رائد انو يكون زواج ع ورق عشان اسافر معاك وابقي مسؤول عن اي اوراق بتلزمك ف العلاج وده كل الحصل يمكن انا ضغطت ع اهلك وم كان عندهم خيار الا يوافقو بس والله ي ريم انا م كان ف بالي الا انك ترجعي احسن من اول يمكن حبي ليك خلاني اعمل كدة بس اكيد انا م اناني عشان اجبرك تعيشي واقع انتي م عايزاو😢 طبعا انا بسمع فيو وببكي وانا لسه ف حضنو بعدها فكاني قال لي شوفي الحاجه البتريحك واعمليها☺وفات خلاني..
وقفت مسافه ..بحاول افهم كل الكلام القالو لي ..بعدها دخلت وطلبت قهوة ..استغربت انو عم عثمان م جا قعد جنبي بره وم اتكلم معاي كلامو اللي دايما بقع لي ف جرح فقدت ابتسامتو ووشو البشوش 😊رفعت راسي م لقيتو ف الكاشير طوالي شلت شنطتي مشيت دفعت حساب القهوة وسالت الود الواقف منو 😑قال لي انو عم عثمان اتوفي قبل سنه 😭هنا م قدرت اوقف دموعي او يمكن اصلا دموعي م لاقيه سبب عشان تقيف 😭وصلت عربيتي وم قدرت افتحها بالدموع طوالي قعدت ف الارض وببكي 😭عم عثمان الكنت بشوف فيهو ملامح ابوي اي ابوي عشان كدة كنت برتاح ليو ول الكلام معاهو 😭ربنا يرحمك ي عم عثمان ربنا يرحمك الدنيا بجد م فيها خير ..ربنا يرحم كل الاموات😭م حسيت الا ب زول قعد جنبي😨والدنيا ليل طبعا قلعت عيوني قدر القيامة😂اتلفت لقيتو وسام 😑تاني كملت بكي😭شالني دخلني عربيتو وانا لسه ببكي😭ولا اتكلم معاي 😑بعد مسافه كدة العربية وقفت ..جا فتح الباب وشالني برضو وانا لسه مغمضه عيوني😑طبعا كنت مفتكراو حيوديني بيتنا 😑لما رقدني ف السرير فتحت عيوني دي م غرفتي ولا شي😨طوالي وقفت بكي قلت ليو وين انا 😣مش قلت ليك وديني بيتنا 😢قال لي م قلتي لي حاجه وبعدين ناس بيتكم م معقول عمرم كلو يقضوهو قلقانين عليك ي ريم وانا م حخليك تمشي وانتي بالحالة دي فهمتي😬وم تكتري كلام انا اتصلت عليهم وريتم انك معاي😊ادخلي الحمام مسافه اجهز لينا حاجه ناكلها من العصر الكبير لاف وراك ذي المجنون😂عاينت ليو كدة😢😢قال لي خلاص امشي ولا بجي بدخلك انا 😉واداني تشيرت من تشيرتاتو طويل كدة😑دخلت ادوشت وجيت طالعة التشيرت واصل لي ل فوق الركبة😑م عرفت اعمل شنو واقفه كدة والبشكير ف راسي هو طوالي جا داخل 😨جريت البشكير من شعري وغطيت بيو رجولي 😆عاين لي كدة😒قال لي متخلفه انتي لو م قاعد معاك 3سنه كنت حتقولي شنو 😒م تقعدي تتهابلي وتحسسيني كانك اول مرة تشوفيني او تقعدي معاي ف مكان واحد😬👊وبعدين انتي كلك ع بعضك انا حافظ تفاصيلك 😉فهمتي😂قعد يضحك طوالي ضربتو بالبشكير 😠طبعا خجلني المعفن طوالي طلعت خليت ليو الغرفه مشيت لقيتو طلب ديلفري حاجات كتييره 😍طوالي شلت بيتزا وببسي ومشيت قعدت اكل😊جا قال لي بالنسبه ل انو انا منتظرك من قبيل وانتي ولا عبرتيني هسه😑ولا اتكلمت معاهو 😂سفهتو سفهة الكلاب👋يستاهل 😂هو جا قعد جنبي وبقي ياكل معاي عاينت ليو كدة😒قعد يضحك بعد اكلنا مشيت المطبخ شربت مويه وجيت قعدت جنب التلفزيون 😊
يتبع.....
