وسام قال لي يعني اذا شلتي الحاجات دي ف طريقك للمطبخ كنتي حتموتي😒قلت ليو بيتي ولا بيتك😒قال لي بجد الحسنة ف الكافر حرام😬عملت ليو كدة😜 شال باقي البيتزا ودخل الحاجات التلاجه😂عاين لي كدة😒ودخل الغرفة 😂😂م اشتغلت بيو مشي غير هدومو ولبس شورت وتشيرت وجا قال لي الساعه12م عندك نية تنومي😊قلت ليو شنووو ومين قال ليك حنوم هنا 😠هدومي تنشف بسسس وتوديني بيتنا😬👊قال لي والله انشالله اوديك الساعه 3صح ؟لي ذنبي شنو اصحي للساعه 3وانا شغال من الصباح😒عايزة تنومي نومي م عايزة تنومي خليك صاحية للصباح😬ولا كأنو اول مرة تنومي معاي بطلي الهبل الانتي داخله فيو ده واعقلي شويه👊عاينت ليو كدة😒طبعا كلامو صح 😂😂م لقيت الحاجه الاقولها ليو 😑طوالي مشي دخل بعد نص ساعه دخلت لقيتو نااايم 😬اتغظت منو غيظ يعني يخليني صاحية وينوم👊وكمان نايم ف السرير يعني عايزني انوم ف الكرسي😠مشيت رقدت وبتقلب م قدرت انوم 😣لما زهجت قعدت اقلب ف تلفوني😂 ووسام نايم😠طوالي شلت المسند وضربتو بيو 😂م صحي شلت المسند التاني برضو ضربتو بيو 👊قعد ف السرير قال لي مالك ي ريماس عايزة شنو😒الزول م ينوم معاك يعني م ممكن😬قلت ليو تعال نوم هنا عشان تعرف النوم😠قال لي مش بيتي انوم ف المكان البعجبني😛وبالمناسبه انا م كنت نايم شايفك من لما دخلتي واتقلبتي وزهجتي وقعدتي 😂لكن اذا م قدرتي تنومي انا ذنبي شنو😂😂عاينت ليو كدة😒قال لي قومي تعالي ارقدي وعقلك م يوديك بعيد 😉ورقد اتلفت ع الجنبة التانية 😑قلت يحلم امشي ارقد جنبو👊بقيت قاعدة ف الكرسي 😣بعد شوية قام قال لي ريماس كبري عقلك وم تقنعيني انك خايفه مني تمام ف اكيد عناد منك بس دي كل القصه وي ستي حتي لو خايفه يعني انا م ح اكلك وكلك ع بعض انا شايفك من اصبعك ل شعرك ف م تخليني اقوم اجيبك هنا😬طوالي قمت مشيت رقدت 😂😂عارفاو بجي يشيلني 😑اول م رقدت كدة طوالي مسكني من نصي وجراني ل نص السرير 😨قال لي هبلة وتتغشي ب سهولة😂قلت ليو وسام😭فكني ياخ😭قال لي القال ليك تعالي جنبي شنو😂😂طبعا خلاص قربت ابكي 😣قلت ليو وسام😭عاين لي ف وشي شاف دموعي قال لي يعني لازم كل مرة اقول ليك بهزر معاك😂😂 مسح لي دموعي وضماني عليو🙈عايزة ازح من جنبو قال لي م مرتاحة ولا شنو😊سكتت قال لي لو م مرتاحه بخليك طوالي😊برضو م رديت😑عايز يقوم من جنبي طوالي قربت منو اكتر وختيت يدي ف صدرو🙊🙈🙈وهو ضماني شديد وم اتكلم 🙈🙉🙊كنت متوترة واعصابي مشدودة 😂بعد شوية حسيت بيو استرخي وبتنفس ب طريقه طبيعية عرفتو حيكون نام😊..م قدرت انوم بس بفكر ف اي حاجه حصلت لي من زمان ل هسه وحاجات كتيرة كانت مبهمة بالنسبة لي هسه اتوضحت 😊نمت وانا بفكر 😂الصباح لقيت يدين وسام ف نصي قلت لسه نايم معقول عايزة اتلفا اعاين ليو م قدرت ف حاجه ماسكة شعري من ورا😣رفعت راسي وسام عمل اممممممم 😑لقيتو راسو ف شعري طبعا 😂هو قال لي ريم بطلي ازعاج😣قربت اقول ليو ازعاج شنو ي ولدي قوم من شعري وخلاص😂تاني سكت وهو رجع نام 😠واي منو دمو تقيل تلفوني طبعا جنبي 😑م لقيت حاجه اعملها شلتو وقعدت اقلب فيو 😂زهجت ياخ طوالي شلت جهاز المكيف وقفلت المكيف😑😂حقارة بس بعد مسافه كدة حتي صحي قال لي الكهرباء قطعت ولا شنو قلت ليو اي😊وعايزة اضحك قعد كدة طوالي نطيت من السرير 😂وشغلت ليو المكيف قلت ليو كمل نومك بعد ده😌قال لي كدة يعني😠طيب وجا جاري وراي😂😂وانا م صدقت فحطت ب نمرة 1😂غايتو فلقني فليق ف النهايه قبضني وقال لي والله م اقوم من السرير بالطريقه دي😉قلت ليو م مشكله المرة الجاية بقلبك ب سريرك😂قال لي مين قال ليك حنتظر للمرة الجاية😉قلت ليو شنو😑طوالي شالني ودخل الغرفه رماني ف السرير😨وطلع التشيرت😨وبعاين لي من فوق ل تحت طبعا انا لابسه التشيرت حقو حق امس داك😑قلت ليو وسام بتعمل ف شنو😨قال لي براك عملتيها ف نفسك 😊انا كنت ماشي معاك تمام لين م صحيتيني بطريقه زفت وانا عايز اصحي ب طريقه تانيه هسه😉عايزة اقوم طوالي ختا يدينو الاتنين وبقي فوق لي قال لي ع وين😊😉بقيت عامله كدة😨وبرجع ل ورا لما وصلت نهايه السرير 😭قلت لي بطل ياخ😣قال لي والله انا مصر اصحي ب طريقه تانيه😊😉 قرب راسو مني 😨وباسني ف جبهتي 😑👊متخلف ده انا ي داب ارتحت عاينت ليو كدة😒قعد يضحك ورقد جنبي قال لي يعني مفتكرة حعمل ليك شنو والله عليك افكار😒👊يلا قومي خليني اوصلك لانو عندي شغل 👋دخلت الحمام جا دق لي الباب قلت ليو عايز شنو 😒قال لي عايز ادخل عندك مانع هبله دي👊جبت ليك غيار افتحي الباب 😒قلت ليو م بفتح 😑قال لي ريم يعني بطلي هبل طلعي فتحت الباب وطلعت يدي ختاهم ف يدي وقال لي حاسبي م اكل يدك😂😂عويرة دي😂لقيتو جايب لي بنطلون بنك وتشيرت ازرق لبستهم مقاسي 😍استغربت قلت بعرف مقاسي من وين بعد طلعت لقيتو بلبس طوالي مشيت المطبخ عملت شاي وقهوة قلت يجي يشرب العايزو 😑شربت قهوة وكنت جعانه 😣فتحت التلاجه او حاجه لاقتني ف وشي جبنة كرافت 😂😂 م صدقت طوالي شلتها وقعدت الحس فيها 😋لقيتو واقف ف الباب بعاين لي 😑قال لي بالمناسبه دي بياكلوها ب عيشه 😊قلت ليهو اها ي مكتشف الذرة😒م اشتغلت بيو كملت اكلي هو شرب القهوة وقال لي لو جاهزة يلا نطلع ☺برضو سفهتو وكملت اكلي حتي مشيت شلت شنطتي وطرحتي وطلعت معاو😂هو طبعا بعاين لي كدة😒قال لي العناد م بنفعك حاولي غيري من نفسك نصيحة لوجه الله مع انو النصيحه حرام فيك😛قلت ليو انت الله هرمون الذكاء عندك زايد ولا انا حاسة كدة😊قال لي هو بلاهي انتي بتحسي😛طوالي اديتو كدة👊👋وصلني مكان عربيتي جنب القهوة وبعدها فات 😑وصلت البيت لقيت امي بس سلمت عليها كدة رائد جا طالع من مكتبو قال لي ريم اقعدي خلينا نتكلم 😊قلت ليهم وسام حكي لي كل القصه وانا م معترضه ع وسام ابدآ ي رائد بس انا كنت معترضه ع الطريقه الاتزوجت بيها ولما عرفت الاسباب م حخت اللوم ع واحد فيكم وبجد كانت فترة صعبة😊وانا ووسام اتفاهمنا ع كل شي وماف داعي انكم تشغلو بالكم😊(م كنت عايزاهم يشغلو بالم بي كفايه اتحملو كتير ب سببي وع كلام وسام كفاياهم تفكير فيني لازم اتعلم احل مشاكلي براي) ..امي عايزة تتكلم جيت بوستها ف راسها قلت ليها يمكن انا كنت حزعل لو الظروف كانت مختلفه بس هسه اتفقنا انا ووسام نعتبر الفترة دي فترة خطوبة بس ونتعرف ع بعض اكتر 😊(والله لا اتفقنا لا شي😂)لو اتفقنا حنكمل لو م اتفقنا وقتها حننفصل 😊رائد قال لي م دام اتفقتو م عندنا كلام تاني نحنا امي قالت لي ف النهاية حياتك ي بتي وانا م عايزة اشوفك الا وانتي مرتاحه حبيبتي😘قلت ليها ربنا يخليك لينا 😍ودخلت معاها المطبخ عملنا الفطور وفطرنا معانا رائد 😊واتونسنا بعدها طلعت صليت الظهر ونمت😴صحيت المغرب ب جوطة نزلت لقيت وليد واختو ويما 😍قلت ليهم سبحان الله الجوطه م تجي الا مع الصوتو ذي الرعد ده😒انسان تقول بالع ليو اسد😛قال لي مين شافك وانتي لسانك طويل تلات امتار غيري 😂م تخليني ادق الصفايح 😜قلت ليو دقها م عندي ليك فكة😒قلت ل ويما انتو مستحملين المخلوق ده كيف قالت لي والله المخلوق ده مرات اسبوع م بنشوفو😑قلت ليها نحنا كل يوم متزرع لينا هنا زهجنا زاتو😒رهف قالت لي زهجك براك😊قلت ليها الخفه كعبه😂😂حمرت لي طوالي سكت وليد قال لي ناس م تجي الا بالعين الحمرا😊قلت ليو حمرا ولا خضرا😂قال لي خضرا ولا ريا وسكينة😂😂رائد قال لي انتي قصتك شنو مع وليد ذي الشحمه والنار😂قلت ليو م هو م ممكن ي رائد يكون قاعد ف وشنا كدة 😛قال لي ادوني رهوفتي والله م تشوفو وشي هنا😍رهف بقت عاملة كدة🙈قلت ليهم خايفاكم تدرعوها لينا هنا😂امي حمرت لي😒طوالي قلت ل ويما ارح نجهز الغداء اصلو اخوك ده م حيطلع الا يملا بطنو دي تقول جاي مشروع تسمين😂😂عارفه لو قعدت السماء حتمطر سفنجات امي🐸وليد يموت بالضحك قال لي الله يصبر وسام عليك غايتو😛طبعا ي داب اتذكرت وسام ياخ😂😂نسيتو اغسم بالله 😑جهزنا الغدا ورامي ورياض وصلو اتغدينا رهف عملت العصير 😍بعدها وليد وويما طلعو😂قلت لي وليد اخيرا حنتفكا منك قال لي برجع ببيت هنا ده احسن ليك 😂😂 دخلت غرفتي طوالي مشيت شلت تلفوني لقيت كم مكالمه من وسام 😑ومرسل لي ف الواتس مالم م بتردي😠قلت ليو كنت تحت مع وليد وويما وتلفوني ف غرفتي فوق😊استلم رسالتي طوالي اتصل 😂اتزفت فيني شوية كدة وبعدها اتونسنا عادي وصليت ونمت😍😴😴بعد اسبوع وسام سافر ونزلو جدول امتحانات السمستر😱وانا ي داب لي شهر وحاجه😭طوالي تاني يوم حلفت لي وعد ونور(اتعرفنا عليها السمستر ده😊) م نطلع الا نطبع كل اللكشرات 😂😂طلعنا من الجامعه قريب اذان المغرب😑ياخ الاسبوع ده اتعصرنا فيو عصر بطلع الصباح من البين بغشي وعد ونور نجي نقرا ف المكتبه نطلع منها اذان الظهر ناكل ونصلي ونرجع تاني نطلع اذان العصر نصلي ونشرب قهوة ونرجع نقرا نطلع الساعه6😂😂والله اكلنا الشيتات اكل عديل 😑بدخل البيت هلكانه من القرايه والسواقه رياض يقول لي اخيرا لسانك ده لقي ليو حاجه تسكتو غير الردح😂ولا بعبرو م عندي طاقه ارد ع زول زاتو بطلع غرفتي بدوش وبنوم بقوم نص الليل كدة جعانه بلقي العصير والاكل جنبي باكل وبلقي رسائل smsمن وسام برد عليهو وبنوم تاني😂اسبوع الامتحانات برضو بمتحن وبرجع البيت 😂😂بجد اجتهدنا ياخ 😑اخر يوم رجعت البيت نمت صحيت اذان المغرب صليت ونذلت لقيت رياض ورامي متناقشين 😕قلت ديل مالم 😂امي قالت لي رامي قال ل رياض اذا نجحت ب نسبه 90بجيب ليو عربيه😊قلت ليها طيب المشكله ف شنو 😑رهف قالت لي المشكله رياض قال ل رامي تخليها 85قلت لي رياض م شايف انك درعتها 😂😂ي زول 90معناتو 90عاين لي كدة قال لي اها ي وش الفقر انتي خلاص امتحاناتك انتهت كنا مرتاحين منك😒قلت ليو م تغير الموضوع 😛قلت لي رامي ولا شنو ي رامي رامي قال ليو لو جبت 85بديك عربية رهف😆قلت ليو والله انا لو اموت اكتب ف وصيتي يدفنو مفتاح عربيتي معاي😂رياض قال لي بعدين امشي بيها ف الصراط المستقيم😠ضحكنا فيو ضحك غايتو قعدت امغرز فيو سكاني البيت كلو😂
وانا بكورك ل رامي ي راااامي افتح الباب الخلفي عايزة اطلع من المجنون ده 😂وبلف بجي بلقي الباب مقفول😠ورامي يضحك غالبو يقوم من مكانو ورهف وامي م معبرني 😑ورياض لسه حالف الا يمسكني 😂😂رائد جا طالع من مكتبو قال ل رامي انتهيت من الاوراق واداو ورق كدة ودخل تاني بعد م عاين لينا كدة😒وانا شغاله البحث عن الكنز لفيت البيت كلو ورياض وراي😂😂ف النهايه فحطت ع باب الشارع فتحت الباب كدة وطلعت ضربت لي زول واقف قدام الباب😑ووقعنا انا وهو الاتنين😂😂طبعا انا لما فتحت الباب م عاينت بره ف شنو اتلفت اعاين رياض وراي ولا لا 😂😂ورياض وراي شاف الزول الواقف ف الباب قال لي اقييييييييفيييي 😑وانا ب نفس سرعة سونيك ديك دخلت ف الزول الواقف ف الباب😂😂بعد مسافه استوعبت الحصل لقيت رجلي ويدي مجروحات قعدت ابكي ب اعلي صوت😭😭رامي جا جاري وقعد يضحك ورياض بالضحك قاعد ف الارض والزول الضربتو والله انضف من وشي استغفر الله😂😂وهو زاتو لما شاف منظري قعد يضحك😑بعد شويه جا رائد وقال ليهم ف شنو😕رامي قال ليهو كان ف معركه دراغون بول وانتهت😂😂طبعا انا كل م يضحكو ببكي ذيادة😭رائد عايز يضحك وانا بعاين ليو وببكي 😭جا مد يدو للولد الوقعتو ورفعو وسلم عليو وبعدها جا شالني ودخلني جوة ونادي ل رهف تجيب علبه الاسعافات😭رامي ورائد والولد الضيف جو داخلين ويضحكوانا شفتهم تاني قعدت ابكي 😭رائد قال لي رامي خلاص انت وهو وغمز ليهم 😉نظام انا زاتي عايز اضحك لكن م قادر😂رهف جات شايله علبه المعقم واول م شافت الود الضيف بقت عاملة كدة😱قالت ليو م بصدق ده الجابو هنا شنو😍وجرت حضنتو وسلمت عليو ونادت امي 😑امي جات ودموعها ف وشها حضنتو وسلمت عليو😊انا بقيت عاملة كدة😞 وم خلت بوسه طايرة م ادتا ليو😑قربت اقول ليها كفايه ي حجه😂رائد عقم لي الجروح وربطا لي😊بعدها امي قالت ليو دي ريماس ي عامر م شفتها قبل كدة😊قال ليها شفتها بالصور لكن اول مرة اشوفها ف الحقيقه 😂وقعد يضحك رياض قال ليو اصلا هي زولة بتاعت مصايب يعني لو شفتها وم عملت مصيبه تكون عايزة تموت 😂😂عاينت ليو كدة😒عامر قال لي اتشرفنا ي ريم😊طبعا سفهتو المعفن يضحك فيني ل شنو😑طبعا ي داب انتبهت انا لابسه شنو😨لابسه بنطلون تلات اربع وتشيرت برضو قصير😨طبعا ديل مندمجين ف الونسه ولا جايبين خبري😬عايزة اقوم رائد قاعد جنبي قال لي ماشه وين😊قلت ليو طالعه غرفتي 😑شالني طلعني وقلت ليو جعانه😣مشا عمل لي صحن مشكل وعصير ومويه وجا😂قال لي اي طلبات تانيه وبعاين لي كدة😒قلت ليو اذا عملت ده كلو من غير نفس م باكلو يعمل لي وجع بطن😂قال لي والله تكوني وفرتي بشيلو انا باكلو وخلاص😛قلت ليو م تصدق يلا اتخارج 😂قال لي اصلا 😂بعد طلع اكلت ولقيت مكالمات من وسام😱ياخ نسيت انو قال حيتصل 😑رجعت ليو قال لي اها ي ترامب مشغولة ب شنو تاني بعد الامتحانات😂طبعا ظي بدايه التعصيب😂طوالي قلت ليو وقعت واتجرحت😣قال لي ده حنكك عشان م اتنرفز فيك صح😠قلت ليو والله جد واسال ناس البيت هسه راقدة غالبني اقوم من السرير😭قال لي احلفي متين ده وكيف وقعتي واتجرحتي وين جرحه كبيرة ولا صغيره عملتي ليها شنو مشيتي الدكتور عقمتيها ووووو😨قلت ليو وسام حيلك حيلك مالك 😑قال لي اقفلي حتصل ليك فيديو هسه😐اتصل فديو وريتو الجروح والله حسيت بيو حيبكي بعدها قال لي وقعتي كيف حكيت ليو قعد يضحك😂طوالي قفلت ف وشو😠اتصل لي كم مرة م رديت بعد شوية جا رائد شايل تلفونو قال لي وسام عايز قلت ليو انا م عايزاو😒شكلو كان بحكي ل وسام لانو قاعد يضحك😑طوالي شلت المخدو وضربتو قلت ليو اططللللللللللللع برررررررره😠قام جاري قال ل وسام الله يصبرك ي صحبي😂نمت صحيت باليل ذي الساعه 2كدة 😑كنت جعانه ياخ😅طبعا الجروح ي داب بقت توجعني 😣غايتو قريب نص ساعه لما وصلت المطبخ😂اكلت ومشيت فتحت التلفزيون😊اي نظام البت عاطله وماف لا جامعه لازفت😂😂زهجت من التلفزيون طلعت فتحت تلفوني دخلت الفيس والواتس برضو ماف موضوع🐸وسااااام😍اي بس وسام طوالي اتصلت ليو😂😂طبعا عارفاو بكون نايم بس عايزة اصحيهو المعفن 👊رد لي ب صوت ملهوف كدة وخايف قال لي ريم شنو انتي كويسه ف حد حاصل ليو حاجه😑؟قلت ليو يعني الا يكون ف حاجه😒قال لي لا طبعا بس تتصلي انتي والساعه4صباحا ي شيخه انتي كويسة😂قلت ليو اي كويسه بس عايزة اصحيك😒قال لي انتقام وكدة😂😂قال لي انا المضحكني اكتر حاجه انو اي زول بتلاقيو اول مرة لازم يكون عندك موقف😂😂يعني انا ووليد وعمار والدكتور الكان متابع حالة رائد لي هسه بسألني منك لما يتكلم معاي😂😂والمشكله انو اي زول يلاقيك م بنساك من اول مره😊قلت ليو قصدك شنو😒قال لي م قصدي شي دي الحقيقه😉😉قال لي وهسه مكالمتك دي اكيد مشتاقه لي صح😂طوالي قفلت ف وشو صاحي من النوم وعايز يتفلسف لي👋👊اتصل لي م رديت عليو رسل لي "ياخ بموت فيك والله😙عارفك عناد بس م حتردي😂"قعدت اضحك ونمت😴
يتبع....
