بعد وسام دخل الحمام مشيت المطبخ م لقيت غير حلة رز وحلة لحم م عرفت باقي الاكل كلها حاجات غريبة غريبة😑غايتو الحاجه الوحيدة البعرف اعملها ف المكان ده عصير الليمون والبرتقال 😂😂ياخ شجر الليمون والبرتقال يفتح النفس للشراب زاتو😍طلعت جبت برتقال وجيت عملت عصير ورز ولحم ووقفت بعاين ل باقي الحلل😂الباب دقا فتحتو لقيت ولد م كبير بقي يعاين جوه شمال ويمن عرفتو عايز وسام مشيت جنب الحمام قلت ل وسام ف ولد جنب الباب بكون عايزك او عايز عم عمر اقول ليو شنو😑قال لي قولي ليو... كلمه كدة😂قلت ليو شنو عاد لي الكلمة مرتين حتي مشيت قلت للولد 😊ابتسم وقعد طوالي😊عرفت معناها انتظر او حاجه بالشكل ده😂بعد شويه وسام طلع من الحمام ولافي الشال ف نصو 😑قلت ليو طالع كدة 😑قال لي جنب الباب😂طلع وانا دخلت المطبخ تاني ولسه محتارة الحلل دي فيها شنو😑وسام جا لقاني واقفه قال لي مالك قلت ليو ديل شنو😕جا فتحم قال لي دي حاجات م بتعرفيها عبارة عن خضروات بزرعوها وبقطعوها مع بعض وبياكلوها لكن م انصحك تاكليها😂😂قلت ليو لي😕قال لي انا م حبيتها لكن عندهم اكله تانيه غير دي مبالغه يوم حخليك تاكليها😊قعدنا اكلنا بعد شربنا العصير قلت ليو يلا نرجع 😊قال لي نرجع وين 😕قلت ليو كيف وين حنقعد هنا يعني قال لي اطلعي شوفي الجو بره كيف المطرة حتصب والود ده مرسلو عم عمر قال انهم م حيرجعو احسن يبيتو هناك عشان المطرة والخريف ف المكان ده كعب يعني لو م السقف من القش والارض كلها زراعه وشجر المطر والسيل كان حيغرقهم عديل😊قلت ليو نعمل شنو هسه😕قال ولا شي والمكان ده عشان اعلي من باقي المنطقة بارد شوية م سخن ذي باقي الاماكن😊واصلا ده بيت مرت عم عمر والقاعدين فيو ده بيتو هو لكن بعد اتزوجها قعدو فيو عشان اخف قدرآ 😊قلت ليو اي والله يعني م السخانه الكل يوم😅طبعا م خلينا لينا حاجه م اتكلمنا فيها قلت ل وسام بالمناسبه م صلينا 😑قال لي وم حعرف الوقت بدون ساعه 😑م مشكله نصلي ساي غايتو صلينا الظهر والعصر والمغرب لانو الشمس كانت خلاص دخلت وسام عمل قهوة😍 بعد شويه الرعد والبرق والمطر انا طوالي مشيت قعدت جنبو😂قال لي يعني م ابقي ليك حلو الا وقت تخافي من الكلاب والمطر ربنا يجعل ايامنا كلها مطر وكلاب😂😂قلت ليو انت كدة بتقول ربنا يخلينا نقعد هنا العمر كلو😊قال لي ومالو هسه ف احلي من كدة مع البتحبو وحياة بسيطه م فيها اي تعقيدات ولا ناس كتيرة ولا اي شي 😊قال لي بس نحنا لانو م متعودين عليها بتكون غريبة وم مريحه😊قلت ليو بالعكس حبيت والله😍بنتكلم كدة الكهرباء قطعت طوالي دخلت ف حضن وسام ومسكت فيو قال لي ماف حاجه اصلا بوقفو المولد عشان اسلاك الكهرباء م موصله كويس وممكن تضرب اي زول او تنقطع وتصل المويه وممكن تعمل حريق عادي😊قلت ليو وكمان تقول لي ماف احلي من كدة😑قال لي بالنسبة للوقت الحالي ماف احلي من انك ف حضني😍عايزة اقوم كدة قال لي ع وين ع وين هو دخول الحمام ذي خروجو 😂وحضني قلت ليو حتقيف متين يعني😑قال لي م بعرف مرات بتكون الليل بطولو اصلا هنا الكهربا شغاله او م شغاله واحد والمطرة نفس الشي باليل لانو م ممكن نطلع بره البيت عشان الحشرات ف احسن حاجه نعملها نحاول ننوم تاني طبعا م حقدر اشوف ملامحو لانو ضلام بس حسيتو عايز يضحك😂قلت ليو اضحك اضحك بلاي😒👊قال لي ف حاجه تضحك سكت م رديت ليو😒قال لي خلاص م تكشري م شايفك لكن حافظ تصرفاتك 😂هبله دي😊ياخ رعد وبرق غزير وم تسمع حاجه الا صوت الكلاب😑وسام ساكت قلت ليو وسام م رد لي قلت ده نام خلاني ولا شنو😨تاني قلت ليو وسااام 😢قال لي يعني الزول م يقعد مع نفسو دقيقتين 😂قلت ليو افتكرتك نمت 😢قال لي انوم كيف وانتي عايزة تموتي من الخوف😂 قال لي ريم ده رعد م وحش قلت ليو وسام بطل ياخ😢قال لي بطلنا طيب رايك شنو نحاول نمشي نرقد جوه لانو م ممكن نقعد كدة للصباح قلت ليو طيب 😑قام ومسكني قومني وماشي قدامي لما دخلنا الغرفه قعدني ف السرير قال لي دقيقه افتح الشبابيك عشان الجو بره بكون حلو مع المطرة 😊قلت ليو الحشر والمطرة حتدخل 😑قال لي معظم الشبابيك هنا عاملين ليها نملي من بره يعنب الحشر م حيدخل وغرفتك انتي م فيها لانو ماف زول قعد فيها قبلك والبيوت لو لاحظتي سقف القش بكون نازل لنص البيت يعني المطرة م حتدخل الا بسيط 😊قلت ليو م تفتحو ياه😢قال لي انتي قولي خايفه بس😂ي بت بطلي هسه م بتخجلي معاك راجل طول ف عرض وتقولي خايفه😂مشا فتحو وجا بالجنبه التانيه قعد كدة انا طوالي نطيت مشيت جنبو قال لي تعالي ورقد ورقدني فيو وبتونس معاي وبحكي لي ف قصص تموت ضحك وانا بضحك ساي😂والجو بقي خرافي عديل نعسته طبعا قال لي حبيبتي م رديت ليو انا خلاص عايزة انوم قال لي ريم قلت ليو اممم قال لي خلاص نومي😙صحيت الدنيا لسه ضلام طوالي غمضت عيوني وحسيت ب يدين وسام لسه حوليني بالخوف طوالي دخلت ف حضنو زيادة قال لي صحيتي😊قلت ليو انت لسه صاحي قال لي قولي لي انت بتنوم اصلا😊 قلت ليو كيف؟قال لي م بقدر انوم متأزم من قصه انو قاعد هنا لا بساعد فيهم ولا بعمل حاجه وانا لو م انتي والله الموت م بفرق معاي ي ريم 😑قلت ليو حبيبي م تقول كدة بعدين انت ماف يدك حاحه وبراكم قلتو الناس دي اكبر من الرئيس زاتو يعني شوف عم عمر اتخلي عن اي شي لانو عارف انهم م حيخلوهو لو شافوهو ساي😣متقول كدة تاني😭دموعي نزلت لمس وشي قال لي دموعك القريبه ده ياخ😂قال لي انشالله بكره عم عمر يجيب لينا اخبار حلوة قلت ليو انشالله😘ققمت منو وحضنت راسو علي وقلت ليو يلا نوم شوية😊قال لي الخوف راح ولا شنو😂قلت ليو انت جنبي اخاف يعني🙈قال لي شكلي حغير راي من النوم😂قلت ليو ياخ يلا يلا وبقيت بهبش ف شعرو ومرة مرة هو بتكلم معاي لما حسيت بيو نام وانا والله خايفه وبعد نام قلبي بقي يضرب براو من الخوف😂غايتو غمضت عيوني واي سورة والا ايه ولا حديث حافظاهم قريتم😁😂ووسام كل دقيقتين بتحرك م قدرت انوم معاو نهاي😑ونومو نوم زول مقلق كدة😑بعد ساعه كدة المطر وقف والرعد صوتو بقي بعيد وبره الضوء حق قريب الصباح داك نور الدنيا شويه حتي الكهرباء جات😍طبعا ده كلو بالشباك بعاين ليو ياخ بعد ربع ساعه كدة الجو بقي فظيع لما حسيت بالبرد😂قلت دي حالو م حتتكرر تاني انو يكون الجو بارد😂طبعا وسام راقد فيني ماف طريقه اقوم سحبت يدي من تحتو وعملت نفسي ذي العايزة اتقلب الاتجاه التاني قلت اذا فتح عيونو وشافني صاحيه م حيكمل نومو غمضت عيوني وزحيت من جنبو واتقلبت الجهة التانيه هو عمل حركه اننننمم كدة 😂رقدت مسافه كدة م عمل ليو حركه قلت معناتو نام اتلفت لقيتو نايم😴طوالي قمت مشيت اتوضيت وجيت صليت قلت اعمل قهوة م عرفت المطبخ بشتغلو فيو كيف يعني فحم زاتو ماف طوالي رجعت وقفت جنب الشباك😍مبالغه المنظر مع ريحه الزراعه والطين نفسيات😍حسيت ب حركه اتلفت لقيتو وسام بقلع ف التشيرت مشيت جنبو قلت ليو انت مجنون الحو بارد 😑قال لي الجو برودة ب رطوبه انتي عشان حايمه م حسيتي بالرطوبه انا عشان نايم التشيرت مرطب قلت ليو طيب حغسلو ليك مشيت غسلتو وعلقتو وجيت لقيتو قاعد م لابس حاجه😑قلت ليو وسام انت متخلف كدة حتمرض😑البس حاجه قال لي لي خليتيني انوم حاس جسمي مكسر لانو لي كم يوم م بنوم كويس قلت ليو طيب هسه كمل نومك😊مشيت من الدولاب جبت ليو قميص بتاع عم عمر☺قال لي م تشرطيو كمان قلت ليو بطل😂بعد لبسو ورقد قال لي تعالي اعملي لي حركه قبيل ديك ريحتني والله وهي الخلتني انوم😊مشيت ورقد ف حضني وبقيت بهبش ف عرو وراسو قريب ساعه حتي تاني نام راقده جنبو نص ساعه م اتحرك انا زاتي نمت 😂صحيت ب عمر عمر بلمس في يدي وبقول لي ريم😑فتحت عيوني اشر لي قال لي اسكتي وتعالي 😑طبعا براحه قمت ووسام بالغصب زحيتو مني عملت نفس حركه قبيل😂طلعت كدة لقيت عم عثمان ف وشي قال لي صباح الخير😊قلت ليو صباح النور🙊طبعا اتذكرت موقف امس😂قال لي م حبيت اصحي وسام لاني عارفو م بنوم وم صدقت لقيتو نايم عايز اقول ليو اني حطلع م قال ليك عندو حاجه عايز يقولها ل رائد قلت ليو م اظن بس عايز يعرف عملو شنو😊قال لي طيب ف امان الله لما بعدين😊قلت ليو ترجع بالسلامه ي عمي قال لي اليومين الجايين ممكن تقعدو هنا لانو مرتي معاي😂وغمز لي طبعا فهمتو قاصد شنو 🙉دخلت ف ضفوري قال لي سلمي ع وسام وطلع😂قعدت اضحك قلت وسام كمان يقول لي ماف حاجه تخجل😒طبعا قلت م دام صحيت ماف اي موضوع اشوف المطبخ بشتغلو فيو كيف😂دخلت بقيت اعاين شمال ويمين م فهمت شي نهاي ياخ وزهجت مشيت عملت عصير وطلعت قعدت بره الشمس بقت حارة بعد جو الصباح الحلو داك😍والمكان ده فاضي غير بيت او اتنين م فيو شي وهادي الا صوت الحيوانات والعصافير والضفادع من مطر امس 😂دخلت وهدومي موية بالعرق طوالي استحميت ولفيت الطرحه فيني وقلت البس اي شي لما هدومي ينشفو م لقيت حاجه الاتشيرت وسام😂 قلت احسن من نوسخ هدوم الناس ونلبس بدون اذن كدة😂طوالي لبستو😅وغسلت هدومي دخلت الغره لقيتو نايم لسه ومسخن عديل وكمان ولا حاسي ب شي 😕قلت ليو وسام اصحي بقي يتقلب وم صحي فتحت زراير القميص وطلعتو منو وهو راقد جنازة😂بعدها طلعت البنطلون وقعدت اهبب فيو بعد نص ساعه كدة فتح عيونو ولسه نعسان عاين جهة الشباك وقعد ف السرير قال لي نسيت عم عمر والله 😣قلت ليو جا هنا ومشي قال عايز يعرف اءا عايز تقول حاجه ل رائد 😊قال لي لالا م عايزة حاجه اكتر من اعرفم عملو شنو😑قلت ليو وانا قلت ليو كدة برضو😊قال لي م اناي بتفهميني كويس 😍عمل لي كدة😙قال لي ماف احلي من الصباح ده☺قلت ليو طيب قوم لانو م عرفت حاجه ف المطبخ 😂قال لي طيب عايز يقوم كدة قال لي ده شنو😨انتي اغتصبتيني ولا شنو😨😱ياخ بالضحك ادردقت ف السرير قال لي قولي الحقيقه😉وانا لسه بضحك جا خت يدينو وبقي فوق لي قال لي اذا اشتقتي لي انا زاتي مشتاق ليك ياخ بس ماف داعي ل حركات الاغتصاب وانا م واعي دي😉قلت ليو وسام ياخ😂بطل اغتصب ليك شنو كمان 👊قال لي طيب رايك شنو انا اوريك الاغتصاب كيف😉😊عارفه لو اتعابطت معاو م حيمشي ولا حيعمل شي 😂وهو فوق لي ويدنو حوليني طوالي اتعلقت ف رقبتو قلت ليو وريني😍وعملت ليو كدة😘طوالي وقف ع حيلو 😂قال لي لالا اكيد اغتصبتيني ي مجرمة 😨شرفي ضاع😱هسه اقول ل امي شنو ولا اخوي حيضبحني😂وانا ميته من الضحك وهو لسه حايم ف الغرفه وبتكلم ي كذابه سلمتك نفسي تخونيني😂😂😂ياه انا نفسي اتكتم بالضحك قال لي خلاص بطلي الزول م يهزر وانا لسه بضحك طبعا😂😂قال لي بالنسبه ل انك لابسه التشيرت حقي انا البس شنو 😒قلت ليو اتصرف 😛قال لي م تلبسي اي حاجه تانيه قلت ليو م عايزة البس هدوم المرة بدون اذن 😊قال لي واخدتي اذني ف التشيرت😒طوالي وقفت ف السرير وطلعتو وفنيتو فيو قلت ليو اتهني بيو😬قعد يضحك جا قعد جنبي ف السرير قال لي الوضع كدة مريح اكتر😉😊لقيتو بعاين لي قلت ليو طير من هنا سورعه والا بطلع ب اللابساو ده بره😬قال لي خلاص خلاص مجنونه دي ولبسني التشيرت قال لي غبيه نحنا واحد اصلا اتعلمي م تنفعلي ف اقل شي😘😘بحبك😘عاينت ليو كدة😒قال لي بالنسبه لانو الحركة العملتيها دي برضو بتدل ع انك مشتاقة لي😊طبعا م لقيت جنبي الا المخدة طوالي رميتو بيها وهو جنب الباب قعد يضحك وطلع😂😂بعد شويه شميت ريحه القهوة طلعت لقيتو بعمل فيها😍قلت ليو كنت عايزاك تعلمني 😕قال لي صعبه م حتقدري وتتحرقي ساي شايفه ده فرن من الطين ببنوهو ب طريقه خاصه بتولعي النار تحتو والنار بتتوزع بحسب الطريقه المبني بيها يعني ذي التكيف المركذي فهمتي وممكن يكون جواهو اكتر من حله او اكتر من حاجه وحدة وعايز الزول يكون قاعد جنبو عشان النار م تكون عاليه او تبرد نهاي😊فهمتي قلت ليو لا😑قال لي مش قلت ليك صعب😂اصلا انتي م محتاجه تتعلمي ف البيت ف وحده بتطبخ لينا قلت ليو وهنا قال لي البقعدنا هنا شنو😕قلت ليو عم عمر قال مرتو معاو وم حيرجعو الا بعد يومين 😕انت م عارف 😑قال لي ياخ نسيت حتمشي الدكتور قال لي احتمال تكون حاملة😊قلت لسو بجججد😍انشالله قال لي خلاص انا الليله بمي بكلم المرة البتطبخ هناك تجي هنا 😊شربنا القهوة ووسام م شالله عليو كانو عايش عمرو كلو هنا عمل رز ب خضار طبعا هنا الاكل الثابت رز😂😂بعد اكلنا عملت العصير وغسلت العده وسام قال لي حمشي البيت واجي قلت ليو بمشي معاك قال لي السخانه وانتي م متعودة ع الجو المهم م حتاخر مسافه الطريق😊قال لي ممكن تطلعي لكن جنب الشجر بس 😊قلت ليو طيب بعدها طلع😑انا طلعت لفيت حولين البيت لقيت زارعين ورود طبيعيه😍واي ياخ اول مرة اشوف ورود هنا شلت منها كم ورده دخلت عملت ف مويه م لقيت حاجه اعملها طوالي نضفت البيت كلو😂😂بعدها استحميت ولبست التشيرت حقي بس وغسلت تشيرت وسام 😊اتوضيت صليت وشربت عصير وزهجت ياخ مموضوع شلت الموية مشيت سقيت الورد😍..
يتبع.....
