خمسه اعوام من السعادة معك ي صغيرتي الجميلة .واثقة ، مُحبّة ، مزاجية ، واضحة ، عاقله ، و قوية ، لا مبالية و هشه ، تجمعين النقيضين من كل صفة .. مررنا بأصعب المواقف سويةً اتذكرين.. بكااءنا ونواحنا و ليالينا الساهرة.. اتذكرين أوجاعنا ومحننا ! ، جميعها مرت .. واوقاتنا التي نقضيهاا بفرح و سعاده مرت ايضا .. لكن تظل زكراها بأدق تفاصيلها اتذكرها وابتسم ..اعطيتني الفرح ف شكل اخر ..نعم ابنتي ..انتي حتي بعد رحيلك ظللت هنا بشكل او ب اخر.. ﻻ ﺃﻋﺮﻑ ﻛﻴﻒ ﻻ ﺗﺘﻮﻗﻒ ﺃﺭﺟﻠﻨﺎ ﻋﻦ ﺍﻟﻤﺸﻲ ﺣﻴﻦ ﻧﻔﻘﺪ ﺷﺨﺼًﺎ ﻧﺤﺒُّﻪ .!.ﺃﻧﺎ، ﺣﻴﻦ ﻓﻘﺪتك ي صغيرتي ﺗﻮﻗﻔﺖ ..كأني كنت اتبعك..وحين توقفتي، ﻟﻢ ﺗﻌُﺪْ ﻟﻲ ﻗﺪﻣﺎﻥ .. ﻟﻤﺎﺫﺍ ﺗﺮﻛﺘﻨﻲ ﻭﺣﻴﺪﺍ ﻭﺭﺣﻠﺖ ؟قلبي يؤلمني بل مات قلبي من الالم رحيلك مؤلم لم تكن الحياة رمادية كما هي الان ..لا صوت غير البكاء ..لا ﺍﺣﻼﻡ ﻭﻻ ﻃﻤﻮﺡ ﺑﺪﻭﻥ ﻭﺟﻮﺩﻙ..ﺍﻟﺴﻌﺎﺩﺓ ﻟﻢ ﺗﻌﺮﻑ ﻃﺮﻳﻖ قلوبنا ﺑﻌﺪ ﺍﻥ ﻓﺎﺭﻗﺘﻨﺎ..وسام وريماس هم وحدهم من يصنعون ابتسامتنا بتصرفاتهم الطفوليه ..اصبحت الحياة روتينيه ممله ..تلك الرساله التي كتبتها لم اجرؤ علي فتحها ..كل م افعله هو احتضان ثيابك واشياءك والنوم بالقرب منها او البكاء..لا احتمل كل هذا ..لا قدرة لي ي صغيرتي..هل كنتي تعلمين ان رحيلك مؤلم الي هذا الحد .. ف صباح هذا اليوم اتت والدتك تحمل بين يديها ملاكي الصغير ..اعطتني اياها قائلة لي انه يجب ان استعيد حياتي وان ارجع الي عملي من اجلها يومها نظرت ف عيناها ورايتك انتي..رايت عالمآ اخر بين حنايا ابتسامتها ويداها المتأرجحتان ف الهواء ..لا اعلم كم من الوقت امضيته وانا انظر اليها واداعب خديها وامسح علي راسها قبل ان تغمض عينيها وتغط ف النوم ..ابتسمت لانها شبيهة بك ف كل شي..حتي ف نومها وانا اداعب راسها ..يومها اقسمت لها اني لن اخذلها لن اتركها س اكون لها كما اوصيتني ..ف مساء ذلك اليوم اتتني الشجاعه لفتح رسالتك التي احتفظ بها مع اشياءك ..ظننت نفسي قويا عند اول كلمة انهرت بالبكاء لم يسعفني غير صوت رائد وهو يحملني الي الكرسي ويجهش معي بالبكاء ..طلبت منه قراءة الرسالة حتي اتخطي الانهيار مرة اخري ..بدا بالقراءة قائلا " لو بتقرا ف الرسالة دي معناتو انا ف عالم تاني م محتاجه فيو دموعك بالعكس محتاجه دعواتك لي حبيبي ..وسام الحياة دايما ما بتمشي زي م عايزين..اصلا الحياة م اتخلقت عشان نعيشها على كيفنا.. زي م اتخلقنا في الحياه دي..اكييد اتخلق معانا حزن وفرح️ وجرح وكسر وراحه وتعب.. دي م النهايه حبيبي بالعكس دي اجمل بدايه عارف ليه لانو عندك حاجه تانيه تهتم بيها عندك مسؤوليه اهم من اي شي ..ريماس امانه ف رقبتك انت اول حتي اهلي تاني..م تخليها تشوفك بتبكي او ضعيف خليك دايما قوي قداما عشان تتعلم القوة منك وتبقي انت ابوها وامها واخوها وسندها وثقتها وقوتها تبقي انت كل شي..عارفة انك انت كدة واكتر ..م تخلي موتي يضعفك ي وسام كدة بتخون الامانه الامنتك ليها وبتكون كسرت الثقه الختيتها فيك انت اقوي من كدة بكتير ..وانا معاك دايما ف قلبك ..انت عارف لو انا كنت مكانك كنت حنهار اي بس حيجي يوم واقيف واواجه القدر وابقي قدر المسؤوليه ريماس محتاجه منك تكون أقوى..متماسك..انا واثقة وعارفة انك أقوى من أنك تقع وتتعتر اكتر من مرة...الحياة عايزة انك تقيف وتقدر إنك تواجها.. خليييك دايما عارف انو قدر م تتعب حترتاح..وقدر م تتكسر حتتجبر ..وقدر م تحزن حتفرح..بس اصبر..اصبر بي كل حاجه جواك..امسك يدك ..وابعد صوت البكا الجواك..اتناسى صوت الانين البطلع منك..عشان ريماس .. لما تكبر وتشوفها بتدخل المدرسه وتتخرج من الجامعه تشوفها وهي لابسه الابيض ..عشان دي حاجات انا حلمت بيها وانت حتحققها لي ..ابعد اي حذن من طريقها وطريقك عيش معاها كل لحظاتا عشان لم تفرح تبقى فرحتك بي طعم.. عشان تحس انو الإتحملتو م رااح هباء منثور..عشان تتاكد انو الدنيا لفت ورجعت ضحكت ليك..وصدقني حتلقى نفسك راضي جدا لإنك كنت قوي..وم ضعفت خالص..امكن مرات اهتزيت شوويهه بس رجعت تقيف من اول وجديد..وعشان لمن الدنيا صفعتك بقيت أقوى منها ورديتم ليها اتنين.. عشان لمن صبرت جاك الفرج وجات معاهو راحتك ..عشان كنت متيقن أنو ربك معاك وحيفضل معاك...حيعينك ويقويك.. وحتحمد ربك أنو آمالك بقت قدر المكانه الختتيتها فيهو وماخذلتك..️ ... عشان كدا بقول ليك الدنيا لازم تعيشها زي م هي..واخر حاجه بطل دموعك الفي طرف عيونك دي"
لم استطيع سماع معظم اجزاء الرساله هذه المرة انهار رائد لم استطع ان اربت علي ظهره ف انا ايضا احتاج من يواسيني ف هذه اللحظه ..صغيرتي الجميلة لماذا رحلتي ..سمعت قبل هذه المرة ان الحرق حيآ هو اكبر الم علي الاطلاق لكني لم اعد متاكدآ من هذه المعلومه ف الالم بداخلي اكبر من كل شي..كيف تطلبين مني ان ابقي علي طبيعتي ..حتي الطبيعه ترفض البقاء كما هي ..اختفت الالوان ذبلت الورود كل الاماكن باهته وباردة..قبرك وحده هو الذي يعيد الالوان الي عيناي..اتت امك القت علي مسامعنا عده كلمات علهة تستطيع ايقافنا عن النحيب ..خرجت مسرعآ من امامها ..
