سامعه صوت وسام وصوت الدكتور لكن م قادرة افتح عيوني بس ضاغطة عليهم وراسي بس كانو جابو حجر وختوهو فوقو😣ف زول قرب علي وشال يدي من عيوني قال لي حاسه ب شنو عرفتو ده الدكتور قلت ليو م عارفه بس راسي وعيوني 😢قال لي طيب م تضغطي ع عيونك وارخي اعصابك هسه حديك مهدي تمام😊وانا مكشرة وم قادرة 😢وسام جا قعد جنبي ومسك يدي قال ليو ف شنو ي دكتور..الدكتور قال ليو حاجه طبيعيه بالنسبه لحالتها يعني لو اتعرضت لاي توتر او اذعاج 😊وسام قال لي انا اسف انا السبب😣وانا م قادرة اتكلم ولا افتح كل مرة بضغط ع يد وسام شديد م قادرة استحمل حسيت ب اعصابي ارتخت وقدرت افتح عيوني وسام دموعو مطر بسقلت ليو دموعك القريبه دي😛ابتسم لي من بين دموعو وبقي يبكي بصوت عالي😭قلت ليو حبيبي بطل ياخ هسه الببكي شنو😢مسح دموعو قال لي ماف شي 😢م قدرت اتكلم ونمت طوالي 😴سامعه صوت رائد بتكلم مع الدكتور بقول ليو يعني م ممكن بعد ولادة البيبي تتعما ليها عمليه الدكتور قال ليو الورم ف المرحلة الاخيرة وحتي لو اتعملت عملية م حتقدم ولا تاخر لانو ماف امل انها تعيش اكتر من 6شهور ويمكن بعد الولادة تكون اقل من 6شهور ..كان ممكن نعملها ليها قبل 5شهور بس كان في احتمال نخسر الاتنين لانو المنطقة حساسة وف الوقت داك انا اديتكم الخيار وانتو قلتو تنتظرو شويه بس هسه الخيار لي انا لانو م عندها ولا 1%امل والطفل سليم الحمد لله وماف حاجه مؤثرة عليو وحتي لو الطفل حصلت ليو حاجه هي م حتعيش ....انا افتكرت نفسي بحلم بدون م احس دموعي نزلت وبقيت ببكي بصوت عالي😭😣رائد جا حضني وقعد يبكي قلت ليهم م عايزة ولدي يموت 😭رائد 😭تتذكر انا قلت حسميو عليك 😭بعد مسافه الدكتور قال لي لو عايزة كدة ابعدي من التوتر ومن اي انفعالات ممكن تأثر ع حالتك والورم...قلت ليو ورم شنو ووين ده قال لي ف الراس وانا دموعي لسه ف وشي😭😭قال لي دي المرحلة البعد الاخيرة ونحنا محافظين عليو بالادوية والمسكنات واي انفعالات حتخليو ينفجر وتخسري نفسك والفي بطنك😭😭بتكلم كدة وسام جا داخل 😭اول م سمع كلام الدكتور طوالي قعد ف الارض😭رائد اتلفت عاين ليو مشي رفعو وقعدو ف الكرسي 😣والاتنين ببكو😭وانا دموعي ف وشي😭الدكتور قال لي انتي اقوي من الناس دي كلها لانك قاومتي الموت وكان عندك امل انك تعيشي عشان الفي بطنك وهسه كمان خليك قويه عشان تشوفيو ب عيونك😊وطلع 😊وقال ل وسام ورائد اطلعو وممنوع تدخلو وانتو ف الحاله دي انتو كدة حتخسروها قبل م تشوف الفي بطنها 😊طلعو وكل مرة يعاينو لي 😭قريب نص ساعه ببكي بس😭فكرت ف كل حاجه حصلت لي ف حياتي 😭الحمد لله كلو ل خير 😭واي حاجه حصلت لي عشان اصل للمكان ده انا راضيه بيها م دام هي قدر 😊استغفرت كتير وقريت اي سورة حافظاها اتذكرت كلام الدكتور 😊امي ورهف حو داخلين امي من شافتني دموعا نزلت 😭ورهف برضو قلت ليهم م تبكو انا كويسه الحمد لله وي امي انتي زوله مؤمنه وانا لو ربنا كاتب لي اعيش اكتر من كدة حعيش وكل زول عندو عمر محدد هسه احتمال كلكم تموتو قبلي😊بكاكم ده اعتراض ع حكم ربنا ولا شنو😢بعد مسافه وقفو بكا رشا ورياض جو داخلين رشا شايله ولدها 😍😍قلت ليها ي كعبه ي داب تجيبيهو يشوف عمتو😒قالت لي كل يوم كان بيجي يشوفها😂ختتو فيني 😍دموعي نزلت 😭قلت ليها سميتو منو😢قالت لي وسام😍قلت ليهت بجد 😕قالت لي رامي سماو وسام😊حلاتو ياخ قلت ليها ولدك الشين ده طالع يشبه امو😛قالت لي م تقولي يشبه عمتو ولا ابوهو ولا اسم ع مسمي😒😁قلت ليها ابوهو وعمتو الاتنين مزز 😛الا بشبه وسام او امو😛😛وهسه ولدي حيطلع يشبه خالو وامو تشوفيهو مزز كيف😂قالت لي لالا ولدك لو طلع مز معناتو ل ابوهو😂قلت ليها هسه م قلنا اسم ع مسمي😂رهف قالت ليها رامي م سمعك😂قلت ليها انا سمعت كفايه😒امي قالت لي مين قال ليك ولد 😂قلت ليها براي قلت كدة😊رياض قال لي عشان تسميو رياض صح☺قلت ليو رياض واحد كفايه😛وسام جا داخل قعد جنبي كلهم طلعو 😑قلت ديل مالم 😂قال لي عايزين يخلونا برحتنا😂😂قلت ليو بطل😒قال لي ابطل😉عيني ف عينك كدة😂قلت ليو ليه م عرفتو ولد ولا بت لي هسه😑قال لي لانو م عايز اعرف😊مش ف النهايه حقي وحقك😍كفايه يطلع شبهك 😘قلت ليو عايزة اعرف انا 😑قال لي ل شنو كلها اسبوعين وحنشوفو😊قلت ليو ولو ربنا كاتب لي م اشوفو😢قال لي م تقولي كدة انشالله ربنا يكتب ليك تعيشي اكتر منو كمان😭قلت ليو بطل دموعك القريبة دي😛قعد يضحك قال لي خلاص بطلت اها م اخترتي اسم قلت ليو لو ولد اكيد رائد😊ولو بت ...قال لي هي شنو هو يعني انا م عندي حق الاسم 😂قلت ليو خلاص لو بت تسميها انت☺قال لي خلاص😂قلت ليو وسام😊قال لي عيونو😘قلت ليو عامر حصل ليو شنو ووصلتو لي كيف😣قال لي يعني الا هسه😒قلت ليو متين طيب😢قال لي طيب عامر من البدايه لما وافق انو يساعدنا كان هدفو يصل ليك ويشغلنا ب موضوع تاني وكان مراقب رائد ووليد لما وصلو ل مكان ورجعت انا معاهم ..ولما جا يسوقك وعم عمر رفض وقال ليو الا اتصل ل رائد عم عمر كتب رسالة ل رائد ورسلها ليو قبل م يطلع مع عامر وف الطريق عامر قتلو ...قلت ليو شنو😨😭😭قال لي رائد لما استلم الرساله هو ووليد سافرو ومرت عم عم عمر حكت ليهم كل الشافتو وانا م كنت قادر اتحرك يمين لا شمال ورائد ووليد بعد مدة قدرو يعرفو مكان عامر بس عامر هددم انو لو شافهم حيقتلك وبعدها حيثبت انو انا وائل م وسام ..ف مرة عامر بتكلم مع رائد سمو بيكورك ريم ي ريم والخط قطع وانا م قدرت اقعد ولا دقيقه بعدها لاني كنت عارف مكان عامر قلت ل رائد ي تمشي معاي ي بمشي براي واليحصل يحصل وصلنا بعد كم ساعه ووليد كان معاو ناي الشرطه وعامر مات ف اثناء الضرب ده كل الحصل😊وبعدها قعدنا شهرين ف المستشفي حتي جينا هنا بعد الدكتور قال انك ممكن تسافري😊انا ببكي😭قلت ليو ي حليلو عم عمر م اتهني ف حياتو ولا قدر يشوف اهلو وعيلتو 😭قال لي كلها اقدار وربنا كاتبا ي ريم😊كلنا زعلنا ع موت عم عمر ولو م عم عمر يمكن م كنا وصلنا ل هنا كلنا او يمكن لو من البداية م دخلنا ف طريق غلط😢بس دايما الممنوع مرغوب😊ربنا يغفر لينا بس😊الدكتور جا داخل قال ل وسام كفايه يلا وقت النوم بعد ده😂قال ليو م ممكن انوم هنا😑قال ليو لا طبعا😂انا قلت ليو يلا بره😛قال لينا بتطردوني طيب طيب😂قلت للدكتور م ممكن اعرف جنس البيبي😊قال لي لا طبعا لانو اي اشعه ممكن تأثر سلبآ ع صحتك 😊اصلا اسبوعين وتشوفيو ب عيونك م تبقي ام شفقانه😂طعن لي الحقنة وقال ل وسام يلا قدامي😂وسام باسني ف راسي وطلع😍الصباح لقيت رائد وامي ف وشي😑قلت ليهم كنتو بايتين هنا ولا شنو😂رائد قال لي والله امك من اذان الصبح حالفه م تقعد ف البيت😂قلت ليها خير ي حجه😂عاينت لي كدة😒قالت لي اصلو م يعملو فيك خير جايبة ليك اكل😒قلت ليا احلفي😍اخيرا ح اكل حاجه😍رائد قال لي حيلك حيلك مفتكره نفسك حتاكلي شنو كلها شوربة وعصائر طبيعيه 😂قلت لي امي م عايزة طيب😂قالت لي عايزة شنو قلت ليها قولي عصيدة ب ملاح لبن حاجه بالشكل ده😊وسام جا داخل قال لي ملاح لبن شنو لكن حتشربي لبن😂بعد اكلت الدكتور جا قال ليهم قلت ليكم اكلوها م تبالغو لكن😂انا متاكد بطنها بقت كبيرة كدة بالاكل ده كلو😂 قلت ليو ولدي احتمال يكون اتخنق بالعصائر دي كلها😂 الدكتور قال ليهم ف فحوصات لازم اعملها ليها 😊رائد قال ليو ل شنو فحوصات تاني😕وسام قال ليو فحوصات عاديه ي رائد😊الدكتور فصل الدرب وجاب الكرسي المتحرك رائد قال ليو ماف داعي انا بشيلها😊وسام قال ليو انا م مالي عينك😂الدكتور قال ليهم شيلوني انا خلاص اصلا من امس م قعدت😂قعدو يضحكو وسام شالني رائد قال ليو حاسب انت شايل اتنين😊اصلا ريم دي بقت سمينه من قبل م تحمل😛امي قالت ليو تكون زادت بالاكل الاكلتو ده زاتو😂وسام قال ليهم الله يعين م اقع انا وهي ف نص المستشفي😉 وطلع ورا الدكتور وبتكلم معاي قال لي هسه لو هربنا من هنا مالو😉قلت ليو اهرب براك ي زول😂قال لي كدة يعني طيب😂قلت ليو اي كدة بعد ده م عندي بيك شغلة انا وولدي بس😛قال لي ولدك ده حملتي بيو براك😒قلت ليو اي😛وصلنا غرفه الفحص الدكتور طلع وسام بره قال ليو م مسموح😊وسام قال ليو دي المرة الكم تطردني😂شالوني رقدوني ف سرير عالي كدة وانا بضحك ب حركات وسام😂وحدة من الممرضات واقفه جنبي عايزة توصل لي حاجات ف راسي قالت لي اول مرة زول يدخل هنا ويضحك😊قلت ليها انا بضحك ف حاجه تانيه وحتي لو ماف سبب للضحك ماف سبب للزعل كمان يعني ده قدر ربنا واحتمال ف ثانيه ربنا يذيل عننا اي مرض كل شي بيد ربنا😊ابتسمت لي ومشت .. بعد اسبوع وكل يوم فحوصات وزفت 😣زهجت ياخ كل اللي مصبرني اني اشوف ولدي😍طبعا لما اقول ولدي كلهم يقولو لي مين قال ليم ولد😂😂يوم جات رهف ربطتت لي عيوني قلت ليها ف شنو😑بعد مسافه فتحتم لي الغرفة ضلام شوية كدة بقت الوان ازرق واحمر واخضر😍بعد شوية لقيت ليك الغرفه كلها بوالين طايرة وف الارض وكلهم واقفين لابسين لبس بابا نويل😂ياخ قربت اضحك بعد شوية جا رياض شايل تورته😍مكتوب فيها ريماس😭وبقو يغنو هابي بيرث دي تو يو😍وسام جا ختا التورته فيني واداني سكين قال لي اول وحدة لي😊رائد قال ليو انا اكبر منك ب كم شهر اول وحدة لي😒امي قالت ليهم انا اكبر منكم😒رشا قالت ليهم خلاص اول وحدة ل اصغر زول ادوها وسام ولدي😂قلت ليهم اصغر زول هنا ولدي انا يلا معناتو اول وحدة لي😛كلهم بقو يعاينو لي😒قلت ليهم والبعدها ل امي😛رياض قال لي بالنسبه ل انو انا ورامي تعبانين ف الترتيب ده كلو😬رامي قال ليوطبيعيا نحنا م محسوبين😂غايتو بعد جوطه الدكتور جا طردهم بس ماما كانت قاعدة اتونست معاي شويه حتي مشت 😊وانا عايزة انوم خلاص كدة وسام جا داخل قلت ليو وسام😕قال لي هسسسسس وعاين يمين شمال وقفل الباب😂قلت ليو مالك ذي الحراميه 😂قال لي والله جيت ذي الحرامية😑قلت ليو ف شنو😕قال حتعرفي😊جا ربط لي عيوني برضو😒قلت ليو شنو الحركات دي من الصباح قال لي انتظري بس😊قلت ليو طيب😒بعد ربع ساعه كدة فتح عيوني 💕 قلت ليو م شايفه حاجه😑قال لي انا زاتي م شايف😂جا رقد جنبي وحضني😍فجاءة شفت صورتي ف الحيطة😍وبعدها تاني صورة لي وانا صغيرة😍عايزة اقوم وانطط قلت ليو واي ياخ قال لي خليك ف مكانك ي مجنونه الدرب ف يدك😂حتي اتذكرت تاني رقدت فيو وبقيت بعاين للصور من زمن انا صغيرة لما دخلت الجامعه وكل السنوات الكنت فيها ف المستشفي😭قلت ليو ديل صورتهم كيف😭قال لي كل صباح كان لازم اخد ليك صورة شوفي كنتي شينه كيف😛قلت ليو ياخ😒قال لي اي😂وكم صورة برضو وانا ف المستشفي وهو راقد جنبي قلت ليو مجنون 😂قال لي م كان عندي موضوع اعمل شنو😒تاني صور وانا م منتبهة مرة بضحك مرة بشرب ف القهوة مرة بتكلم مع زول😊قال لي عشان م كنت حتخليني اصورك وانتي منتبهة اكيد😂بعد انتهو الغرفه بقت ضلام تاني وانا ببكي😭قال لي انا عملت كدة عشان تبكي ولا عشان نتذكر كل لحظاتنا مع بعض😊قال لي خلاص بطلي والا بجي يطردوني😂قلت ليو طيب😂خت يدو ف بطني قال لي اها بتي كيف😊قلت ليو ولد😒قال لي لا بت😒م عارفه نمت متين😂صحيت لقيت وسام نايم😍بقيت بعاين ليو 😍فتح عيونو قال لي متين صحيتي😊عايزة ارد ليو الباب فتح😑الدكتور جا داخل وقف يعاين لينا😂قال ل وسام اصلا انا من م فتحت عيونا عارف انك م حتقعد ب احترامك😂قال لي ف داعي للاحراج😑😂يعني لو عملت كدة م حتخلوني اشوفها براي ولا دقيقه😂قال ليو يلا هسه اطلع😑قال ليو بس هسه وقت الذيارة😊قال ليو انت بالذات م عندك زيارة😂😂بتناقشو كدة انا حسيت تاني ب وجع ف راسي وعيوني وسامعه كلامهم بعيد بعيد م قدرت استحمل الوجع قلت ليو وسام😣طبعا م قادرة افتح عيوني جا مسك يدي قال لي مالك قلت ليو راسي الدكتور جا قال لي نفس وجع المرة الفات قلت ليو لالا وجع شديد ياخ😣وبقيت ببكي وبصرخ😣😭الدكتور ضغط جرس الطواري ف الغرفه وقال لي وسام بره يلا سرعه 😬 انا حسيت نفسي خلاص حموت من الوجع قلت ليهم ولدي عايزاو يعيش وساااام😭ولدي خلي بالك منو 😭سامعه صوت وسام ببكي الدكتور قال ليو يلا اطلع 😬م عارفه الحصل شنو م حسيت ب شئ😑...
..
..
فتحت عيوني دي غرفتي😍اي والله معقول ده كلو كان حلم ولا انا هسه بحلم😊عاينت يمين وشمال اي دي غرفتي 😭الباب فتحت جات داخله رهف اول م شافتني مفتحه قعدت تكورك ي اميييي ي رامي رشاااا تعالو وبعدها بقت تبكي😭وانا مستغربه ديل مالم امي جات قالت ليها مالك ي بت😒اول م شافتني بقت عامله كدة😨رشا ورامي نفس الشي😨قلت ليهم مالكم اول م اتكلمت بقو يعاينو ل بعض وجو جارين وقعو فيني😕قلت ليهم هي حتقتلوني ده لو م كنت ميتة من الاساس😂امي تبوس فيني وتبكي ورشا ورهف ورامي يبكو ب اعلي صوت 😭😭قلت ليهم مالكم والحصل شنو انا حاسه نفسي بحلم امي يعني انا م كنت حامل بطني ما ذي اخر مرة شفتها😣الحاصل شنو😭كلهم بيبكو اظن م سمعوني زاتو😭بعد شويه رشا طلعت وجا شايله شافع صغير ملفوف كدة 😍ودموعا ف وشها ختتو فيني قالت لي دي ريماس😭قلت ليها متين جبتو ليكم بت وسميتوها ريماس😍طبعا من شفتها دموعي نزلت 😭قلت ليهم انا لي كم راقدة كدة😭رشا قالت لي دي بتك 😭قلت ليها شنو😭وبقيت ابكي وابوس فيها😭😭عن الاحساس الحسيت بيهو ياااخ😭😭هم طلعو خلوني😭😭وانا لسه ببكي 😭الباب فتح عاينت ليو كدة😨قلت ليو وسام😨طبعا متغير دقنو واصل ل صدرو والشعر مبهدل نازل ف جبهتو وبقي ضعيف 😭ودموعو ف وشو جا طوالي رقد فيني وماسكني من نصي ويبكي ب اعلي صوت عندو 😭ريماس كانت نايمه بقت تتحرك وانا برضو ببكي وريماس زاتها قعدت تبكي رامي جا داخل اول م شافنا دموعو نزلت جا عايز يشيل ريماس قلت ليو خليها😭قال لي م حتسكت وانتو بتبكو كدة حجيبها ليك بعد شويه😑وطلع ووسام لسه يبكي بس بدون صوت رفع راسو عاين لي وجا رقد ف حضني ياخ ده م وسام😭واي من وسام قطع لي قلبي ياخ بقي ذي الشافع ضعيف شديد😭حضنتو وانا ببكي وهو عايز يموت بالبكا قريب ساعه وسام ده بس ببكي😭بعدها بقي يتكلم كلام م مفهوم م بسمع منو جزء وجزء بروح مع البكا😭بعد ساعه ونص رائد جا داخل شال وسام شيل من فوقي وطلع😣تاني جا راجع باسني ف راسي وقال لي الحمد لله ع السلامه😢قلت ليو الحصل شنو 😢قال لي ولا شي ولدتي ليك احلي بنوته ذي م شايفه وعمرها شهر ونص بس مزعجة ذيك وجنها بكا😂قلت ليو رائد حعيش كم تاني سكت😑قلت ليو رائد ماف زول غيرك حيقول لي الحقيقه 😣طوالي دموعو نزلت 😭قال لي بالكتير اسبوعين😭وغطا وشو ب يدينو وقعد يبكي ذي الشفع😭انا دموعي نزلت بس م حبيت ابكي يعني البكي حيعمل لي شنو😭بعد مسافه قلت ليو ناديهم لي كلهم😊عاين لي كدة😕قلت ليو بليز 😊طلع ناداهم وكلهم جو ودموعم ف عيونم 😭قلت ليهم ربنا كاتب لي كدة انتو زعلانين مالكم انا حياتي عشتها وانتو م خليتوني احتاج ل شي ولو ربنا اخدني م حندم ع شي بالعكس ف ناس م شافو حاجه ف الدنيا دي بموتو ودموعكم دي اعتراض ع حكم ربنا يمكن حياتي م كانت طبيعيه بس اي لحظه انتو كنتو فيها معاي بالنسبه لي عمر كامل واذا انا مشيت ربنا اداكم ريماس تانيه تكون مكاني😊..
يتبع.....
