رائد قال لي عامر م حيقدر يعمل حاجه وانا موجود لانو وهو مختفي م ظاهر والحمد لله م دخلني ف حاجه يعني م قال ليهم انا عندي يد ف انو وسام عايش وانا مستغيد من الحاجه دي وبعرف من الجماعة كل خطواتهم وعامر لانو عارف علاقتي معاهم كويسة م حيعمل حاجه بواسطتهم حيتصرف من نفسو واكيد ف السنوات دي بيعرف ناس اوسخ منو حيعتمد عليهم 😧قعدت ابكي😭قلت ليهم ده كلو حاصل وانا م عارفه شي كنتو حتقولو لي متين😭وانتو كلكم عارفين حتي رياض عارف اي شي😭يعني كنت حعرف لما وسام يموت ولا عامر ولا انت ي رائد😭حرام عليكم😭رائد قال لي اصلا م كان ف زول حيعرف لو م عامر اتكلم مع وسام وانا كلمتهم عشان ينتبهو اكتر واصلا ماف شب تاني الساعه 2طيارتك حتسافري ل وسام قلت ليو شنو 😭مستحيل اسافر واخليكم وسام مش قلت م خايفين عليو من شي تاني اسافر ليو ل شنو😣وليد قال لي ي ريم وسام نحنا سفرناهو بالغصب والليلة كان جاي لو م رائد قال شرح ليو انو عامر حيحاول يصل ليك اول شي وهو ب كدة حتي وافق يقعد ولو م سافرتي اتاكدي وسام حيجي ولو جا م حتشوفيو لانو من المطار حيطلع جثه نحنا م خايفين من عامر ف ناس اكبر من عامر ب كتير ووسام م عندو خيارين للاسف✋طبعا ببكي 😭امي قالت لي انا ف حياتي دي شفت حاجات كتيرة وماف شي كان اصعب من احساس اني حفقدك وم حشوفك تاني 😭الله يرضي عليك اسمعي كلام اخوك ي بتي انا م صدقت انك رجعتي ذي اول😭رامي قال لي ي ريم اصلا انتي زاتك م عندك خيار ي تتحبسي ف البيت ي تسافري وف البيت م حنتطمن عليك ونتابع شغلنا ف وقت واحد عشان تريحينا ونطمن عليك سافري وانتي مع وسام ماف حاجه حتحصل ليكم عامر زاتو لو فكر ف المكان الموجود فيو الراجل حصل ليكم بس وسام حيتصرف 😑ياخ انا بس ببكي رائد ورامي ورياض ووليد دخلو المكتب وامي ورهف ببكو معاي😭م عارفه نمت متين صحيت ب رائد بقل لي ريم لقيت نفسي نايمه ف رجول امي وامي زاتها متسندة ع الكرسي ونايمه امي طوالي فتحت عيونها قال لي الساعه 12حنطلع المطار يلا لو عندك حاجه حتشيليها 😊طلعت غرفتي لقيت رهف جهزت لي شنطه صغيرة قالت لي فيها الحاجات الضروريه بس 😭حضنتها وقعدت ابكي رامي جا داخل شال الشنطه وقال لينا هي بطلو يعني حتغيب العمر كلو اسبوع اسبوعين بالكتير حترجع☺نزلت تحت بكيت لما شفت امي ورياض حسيت نفسي م حشوفهم تاني😭 رائد بالغصب طلعني بره البيت 😭طلعو معانا رامي ووليد😭عايزين ننزل كدة وليد ورامي ووليد كل واحد طلع ليو مسدس😱😱😱ودخلو ف حزامو ونزلو😱😱قلت ليهم ده شنووو😱يعني لو لقيتو عامر او اي زول تقتلوهو طواليي😱وليد قال لي عامر م عندو مشكله معانا وبعد انتي تسافري م حنحتاج ليهم بس عامر م عندو ضمان م بنعرف يعمل شنو😑لما ركبت الطيارة ببكي
رائد اداني رقم قال لي ده رقم وسام م حنقدر نتصل ليو يمكن يكونو مراقبين اتصالاتنا اول م تصلي المطار اتصلي ليو من اي تلفون هو حيكون ف المطار لانو عارفك جايه😊وصلت المطار هناك اول تلفون لقيتو اتصلت طوالي ب وسام ووصفت ليو لما جا😭😭حضنتو وقعدت ابكي😭😭وهو زاتو دموعو ف طرف عينو😭😭بعدها طلعنا وطول الطريق ساكتين ياخ الطريق زاتو طويل ساعتين ونحنا ماشين بعدها نمت طوالي😴صحيت بهزة ف العربيه صحيت عاينت كدة المكان كلو شجر شجر عاالي😑والطريق كلو حجار وطالع ونازل اول م صحيت وسام عاين لي قال لي الطريق ذي الزفت😊خلاص قربنا نصل اصلا انتي كملتي النوم😂قلت ليو متين نمت 😑قال لي ي شيخه نايمه ليك ساعتين😒قلت ليو شنوووو😱ساعتين نحنا لينا كم ساعه ماشين قال لي 5ساعات باقي ساعه ونصل😊قلت ليو لي بعيد كدة😣قال لي ده راس رائد اخوك لما زمان قلنا نسفر الراجل المفترض نقتلو😊اكيد عرفتي قلت ليو اي😑قال لي والله انا اشك الراجل زاتو م عرف يرجع المطار من المكان ده😂😂قعدت اضحك قلت ليو عندك حق😂😂بعد شويه وقف العربيه عاينت يمين شمال الطريق انتهي وماف اي طريق بس شجر كتير يمين وشمال 😑قال لي يلا انزلي😑اتلفتت قلت ليو وين ف الشجر ده😨قال لي حنواصل مشي😂قلت ليو م جادي هسه نمشي كيف قال لي تعالي بس جا فتح الباب عاين ل جزمتي كدة قال لي دقيقه فتح صندوق العربيه جاب لي جزمه ذي حقت عساكر الجيش😨قلت ليو مستحيل البسها دي اتقل مني😑قال لي م عندك حل😂لبسني ليها وشال الشنطه وانا لبست شنطتي حقت الضهر ونزلت مشي يمينو شويه كدة وزحا فروع الشجر ب يدو قال لي ادخلي😊قلت ليو م جادي مستحيل😨قال لي ريم بطلي مستحيل مستحيل😬دخلت كده لقيتو طريق شجري يعني تكون ماشي جوه الشجر لكن تمشي عادي لكن مكان يخوف بقيت ماسكه ف وسام بعد نص ساعه طلعنا من الطريق 😍مشينا ذي نص ساعه تاني الشجر اختفي وبقي ف بيوت قطاطي بين كل مسافه ومسافه بعد شويه وسام قال لي اخيرا وصلنا 😊طبعا المكان خيالي عبارة عن بيت مبني من الطين ومسقوف ذي القطية بالقش يعني تعاين ليو بيت واحد بس ف راسو كم قطيه وحولينو غرف برضو ذي القطيه كل وحدة براها 😍 قلت ل وسام كذااااااااب😍واي وقعدت انطط😂😂قال لي خلاص بطلي😂وطبعا ماف شجر ولا شي بس مساااحه خضرا كبييييييرة شديد حولينو😍تعاين يمين شمال مساحات خضرا 😍 فيها بيوت قطاطي وانا طبعا بنطط وبقول لي وسام واااي 😍وسام يضحك ساي😂وصلنا وسام دخل وانا بقيت لافه بعاين مشيت ب ورا 😍😍بقيت عامله كدة😍😍وبكورك ب اعلي صوت😂😂وسام جا جاري وبنادي ي ريم لما جا ب ورا قال لي ي شيخه قطعتي قلبي بطلي هبل ي بت مالك😂طبعا عالم تاني طبعا زراعه وبقر وخرفان وكلاب ووووو جميع الحيوانات😂😂وسام قال لي اذا خليتك م بتدخلي طوالي شالني قلت ليو ياخ خليني اشوف 😍قال لي المكان م حيشرد ارتاحي اول😂دخلنت قعدني ف كرسي وطلع لي الجزمه قال لي هسه م قلنا تقيله ننططي بيها ذي الارانب😊عاينت ليو كدة😒اداني عصير شربت وقال لي ارتاحي شويه وانا زاتي عايز انوم 😊قال لي دي غرفتك اشر لي ع باب كدة وهو مشا ع باب تاني بعد وصل الباب قال لي دي غرفتي لو احتجتي حاجه وم تطلعي لانو ماف زول بعرفك هنا قلت ليو ف ناس هنا يعني قال لي اي😂😂عايش براي يعني وبعدين هنا ف نظام الوقت ده ماف زول بطلع من بيتو تمام 😊قلت ليو طيب😂قعدت شوية كدة وقمت دخلت الغرفة القال لي دي غرفتك😍ياخ ماف احلي من كدة فيها سرير واحد ودولاب وكراسي كلهم من الخشب 😍وخشب طبيعي لانو البيت كلو ريحتو خشب خشب😊حاجه تريح الاعصاب والغرفه فيها شباك فتحتو ريحه الزراعه والطين😍مبالغه ياخ رقدت كدة طوالي نمت😊..
عامر شايل مسدس وموجهو ع وسام رائد جا واقف بيناتم قال ليو تقتلني اول اذا عايز تصل ل وسام 😬عامر قال ليو جدا وطوالي ضربو ف راسو انا قلت لااااااااااااااااا وصحيت قعدت ف السرير الدنيا ضلام طبعا وسام فتح الباب وولع النور وجا قعد جنبي قال لي مالك انا طبعا عامله كدة😨وجسمي ماشي موية قال لي قولي بسم الله انا عاينت ليو ب خلعه وحتي عاينت يمين شمال واتذكرت انا وين😭بقيت ببكي وسام حضني وقال لي خلاص ماف شي انا هنا😭وانا لسه ببكي نمت صحيت بالسخانه الجو كان سخخخن عديل كدة 😪لقيت وسام نايم وانا نايمه ف صدرو والسرير صغير ووسام نايم ولا جايب خبر بالرغم من انو جسمو كلو معرق 😑براحه قمت فتحت الشباك الهوا بااارد طوالي لبست شال حق وسام ف طرف السرير قاعد وطلعت قعدت بره وماف غير اصوات الكلاب والحيوانات وب ضوء القمر ظاهرة البيوت القريبة 😍فجاءة كدة حسيت ليك ب حاجه ضخمة واقفه قدامي بس قلت ليك واااااااااأاي ب اعلي صوت عندي وقمت جارية ع الباب وسام لاقاني ليك مع الباب بس مسكت فيو وغمضت عيوني وانا لسه بصرخ مسكني وقعد يضحك فتحت عيوني لقيتو بعاين وراي ويضحك عاينت كدة لقيتو ليك كلب قدر القيامة تاني قعدت اكورك😭وسام قال لي كفايه كفايه قلت ليو ده كلب ولا حمار ده قال لي لو ف الحالتين حتخافي منو😁يلا ادخلي واشر للكلب ب يدو الكلب طوالي فات😕انا بقيت بعاين للكلب الكلب اطول مني😂😂بكذب ياخ لكن بجد كبير شديد😂بعد دخلنا وسام قال لي مش قلت ليك م تطلعي براك😒قلت ليو السخانه هنا وبره الجو حلو 😊قال لي الجو الحلو ده لو قعدتي فيو دقيقتين بس مستشفي م كانت بتحلك😒قلت ليو لشنو😕قال لي ريم اول شي نحنا مسافه كيلوميترات من اقرب مستشفي تاني شي الحشرات باليل كلها سامه فهمتي وتالت شي المكان ده كلو كلاب مدربه ع انها تقطع لحم اي زول م شمت ريحتو قبل كدة😒طبعا انا بقيت عامله كدة😱شال الشال من كتفي قال لي ولو م كنتي لابسه الشال حقي ذي الوقت ده كنتي مقطعة حتت حتت😒قلت ليو ولي م قلت لي😨قال لي هو انتي اديتيني فرصه اقول ليك شي😒قلت ليو الساعه كم قال لي ب زمنا ولا زمنكم😊طوالي خليتو دخلت غرفتي😂سفهتو يستاهل😂 جا داخل قال لي انا كنت عارف انك م حتقدري تقعدي هنا بس وافقت مجبور 😑قلت ليو حتعود انشالله وبعدين المكان ظاهر عليو حلو شديد 😊قال لي حلو منظر بس😂لسه م شفتي التعب ولما المولد بتاع الكهربا يقيف ياخ المويه الا نرفعها من البير ب يدينا والحيوانات الشفتيها دي كلها نسقيها ب يدينا والمولد ياخد اسبوع لما يجي مكنيكي يشوفو ولو فيو عطل م قدر يصلحو يعني اسبوعين😂انا ف الفترة القعدتها هنا قبل كم سنه اتعلمت اي شي😊 وهسه بالنسبه لي الجو بارد عديل مرات بتكتم النفس م تلقيو 😂قلت ليو م جادي😨قال لي اي انتي م بت المكيفات وكدة قلت ليو وانت😒قال لي انا خلاص اتعودت قلت ليو وانا بتعود كمان😬قال لي بنشوف وهسه م ممكن الشباك يكون فاتح عشان الحشرات بكره بركب ليك فيو ستارة ولا حاجه عشان تفتحيو بدون الحشرات م تدخل وباقي ساعتين للصباح😊قلت ليو انا م صليت 😨ولا سمعت لي اي اذان😨قال لي حرجع واقول نحنا بنبعد كيلومترات واميال عن اقرب مدينه ووقت الاذان بعرفو بالساعه انا وهسه الساعه 2النسبه لي بلدنا يعني باقي ساعتين للصبح☺قلت ليو وين الحمام عشان اتوضأ 😑قال لي م بنتوضأ ف الحمام ي بت العز والراحات😂قلت ليو وسام😒قال لي خلاص لكن بجد هنا الحمامات م فيها مويه الموية ف براميل ف اي مكان 😊قال لي تعالي دخلنا الحمام قال لي شوفي عشان تصدقي☺بجد الحمام فيو برميل كبير وجردل صغير وتاني جردل صغير قال لي تشيلي المويه من البرميل تعمليها ف الجردل لو عايزة تعملي حاجه 😊تاني قال لي تعالي جنب المطبخ ف ذي هول كدة فيو اكتر من همس براميل قال لي هنا لو عايزة تتوضي جاب ليو جردل عمل لي فيو مويه قال لي اتوضي والمصلايه ف غرفتك 😊طبعا استغربت من بساطه الحياة وكيف وسام او حاج عمر عايشين بعد م كانو متمتعين بكل وسائل الرحه 😑اتوضيت ومشيت غرفتي صليت ومعاي مصحف ف شنطتي قعدت اقرا م حسيت نفسي نمت متين صحين ب وسام شايلني رقدني ف السرير وطلع العبايه الكنت لابساها😊وانا بين مفتحه ومغمضة😂غايتو سمعتو قال لي اشتقت ليك لكن حقيقه كذب م عارفه😑الصباح صحيت ب صوت الناس والكلاب والبقر والغنم 😂😂فتحت الشباك م ظاهرة حاجه غير شفع قاعدين يلعبو مسافه كدة😍طبعا دخلت الحمام العجيب ده واستحميت ياخ حمام يفتح النفس😍لقيت رهف م قصرت ياخ عامله لي بناطلين وتشيرتات وكم حاجه كدة لبست بنطلون قماش اسود وتشيرت بني فاتح قلت ف السخانه دي م بلبس جينز 😂طالعه كدة شميت ريحه القهوة😍طوالي مشيت ع المطبخ😊ف زول واقف م عرفتو وهو زاتو م اتلفت علي بقي يتكلم لغه م فهمتها قربت اقول ليو انا الانجليزي ف مشكله😂😂اتلفت عاين لي بقي عامله كدة😨وانا قلت ده منو كمان😕بعد شويه سمعت صوت من وراي بتكلم ب نفس اللغه اتلفت لقيتو راجل كبير😊عاينت ليو كدة😕قال لي اتكلمي عربي بفهم انا عمك عمر امس وسام كلمني انك جايه بس كان عندنا بقرة حامل وحصلت مشاكل ف الولادة عشان كدة اتاخرت😊قلت ليو اها طبعا مخلوعه لسه😂قال لي م تخافي جابت ليها بت وحنسميها ريم😂طبعا قعدت اضحك😂😂قال لي ايوا كدة 😂قلت ليو اتشرفت بيك ي عم عمر 😊اتكلم مع الود البعمل ف القهوة شويه كدة الود بقي يعاين لي ويبتسم واتكلم كلام كتير 😑عم عمر قال لي قلت ليو انتي زوجه وسام ودع كلو كان ترحيب بيك يلا اقعدي نشرب قهوة 😊قعدنا اتونست معاو راجل م شالله فاهم الحياة تمام وطلع انو قرا بيطرة قبل م يدخل ف السياسه وكدة😊قلت ليو وين وسام قال لي عندو شغل م حيرجع الا نهار وهو كلمني اشوفك لما تصحي شربنا القهوة وطلعنا 😍😍واي من المكان خرافي ياخ اي حاجه ع الطبيعه😍سبحان الله بجد😍والناس زاتم بسيطين شديد عم عمر عرفني ع الناس الساكنه قريب لينا ياخ كلهم ببتسمو ويتكلمو اتمنيت لو اعرف بقولو شنو بسال عم عمر بقول لي برحبو بيك ولانهم بريدو وسام وبعزوهو انبسطو بيك😊طبعا الشمس مسخنه عديل لكن الناس عادية كانو ماف شمس عم عمر قال لي بتتعودي بعد يومين ع الجو وع العيشه دي وصدقيني بعد تتعودي تتمني لو ولدوك هنا من البداية لفينا المكان كلو😍الحريم والرجال شغالين مع بعض وحدين واقفين جنب البير الرافعه بتجيب المويه بنزلوها منها وبكبوها ف براميل البراميل قاعدة ف كارو بعدها الكارو بتوزع المويع لكل المكان 😍وين بسقو ف الزراعه بنفس الطريقه بعد شويه سخن وخلاص كتمت معاي عم عمر قال لي م تتعبي نفسك لانك حتمرض قلت ليو لالا عادي عايزة اشوف باقي الحيوانات😍طبعا الدجاج والارانب والبط😍حسيت راسي خلاص حينفجر طوالي مشيت دخلت بلعت حبه ورقدت نمت 😴م صحيت الا ب وسام بلمس فيني فتحت عيوني لقيتو عايز يطلع لي هدومي قلت ليو ده شنوووووو وعايزة اقوم م قدرت حسيت راسي تقيل وعيوني م قدرت افتحم اتكيت ع جنبه مسافه وسام رقدني كويس قلت ليو بتعمل ف شنو😬قال لي بطلي كلام بعمل ف شنو يعني😬جسمك مسخن وشكلك حتمرضي وهدومك مويه وعرق عشان كدة حبدلها ليك وم وقت عنادك عليك الله 😒طبعا انا م قادرة اتنفس زاتو من السخانه حاسه الجو خنقه لكن انا بردانة عديل وسام غير لي هدومي وغطاني ب بطانيه وبعد شوية جا شايل كبايه قال لي قومي اشربي 😊سندني وشربي طوالي تفيتو ف يدو😂قلت ليو م عايزة 😣قال لي عارف طعمو زباله لكن لو عايزة تبقي كويسه استحملي واشربي لانو ماف دكتور او علاج قريب غايتو بالغصب شربتو قطع مصاريني ب مرارتو😣بعدها نمت 😴
يتبع.....
