عاينت ليو كدة😢قال لي يعني اذا ف حاجه انا م حقول ليك😊قلت ليو م عارفه انت من لما جيت سرحان وم جايب خبري😢قال لي لي وزعلانه عشان كدة بس وبتبكي كمان😂والله انتي هبله😂يعني طبيعي يكون ف حاجات شاغله بالي غيرك😛قلت ليو م بهزر معاك انا😢قال شنو عم عمر😢قال لي والله م قال شي غير انو رائد اتكلم مع عامر وعامر م رد ليو😊قلت ليو كيف م رد ليو😢قال لي يعني م قال موافق او لا😊يلا وقفي دموعك دي😂قال لي وانتي بصرحه زعلانه عشان م عرفتي الحاصل شنو ولا عشان م مهتم بيك😉عاينت ليو كدة😒قال لي انتي قلتي كدة😂قال لي انا مش قلت ليك الجروح بتاعت السخانه دي تخليها رطبه دايما😊عشان م توجعك دخل جوه جا شايل الكريم حقي مسحو لي ف رقبتي قال لي شايفك زايدة كم كيلو ف الايام دي😊قلت ليو احللف😨بجد بقيت سمينه😨واي😨قال لي بطلي هبل يعني انتي هسه سمينه😂طيب الضعيف منو😂قلت ليو زفت 👊م عايزة اسمن زاتو😒طوالي شالني قال لي ولا ع كيفك😂قلت ليو نزلني هسه م قلت سمينة😒قال لي عشت ست سنه هنا بقطع الشجر وبحفر ورجعت كل يوم ف النادي والعضلات دي كلها لو بقيتي ميه كيلو برضو حشيلك😛قلت ليو م شايفه ليك اي عضلات😂قال لي هو رامي بقول لي انت جسمك ده م رياضه بس😂قلت ليو انا زاتي بقول كدة🙊قال لي قصدك😂قلت ليو ولا شي😂قال لي بعدين م شايفه الرجال الهنا كلهم عضلان وجسمهم طبيعي كدة حتي عم عمر لسه محافظ ع صحتو يعني عم عمر لو م جا هنا ف سنو ده كان قاعد ف السرير😂لكن طبيعه المكان ده والشغل فيو كلو يدوي 😊قلت ليو يعني انت لما تبقي قدر عم عمر تقعد ف السرير😛قال لي بقعد ب فهم لكن😂😂قلت ليو معفن👊👋 ...
..
كل اسبوع بننتظر عم عمر يمكن يكون ف اخبار جديدة بس نفس الكلام ف مرة وسام قال ليك م ممكن شهر وما وصلو لحاجه رائد ووليد ف حاجه داسنها مني انا لازم اسافر طبعا م قدرت اقنعو بس قلت ليو الاسبوع ده لو ماف حاجه نسافر الاتنين قال لي طيب .. ف يوم صحيت الصباح ب جوووطه ع غير العادة 😑لقيت وسام ماف طوالي جريت طلعت بره البيت بقيت عامله كدة😨😨رائد ووليد😍😍طبعا م صدقت طوالي جريت حضنتهم 😭وببكي رائد قال لي دموعك دي السخانع م خلصتها ليك😂وانا ببكي وليد قال وانا م بسلمو علي ولا شنو😂حضنتو قال لي هي ده م مكانك م تلم مرتك دي ي زول😂عملت ليو كدة👊👋مشينا قعدنا تحت الشجره 😍طبعا من رائد ووليد هنا خلاص معناتو ماف مشاكل تاني😍مرت عم عمر عملت لينا عصير وشاي😊وليد قال لي استحملتي السخانه دي كيف والله انا قلت بترجعي ف يومك😂قلت ليو عادي😊قال لي عادي ولا من الحب م قتل 😛قلت ليو لالا رباط الحب😂😂وسام قال ليو مالك لاعب ضاغط😒رائد قال لي ناي البيت بسلمو عليك رامي كان حيجي لكن منعتو اصلا حنرجع بكره كلنا😊طبعا اول م قال كدة طوالي نطيت ليك فيو قلت ليو بجدد😍وسام قال لي ياخ هسه قبل كم يوم م قلنا حنعيش هنا😂رائد قال لي باعتك ياخ😛قلت ليهم بطلو ياخ😣وليد قال لينا عامر اتكلمنا معاو انو وسام كان في لخظه غضب وكدة ووافق ع الخطه العملناها وب كدة هم عايزين يتاكدو انو ده وسام طبعا حيعملو ليو برنامج مراقبه لما يتاكدو وهم م بقولو الحاجه دي لينا بس ده اسلوبهم ورائد بعرفهم عشان كدة ماف خوف من شي 😊طبعا وسام اصلا م فرح بالكلام ده ملاحظه ليو مركز مع كلام وليد ورائد وسرحان ف مكان تاني😑قضينا باقي اليوم بلفلفو ب وليد😂😂وكل مرة يقول ليهم ريقي نشف يدخلوهو اي بيت يشرب حاجه 😂وانا بغيظ فيو😛قلت ليو هسه م قلنا ده م مكان للناس الحناكيش😂😂قال لي ده الا المصارعين حتي يعيشو فيو😂 ... وقت العشاء دخلت المطبخ مع مرت عم عمر قلت اساعدها😊بعد حضرنا العشا طلعت لقيتم بتناقشو وسام قال ليهم مستحيل ريم ترجع معانا😨قلت ليو شنو واقعد هنا اعمل شنو😨وسام قال لي ريم انا والله م واثق ف عامر والجماعه ديل لو عرفو الحقيقه اثناء مراقبتهم لي ممكن يقتلوني واكيد حيقتلوك😬رائد قال ليو يعرفو كيف ي وسام 😬وسام قال ليو م بعرف ي رائد المهم ريم م حتتحرك من هنا الا انا اسفر واتطمن ع الوضع حتي هي تجي😬وده اخر كلام✋وليد قال ليو كلامك م منطقي ي وسام يعني عامى لما وافق يساعدنا ماف سبب يخليك تقزل م واثق فيو وبعدين انت نسيت عامر ده صحبك ل اخر دقيقه بس الشيطان دخل بينكم😊وسام قال ليو الزول البقدر يقتل وب كل دم بارد ويمارس حياتو بطريقه طبيعيه ده زول م عندو ضمير ولا انسانيه وزول ذي عامر انا م بثق فيو ابدا فهمتوني😬قلت ليو وانا م بقعد ي وسام 😬ومشيت دخلت غرفتي بعد شويه جا داخل وراي😬قال لي ده شنو البتعملي فيو ده ي ريم يعني انا عايز حاجه غير انك تبقي ف امان انا م عايز اعيش حتي لو احساس اني ح افقدك مرة تانيه كفايه جربت الاحساس وانا عندي امل اني م حفقدك بس هسه اقل غلط حفقدك للابد او انتي تفقديني انا م عايز كدة حبيبتي😭قلت ليو بس انا م عايزة اخليك تمشي براك عايزة ابقي معاك😭قال لي معاي ناس كتير بس كلهم م بيعنو لي حاجه قدام احساس اني حفقدك وتضيعي مني 😑عشان كده اسمعي كلامي المرة دي بس وانشالله كل حاجه تكون تمام😊قلت ليو طيب😭بس حقعد براي كيف هنا 😭قال لي م براك عم عمر معاك وم حتحتاجي ل شي وحتي لو براك كفايه احس انك بخير 😘باب الغرفه دق وسام قال ايوا دخل رائد قال ل وسام بكره حنتحرك بدري عشان نلحق الطيارة😊قال لي اها اقتنعتي 😊قلت ليو اي😭بعدها طلع وسام قال لي ارح نتعشا قلت ليو انت م اتعشيت قال لي لا😉عايز اكلك انتي😂قلت ليو ياخ😑قال لي لا قلت اكل مع مرتي😍ف مانع😂عاينت ليو كدة😒قلت ده مالو كمان😑قعد يضحك😂اتعشينا واتوضيت صليت ورقدت نهاي م جاييني نوم ووسام وعم عمر قاعدين بره يتكلمو رائد وليد نامو قبيل 😂تعبانين ياخ😂😂بالاخص وليد لانو م متعود😂بعد مسافه وليد جا داخل قال لي عارفك صاحيه😂قلت ليو قلت نايمه انا😊قال لي عم عمر قال تمشي تقعدي معاهم واي حاجه تحتاجيها تطلبيها منو😊وكلها شهر بالكتير وبرجع😊وانا ساكته ودموعي ف وشي 😭جا مسح لي دموعي وحضني قال لي دموعك دي حتخليني اخسرك لو سمعت كلامك😣نومي خلاص ماف شي😘يلا حبيبتي 😍وبقي يمسح لي ف راسي وبقرا ف قران طوالي نمت😴
..صحيت لقيت وسام ماف طوالي جريت بره لقيت ماف زول بدون م احس دموعي جرت😭 دخلت الفرفه مكان وليد ورئد نايمين لقيت شنطم ماف😭عرفتهم فاتو قعدت ابكي ب اعلي صوت جات مرت عم عمر من بره وحصنتني وتتكلم كلام م فهمتو طبعا😭ياخ بكيت بكي بعدها جا عم عمر قال وصلم ل عربيتهم وجا😭قال لي وسام رسل ليك دي😊مسكتو لقيتو ظرف كبير م فتحتو بس قعدت ابكي😭بعد ساعتين عم عمر قال لي حنطلع ع بيتو الفوق😊وانا عيوني دي حسيت بيها ورمت بالبكاء😭😭طول الطريق ببكي😭اي زول بلاقينا بعاين لي وبكلم مع عم عمر ويمشي بعد وصلنا شربت موية وعصير عم عمر قال لي خلاص يا بتي ولو م خايفين عليك م حيعملو كدة وانتي كمان ساعديهم ب انك تهتمي ب نفسك عشان م تمرضي او تحصل ليك حاجه والبكاء م حيعمل ليك حاجه قومي ارتاحي شويه 😊لقيتم مجهزين لي سرير ف زاويه كدة منها وتطلع للباب الخلفي رقدت وم قدرت انوم عم عمر جا فتح الباب وعمل لي فيو شبك قاال لي عشان باليل اذا حسيتي بالسخانه الحشرات م تدخل😊اتذكرت رسالة وسام شلتها من الشنطة كاتب لي كلام كتير 😭😭ونصو بتكلم عن نفسو كانو م حشوفو تاني😭 والرساله معاها الساعه حقتو كاتب لي عشان تعرفي وقت الصلاة ي شيخه ريماس😂ياخ قعدت ابكي كيف😭اسوأ يومين ف حياتي م بعمل حاجه انوم واصحي اسقي الورود بمشي مع مرت عم عمر تسقي الغنم او تحلب ومرات بمشي البيت التاني😭وسام م قادرة انساو😭 يوم مرت عم عمر طبخت عادي جيت داخله كدة لاقتني ريحه الاكل طوالي بطني طمت وحسيت نفسي حستفرغ طوالي جريت الحمام 😣عم عمر جا داخل لقاني قاعدة ف الارض جنب الحمام قال لي مالك قلت ليو دي ريحه شنو قال لي كيف يعني😕قلت ليو يعني الاكل قال لي لحم قلت ليو كل يوم بناكل لحم بس ده م لحم طمم لي بطني قال لي دقيقه دخل المطبخ وجا راجع هو ومرتو قال لي مش قلت ليك لحم 😂وانا طبعا بطني طامو ومكشرة غالبني اتكلم مرتو جات لمست جبهتي كدة وهزت راسها بمعني لا😕واتكلم مع عمر عمر وابتسمت 😊م اشتغلت بيهم واسبوعين وانا ف الحاله دي م باكل الا خضروات ورز وعصائر وبطني تقلب من ريحه اي شي ياخ لما حسيت ب نفسي بقيت ضعيفه عديل😑يوم قاعدين كدة عم عمر قال لي م ملاحظه انو لازم نشوف دكتور بعد ده قلت ليو لالا ماف داعي م حاسه ب حاجه يعني م عندي حمي ولا شي بس بطني طامه يمكن من اي حاجه يعني ماف شي مهم😊قاعدة مرتو جنبنا بقت تتكلم معاو قال لي بعدين امشي معاها لمرة كبيرة قريبة من هنا لو عندك حاجه بتقول ليك 😊قلت ليو مش م عندكم دكاترة هنا 😕قال لي دي بس بتعرف الامراض العاديه لو ضربتك حشرة او الرجل مكسورة او عضة ثعبان يعني امراض المكان ده وبتديك علاج ليها انتي يمكن عضتم حشرة😊قلت ليو طيب 😑مشيت رقدت ف سريري عشان الباب فاتح ع مكان الورود الريحه ورد ورد😍عم عمر قال لي م حتاكلي حاجه قلت ليو م حقدر 😑بعد شويه جا شايل كبايه عصير قال لي اشربيها عشان تمشي للمرة تشوف عندك شنو لو حاجه خطيرة عشان نمشي بكره للدكتور شربت العصير ومشيت مع مرتو مسافه كدة دخلنا بيت ذي كل البيوت الهنا الناس قاعدة كتيرة 😊طبعا كلهم بعرفوني ابتسمو لي😊بعد مسافه كدة دخلنا الغرفه مرة كبيرة شديد قاعدة ف السرير اتكلمت مع مرت عم عمر واشرت لي اقعد ف السرير جنبها قعدت بقيت تلمس ف راسي وف عيوني ويديني وتتكلم مع مرت عم عمر 😂😂وانا ذي الاطرش ف الذفه😂بعد شويه قامت واشرت لي ارقد 😑رقدت بقت تلمس ف بطني من فوق ل تحت وم تخت ل فوق غايتو قلت معدتي طلعت بره بالعصر😂😂بعد شويه اتكلمت ومبتسمه مرت عم عمر جات طايرة من هناك حضنتي وانا م فاهمه شي بس سكتنا طلعنا😑وصلنا البيت عملت لي عصير وتدخل تعاين لي وتطلع تاين لي وتبتسم😂😂طبعا لو اتكلمت م بفهم 😑رقدت طوالي نمت😴صحيت ب صوت جوطه طلعت كدة لقيت ليك عامر بتكلم مع عم عمر😨قلت عامر 😨عم عمر قال لي ادخلي ي ريم 😬قلت ليهم في شنو عامر انت بتعمل شنو هنا😨وسام حصل ليو حاجه ولي جاي براك😨عم عمر قال لي قلت ليك ادخلي 😬عامر قال ليو لي تدخل خليها تسمع الكلام الجاي عشانو😊وي عمي انا بعرف مكانك من وين انا كل البعرفو انك انت قاعد ف البلد دي بس مكانك بالضبط م بعرفو لانو انا م جيت قبل كدة حتي لما قررنا نجيبك هنا رائد هو الاتكفل ب كل شي وهسه هو اللي قال لي وين بلقاكم ولو م كدة انا م كنت ح اجي😊واصلا ده مكان الجن الاحمر م بلقاكم فيو 😂عم عمر قال ليو انا م بصدق انو رائد او وسام حيرسلوك انت بلذات ليه م برسلو اي زول تاني 😬عامر قال ليو لانو وسام مراقب ذي م عارف ورائد م حيقدر لانو هو لازم يتابع اخبار الجماعه بيعملو ف شنو ولو اكتشفو وسام او لا هو يصل ل وسام قبلهم 😊ورامي طبعا متابع الشغل واصلا انا ماف زول بشك فيني اصلا لو طلعت او دخلت 😊قلت ليو يعني هم كويسين😢قال لي اي وانا جيت عشان نرجع من بعض😊عم عمر قال ليو ي عامر ريم امانه ف رقبتي وم بسلمها الا ل رائد او ل وسام وم حتتحرك من هنا الا وانا ميت وبالاخص معاك😬وي ريت ترجع وتقول ل رائد الكلام ده😬عامر قال ليو ي عم عمر كلنا بنغلط وانا غلطت وصلحت غلطتي وعملت اي حاجه بقدر عليها عشان تسامحوني وانا اللي قلت ل رائد ح اجي ارجع ريم وهو وافق ي ريت ي عمي تثق فيني وانتي ي ريم ي ريت تثقي فيني 😊عم عمر قال ليو لو عايز ريم تتحرك معاك الا اتصل ل رائد واتاكد من كلامك ده 😬عامر قال ليو ب استغراب عندكم شبكه اتصال هنا 😨قلت ليو لالا ماف هنا بس بعد مسافه في😕عامر قال ليو يعني حتمشي تتصل ل رائد وترجع 😑عم عمر قال ليو لالا حتمشي انت معاي وبتصل ل رائد ونرجع😊عامر قال ليو ل شنو كل التعب ده بس م مشكله نمشي ونتصل ل رائد وف الوقت ده ريم جهزي نفسك لانو لما عمي يتاكد من كلامي حنتحرك طوالي😊بعد طلع عامر عم عمر قال لي انا م واثق ف الزول ده لكن لو طلع كلامو صح م بقدر امنعو وم بعرف رائد كيف يقول ليو كدة زاتو غايتو انشالله يطلع كلامو كذب😬 طلع عم عمر وانا متوترة 😣هو بجد كلام عم عمر صح مستحيل رائد يرسل عامر وعامر كمان كلامو منطقي يعني هو م بعرف المكان ده ذي م وسام قال لي انو رائد بس هو البعرف المكان ده ووسام زاتو عرفو لما قالو انو ميت وجابوهو هنا😣معناتو رائد هو اللي قال ل عامر غايتو ربنا يستر اصلا م مرتاحه ل عامر بعد العرفتو وحتي لو كلام عامر طلع صح م حرجع معاو اقعد مية سنه ولا ارجع مع المجرم ده😭 ساعات وانا قاعدة ف جمر عديل لما يرجعو طلعا قعدت تحت الشجر شايفه عامر جاي من هناك وماشين معاو تلاته كدة شايلين اسلحه كبيرة ولابسين نضارات وطبعا هنا م حتقدر تمشي الا بالجزم البوت العسكريه ديل ياخ جاين علي كدة والله ناس داعش بس لو م شفت عامر كنت شردت😂هم وقفو مسافه كدة وعامر جا ماشي علي😑قال لي اها جهزتي نفسك عشان حنمشي😊قلت ليو وين عم عمر😕قال لي قال محتاج ل حاجات من السوق وواصل طريقو وانا قلت ليو انو م عندنا وقت عشان كدة جيت راجع😊قلت ليو كيف يعني هو قبل يومين كان ف السوق 😕قال لي م وقت اسئلة ي ريم خلينا نتحرك😊قلت ليو م بتحرك م هنا الا عم عمر يجي 😬قال لي يعتي حننتظر لما بكره عشان يجي ولا شنو😬م تتهابلي وبعد نصل مكان فيو شبكه ممكن تتصلي ب رائد وتتاكدي انتي زاتك انا بعرف انك خايفه مني وم واثقه فيني بس انا كل العملتو عشان اثبت ليكم اني ندمت وعايز علاقتنا ترجع ذي اول وف النهايه وسام ورائد اخواني بس الشيطان كان شاطر وربنا بسامح ي ريم انتي م قادرة تسامحيني😣قلت ليو طيب خليني اجيب حاجاتي قال لي تمام😊دخلت شلت شنطتي وحضنت مرت عم عمر وهي تبكي 😭وانا قعدت ابكي اتمنيت لو بقدر اشكرها وتفهم كلامي😭عامر جا قال لي يلا ي ريم ماف زمن 😊طلعت وانا ببكي وكل مره بتلفت اعاين للبيوت وهي بتختفي ب شويه شويه رجعت ب نفس الطريق الجيت بيو اول مرة 😭اتذكرت كل الحاجات الحصلت لي هنا 😭حياتي كلها بدت هنا وانشالله نهايتها تكون هنا ماف احلي من المكان ده والناس فيو قلوبهم صافيه وطيبين ماف زول احسن من زول عايشين ومبسوطين😭بعد طلعنا من الطريق الشجري ف عربيه تاتشر ركبت قدام مع عامر والرجال التلات ركبو وراء😑طبعا م سالت عامر ديل منو 😑عاملين لي ذي الارهابيين كدة م نطقو كلمه اصلا 😑المرة دي قدرت اركز ف الطريق م ذي المرة الفات نمت😁بعد طلعنا من الطريق الحجري ف ذي 5عربات تاتشر واقفه عامر اشر ليهم اتنين مشو قدامنا والتلاته ورانا طبعا انا بعاين كدة😨حسيت نفسي ف فلم اكشن كلهم شايلين اسلحه كبيرة وحتي عامر شايل اكتر من مسدس صغير واحد ف الجزمه واتنين ف الحزام وواحد ف يدو😨قلت ليو ديل جاين معاك😨قال لي ف حالة انا زاتي كنت مراقب واكتشفو انو عم عمر عايش اقدر ادافع عن نفسي😊قلت ليو شنو !!هسه انت مش قلت م بشكو فيك 😨قال لي ديل ناس م بثقو ف بعضهم عايزاهم يثقو فيني بعد م قلت ليهم وائل عايش وتاني قلت انا غلطان وهم عارفين انو انا وائد ووسام او وائل اصحاب 😊ومستحيل انا ابقي غلطان ف صحبي
يتبع.....
