قلت ل عامر وديل منو قال لي ديل ناسي انا😊يعني ممكن تعتبريهم اصنام عادي وم بعاينو ولا بسمعو ولا بتكلمو الا ب امر مني😊طبعا خفت منو ذيادة وسكت م اتكلمت تاني وحاسه نفسي نعسانه لكن م عايزة انوم ..صحيت ب عامر بقول لي وصلنا يلا انزلي فتحت عيوني عامر فاتح الباب وواقف طوالي نزلت قلت ليو ده م المطار😑قال لي ومين قال حنمشي المطار 😊حنسافر ب هلكوبتر قلت ليو شنو😨لي يعني😨قال لي اكيد م حدخل المطار بكل الاسلحه والناس المعاي دي واصلا انا بسافر كدة 😊قلت ليو خلاص انا بمشي المطار انت ب طريقتك😑قال لي ريم انتي شافعه شنو تصرفاتك دي😒قلت ليو عايزة اتكلم مع رائد اتصل ليو قال لي ذي م شايفه م شايل جوال وع كل حال ح اكلك انا خليك واقعيه ويلا م عندنا وقت 😬طبعا م عندي خيار فكرت اهرب بس وين مع الجيس المعانا ده واصلا م حعرف الطريق😭مشينا مسافه كده حتي ظهرت لينا الطيارات😨والله انا ماشه وقلبي ف يدي نهاي م متطمنه ل عامر ولا للمعاه لكن كلامو منطقي وبدخل الراس😑ركبت مع عامر ومعانا راجلين غير الطيار😑والباقين ركبو ف التانيه انا بطني قلبت وقربت استفرغ😣عامر اداني عصير قلت ليو م عايزة قال لي بساعدك م تعاندي 😊وانا ب سخانه الجو حاسه نفسي حموت مسكتها منو شربت وشوية شوية بقينا ف الجو 😭بقيت بعاين للمكان ودموعي نزلت 😭المكان عبارة عن مساحات ومساحات من الاشجار 😨م بتصدق انو ف ناس عايشه هنا ...صحيت اخر حاجه بتذكرها انو كنت بعاين ف الاشجار من الطيارة😑لقيت نفسي ف غرفه جميلة عديل والتكيف 😍اشتقت للاجواء دي😊وراسي لاف😣 افتكرت نفسي بحلم مشيت فتحت الشباك 😍😍البحر 😍واي ياخ قلت انا وين مشيت فتحت باب الغرفة لقيت نفسي ف صاله كبيرة فيها كراسي جلوس ومقاعد وف اكتر من باب فاتح فيها اتلفت يمين شمال ماف زول م عرفت امشي وين 😕فتحت الابواب ب باب باب كلها غرف نوم ووحدة غرفه اكل ووحدة نظام مطبخ فتحت التلاجة لقيتها فيها حاجات كتيرة نفسي كانت ف حاجه حامضة😋شلت جبنة وزيتون ف صحن😂وطلعت قلت اشوف المكان ده وين فتحت الباب لقيت السلم قدامي ومن السلم م حعاين تحت الا انزل نص السلم 😑طبعا م لابسه شبشب ماشه بدون صوت 😑وصلت النص عاينت تحت ماف زول برضو😕استغربت مكان قدر ده م فيو زول طيب وين عامر والمصارعين المعاو ديلك ولا وين رائد 😕نزلت سمعت صوت كلام مشيت ع اتجاهو لقيت ليك عامر واقف ف وشي😨قال لي اخيرا صحيتي😊قلت ليو الحصل شنو وين نحنا ووين رائد 😢قال لي شكلك جعانه😊عاين للصحن ف يدي قال لي تعالي ناكل حتي نتكلم😊عايز يمسكني من يدي بعدت منو طوالي😑عاين لي كدة😕قال لي نسيت😊تعالي وراي طيب شال الصحن مني ومشي قدامي دخل من باب كدة لقيتها غرفه اكل بس طاولة واربع كراسي خشب والارضيه نفس اللون والجزء التاني مقاعد طويلة لونها احمر والارضيه حولين المقاعد ابيض😍ياخ بقيت عامله كدة😍عامر قال لي اقعدي😊ومالك ضعفتي كدة ولا م بتاكلي 😂قلت ليو الحصل شنو ي عامر😑قال لي ولا شي بس رائد هو اللي اتصل لي وقال م نرجع نقعد ف اي مكان 😊قلت ليو لي رائد يقول كدة😕قال لي قال هو حيجي هنا وانتي حترجعي معاه وقال حيشرح اي حاجه لما يجي😊قلت ليو بس قال كدة😑قال لي اي والا ماف ولا سبب يجيبنا هنا وهو اصلا م اتكلم كتير لانو احتمال يكونو مراقبين التلفونات😊طبعا راسي جاط شديد واصلا حاسه نفسي راسي لاف وبطني طامه من اي ريحه ولما جابو الاكل خلاص م قدرت استحمل بس ختيت يدي ف خشمي وقمت واشرت ل عامر يعني وين الحمام طوالي جري فتح لي باب كدة دخلت استفرغت وغسلت وشي عامر قال لي مالك قلت عادي م بحب ريحه الاكل وبعدها راسي لفام قدرت اقيف مسكت ف الباب ووقعت عامر جا جاري شالني وقال ليهم جهزو العربيه سرعه 😑وانا بين واعيه وم واعيه تاني م صحيت الا ف المستشفي لقيت ف راجل كدة واقف ومربع يدينو عاين لي كدة بعد فتحت عيوني وطلع بعد شويه جا داخل عامر قال لي كويسه انتي😊قلت ليه الحصل شنو قال لي كل الحصل جينا المستشفي نشوف عندك شنو والفحوصات ساعتين كدة وتطلع😊طبعا اصلا م مرتاحه ليو بالرغم من انو م عمل حاجه غلط يعني بعاملني حلو واي شي بس قلبي م مرتاح ليو 😑الممرضه جات طلعت الدرب وبعد ساعتين الدكتور جا شايل الفحوصات قال لي معقوله تهملي نفسك للدرجه دي وانتي حامل شهرين انتي مفترض من شهر تكوني متابعه مع الدكتور....بعدها م سمعت شي 😑انا حامل😭😭😭واااي بجد وسام😭😭ي ريتك هنا😭😭انا حامل لا م بصدق😭😭😭ختين يدي ف بطني ودموعي جرت 😭عامر جا وقف جنبي قال لي ده خبر بفرح ولا ببكي😊الدكتور قال ليو شكلو اول ولد ليكم😊طبعا انا بقيت عاملة كدة😨مفتكر ده راجلي😬عايزة اتكلم عامر قال ليو يعني ممكن نطلع من المستشفي قال ليو اي ممكن لكن الشهر ده م تتحرك كتير وتاكل كويس لانو جسمها ضعيف وب كدة حتعرض نفسها ل امراض كتيرة وانا حكتب ليكم فيتامينات بتساعدها لما تخلص الشهر التالت كدة حتعدي مرحله الخطورة عامر قال ليو تمام ي دكتور 😊ياخ انا بجد مبسووووطة😍😍اتمنيت وسام وامي واخواني يكونو معاي ف اللحظه دي😭عامر طلع وجا راجع قال لي حنطلع بعد ده 😊ومبروك كمان قبيل عشان الدكتور مفتكرك مرتي م اتكلمت😊ولا رديت عليو😑..ركبت معاو العربية وورانا عربيه المصارعين😂وانا م ركزت ف حاجه مبسوطه وبفكر ف انو وسام لو عرف حيعمل شنو😍ولا امي ولا رامي ورياض كانو بقولو لي تسمي ولدك ذي اسمنا وانا بقول ليهم عشان يطلع معولق زيكم اسميهو رائد يطلع حلاتو وشخصيه😂😂انتبهت ل عامر بقول لي سرحانه وين😊قلت ليو شنو قال لي انزلي وصلنا😊طبعا عاينت كدة 😕قلت ليو ده وين😕😑قال لي بسم الله ده بيتي المكان الطلعنا منو قبل ساعات😂مخك وين ي بت😊طبعا فيلا كبيرة لونها ابيض ب اسود ع البحر والمصارعين ديل ب كل اتجاه واقفين😨قلت ليو نحنا كنا هنا😑قال لي اي ولو م مصدقه ارح ندخل عشان تتاكدي😂 انا الماقادرة اصدقو انو انا حقعد ف سجن ده شنو ده😣 دخلت حتي صدقت عامر 😣عامر قال لي ذي م سمعتي كلام الدكتور 😊ودي الفيتامينات مع وقتها واي حاجه حتجيك ف غرفتك 😊م عايز يقولو انو انا م اهتميت بيك😊قلت ليو عايزة اتكلم مع وسام😑قال لي حاضر بس م ممكن اتصل ليو ف رقمو خليني اشوف لي خط تاني قريب منو واتصل ليو فيو واديك خبر تمام😊م رديت ليو طوالي طلعت بعد وصلت باب الغرفه اتذكرت عايزة اسالو شنطتي وين ؟نزلت وصلت نص السلم كدة عامر جايط وبقول كان ناقصني كمان والله ..خلاص خلاص اقفل..م عارف اعمل شنو ..خلاص بتصل ليك بعد شوية😬نزلت اتلفت بقي يعاين لي كدة😨قال لي نزلتي لي 😊قلت ليو عايزة اسالك شنطتي وين😑قال لي ف الدولاب ف غرفتك😊مشيت ادوشت وطلعت لقيت الاكل ف الطاولة ف الغرفه اصلا كنت جعانه قعدت اكلت تمام😂ياخ مبسوطه كل دقيقه بلمس بطني واعاين ليها رقدت نمت 😴م صحيت الا بالشمس😣عاينت لقيت الشباك القصاد السرير فاتح قمت عايزة اقفلو لقيت عامر بتكلم بالتلفون وظاهر من شكلو جااايط مع البتكلم معاو ومرة يضحك ومرة يكشر غايتو م اشتغلت بيو قفلت الشباك ورقدت اصلا بقيت م فاهمة حاجه 😣قضيت اسبوعين م بعمل شي بس بجيبو لي اكل واشرب وانوم واطلع جنب البحر 😍اصلا لو م البحر والفي بطني زمان كنت جنيت ف المكان ده لازول يتكلم معاك لا زول يرد ليك عامر م بشوفو الا بالشباك ي طالع ي واقف بتكلم😑 يوم لقيت عامر واقف وبتكلم بالتلفون"قال ليو م بهمني شي ولو م كانت حامل انا م كنت حنتظر ولا دقيقة... مهما كان قلبي حجر م بيصل ل درجه اقتل طفل م عندو ذنب ..ولو م الدكتور قال م ينفع تتحرك من اسبوعين كنت حرجعها ..واياك تتصرف تصرف غبي عشان م تشوفها ولا تشوف اللي ف بطنها طول عمرك ..ذي م قدرت اجيبها هنا بقدر اوديها مكان م انا عايز ..وخليك عارف كل تصرفاتك بتصلني وذي م انت عارف انا بقدر اعمل شنو انا كمان عارف انك ممكن تعرف انا وين وتجيني بس وقتها حتتحمل انت اي حاجه تحصل ...انا بقيت عامله كدة😱😱😱😱 م فكرت ف حاجه بس ختيت يدي ف بطني حيقتل ولدي😨😱😱طوالي وقعت م حسيت الا ب صوت عامر بقول لي ريم ريم ...فتحت عيوني ف مستشفي انا😭تاني مستشفي😭الحصل شنو 😭قريب ساعتين راقدة وم قادرة اتحرك لانو رقبتي فيها حاجه مثبتاها ويديني نفس الشي ورجولي برضو 😭بس بعاين بعيوني الاجهزة فوق راسي سمعت صوت الباب طبعا م بقدر اعاين😑ولا بقدر اتكلم لانو جهاز الاوكسجين ف خشمي😭جات المررضه عاينت للاجهزة اول م عاينت لي عملت كدة😨وعملت حاجه ف الاجهزة وطلعت😑بعد مسافه تاني الباب فتح الدكتور جا وشال جهاز التنفس قال لي اتكلمي😕قلت ده مالو ده😑هو زاتو شكلو مخلوع قال لي حاسه ب شنو😊قلت ليو وين انا😢ولا رد لي طوالي فصل الاجهزة وضغط ليو جهاز كدة جو داخلين كم نفر قال ليهم عايز فحوصات كامله فهمتو يعني فحص كامل شامل عن اي شي حالتها وحاله الجنين تمام يلا خلال ساعتين اتحركو يلا😊وانا عاملة كدة😨 بعدها طلعو لي الحاجات المثبته لي جسمي 😑وانا بعاين ليهم بس وساقوني بالسرير ل غرفه الفحص 😭ياخ م عايزة اقعد هنا بكررره المكان ده😭بعد ساعه كدة رجعوني غرفتي ورفعو لي السرير يعني راسي بقي عالي شوية وركبو لي درب وطلعو انا عينت كدة لاحظت بطني كبيرة😨لمستها ب يدي اي والله بطني كبيرة عديل😨واي بس م يبقي حاصل لي حاجه😭😭ببكي رامي ورياض جو جارين داخلين ومقلعين عيونم قدر القيامه😨انا لما شفتهم قلت رامي😭انتو جيتو هنا كيف 😢طوالي جو ووقعو فيني حضن وبوس😭وببكو بعد شويه امي ورشا دخلو وبرضو دموعم ف وشهم رشا قالت ليهم قومو عايزين تقتلو الولد قبل نشوفو😂امي جات سلمت علي وتبكي😭انا دموعي جرت😭ورشا برضو 😭قلت ليهم الجابكم هنا شنو😢طبعا امي ورامي ورياض لسه ببكو😭قلت ليهم ف شنو ببكي انا كويسه ذي م شايفين 😢الدكتور جا قال ليهم خلاص اتطمنتو عليها يلا بعد ده ترتاح شويه😊سلمو علي وطلعو بعد وصلو الباب قلت ليهم وسام😢رامي بس ابتسم وعاين لي وطلع😊الدكتور طعن حقنه ف الدرب قلت ليو انا لي بطني كبيرة كدة😢قال لي دي حاجه طبيعيه يعني عايزاها تكون كيف😂قلت ليو كيف يعني؟ م متذكرة قال شنو فجاءة كدة نعست 😴ونمت طوالي😴سمعت صوت زول ببكي فتحت عيوني لقيتو وسام قاعد ف كرسي وراسو ف السرير ومدنقر وببكي ب صوت 😢قلت ليو وسام😢طوالي رفع راسي وقام جا حضني وبس ببكي وانا م قدرت م ابكي😭وسام يبكي ويبوسني ف راسي تاني يعاين لي ويمسح وشي وتاني يبكي ذي الما مصدق😭قريب ربع ساعه بس بكا😭بعدها مشا غسل وشو ومسح لي دموعي 😭وم قادر يتكلم 😑لمس بطني ب يدو وابتسم 😊وانا دموعي تاني نزلت😭قال لي خلاص دموعك القريبه دي😛وانا دموعي م قادرة اوقفها 😭تاني مسح لي دموعي قال لي م عايزين دموع تاني لما البيبي يجي بالسلامه😊تمام حبيبتي😘قلت ليو الحصل شنو انتو كيف كلكم جيتو هنا وين رائد ورهف ووليد م شفتهم عامر كان عايز يقتلو 😭ختيت يدي ف بطني😭قال لي ماف لا عامر تاني او غير عامر بس في انا وانت واحلي حاجه لمس بطني وعمل كدة😘ورائد اتصلنا ليو جاي ورهف ووليد ف الشركه جايين 😊وانتي ارتاحي شوية لانو شكلو ماف راحه تاني😂قلت ليو وسام انا حاسه بطني كبيرة شديد😑قال لي يمكن توم😂قلت ليو بطل ياخ 😣بتكلم جد انا يعني حاسه بيها كبيرة ع 3شهور😭يمكن.... وسام قال لي ريم 3شهور شنو ده الشهر التامن ليك😊قلت ليو وسام ياخ😢م تهزر انا بتكلم جد😢قال لي وانا بتكلم جد حبيبتي انتي هنا ليك 5شهور😊قلت ليو كيف يعني 5شهور😭قال لي كدة بس هسه م وقت كلام بتفهمي كل حاجه مرة تانيه قلت ليو لا هسه افهم كل شي ليه اي حاجه لازم افهمها ف وقت متاخر اذا ف حاجه حتحصل لي ف ده من ربنا ي وسام وانا لو م مؤمنه ب انو كل البحصل لي ده قدر م كنت عايشه ل هسه وخليك عارف انو م حتحصل لي حاجه الا اللي ربنا كاتبها م تقعدو كلكم تقولو لي تفهمي وقت تاني😬حسيت راسي بقا تقيل وووجع مبالغة وعيوني بقيت بشوف اسود وتاني برجع بشوف عادي تاني بشوف اسود يمكن ده كلو حصل ف ثانيتين 😣مسكت راسي ب يدي وضغطت ع عيوني وسام قال لي مالك ف شنو قلت ليو راسي طوالي طلع وانا م قادرة افتح عيوني نهاي ..
يتبع.....
