استيقظت ليلة بعد نوم عميق حتي انها لم تشعر بالوقت وكيف مر عليها استيقظت علي صوت اطفال فاستغربت نظرت بجانبها وجدت ولد وبنت ينظروا إليها ويتهامسون
ليلة :انتو مين
نور :انا نور وتشير الي أخيها.وده عاصم اخويا احنا فسنة رابعة ابتدائي وولاد بابا يونس وماما روح بس هي راحت لربنا عشان هناك احسن ليها انتي بقي مين
ليلة وهي تحاول أن تستوعب ما قالته الصغيرة :انا ليلة وجلسة هنا اقعد يومين ملعب فيهم مع بعض ونعمل كل حاجة حلوة
نظرت إليهم وقد استوعبت أنهم اولاد يونس وان والدتهم توفت فاعتصر قلبها الما لحالتهم بالهم من ملاكان صغيران اتمني أن ترزق لمثلهما ولكن الله لا يعطي الإنسان كل شئ
ليلة :بقولكم ايه انا هدخل الحمام ولما اخرج هنقعد نتكلم كتير استنوني
نور وعاصم ينظروا الي بعضهم البعض زيوت بصوت واحد :حاضر ياليلة
تدخل الي الحمام وهي تنظر إليهم بابتسامة من قلبها
.........
بالاسفل
خالد:السلام عليكم
يونس وهشام وأحمد :عليكم السلام وينهضو ليسلموا علي طارق
يونس:ايه ياطاروق عامل ايه
طارق بقلق:الحمدلله طمني يايونس
احمد:استريح ياطاروق وانا هحكيلك علي كل حاجة
قص احمد علي طارق كل ماحدث مع أخته ليلة فانقبض قلبه فهو مثل اي اخ وهي أخته قطعة من روحه بالفعل
طارق:مش عارف اقولكم ايه
يونس:طارق انت اكيد بتثق فينا وعارفنا وعارف أن اختك هتفضل هنا فعيونا
طارق :يونس طبعا انا فاهم انا بس قلقان من كلام الناس احنا هنا فالمنطقة كله يعرف بعضه واخاف عليها لو حد شافها يتكلم ولا حاجة ده غير اني لازم ا رأي ابويا وامي فالموضوع ده وارد عليكم
احمد:حقك يأتيني طبعا طيب روح دلوقتي لاهلك طمنهم وأتكلم معاهم واحنا هنحلها باذن الله
طارق:طيب ممكن اشوفها
يونس:هشام لو سمحت شوف اي حد ينادي مدام ليلة
هشام وهو يبحث لم يجد سوي هنا أمامه
هشام :هنا ياهنا
هنا:أيوة ياابيه اامرني
هشام :الأمر لله ياقلب أبيه روحي شوفي الضيفة اللي جات امبارح صاحبة ولا نائمة لو صاحبة قوليلها تكلم
هنا:عيوني
هشام :تسلمي
دخل إليهم هشام :بالخير البت هنا دي حته السكر بتاع البيت
يونس:سلام قول من رب رحيم ملاقيتش غيرها تنادي علي مدام ليله دي هتضرب معاها صوحبيه ومش هتنزل معاها سنة
الكل ضحك
طارق :للدرجة دي انا كنت بقول ليلة ملهاش مثيل
يونس:اه كانت جربت امبارح بس صدقني الاتنين اقوي من بعض
طارق:هههههههه طيب ربنا يعينكم بقي
...
هنا وهي تستأذن للدخول تجد ليلة تجلس علي السرير وتجدل شعر نور بشكل جميل
هنا:صباح الفل انا هنا اخت يونس وعمت العيال دي
نور وعاصم:بس متقوليش عيال
هنا:عيال وستين عيال كمان بت انتي وهو انكشحوا خلوني اتعرف علي المزة دي
ليلة :هههههه تعالي ياسكر انتي
هنا:والنبي انتي اللي سكر ياعسل بقولك ايه ماتضفريلي شعري زي مقصوفة الرقبة دي
نور تزفر بصوت عالي:اووووووف
هنا وهي تخرج لسانها لنور انكشحي يابت من هنا يالا روحي لابوكي
تخرج نور وعاصم إلي الأسفل ليشتكوا لوالدهم من هنا
وتجلس هنا علي السرير امام ليلة لتقوم ليلة بتجديل شعرها الطويل وتتحدث معها في امور البيت
.....فزع يونس ومن معه علي صوت أطفاله وهم يركضوا إليه ليشتكوا عمتهم
بابااااااااا
يونس :ايه في ايه
عاصم:الست هنا طردتنا من عند ليلة عشان تضفر لها شعرها
يونس وهو يلطم خديه وينظر الي هشام الذي كاد يسقط من مجلسه من الضحك هو والحاليين جميعا
اهي دي هنا ياهشام اللي باعتها تنادي ليله
خرجت دينا علي صوت ضحكاتهم وصريخ الاطفال
دينا:ايه ياجماعة في ايه
احمد وهي ويضحك :اطلعي يابنتي نادي ليلة والعديد عنها هنا
دينا :يييييي هي وقعت فيها ربنا يستر انا طالعة اهه
دخلت دينا وجدت ليلة وهنا يثرثروا في اشياء عدة
دينا:انتي يابت باردة مش باعتينك تنادي ليله عشان عاوزينها
هنا وهي تخبط علي جبينها :يييييي نسيت يادندون والله اصل قعدة البت ليلة دي مايتشبعش منها
ليلة :تسلميلي يااوختشي
دينا:طيب كلمي ياليلة عاوزينك
ليلة وهي تعدل من ثيابها وحجابها :حاضر نازلة أهه
نزلت ليلة ولكنها ما أن رات طارق الا وقد اقشعر بدنها من الخوف كانت ستهرب ولكنها وجدت يونس أمامها وحثها علي التقدم وهو يهمس إليها :اوعي تخافي انا جنبك
لا تنكر أن قلبها دق لأول مرة دقات من نوع غريب فنظرت إليه وجدت عينيه تتسلط علي عينيها وهو يتحدث إليها قائلا
متخافيش ياليلة انا معاكي كلنا جنبك
امأت براسها بالموافقة ومشيت أمامه كالمغيبة إلي أن وجدت نفسها أمام طارق أخيها وجها لوجه فنظرت الي يونس وجدته يغمز لها ويطمئنها بعينيه
خالد يلكز هشام بكوعه في جنبه قائلا:ولا يااتش انت شايف اللي انا شايفه ده ولا انا ضارب سيجارة غلط
هشام وهو يحدق بتصرف يونس الغريب :شايف ياخويا شايف ده نط من مكانه اول ما شافها
ليلة :ازيك ياطارق
قام طارق وهو ينظر إليها بغضب اهلا يا هانم ماهو لولا هروب سيادتك وتصرفاتهم اللي بقت غير مسئولة مكنتيش وقعتي فالمشكلة دي ولا خبيناكي ليحصلك حاجة
ليلة وقد نسيت كل من حولها :ده انا انا اللي كنت هرمي نفسي تاني تحت رجلين عمر الزفت اللي عاوزني ارجعله غصب عني بعد مابهدلني بقولك ايه قبل ما تعمل راجل عليا وتعلي صوتك روح ربي شنبك يمكن تخوف العيال الصغيرين انا خلاص مبقتش اخاف منك ولا من اي بني ادم انا شوفت الموت بعنيا مش هخاف تاني من بني ادم
رفع طارق يده ليصفعها ولكنه وجد يونس يمسك بيديه وأحمد صرخ به :طارق انا قولت ايه
طارق وهو ينزل يديه وينظر الي ليلة بغل:انا اسف يا عمي بس مقدرتش امسك نفسي قدام طولة لسانها
احمد :حصل خير اقعد ياطاروق اقعدي ياليلة
جلست ليلة بعد أن جاءت اميمة والدة يونس وهي ترحب بطارق الذي تراه لأول مرة وهو صديق ابنها الصدوق لكنها لم تراه من قبل
جلست بجوار ليلة وهي تضع يديها علي كتف ليله لتحتضنها احمد:بصي ياليلة طارق انا فهمته كل حاجة وهيروح يتكلم مع مامتك وباباكي ويرد علينا فإنك اقعدي معانا الكام يوم دول لحد مانطمن عليكي
ليلة :اللي تشوفه حضرتك
طارق:ياسلام علي الادب
احمد:طااااارق خالد خد طارق ووصله بيتهم واستني هناك وحاول تقنع عمك صالح بالموضوع ده معاه
خالد :حاضر يالا ياطاروق
استأذن طارق وخرج هو وخالد الذي سبقه ليخرج سيارته ووقف طارق في انتظاره إلي أن وجد كرة تلبس في وجهه بشدة
طارق:ااااه ايه ده مين اللي حدف الكورة دي
هنا:سوري ياكابتن مكانش قصدي
طارق :كابتن انتي مين يابت انتي
هنا:بت ايه ياكابتن انا ستك هنا انت اللي مين داهية لتكون حرامي وجاي تقلب البيت يالهووي حرامي ياولاااا
قام طارق بكتم فمها لتضمن عن الكلام
طارق:حرامي ايه وجاي اسرق ايه فعز الضهر انتي مبتفكريش خالص
حضر خالد سريعا :يييييي انت وقعت فالمناخوليا دي معلش بقي دي اختي هنا ياطاروق بتدرس فكلية طب
هنا ده طارق صاحبي
هنا:اهلا ياكابتن وسوري وتركته وركضت خلف عاصم لتكمل لعب معه
طارق:دي اختك ازاي يابني
خالد:هههههههه هنا دي بسكوتة العيلة بنت زي العسل بس هي لسانها طويل حبتين
طارق :قول تلاتين أربعين حبه
خالد:هههههه معلش بقي امسحها فيا
.........
الو
الو
ها عرفت البت دي راحت فين
لاء لية ادينا بندور ومش ساكتين
لاء بقولك ايه اخرك الصبح لو مرجعتهاش أو عرفت راحت فين هاخدك مكانها
حااضر حااضر مش ساكت بدور والله
اخلص وطمني
حاضر .......
ياتري مين دول وهيحصل ايه فاللي جاي
