طابور الصباح
ينتهي ويتوجه كل معلم ومعلمة الي الفصل
مديرة المدرسة :سعدية
سعدية العاملة :تحت امرك ياست الأستاذة
السرة:ابعتيلي ريهام لو سمحتي هتلاقيها فاوضة الاخصائيين
سعدية:هوا
خرجت سعدية الي ريهام لتخبرها بضرورة حضورها لغرفة المديرة
ذهبت ريهام إليها
ريهام:صباح الخير ياابلة
المديرة:صباح الخير ياريهام قوليلي مفيش اخبار عن ليلة
ريهام :ابدا ياابلة ولا حس ولا خبر
المديرة :طيب انتي تعرفي بيتها
ريهام :أيوة اعرفه
المديرة :طيب هتروحيلها بعد اذنك وتقوليلها أن المديرية باعته خطاب رسمي ياترجع فخلال يومين ياما هيحصل فصل لأنهم اخطروها اكثر من مرة أن اجازتها خلصت ومحدش رد عليهم
ريهام :حاضر ياابلة من عيوني
**********استيقظت ليلة تتململ في فراشها لتتلمس بجوارها جسد يونس ابتسمت وهي تتذكر كيفيه احتوائه وحنينه عليها بالامس وكأنها لم تتزوج من قبل احساس جديد لم تشعر به احساس بالأمان مبادلة مشاعر الحب بينهم كانت اقوي بكثير من اي غريزة إنسانية ما شعرت به كان عشق للشخص وليس تفاصيلها بالعكس فهي تعشق عيوب يونس أن كان به عيوب قبل مميزاته
نهضت قليلا تتفحص وجهه شديد الوسامة قبلته علي شفتيه قبلة رقيقة جدا وذهبت الي الحمام
استيقظ هو علي صوت باب الحمام ابتسم ونهض يدق الباب
ليلة
ليلة:احم احم أيوة يايونس
يونس:بتعملي ايه
ليلة:بعمل ايه ازاي باخد شاور
يونس: بخبث 😉شاور طيب ومشوفتيش الفار
ليلة تخرج من الحمام مسرعة وهي لاترتظي سوي منشفة قصيرة تلفها علي جسدها امسك يونس بذراعها
يونس يضحك :تعالي هنا رائحة فين
ليلة :رائحة تجيب المكنسة
يونس باستغراب :مكنسة ليه
ليلة :عشان اموت الفار
يونس:الله هو انتي مش خائفة منه زي الستات
ليلة :اوعي يايونس بلا خائفة بلا بتاع دانا ياما موت فئران قبل كدة كنت امسك الواحد بالمكنسة علي ام دماغة ميحطش منطق
أدارها يونس بعد تفكير لباب الحمام
ادخلها واغلق عليها الباب
ليلة :الله افتح يايونس عشان اجيب المكنسة
يونس:ليلة مفيش فئران وخلصي شاور بدل ماطلقك ايه اللي جبتها لنفسي ده قال علي ام دماغه ميحطش منطق هي جواز ملهاش ملامح صبرني عليها يارب
******
احمد:ها ياحاتم ناوي عليه ايه
حاتم وهو ينظر إلي سعاد التي تجلس بجوار عرفتهم الصغيرة
ناوي اكمل نص ديني
احمد بخبث:ياراجل ومين اللي هترضي بيك وانت نص كدة
حاتم:ههههههههه تصدق نص اه بس اعجبك وغمز له
احمد:طب يالا روح كامله مش هتكمله من الجنينة بردو
حاتم:لئيم انت ياحمودي
******
طارق:ها ياخالد قولت ايه
خالد:بص ياطارق انت عارف انا ليا فالشعب الميداني اكتر الاداريات دي بتاعتك لو انت شايف انها كويسة خلاص علي بركة الله
طارق:هي من ناحية كويسة كويسة بس انا قلقان من إصرارها
خالد:يمكن إصرارها عشان تعوض خسارتها انت قولت قبل كدة انها خسرت صفقة كبيرة
طارق:ده فعلا
خالد:طيب خلاص يبقي فعلا كدة
طارق:علي بركة الله ربنا يسهل
خالد:طيب ايه بقي ابوك الحاج مش هيحدد معاد لكتب الكتاب ولا ايه
طارق:مش عارف ياخالد بص انت شايف الظروف اللي احنا فيها بس الاكيد أنه هيحدظ معاد وهبلغك بيه وهيكون فاقرب وقت ابويا من ساعة الحادثة وهو مش مظبوط
خالد:طب وحياة ابوك تخلصوا احسن انا وصلت لحالة خطر وقربت اتجوز علي روحي
طارق:اتلم يالا وروح شوف شغلك بقي
خالد:خارج ياخويا متزوقش بس ذنبي فرقبتك
ضحك طارق وخرج خالد من المكتب امسك بالهاتف ليخبر السكرتيرة بتحديد موعد معها لتأمين الصفقة
**********
شهيرة :ياعمر ياحبيبي ارتباطهم لاهلك شئ جميل وكل ده لازم ستصبح وخاصة موقف ليلة بنت عمتك لازم ارجعوا زي الاخوات وهموت بجد والتعرف عليها
عمر:بس ياشهيرة ماما
شهيرة:كلمتك علي عيني وراسي بس صلة الرحم لازم توصلها دي حاجة مفيهاش كلام وبصراحة أنا عاوزة لاولادي اهل كتير وعزوة مش عاوزاهم مقطوعين زي مامتك طاعتك تعادي كل اهل باباك
عمر بتفكير:اه اكيد ياشهيرة هحاول حاضر
********
ليلة :الو
ريهام:ايه ياست ليلة بقي ينفع كدة كل اخبارك تنقطع وعني انا كمان
ليلة:ريهام حبيبتي وحشاني اووي والله عصب عني سامحيني
ريهام:ماشي اسامحك لما اشوفك ولازم اشوفك
ليلة:طيب انا هقول ليونس وهو يجيبك عندي لاني معرفش العنوان
ريهام:يونس يونس مين
ليلة:يونس جوزي
ريهام بصدمة:ايه انتي اتجوزتي كمان لاء ده الموضوع كبير اووي بقي
ليلة :بلاش مناقرة هبلغه وارن عليكي
ريهام:خلاص هستناكي
أغلقت ليلة الهاتف وذهبت حيث يجلس يونث في البلكونة لتخبره بمحادثة ريهام
يونس:حاضر ياليلة قوليلها تستناني ف.....وانا هبعتلك حد يجيبها بس اهم حاجة انتي ضامناها
ليلة :ريهام طول عمرها اقرب اصحابي ليا ومعتقدش انها ممكن تضرني
يونس:علي العموم هنشوف
خرج يونس ليبعث بالسائق ليحضر ريهام
*****هنا :صباح الخير يادكتور
..:صباح النور يادكتورة ها ياتري مبسوطة معانا .هنا:الحمدلله يادكتور ربنا يقدرني هو الشغل كتير أيوة بس خير
مجدي:يارب يادكتورة اتفضلي علي شغلك واي حاجة تقابلك ياريت تجيبي علي طول
هنا:ان شاء الله
خرجت هنا من غرفة مجدي وامسك بالهاتف
:أيوة ياحياتي
..:ها يامجدي طمني .
مجدي:اطمني كله تمام قريب اووي هقولك علي الفريق اللي هيشتغل معايا كام دكتور جديد كدة بجريهم وأول مايتدبسوا فاي مشكلة نبدا علي طول طريقتنا
...:تمام
مجدي:حياتي بقولك ايه ناوية علي ايه فموضوع محمد وجمال
..:اقرالهم الفاتحة سلام ياروحي
أغلقت الهاتف وهو ينظر بهاتفه ويبتلع رقيقه بصعوبة :ربنا يبعدني عن مشاكلك وبإذن الله وقعتك علي أيدي
******ريهام :ليلة حبيبتي
ليلة:ازيك يا ريهام وحشاني جدا احتضنوا بعضهم البعض بشدة نزل يونس لاستقبال صديقة زوجته وليتحدث معها ليستشف سبب إصرارها علي مقابلة ليلة
يونس:اهلا ياانسة ريهام
ريهام بخجل :اهلا بيك .ليلة:ده سيادة الرائد يونس ياريري جوزي
ريهام:اهلا بحضرتك والف مبروك وربنا يخليكم
يونس:الله يبارك فيكي وعقبالك وانا انتي متجوزة
ريهام:لاء ليلة مجاش النصيب مع اني فين ليلة بس النصيب
ليلة:ريهام طول عمرها قمر يايونس وعلي طول خطابها كتير بس هي اللي مش راضية بحد بقي
يونس:ربنا شتيلها الاحسن ياليلة
مقولتليش ياريهام اخبار الشغل ايه
ريهام:ماهو ده اللي انا اصريت اقابل ليلة عشانه المديرة بعتتلس وقالت لو مرجعتيش بكرة قرار فضلك هيطلع
يونس:ازاي انا عاملها إجازة لمدة سنة
ريهام:والله يااستاذ يونس مرة واحدة الإجازة اتلغت ومش عارفين أي أسباب انا طلعت علي المديرية النهاردة. حاولت اعرف ليه محدش قال غير أنها اتلغت وبس
يونس باستغراب :انا نقدر ياانسة ريهام اللي عملتيه بس غريبة اووي
ريهام:فعلا انا كلمت طنط زقزلتلها أنه موضوع مهم لولا كدة لولا اديتني رقم ليلة الجديد هو في ايه ياليلة انتي لية اختفيتي فجأة وايه اللي حصل
دخل طارق مع خالد لينقطع كلامهم فجأة بعدما نظر طارق الي ريهام نظرة عشق كادت عيونه تخرج من موضعها
وهي قد توترت ونهضتها فجأة تستأذن للخروج ولكن استوقفها طارق
طارق:عاملة ايه ياريهام
ريهام بدون أن تنظر إليه :الحمدلله
نظر يونس لريهام :استني هبعتلك السواق يوصلك
ريهام:ملهوش داعي انا اعرف اروح
طارق :استني انا هروحك
ريهام:شك
قطع طارق كلامها :كلمة واحدة يالا
خضعت ريهام له وذهبت خلفه
يونس وخالد:ليلة تعالي بقي احكيلنا في ايه وطارق ماله
ليلة:ده استجواب
يونس:فعلا
ليلة بابتسامة :طارق حب ريهام وهي كمان بس كدة
خالد:نعم ياختي طارق صاحب عمري وعمره ماحكي حاجة عنها
ليلة:الموضوع حصل تقريبا وانت مسافر شافها معايا حبها من أول نظرة وهي كمان عشقته واتفقوا علي كل حاجة بس لما عرفوا أن طارق اصغر منها بسنة اهلها اعترضوا ورفضوا وللأسف هي محاولته تدافع عن حبهم لان شخصيتها تعتبر ملغية قدام اهلها فيعدت وسمعت كلامهم ده جرح طارق جدا بس مبطلش يحبها
يونس:ربنا يهديهم بس اللي شفته فعنيهم يقول طارق مش هيسيبها النهاردة الا وهي بتاعته
ليلة :تفتكر
يونس :افتكر ونص
خالد:طيب هروح انا اشوف شموسة
ليلة:سلملي عليها
خالد:بس كدة وربنا لبوسهالك دانا ماهصدق
ليلة:هههههههه
يونس:طيب ايه
ليلة:ايه اللي ايه
يونس:يالا اوريلك الحلزونة
ليلة:حلزونة ايه
يونس:الحلزونة ياما الحلزونة
ليلة :انت قليل ادب
يونس:اخ يافهماني
ليلة:طبعا
يونس:بس بتموتي فيا
ليلة :طبعا
يونس:وفقلة ادبي
ليلة بدون شعور:اووي
يونس:الله اكبر وحملها وصعد لغرفتهم
ولكن استوقفته. دينا :يونس ماما تعبانة اووي ومحتجالك
.........
