دخل يونس وهشام الي المنزل وبصحبتهم ليلة وجد يونس والده بغرفة المكتب استأذن من هشام ودخل إليه ليحادثه في موضوع إقامة ليلة معهم
يونس :مساء الورد ياسيادة اللواء
احمد :اهلا يايونس مدام نديتني بسيادة اللواء يبقي في مشكلة
يونس:وهو يدلك اخر رقبته هو انا مكشوف اووي كدة
احمد:اكيد
يونس:هحكي لحضرتك وقص عليه
فلاش باك
*******
هشام يدخل علي يونس مكتبه :الحق يايونس عرفت أن في تسليم اعضاء النهاردة
يونس وهو يقف مسرعا :فين وانتي
هشام:مش عارف بالظبط بس اكيد بالليل متأخر
يونس :طيب ومستني ايه
هشام :انا خلصت النبطشية بتاعتي ومش عارف هدخل ازاي المستشفي تاني
يونس :متقلقيش دي لعبتي انا بس تعالي نقدم بلاغ رسمي عشان نطلع اذن
هشام :لاء بلاغ ايه بص احنا نروح ولو اتاكدنا نبقي تكلم عبدالرحمن ويطلعلك اذن نتأكد الاول
وبالفعل عرف يونس أن مواسير الصرف تؤدي إلي داخل الكشفي ودخلوا عن طريقها فتشوا المشفي كله ولم يجدوا شئ إلي أن دخلو الي المشرحة وهناك وجدوا ليلة
قام يونس بالاتصال باللواء سعد ليصر اللواء علي اخفاء ليله لأنها سوف تكون مفتاح اللغز كله
*******
باك
احمد :طبعا وجايبها معاك هنا
يونس :بصراحة أيوة ملاقيتش انا وهشام المنتدى من هنا نخبيها
احمد:طيب دخلهالي اشوفها وأتكلم معاها شوية واه اعرف هي مين بردو دي هتقعد فبيتي
خرج يونس ليجد والدته واخته زوجة هشام يجلسوا ينظروا الي ليلة بدون كلام عندما قطع الصمت
يونس :ليلة تعالي بلا عاوز يقعد معاكي شوية
نهضت من مجلسها وكأنها فازت بجائزة فنظرات والدته واخته كانت تخترقها فوقفت والدته قائلة
يونس معلش ممكن احضر كلام بابا مع الآنسة
يونس:طبعا ياماما
هشام :يالا احنا يعادينا نطلع اوضتنا وانا هفهمك علي كل حاجة
دينا:حاضر ياحبيبي يالا بينا
دخلت ليلة وولادة يونس ويونس الي غرفة المكتب وسمح لها احمد بالجلوس
احمد:انا مش نسالك علي اي حاجة بعد كلامي معاكي دلوقتي بس عاوزك انتي احكيلي كل حاجة عنك من نفسك انا مش هخبي عليكي بس انتي هتقعدي فبيتي ومع ولادي وانا لازم اطمن
ليلة وهي تنظر إلي الارض :انا هحكي لحضرتك كل حاجة بس ارجوك مترجعنيش لاهلي
احمد بحزم :لما اسمع الاول والوعي تكذبي فاي حاجة عشان هتاكد بنفسي واعرف
ليلة :حاضر هقول لحضرتك كل حاجة عني ومش هكدب
انا من اسكندرية وبابا راجل ميسور الحال وليا تلات اخوات غيري طارق وشمس وعبدو بشتغل مدرسة حضانة فمدرسة حكومي وكنت متحوزة من عمر ابن خالي سبع سنين واتطلقنا من كام سنة عشان انا مش بخلف للاسف بس انطلقنا بعد عذاب إهانة وضرب وتجريح ومكنتش بقدر اتكلم خالص والآخر كنت فالمدرسة واتهجم عليا هناك عشان مرات خالي قالتلي اني كنت بحكي لاخويا فالموبيل علي ضربه ليا اول ماعرفت اتجنن وجالي شغلي وضربني جامد وزمايلي كلمة الشرطة والاسعاف والمستشفيات اهلي طبعا جم وتعرفوا كل اللي كان بيعملوا معايا واصروا علي اني أطلق ماعدا بابا وطارق اخويا كانو بيقولوا اني اصبر علي اللي انا فيه بما اني مش بخلف ومحدش هيفكر يتجوزني تاني انا مانعا كتير وقررت اني مارجعلهوش وفعلا طلقني بس من حوالي شهر وهو مصر يرجعني تاني لحد امبارح الصبح لاقيت طارق اخويااخل البيت وبيقولو أن عمر هيجيب المأذون ياليل ويردني قولت لاء ومش هرجعله اتخانق معايا جامد وملاقيتش حد يقف جنبي غير ي وبس كله خايف من والدي واخويا فتضطريت اني امشي اول ماالبلوة يجي وخرجوا برة لاستقبال عمر خرجت من الشباك وقولت هنزل القاهرة ع عمتي وهي تحميني بس وبعد كدة حصل اللي حكيتهولك ياسيادة الرائد
اميمة :حبيبتي يابنتي كبدي عليكي خليتي عيني تدمع لوحدها
ليلة :ربنا يخلي حضرتك ياطنط
احمد:بتنهد طيب ياليلة انتي هنقعدي عندي هنا كام يوم لحد مانطمن علي الموضوع ده ونحاول تطمني اهلك بأي طريقة عشان بردو منقلقهوحش بس مش هقول علي مكانك
اسمك ايه بالكامل
ليلة :ليلة صالح البدري
يونس باستغراب :انتي تقربي لطارق البدري
ليله :أيوة طارق اخويا
يونس :دي يابابا اخت طارق صاحب خالد
احمد:طيب يابنتي يعني فبيتها طارق ده اعز اصحاب ابني خالد وانا هتكلم معاه بس الصباح رباح اطلعي مع طنطك اميمة وارتاحي وبكرة نشوف هنعمل ايه
ليلة :حاضر
يونس يهمس لليلة :سبحان الله اللي يشوفك يقول ملاك وانتي لسانك هلاك
ليلة بنفس الهمس:طيب لم لسانك لاخليها سواد يادنيا سواد قال رضينا بالهم
يونس يفغر فاهه أاه لو ابويا وامي يسمعوكي
ليله:ولا بقولك ايه لم لسانك خليني انام بدل ماديلك بالكوع رجالة هم
وتركت يونس وخرجت بسرعة مع والدته
احمد :يونس بتفكر فأية
يونس : في نفسه ااااه ياليلة شكلك هيبقي ليكي حكايات كتير اووي معايا
احمد:يوووونس انت فين
يونس :ها أيوة أيوة معاك يابابا اهه
احمد بضح. خبيثة :لاء واضح اووي انك معايا
يونس وهو يرسم الجدية :معاك اهه ياسيادة اللواء
********في الصباح نجد طارق يجلس في مكتبه في الشرطة وأمامه العديد والعديد من السجائر ويدلف خالد الي مكتبه
خالد:ايه يابني المدخنه دي افتح الشباك الشركة هتولع
طارق :خالد ارجوك انا مش ناقص
خالد:الله في ايه ياطارق طمني ايه اللي حصل
طارق :ليلة اختي خرجت امبارح ومش لاقينا
خالد :ياالله كانت قولتلك بلاش ترجعها للنطع اللي اسمه عمر ده مسمعتش كلامي
وفكرت التفكير المتخلف ده
طارق:اعمل ايه يا خالد اتاسفلي وقال إنه هيحافظ عليها وقولنا هو احسن من غيره وهي انت عارف ظروفها يعني محدش هيرضي بيها غيره
خالد:انا مش عارفة التفكير المتخلف بتاعك ده ليلة ست محترمة ومدرسة وليها قيمتها يعني تقدر تستغني عنه ده غير أنه المفروض تبقو ليها سند وضهر مش تجبروها تعيش مع الزفت ده
طارق:ياسيدي خلاص مش هنرجعاله بس تطمني عليها
خالد:ان شاء الله خير بص انا هكلمك يونس دلوقتي ونديله اوصافها وهو يحاول بيانا
طارق :يارب ياخالد
يرن هاتف خالد يجده يونس
خالد:صباح الفل يايونس سبحان الله لو افتكرت ربع جنيه مكانش هيجي بسرعة كدة
يونس:طيب اصطبح وقول ستصبح بدل ماجئ اديهوملك
وضع خالد يده تلقائيا علي رقبته قائلا :الطيب احسن ياسيادة الرائد المهم بص عاوزك فحوار
يونس:لاء استني انا اللي عاوزك طارق صاحبك معاك
خالد باستغراب اه هنا أنه دانا كنت عاوزك بخصوصه
يونس :اسمع انت اجيبه وتجيني علي البيت بسرعة وقوله أخته عندنا فالبيت
خالد :ليله
طارق :ليلة مالها
..............…
ياتري طارق هيعمل ايه
