يونس :أيوة وبعدين
مجدي
:اخو حضرتك روحها البيت وانا جيت لحضرتك علي طول
يونس :أيوة بردو افهم ايه انا من تعب مراتي
مجدي:من حوالي سنتين كنت بتدرب عند دكتور نفسي فالمستشفي بتاعته كنت دكتور جراحة كنت بشوف استاذة ژ بتيجي تعمل متابعة معاه لحد ما شوفته بيتصرف معاها تصرفات غريبة جدا حاجات كدة تشبه التنويم المغنطيسي بتخليخا تتصرف تصرفات غريبة مع المدي الطويل بتبدا تظهر علي المريض اعراض زي اعراض الشيزوفرينيا واللي عرفته من تاريخ المدام والاشاعات اللي اتعملت ليها أن في تجمع دموي موجود فالاشعارات وده خلاها فعلا بدأت تقسم حياتها لقسمين وللأسف انا سمعت حاجات كتير من جلسات مدام ليلة مع الدكتور كلها كانت بتحكي عن ضرب حارس العقار اللي جنبها ليها مرة علي دماغها واهلها افتكر ها حادثة وخطفها بعدها بكام يوم عن طريق نفس الحارس لانها شافت حاجة المفروض مكانتش تشوفها وكانت بتتكلم عن واحد ضخم كل اللي كانت بتقوله عليه حرامي السيارات كانت بتقول شبه حرامية السينما علي طول المهم بعد مدام ليلة مكانا بتخلص جلساتها كانت بتخرج بحالة غير اللي دخلت بيها
كل هذا الحديث ويونس يستمع بانصات واستغراب وقلبه يكاد يخرج من بين ضلوعه منتظرالاسوء من الحديث
اكمل مجدي :لاقيت الدكتور بيكلفني بعملية مهمة جدا كانت نقل كلية من متبرع لمريض وطبعا كل الاوراق كانت سليمة وبالفعل عملت العملية واتصورت وكنت وقتها فاكر اني ايه دكتور كبير بقي وعملياتي بتتصور وهتنزل علي اليوتيوب للاسف عرفت بعدها أن العملية دي كانت سرقة أعضاء بدون علم الراجل اللي أحدنا منه الكلية ولما جيت اتكلم هددوني باختي اللي ماليش غيرها وللأسف اخدني فمكتبه واخدوا أختي الصغيرة وكانت موجودة مدام ليلة شاور ليها الدكتور وقالها تتصرفي يانور
يونس باستغراب :نور
مجدي :أيوة هي معروفة فوسطنا كلنا بنور مش ليلة
استكمل مجدي المهم قامت من مكانها وكانت بتتلذذ بأنها تعذب اختي باشكال فظيعة جدا عمري ماهنساها وهي بتقولي ها تكمل معانا ولا تقطعهالك حته حته للاسف مكانش قدامي غير اني اكمل ومن يومها وانا باخد كل تعليماتي منها واول ماشوفتها النهاردة استغربت جدا انها تعبت ومحجبة للاسف كنت ناوي ماتكلمش بس حبي الآنسة هنا خلاني بدأت اتغير جدا من جوايا ولأن مدام نور أو ليلة أيا كانت حاليا كل اللي بتوضبله انها توقع هنا فالشبكة وتضمها لقائمة الدكاترة اللي بيشتغلو تحت اديها حتي بعد مالدكتور مات فالحادثة وهما بيرحلوه هو ومحمد
اللي عرفته من حارس عندنا فالمستشفي انها كانت مش بتخرج من البيت وأنها بتدي كل الأوامر بالتليفون وان الراجل الكبير لما لاقي جوزها طلقها وحالتها بدأت تتأخر وبتخترف فالكلام أمر بخطفها وقتلها عن طريق سرقة أعضائها ودفنها بالأسمنت زي ما بيعملوا مع كل اللي بيخلصوا منهم بس حاولوا يبينوا أن الموضوع عادي وخصوصا قدام محمد اللي كان بيعمل العمليات ديةبس اللي اعرفه ان في واحدة تاني كانت بتابع الشغل غير المدام بس للاسف مقدرتش اعرفها
يونس:بحيرة وقلق ظاهر علي نبرات صوته انت اللي بتقوله ده يامجدي اعترافات خطيرة جدا بس للاسف كل معلوماتك مش كاملة عن الناس دي
مجدي:انا عارف ياسيادة الرائد بس حبي لهنا اللي اصلا انا مش عارف حضراتكم فالعيلة ممكن تقبلوه ولا لاء بعد اللي حكيتهولك ده خلاني اتغير انا والله كنت ناوي اتكلم مع حضرتك من غير اي حاجة ومن غير مااقابل مدام ليلة بس لما شوفتها قولت لازم احكيلك كل حاجة
يونس:انا كل اللي اقدر اعمله معاكل دلوقتي اني ابلغ السلطات باللي انت قولته عشان يعتبرون شاهد ملك فالموضوع .هوانا بالنسبة لموضوع هنا اختي فهي الوحيدة اللي تقدر تقرر هتكلم معاك ولا لاء اقعد معاها واحكيلها وشوف رايها وانا أيا كان رايها هنفذهولها
استاذن مجدي من يونس للانصراف وسط حيرة من الثاني امسك بهاتفه محادثات هشام صديق عمره بئر اسراره ليقابله في اقرب موعد ويقص عليه ما حدث
الفصل قصير بس هنعتبر ده مش فصل ده توضيح لكل الاحداث اللي فاتت ومحدش كان عارف يربط الأحداث ببعضها
