ذهبت ليلة لتأخذ شاور بعد ليلة الحناء المتعبة وخرجت لتجفف شعرها بالمنشفة شعرت بصداع ومضات تأتي إليها تري فيها نور صديقتها تري فؤاد تري جمال ثم محمد ثم مجدي وتقف الومضات عندما تسقط علي الأرض تجلس بارهاق تشعر بيد علي كتفها تنظر لتري نور
نور:ايه ياليلة كنتي عاوزة تنسيني وتطلعيني من دماغك
ليلة :ياريت اقدر يانور ياريت اقدر
نور:تقدري ياليلة تقدري بس خلي بالك من نفسك ومن اللي جاي
ليلة :استني رائحة فين
نور:همشي ياليلة ومش هتشوفيني تاني بس خلي بالك خلي بالك
ليلة :نور استني يانور ولكن ترحل نور وتأتي الي ليلة ذكري تجد نفسها تتمدد علي شيزلونج في عيادة طبيب تجد بجوارها دكتور جمال وبجواره أيضا فؤاد النمر يمليه ما يفعله
فؤاد :اسمعني هي دلوقتي تحت تأثير تنويم مغناطيسي مستعدة تعمل اي حاجة أقولها لها
فؤاد:عارف ياجمال انا خلاص مش عاوزها بس عاوزها
جمال:فزورة دي
فؤاد بضحك :لاء مش عاوزة فحضني ولا عاوز تصورها وابيع صورها لاء عاوزها وجهة ليا فشغلنا مع بعض
جمال:قصدك الاعضاء
فؤاد:بالظبط زي ماخليتك جندت محمد ومخرجش من تحت ايدي هخليك تشغلها معانا من غير ماهي تحس هتتفاهم مع ألدكاترة وهتسلم الاعضاء واستلم فلوس ولو اتمسكت لاهي هتفتكر مين اللي قالها وهتلبسها هتلبسها
جمال:الله يخربست دماغك يافؤاد انت الشيطان يتعلم منك ياراجل المهم محمد عشان ميعملش حاجة تبوظ اللي بعمله
فؤاد: سيبك من محمد خالص انا اقدر اسكته عنها مؤقتا هو فاهم انها لو كانت طاوعتني زمان مكانتش أخته ماتت شايفها سبب رئيسي المهم دلوقتي نجرب التنويم ونشوف هيجيب نتيجة ولا لاء
أفاقت ليلة من سقوطها وذكريات لا تفهم منها شئ من هؤلاء وكيف حدث كل هذا بدون علمها هل تتحدث الي يونس ام تترك الأمر أو تذهب لرؤية طيبيب نفسي
ظلت هكذا إلي أن توصلت أن تذهب الي طبيب ولكن بعدما يمر زفاف اختها
دق الباب
ليلة :ادخل
يونس:لولتي
ليلة بارهاق :حبيبي اتفضل
يونس :وهو يحتضنها بشوق وقلق من هيئتها وحشتيني ايه مالك في حاجة
ليلة:ها لاء يايونس مفيش
يونس:امال مالك وشك ماله
ليلة :هقولك بس بعد الفرح ممكن متسالنيش النهاردة علي اي حاجة
يونس :ماشي ياليلة بس بعد الفرح باذن الله هتقولي كل حاجة خليني واقف جنبك زي ما كنت جنبك من البداية
ليلة :وهي بداخل احضانه انا مهما عملت عمري يايونس ماهقدر اوفي جمايلك عليا انت فعلا راجل بجد
يونس وهو يشدد من احتضانه إليها :ياقلبي جمايل ايه دي حقوقك ياعبيطة وبعدين انا من اول ماشفتك واديتيني كلمتين فعضمي وانا قولت هي دي
ليلة :ربنا يخليك ليا
يونس:ويخليكي ليا ياقمر بس علي وضعنا ده مش هنحضر الفرح وانا بقول مش لازم بردو واقترب منها ليرتشف من شفتيها رحيق يشفي ظمأه تعمقت قبلته قليلا ثم اكثر ثم اكثر الي اخري متطلبة فابتعدت ليلة
:يونس مش هينفع كدة احنا ورانا حاجات كتير
يونس وهو يلهث :ماشي عندك حق انا هدخل اخد شاور تاني عشان اهدي وانتي شوفي وراكي ايه
خالد:الو يامراتي
شمس:أيوة ياخالد مش قولتلك متكلمنيش النهاردة
خالد:مقدرتش ياشموستي وحشتيني
شمس بخجل:وانت كمان بس بجد بتوترني
خالد:ماشي هقفل عشان متتوتريش التوتر خليه الليل دانا هقطعك
شمس:اوف ياخالد
خالد:هههههه خلاص خلاص ياليل اشوفك باذن الله مع السلامة ياشمس روحي
شمس:سلام
أغلقت الهاتف وهي تتافف ياساتر رخم اووي بس دمه عسل ابن الايه
اتي الليل واستعد الجميع لحفل الزفاف
نزلت شمس متابطة ذراع والدها ومن خلفها ليلة وسعاد وهنا ودينا ووالدة خالد ووالدتها رفع خالد رأسه ليجد حورية من عالم الخيال تهبط إليه لم يحيد بنظره عنها إلي أن أمسك والدها بيده ليسلمها له
صالح:خلي بالك منها ياخالد انا مسلمها لراجل
خالد :فعيوني وقلبي ياعمي
نزلت من بعدها ليلة تتألق في فستان من اللون الازرق وحجاب من اللون الفضي كانت مثال حي للجمال امسك يونس بيدها وقبلها ودخلوا جميعا الي القاعة دينا وهشام التي بدأت بطنها بالظهور وهنا وبجوارها مجدي وحازم وسعاد التي كانت ايه في الجمال وصالح وزوجته واحمد وزوجته وأبناء يونس
في القاعة بدأت مراسم الفرح برقصة للعروسين انضم إليهم كل زوجين ماعدا هنا ومجدي
ظلت أجواء الفرح تسير بسلام
ليلة :يونس هروح الحمام وارجعلك
يونس:بس متتاخريش اجي معاكي
ليلة شهقت بخجل :بس الله
يونس:الله كان قصدي اساعد
ليلة:شكرا لمساعدتك
سعاد :ليلة ليلة ممكن اجي معاكي الحمام
ليلة:ياريت ياسوسو
حازم :يابت طيب مقولتش ليه كنت ساعدتك
سعاد:حااازم
حازم:خدت بالك يايونس من الشخطة دي تحس اني متجوز شيخ غفر
سعاد:خليك فاكر آخر كلمة قولتها ياحازم لحد ما ارجع
حازم بغمزة ساحرة من عينه السليمة :فاكر ياقلبي بس ارجعيلي بسرعة
ابتسمت سعاد وابتسامته ليلة علي مزحهما ورحلت الي الحمام هي وسعاد
طارق:اهلا اهلا ياانسة نورة نورتي
نورة:ميرسي ياطارق خليك فاكر اني قولت بلاش انسة دي
طارق:هههههه نسيت ريهام ريهام امسك ريهام من خصرها وضمها إليه ليثبت بنورة ملكيته لريهام ولتخرجه خارج حساباتها
انسة نورة احب اعرفك ريهام مراتي ريهام دي انسة نورة شريكتنا فالصفقة الجديدة انا وخالد
ريهام بترحيب:اه اهلا وسهلا نورتي الفرح وعقبالك
نورة:بابتسامة هادئة ميرسي بعد اذنكم هروح ابارك لخالد
وهي ذاهبة الي خالد لمحت ليلة تذهب الي الحمام وترافقها سيدة أخري فعدلت
من مسارها الي الحمام ظلت تراقب ليلة الي ان وجدتها داخل حمام خاص وسعاد بالحمام المجاور لها دقت علي سعاد
سعاد:أيوة
نورة :أيوة قدامك كتير
سعاد:اه معلش قدامي حبه فقد فاجاتها دورتها الشهرية وكانت تعدل من وضعيتها بداخل الحمام
ردت ليلة أيوة ياللي برة انا خارجة حالا
أمسكت بهاتفها تبعث رسالة قصيرة لمصيلحي :فالحمام
فتحت ليلة باب الحمام وفوجئت برش مادة أمام وجهها رشتين فوقعت علي الفور امسكتها نورة حتي لا تصدر صوت بسقوطها ودخل مصيلحي بدون صوت وهو متخفيا الي الحمام ومعه ليلة وقفز من شباك الحمام بها خرجت نورة ايضا لتجلس في الفرح باركت لخالد وجلست قليلا ثم غادرت بعد أن اوصلها طارق وريهام
سعاد:ابلةليلة انتي كل ده فالحمام دانتي قولتي خارجة ابلة ليلة ليلة ليلة انتي فين
خرجت من الحمام تبحث عن حازم وجدته يقف مع يونس يتمازحون
سعاد:أبيه يونس ممكن تيجي معايا الحمام ابلة ليلة الباب بتاعها مقفول ومش بترد عليا
هرول يونس وحازم الي الحمام قام يونس بكسر الباب وجده فارغا وقطعة من فستان ليلة معلقة بالشباك
تفاعل ورايكم ياريت
