DANGEROUS DARE (Book 1 of Dangerous Trilogy)

• Remember my name •

Kleng's POV

Para akong batang nagtatakbo pabalik sa bahay. Hindi ko pa rin mapaniwalaan ang nakita ko. Kung ano - anong pumapasok sa isip ko. Ang dami kong gustong gawin. Gusto kong bumalik doon. Gusto kong sugurin si Rachel. Gustk kong bawiin si Ferdie. Pero sa nakita ko, may mali. May mali sa kanya. Kasi, bakit hindi niya nakikilala at ang sinasabi niyang Kassandra ay si Rachel?

How did she do it? Shit. Lahat na ng imposibleng senaryo ay naisip ko na. So this is her scheme all along? She pretended to be the good witness and she even ratted out her own brother? Pero bakit si Ferdie?

"Girl, winner bumili ng mga gulay dito! Fresh na fresh at ang mura pa. Mukhang mapupurga tayo sa chopsuey," tumatawang sabi ni Yanna habang bitbit ang mga pinamili niya.

Nakatingin lang ako sa katapat naming bahay kung saan naroon si Ferdie. Anong gagawin ko? Sasabihin ko ba sa kanila ang nalaman ko? Think. Think. I keep on telling that to myself kasi naba - blangko ang utak ko. Hindi ako makapag - isip ng maayos. All along I thought I lost Ferdie pero hindi pala. May tao lang na nagnakaw sa kanya.

"Hoy. Kanina pa ako nagsasalita dito," tinapik pa ako sa balikat ni Yanna. "Okay ba kako sa 'yo ang chopsuey?"

"Would you believe me if I tell that Ferdie is alive?" Iyon ang sagot ko sa kanya.

Nawala ang ngiti sa akin ni Yanna. I know that look. She thinks I am crazy.

Napahinga lang siya ng malalim at inilabas ang mga gulay na pinamili niya.

"You think I am crazy, right?" Napailing ako. "Sana nga nababaliw na lang ako. But I am telling the truth. Ferdie is alive and I know where I can find him."

"Kleng, its just the stress okay? Malalaman din natin ang totoong nangyari kay Ferdie. Pero hindi na siya babalik. I - focus mo na lang ang sarili mo sa magiging anak 'nyo."

"Hindi ako stressed. Buhay si Ferdie at si Rachel ang kumuha sa kanya." Sinilip ko ang bahay sa tapat namin tapos ay hinila ko palabas si Yanna.

"Kleng ano ba? Ano ba 'tong ginagawa mo?" Naiinis na si Yanna sa akin.

Hindi ako sumagot. Tiningnan ko ang paligid ng bahay at nakita kong wala namang mga cctv's na nakakabit doon. Nagulat si Yanna ng bigla akong sumampa sa bakod.

"Gaga ka! Buntis ka baka nakakalimutan mo. At ano 'tong ginagawa natin? Trespassing 'to." Mahinang sabi ni Yanna.

"Sumunod ka sa akin."

Palinga - linga din si Yanna. Alam kong ayaw niya ng ginagawa ko pero wala siyang magawa kundi ang sundin ako. Bahala na siya kung isipin niyang nababaliw ako. Basta kailangan kong malaman niya na buhay talaga si Ferdie.

"Ano bang ginagawa natin dito?" Tanong pa rin ni Yanna. Umiikot kami sa bahay at pasilip - silip sa mga bintana. Hanggang sa makita ko si Ferdie na nakahiga sa kama. Gising siya pero nakatitig lang siya sa kisame.

"There is Ferdie." Sabi ko at hinatak ko si Yanna para sumilip siya sa bintana. Muntik pa siyang mangudngod doon.

Nanlalaki ang mata niya dahil hindi niya mapaniwalaan ang nakita niya.

"What happened?" Mahinang tanong ni Yanna. Alam kong hindi rin talaga siya makapaniwala sa nakikita niya.

Noon bumukas ang pinto ng kuwarto at pumasok si Rachel. Tumingin sa akin si Yanna na para bang nagtatanong kung totoo ang nakikita niya.

"Hon, you want to eat?" Tanong ni Rachel kay Ferdie.

Muling tumingin sa akin si Yanna.

"Sino si Kleng?" Narinig kong tanong ni Ferdie kay Rachel. Tinutulungan niyang makaupo si Ferdie.