انا وعذاب الحب

البارت التاسع عشر

ام علي ..

هايمه شلونك
علي ..يمه شويه ضايج
ام علي ..يمه اكو شي صاير
علي.. لا ماكو شي شغلة شويه مضوجتني
ام علي ..يمه ماكو شي يسوه تضوج نفسك عليه
اگلك يمه اصبلك غده
علي ..اي يمه صبي
ليان ..
اجانه الخط وكول وحده راحت البيتها
راح احجي شويه عن زيد وعن غيث اخوان نور وعلي
زيد عمره 16سنه
غيث عمره 14سنه
غيث ..هلو ماما شلونج
ام علي .. شلونك حبيبي شلونك اليوم بل امتحان
اسويلك اكل خاف جو عان
غيث ..اي والله بس وين نور اريد احاجيها
ام علي ..بغرفتها شوفها تلكها جاي تقره
غيث ..اوك رايح
غيث ..نور نور ..هاي نايمه 🤨هله والله
نور كعدي حبابه عدج ملزمة رياضيات فصل الثالث
نور..خير غيث شتسوي بيها
غيث ..اخو صديقي سادس ورايد ايشوف الملزمه لان بيها اخطاء
اني داخله دورات عد الاساتذه فا الاستاذ الي داخله عده نفسه ايدرس اخو صديق غيث
لحظه هو شمدري نفس المدرس ايدرسني
غيث ..حجه على الاستاذ بصدفه كتلة هاذه نفسه اختي داخله عده دوروس خصوصيه فاطلب مني لان اخو حاجي على الاستاذ ايكول الملزمه بيها اخطاء فاراد يشوف ملزمتج هم بيها اخطاء لو اخطاء مال طباعه ..حته ايحاجو
نور اوووف😏اولا ملزمتي مابيها اخطاء
ويجوز من الاستنساخ هيج ملزمته بيها اخطاء
تمام حنطيك الملزمة بس لايتأخر خلي ايرجعها
غيث ..ماشي ماشي
ام علي  ..غيوثي ماما سويتلك اكل تعال
غيث اي بس ابدل واجي
ليان ..ماما شو دنيا المغرب ومااجت عمتي
مو علساس تجي اليوم
ام ليان .. اي صح بس بطلت
ليان بطلت ؟؟ليش
ام ليان.. تكول اجي بعيد راس السنه حته نحتفل كولنه
ليان هاتمام
ساره ..طبعا حالتي كولش تعبانه وجنت مقرره مااحب اي شخص بعد ولا اثق باي شخص بعد لي صار بيه
بس الله سبحانه مرات ايحط شخص بطريقنه يكون هو دو الكل جروحنه ويكون عبارة عن كتلة من الطاقه الايجابيه والامل
قررت اسد موضوع الحب والزواج من حياتي نهائي خاصه بعد الكسر الي كسرنيا
عباس
قررت بس ادرس حته انجح ورجعت على حساب ماما لان مااريد تتأذه فوك الاذى الي عاشته ويه ابوي 
امي وابوي انفصلو وعشت حياة صعبه لان تعرفون بل بنيه اذا الام والاب انفصلوا عن بعض وتعرفون مجتمعنه شويه صعب
انفصلوا لان درت بيه متزوج (متزوج بل سر ) هو ماعده فلوس علساس.. بس هيج لان عده مرض اله يتزوج   وهم عدها بنات وبناتها ثنين متزوجات وباقيه وحده وياها
ومنفصله عن زوجها فوكها
جان دائما ايهددهاالاامي  بل زواج بس جانت تسكت تكول مستحيل ايسويها ولا مااعتقد توصل بي الهل الدرجه ويتزوج عليه واني حاملته وحامله   ضيمه لا لا مستحيل يسويها
گام  سوه عركة تمثيليه حته يكوللها راح اتزوج عليج
بس ماما كتشفته ايخونها وعده علاقات وسكتت بس من شافته اتزوج وهيه متحملته هيج بعد متسوه تبقه ويا وتضحي خاصه بعد الكلام الي كاللهيا كلامه جان جدا جارح
ابو ساره ..اني راح اتزوج عجبج وماعجبج
ام ساره ..ها ليش قصرت وياك بشي اذيتني مااذيتك دمرتني وسكتت شنو تريده بعد
هاذه الحجي هو متزوج وماشي بس علساس ديهئها للصدمه
هو متزوج وماشي بس ايريد طريقه حته ايجيبها للبيت الزوجته الثانيه
اريد اتزوج ولازم تتقبلين هل شي
ام ساره ..شوف اذا تزوجت واجتي وحده ثانيه وياي ماتشوفني بعد ..ياما اني ..ياما هيه
ابو ساره ..شوفي هاذه الحجي ميصرف عندي خوش وبعدين شكو مصطفى وطلع وسارة وتجي قسمتها وماتضل تبقين بس انتي ومرتضى
ام ساره.. شنو يعني الي فهمته من كلامك لاكيلك وحده وهاي العركه المصطنعه الي سويتها كولها علمود تجيبها ..هسه فهمت
ابو ساره ..لا مو بس هيه ..هيه وبتها
ام ساره.. ياااااا شجاي تحجي انته
طبعا امي تخبلت من سمعت هيج
ابو ساره .. يعجبج تعيشين يعجبج مايعجبج الله وياج
امي بعد كول كلامه ا نهارت  وقررت تنفصل عنه..لان  هيه متحملته علمود اولادها بس وصلت حدها كافي
قررت تنفصل وتعيش عد اهلها واصلا ابوها وامها تستثاب بخدمتهم اكثر من عده لان هو اصلا ماعده احترام للمراءة ولاعده تقدير الي شي تسوي اله يعني بل بكول الحالات  هو مامقدر
ابويه  جاب مرته الثانيه هيه وبتها
اخوي مصطفى راح حاجا بس مفاد بي لان هو انسان ظالم وميقدر تعب احد
عشنه  بيت جدي وهيج احسللنه على اقل اكو ناس تقدر
بس اني بعد انفصالهم  انتهيت وتحطمت و كمت اكره كول الولد من وره شخص ..ودور ابوي كمللي الفكره
انهاريت لان الناس ابد متسكت والحمد الله مجتمعنه بس مايصدك على كلمه وطبعا حته اذا اجو ايخطبون بنيه ويدرون امها مطلكه ميكولون الابو ظالم واي شي راسأ يحط السبب باالمراءة مع الاسف هاذه تفكير مجتمعنه..
عندي صديقتين اساور وايه
اساور ..سارة شوفي هاذه الولد شكد حباب
سارة.. اساور لاتحجين باي ولد كدامي لان كولهم اكرهم اوك
اساور ليش
سارة ..اساور هيج
اساور.. اعرف موضوع عباس واعرف هو شكد تافه بس مااعرفه بتفاصيل لان جنت اشوفج تحجين ويا وشفتج من كمتي تبجين بس ماردت ادخل وسألج لان انتي ماحجيتي الااحد ومن غبتي شكم يوم عرفت انو هو جارحج وطلع تفكيري بمكانه
اساور ..خلي اكولج شي طبعا اكو شخص حجالي عنج ..وطبعا كولها منتبه الج وللانعزالج انتي جنتي صاحبة الطاقه والامل والضحكه بينه
عفتي ايه وحته اني كل لشويه ومنطكره عليه وتدرين الكول يسأل شبيج بس انتي ماتردين على اي احد
خلي اكولج شي الحياة متو كف على اي شخص اكثريتنه اتعذبنه من ناس نحبهم اجتي ايام وليالي منام بس الحياة لازم تستمر وتمشي
يعني لازم اطلعين من هل انطواء الي انتي عايشه بي
ساره ..اساور الكلام سهل بس التنفيذ صعب
يعني ماتعرفين اني شجاي امر من ظروف
اساور ..اي لعد ليش متحجين احجي
سارة حته اذا حجيت مراح تنحل مشاكلي
اساور ..مرات من نحجي الشخص مو اله ايحلنه مشاكلنه لا بس حته يخفف شويه من حملنه الي احنه شايلي
سارة ..يجي يوم واحجيلج
اساور.. اوك اني باي وكت موجوده اذا تحبين تحجيلي
سارة ..شكرا الج وشكرا التفهمج وضعي وظرفي
اساوره.. مايحتاج تشكريني اليوم انتي تحتاجيني باجر اني احتاجح
وبل مناسبه تره الولد حاجاني عنج بس لان شافج انطوائيه ماحجه وياج مباشر الولد معجب بيج ورايدج
ساره.. بس اني مرايته ومرايده اي شخص يدخل الحياتي
اساور ..اوك واح اوصله جوابج
ساره ..اي تمام وصليله لان ماعايزه عذاب عدي الاالم وعذاب ماتحملة جبال
سارة ماقبلت بهاذه الشخص لان نفسيتي متأذيه جدا
من وره الظروف الي مريت بيها تركت الكل و ماثق باي شخص بعد الشي الي صار بيه وصرت انطوائيه كولش بعد مااحب اكعد واحجي ويه الناس بس مرات يجي شخص ايغيرنه وايحسسنه انو بل حياة اكو ناس تنحط على جرح يطيب واكو  ناس تقدر التعب الي تعبي عليهم