انا وعذاب الحب

البارت السادس والعشرون

يعني اذا تقدملج راح توافقين
يمه فديت الي يخجل اريد تجاوبيني ايجوز اجي اخطبج ☺️
نور..
عمتي ام حسين مهدت لي الموضوع
لان تريد تشوف شنو ردت فعلي وشنو مشاعري  اتجاه ابنها
تريد تعرف بس ابنها ايحبني  لو الحب من الطرفين لان ايجوز تخطبني  وارفض وتنحرج
نور ..عممممه يعني مافهمت سؤالج عدل
ام حسين :يعني اريد اخطبج الاابني اكيد بعد موافقة اهلج بس ردت اعرف انتي توافقين لولا ايجوز اهلج ايوافقون وانتي ترفضين
نور اني هسه ماكدر اجاوبج شويه عقلي مشوش بهاي الفتره تعرفين هستوني كملت امتحانات
ام حسين: بس احجزج يعني حته متصيرين الغير شخص اتمنى اعرف جوابج واني راح احجي ويه ابوج وابوج يحجي ويه امج لان امج ماكدر احجي وياهه مباشر خاف تصدني وماتقبل فادااسالج لان خاف انتي الي متوافقين ولاتحجين هسه الي شخص الحد مااهلج ايفتحون الموضوع وياج واذا وافقوو راح اعرف جوابج من اهلج اذاانطو جواب راح يحجون وياج وانتي راح تنطين جوابج وهشي لازم تفكرين بي على كيفج واعرف بااهلج ميجبرونج على شي يعني تكدرين تنطين رايج بحريه
نور:تمام عمه اني راح افكر بل موضوع
ام حسين: اي لان اني من نطلع راح اروح احجي ويه ابوج واذا وافقت كول الاطراف الموضوع راح ايصير وره طلعتج من السادس
نور:تمام عمه اني راح اروح
ام حسين: براحتج روحي
ليان :شكو شبيها عمه صاحتلج
نور :تريد تخطبج غير 🤨
ليان :هاي شبيج نور
نور مابيه شي بس كالت اريد ازوجج ابني توافقين لولا
ليان :انتي اليوم مزاجج بمكانه احسن اروح مالي خلك شقاج
واصلا الحفله راح تخلص وراح اروح اظل يم ساره
نور ها صدوك راح تظلين
ليان: اي والله اسبوع ورجع
نور: اوك راح اشتاقلج
ليان :واني هم بس نفسيتي تعبانه شويه واريد اروح وبلكت نفسيتي ترجع شويه
نور: اي روحي مبين عليج حته شكلج تعبان روحي غيري جو ورجعي بلكت ترجعين ليو القديمه
ليان :ان شاء الله
نور:
ليان عبالهه اني جاي اشاقه وياهه وهو اني  جاي احجي صدوك بس حجيته بصيغة شقه واني انصدمت بكلام عمتي  وضجت حيل لان ليان راح تروح بس شفت نفسيتها تعبانه ومردت احجي وگوللها لاتروحين لان شفت وضعها مو مال احجي بهيج مواضيع وياها فاسكتت ومااحجيت اي شي وياها خلت هشي بداخلي  وسكتت واصلا عمتي وصتني مااحجي بل الموضوع لحد مايصير رسمي

ملاك: شبيج نور شو صافنه شفتج تحجين ويه ليان حجت كلمه ضوجتج
نور :لا ماحجت واصلا هيه راح تروح تبقه يم بيت جدها
ملاك ها اكول ليش صافنه وضايجه
نور: لا مو هيج بس شويه ضجت
طبعا اني كيفت من حجت هيج لان ماريد احجي باي شي
ملاك :يله لاتضوجين عادي
نور: اي عادي وان شاء الله ترجع نفسيتها متحسنه
ملاك :ان شاء الله
ام حسين ملاك يله ماما خلصت الحفله بعد
ملاك :جايه ماما
ام حسين: رايحين البيت جدج مو للبيت
ملاك :صدوك ماما
ام حسين: يي
ام ليان: ليان انتي تروحين ويه ساره
ليان :اي ماما اروح وياهم
ام ليان :يله روحي وعمتج راح تجي ويانه
ليان: هااوك
ليان :طبعا الا اغلبيه كام ينتبه للتغير الي كام ايصير عليه نفسيتي جدا تعبت بل فتره الاخير
اني راح اموت من وره عذاب الحب مثل ميگولون 😔بس حبي صامت على رغم جنت مابين بس كام ايبين على تصرفاتي على نفسيتي كمت اكل مااكل مثل قبل صحتي تعبت والي ايعرفون هشي جدا قليلين
واتمنى ارجع النفسي القديمه لان مشتاقتلها حيل 
تعرضت الصعب من هاي الحاله بوفاة خالي
وذيج الصدمه دمرتني وفصلتني عن الناس كمت اكره الدنيا كولها لان جان مو بس صديق واخ جان عباره عن طاقه ايجابيه بحياتي هو وامي اعتبرهم الضوه الي بحياتي جان كولشي بل نسبه الي
اتمنى بعد هسفره الصغيرونه تتحسن نفسيتي شويه
ام حسين :نور تگدرين تصيحلي ابوج ولاتكوليله اي شي غير عمه تريدك
نور: اوك عمه
نور: بابا عمه تريدك
ابو علي :هااي جاي
ام علي :نور شكو
نور :مااعرف ماما بس شافتني وكالتلي اريد ابوج
ام علي: هايمكن شوشو تريد تحاجي
نور :مااعرف بعد
ام حسين :ابو علي اريد احاجيك بموضوع
ابو علي: تفضلي ام علي
ام حسين :ابو علي اريد بنتك نور لبني حسين وردت احاجي ام علي بس كلت خاف ترفضني
لان تعرف شويه اني وام علي منتلائم شويه بس اريد اعرف اذا اكو مبدا موافقه من جهتك لولا وطبعن اكيد حتى اذا انت قبلت وامها ماقبلت وهيه مااخطب او حتى اذا انت وامها قبلتو وهيه ماقبلت اكيد مااخطب لان مع احترامي الك والاامها اهم شي موافقتها لان هيه راح تعيش ويه ابني وهاي الحقيقه
ابو علي شوفي ام حسين ..حسين ابني ومعزته من معزة ابني علي وهو خوش ولد واني من جهتي موافق بس تبقى امها وهيه اذا وافقوو اني ماعندي اي مانع لان مااحصل مثل حسين
ام حسين :تسلم خويه
خوش انتظر منك رد
ابو علي :فديومين وردلج الجواب
ام حسين :واني انتظر ردك
اني راح اروح
ابو علي :ليش متتعشين
ام حسين :لا مناك مرت محمد وحدهه بل بيت لان جانت عد
اهلها وجابها وراح وهسه خابرتها وحدهه بل بيت
ابو علي :انتظري خلي اوصلج
ام حسين :لا مااريد ازحمك خاف متكدر
ابو علي :لا شنو هل حجي صدوك جذب
ام حسين :مشكور خويه
ام حسين :ملاك يمكم طبعا
ابو علي: راح اصيحلها حته تجي ويانه
خالي ملاك امج راح تروح واني راح اوصلكم
ملاك :اي خالو جايه
ابو علي :اني راح افاتح  ام علي بل موضوع وان شاء الله ايصير خير
ام حسين :ان شاء الله انتظر منك خبر وتعبانك ويانه وخليناك توصلنه للبيت
ابو علي :لا يمعوده تعبكم راحه قابل انتو غربه لو احنه اهل
ام حسين ..تسلم خويه ماتقصر في امان الله
ابو علي ..في امان الله
ليان ..يي شوكت تزوجون
ساره ..ان شاء الله وره التخرج
ليان .. وره تخرجج لو تخرجه
ساره ..لاوره التخرج مالتي
ليان ها اوك ياربي كول التوفيق والسعاده
ساره ..يسلمووو حياتي يوم الج
ليان ..☹️
ساره :شبيج ولج صارلج فتره مو على بعضج
ليان :اني ميته
ساره :اسم الله عليج ياگليبي شنو السالفه
ليان :ماكو شي بس نفسيتي تعبانه جدا وبعد ماعدي امل باي شخص قررت انسى كولشي وابدي من جديد
ساره ..كلامج صح مادام مااجه حاولي تنسي بس لاتكرهي لان هو ماوعدج بشي وخذلج فلا تكرهيي واذا اجه واعترفلج وافقي عليه لان مانطاج امل وعلقج وعافج بنص الطريق
ليان مااعرف شكول بس حخلي كولشي للزمن لان احساسي وقرارتي كولها متخربطه
ساره ..اوك لازم تكعدين ويه نفسج وتقررين
لان نفسيتج حيل تعبانه هل الفتره تره ملاحظين هشي يعني ..ليان انتي قويه موضعيفه ابد يعني الي اريد اكوله لا تخلين اي شي ايأثر عليج ويمكن هسه انتي تكولين انتي هم مريت بهيج فتره وانطويتي على نفسج وتغيرتي
ليان :بس اكو سبب ايجابي رجعج للحياة وللعلم حالتج اصعب من حالتي بهواي بس اني نفسيتي تعبانه شويه هل فتره ومثل ماكلتي اني قويه وان شاء الله ارجع من جديد اوكف على حيلي ومراح اخلي شي ايأثر على دراستي لان عدي هدف لازم احققه
ساره :عفيه ليونه هاذه الكلام الي اريد اسمعه منج هيج اريدج دوم
وصدوك باجر تروحين مو هاي عطله ابقي يمي
ليان :ردت ابقى بس امي شويه مالها خلك خابرتها قبل شويه حالتها مو تمام
خطيه صار فتره من وره الامتحانات كوله واكع براسها واني مامخليتني اشيل الورد من الكاع فصار ظغط عليها وتعبت
ساره :سلامتها الخالتي اذا هيج روحي
ليان :اي اذا صارت زينه شويه يمكن اجي يمج ولو اني مااحب اظل بيت جدو هواي من وره سالفة خالو لسا مااحب البيت كول مكان ايذكرني بي
ساره :احنه بل بدايه دمرنه لان نحسه موجود ويانه تدرين مرات حته اسمع صوته واكول لا يتهيئلي هشي ..مرات اطب الغرفته اشبع ابجي واطلع وانتي هم طبيتي الغرفته بعد وفاته
ليان :اكيد لا ولا راح اسويها لان اموت ماتحمل اشوف اي شي ايذكرني بي و
تدرين اني على تواصل ويه خطيبته شكد جاي ايخطبوهه بس ماتقبل تزوج حجيت وياهه كتلها الحياة لازم تستمر كملي حياتج حجيت وياهه هواي بس ميفيد ولو اني بمكانها اسوي اكثر
ساره :اي والله جدا صعبه ..هو دائما راح ايضل بگلبنه ومراح ننسا بيوم من الايام
ليان :اكيد هو عايش بكل خطوه اخطيها بحياتي فانسيانه مستحيل
ساره: شنو رايج نغير الموضوع وحجيلج موضوع وسام كوله
ليان :انتي حاجيتلي مقتطفات حجيلي يله لان تحمست ☺️
ساره: اوك ححجيلج
ليان :تمام واني حستمعلج
ابو علي .. نور امج وين
نور :هابابا يم بيبي
ابو علي :صيحها وكوليلها بابه ايريدج
نور :تمام بابا
احس گلبي وكف من كال هيج معناهه ايريد ايحاجي امي على موضوعنه اني وحسين
ماما بابا ايريدج يريد ايحاجيج
ام علي :كليله جايه
نور ..بابا تكول جايه
ابو علي :هاخوش
ام علي ..هاحسن شتريد
ابو علي :اريد احجي وياج بموضوع
ام علي :هاخير احجي شكو
ابو علي :الموضوع طويل يعني ينرادله كعده وهدوء
ام علي :شبيك حسن خوفتني شنو هل الموضوع الي هيج ينرادله
ابو علي :شوفي بتنه كبرت وصارت بعمر زواج
ام علي :مجاي افهم عليك شنو الي تريده يعني اذا تقصد جايه خطبه النور فااني من هسه اكولك مااوافق لان نور اولا عدها سادس ثانيا احسها بعدها صغيره ومومال  تحمل مسؤولية زواج وهيج شي
ابو علي :اي نور جايتها خطبه وموبس انتي ماتردين تنطيها بل سادس اني هم بس هل موضوع اذا صار حيصير وره سادس وماكو شي اسمه ماتكدر تتحمل مسؤوليه تتعلم واني بل نسبه الي هيه اذا راضيه ليش لا واني قابل شعندي مية بنيه هيه وحده يعني بكيفها تقبل اولا مااجبرها على شي واني حجيت وياج وريد اشوف رايج وبعدين انتي تحاجيها لان خاف تستحي مني
ام علي :ومنو هاذه الخاطب منك 
ابو علي :اختي ام حسين
ام علي :ام حسين شنووو مستحيل اوافق
ابو علي :حسين خوش ولد وماينعاب
ام علي :حسين خوش ولد بس تعرف اني واختك  موتمام
ابوعلي :اختي تحب نور وحسين رايد نور
بعد شنو انتي مو دورين راحت بتج بعد عليمن هل حجي
ام علي :حسن كول اني موافقه على هاذه الزواج بعد اذا انته وبنتك توافقون انتم احرار اني هاذه جوابي النهائي
ابو علي :هاهيج صار الحجي يعني
اني راح اردلها خبر انو انتي موافقه بس راح تندمين لان ماتحصلين مثل حسين ابد ونور علساس انتي تحجين وياها بس بعد رفضج شلون راح تحجين وياها مااعرف بس راح اكولج مره ثانيه تره راح تندمين