انا وعذاب الحب

البارت السابع

.. ..ماما زينب طلعت معجبه باامير
حجيت هيج بس ماما ولاكلمة افتهمت من كدماابجي
ام ليان ..لج ياليان احجي عدل كولشي مجاي افهم
ليان ..ماما زينب
معجبه باامير

ماما..حبيبتي ليان راح اكولج شي
ليان ..شنووه ماما
ام ليان ..ماما ليان يجوز البنيه اليوم معجبه بي ويمكن باجر تحبه خلي اكولج شي اني البنيه احبها وماراضه تنجرح وتتألم بس هشي يرجع للولد اذا الولد معجب بيها اويحبها او راح ينعجب بيها اويحبها فهشي يرجع للولد اذا جان مشاعره اتجاهه مراح تغيرين شي لو ضجتي او انكسرتي مراح ايغير شي الي اريد اكوله الج اذا الولد ايحب البنيه صدوك لو الف بنيه تحبه مايتهم الهن يتهم للي ايحبها هو ..فاذا جان صدوك ايحبج راح يختارج واذا جان ايحبها راح يختارهه الها ولو هو كولشي ماكو ومفرفحه نفسج عليه هيج بل خالي بلاش بس اذا جان ايحب زينب فالله يجعله من نصيبها مثل مكلتيلها انتي والله اكيد راح ايرزقج افضل انسان لان ايكولون الطيبون للطيبات ولو هاي القاعده مرات يصير بيها شواذ يعني اختي ام ساره شكد طبيه ومسكينه وطاحت بيد ابو ساره ورغم كولها شي وتكول الحمد الله ..فهاي نصيحتي الج خلي كولشي للزمن هو الي راح ايحل كول المشاكل الي موجوده عدج والي مضوجتج
بعد كلام امي حسيت براحه موطبيعيه مااعرف ليش طبعا كلام الاام مثل العلاج من ناخذه بعز مرضنه ومرضنه صعب ومن ناخذه ونشفى بسرعه ..كلام الاام هيج ..امي ذكرتني بساره ههه علساس اني ناسيتها خطيه حيل اتاذه عليها الحياة ظالمتها وظالمه خالتي المسكينه امي كولش متعلقه بخالتي لان هنه مثلنه اني ولارين هم بس ثنين وخالي الي جنه شمعه مضوي البيت وراح 😔وبقن بس ثنين مثلنه اني ولارين..
ليان ..بعد ماامي حجت وياي وشويه هدأدت حسيت نفسي صرت احسن بكلامها..ماما اني راح اروح يم بيت عمي
ماما ..اي حبيبتي روحي براحتج
ليان ..هلو نور شلونج مبين عليج تعب السادس
نور..اي والله حيل جاي اتعب واتمنى من الله بس التوفيق
ليان ..يارب تتوفقين وطلعين المعدل الي تردي نور امين ياربي
ليان ..صدوك شسويتي بموضوع حسين لان بالي يمج
نور..كولشي ماسويت لان هاي الفتره عدي ظغط من الامتحانات فحاول اخلي تركيزي بس على دراستي واحاول ماافكر
ليان ..كلامج صح نور اهم شي دراستج والباقي يتعوض ..ليان تره مااحب احجي بهيج مواضيع او اشتت بالج بس جنت ضايجه عليج ولذا  سألتج
نور..اي يقلبي اعرف ميحتاج تبررين ..اي انتي شلونج بلدوام
ليان ..هههه..لعد مااعرفتي شصاير بيه
نور ..ها ولج شكو حجيلي تره قلقتيني احجي
ليان.. اكولج انتي عدج قرايه اجيج بعد شويه
نور ..لالج ماكدر صار عدي فضول احجي
ليان ..تمام بس راح احجي بسرعه حته انتي تقرين واني هم اروح اقره
نور ..اوك كومي خلي نطلع للحديقه
طبعا الحديقه مكان التقاء الاحبه والاسرار مالتنه اني وليان 😁
ليان ..اليوم رحت للداوم وشفت زينب
نور..اي وشصار
ليان ..زينب حاجتني الخميس بيوم الي مداومت كالتلي ليان عدي موضوع اريد احجي وياج بي ..من داومت الاحد وتشاوفنه كتلها زينب شنو شي الي ردتي تحجي طبعا ...اني حاجيتلج على المكان كعدتنه الي نكعدبي
نور..اي حاجيتلي كملي شصار
ليان.. اني جنت جاي اقره بل محاضره ومدنكه كالتلي رفعي راسج وراح تشوفي اني من الصدمه ماصدكت نور ..زينب معجبه باامير
نور..لا صدوك تحجين اكول حالتج تعبانه
مااعرف شحجي ليان الموقف كولش صعب وبنفس الوقت ماكدر احجي على زينب لان هيه متدري بيج
ليان ..اي اكيد كلامج صح ماكدر اضوج من زينب
،،طبعا موضوع زينب وليان هنا اختصرته ،،
مااريد اعيده لان مااريد اكرر الموضوع نفسه
ليان ..راح اخلي كولشي الله وهو ايحل كول مشاكلي
نور ..كلامج صح ونعم بالله
ليان ..كومي يله  خلي نروح نقره
نور ..اي اوك امشي
ام نور ..ماما نور اخوج علي وين
نور..والله ماما مااعرف يمكن طالع
ام نور ..لعد شلون بينه ابوج واخوانج كولهم طالعين ..شلون اريد اسوي عشه هسه منو يطلعلي
نور ..ماما يمكن عمو احمد مو جود خلي اشوفه
ام نور..لاماما عيب اندزه
نور..لا ليش عيب لعد انظل هيج ..زين ماما اتصلتي بيهم اتصلت باابوج وبعلي ومجاي ايردون ..لعد اتصلي بل البقيه
ام نور اي كلامج صح
نور ..ماما اني راح امشي اقره
ام نور ..اي ماما روحي واذا سويت عشه اصيحلج..نور علي حاجاني
وراح ايجب الاريده
نور..تمام ماما
ليان ..اووف شلون بيه فاتني محاظرات ولازم ابد ي اقره زين حته مايتجمعن عليه اول شي خلي اخابر زينب واعرف شنو الي فاتني من المحاظره ...الوو هلو زنوبه شلونج
زينب ..هلو حياتي شلونج
ليان.. اخذتو هواي من المحاضره هاي 
زينب ..لا مو كولش هواي
.. وتعرفين الدكتور مال هاذه المحاظره شكد غثيث
ليان ههههه اي صح المهم موهواي اخذنه ماده
حياتي مشكوره
زينب ..عفوا گليبي
،،اختصرت المكالمه مال تهم ،،
ماما ..ليان ليان وينج ماسمعين
ليان ..ها ماما اني هنا بلغرفه مالتي محتاجه شي
ماما..خابرتني خالتج ومنهاره تبجي متعاركه ويه رجلها بس مو مثل كول مره ..تكول مليت اريد اتطلك بعد ماتحمل ظلمه وقساوته عليه وعلى ولده ..كتلها باجر اجي يمج اني والبنات
ليان ..ماما ابودي اجي بس باجر من اجي عدي كوز شلون
ام ليان..لا مانتاخر شويه ونرجع   خطيه خالتج ام ساره لازم اكو واحد يمها
ليان ..تمام ماما
لارين ..ماما تكدرين تساعديني شويه بحل المسائل بل رياضيات
ام ليان ...اي ماما ماشي هسه اكمل شغلي واجي اساعدج
لارين ..تمام ماما حقره ماده ثانيه علماتجين
ام ليان ..اي يروحي روحي ..
ياربي ساعد اختي والله خطيه ومظلومه ياربي والله راح تموت
ابو ليان  ... شبيج جاي تحجين ويه نفسج وتبجين خوفتيني خيرج
ام ليان ..والله يااحمد اختي خابرتني ومنهاره متعاركه هيه ورجلها وتكول جاي ايخونها وتكول فوك مامتحمله ظيمه وساكته ايسوي بيه هيج شنو الي قصرت بي 
احمد..والله مادري شكول  شلون ايسوي بيها هيج وهيه مدللته وام بيته شلون يطي عقله هيج ايسوي بيها
ام ليان ..والله هو مأذيها ومدمرها بس اختي متحمله ماتريد تخرب بيتها بيدهاالمسكينه
بس اكو شي ماينسكت عليه احمد ..وباجر ان شاء الله اروح يمها وشويه اهدئها
احمد..اي ان شاء الله اخذكم باجر وتحجين وياها وتهديئها
ماما..ليان كومي تعشي ماما وانتي لارين هم كومي
ليان ..اي ماما بس لاتضوجين
ماما..شلون مااضوج شلون ياليان
ليان ..ماما ماكو شي مااله حل ان شاء الله انروحلهن ونهدئهن وتنحل المشكله ان شاء الله
ام ليان ..ليان ..مااعتقد هل المره تنحل ..وكملي غسلي الماعين وخلي اسوي جاي ابوج ايريد جاي
ليان ..صار ماما هسه اغسلهن
و باجر كعديني اوكت شويه من كول يوم
ام ليان ..ليش
ليان لان عدي كوز وقريت هواي منه وبقالي جزء قليل بس راسي شويه يوجعني خاف ايزيد فكلت خلي انام
ام ..ليان سالفة راسج ماعاجبتني صارلج فتره بس تعبين ايهيج عليج لا تخلص سالفة خالتج واخذج للدكتور ونروح على راسج حته ارتاح ماكدر اظل هيج قلقانه
ليان ..لاماما شبيج كبرتي الموضوع ترة عادي
ام ليان ..ليان سكتي مالي خلكج انتي هم
ليان ..تمام ماما الي تردي ايصير
راح اروح انام ماما تصبحين على خير
ام ليان ...وانتي باالف خير يروح امج
اريد انام بس ماكدر لان ذكرت موضوع زينب وامير ..حاولت قدر امكاني انام

صار الصبح  ..
ام ليان ..ليان ماما كعدي موكلتي اريد اقره
ليان اي ماما هسه راح اكعد
ام ليان.. اكولج موتكولين راح اكعد وبعدين تلكين الوكت فايت عليج يله بسرعه كومي كعدي حته اسويلج ريوك

ليان ..تمام ماما ليش الساعه بيش هسه 5:30 مو كلتي كعديني من وكت وكعدتج
تمام ماما
ام ليان .. يله قريلج شويه واني اروح اسويلج ريوك ..لاماما مااشتهي بعد ني ل7:00
ام ليان يله براحتج

ام ليان تلفونج ايدك
ليان ..منو

ام ليان  ..زينب جاي تتصل عليج
ليان زينب 😳خير ليش تتصل هيج وكت اكيد اكو شي
الووو هلو زينب صباح الخير شبيج شكو الوو الوو اشو ماكو صوت صوتها راح اني مامرتاحه خاف صاير شي الزينب مامرتاحه الا اتصاله هيج وكت
وفوكه كالت الوو وصوتها مبين بيها شي
ونكطع الااتصال
اكيد اكو شي يله تخابرني هيج وكت