انا وعذاب الحب

البارت السادس

ليان..
بعد ماتعشينه رحنه اني و نور الغرفتي نور باتت يمي وصرت شويه احسن بعد ماخذت العلاج وتعشيت شويه لان ماكدرت اكل هواي المهم ظلينه نسولف شويه وشويه نور غيرت الجو عليه وبعدها نمننه
احنه نسوي تنظيف اسبوعي كل جمعه فمن كعدت صرت احسن ..كمنه تريكنه اني واهلي ونور بعد ماكملنه ريوك بدينه تنظيف هيه هم راحت يم اهلها وكامت تنظف طبعا بيت بيبي وجدو هم نظفه ويانه يعني الكل يتعاون عليه كملت تنظيف وبديت غسلت الملابس اني وماما وكويتهم والي يتصفط صفطته والي يتعلك علكته بلكنتور بعدها بديت اقره المحاظرات الي فاتتني المهم خلصت العلطه واجه الاحد وياريت مااجه لان مادري ظاملي هيج صدمه
زينب ..هلو حبي ليو شلونج اريد احاجيج بموضوع
ليان ..اي حبيبتي تفضلي شنو الموضوع الي تردين تحجي ..طبعا هاذه الحجي احنه بل نادي
امير وسيف كداعدين مقابيلنه يعني اميركدامي وسيف مطيني كفا يعني طاولتهم كبال طاولتنه طبعا اني ويه حجي زينب جنت دااقره بمحاظرتنه الاولى فجنت مدنكه
زينب ..ليان تسمعين..ليان .. اي حبيبتي احجي زينب ..اكو شخص معجبه بي
ليان ..ابتسمت اي منو هاذه الشخص ورجعت دنكت على الملزمه
زينب ..هههه ليان اذا رفعتي راسج راح تعرفين منو بدون ماكلج
ليان رفعت راسي شفت بس امير طبعا المكان الي كاعدين بي صايره شلون ركن هيج يعني نكعد بهيج مكان علمود الهدوء واخلص من النظرات والحجي يعني بس هاي الطاوله الي كدامنه جانت فا اني من الصدمه ماصدكت عيني
يعني مجاي اشوف غير امير طبعا احنه منشوفهم هواي بس نلتقي الصبح بلنادي والباقي صدفه نشوفهم وحته الصبح مودائما انشوفهم بس ايكعدون كبالنه لان عدهم مشاعر اتجاهنه وهمه هم مودبين ويردون مثلنه مكان هادئ ..طبعا من رفعت راسي صارت عيني بعينه بسرعه دنكت لان كولش استحي ..بس من قوة الصدمة كلتلها اكولج وينه مجاي اشوفه كالتلي شبيج ليان كاعد كبالنه اني انهاريت وبتسمت بسرعه كتلها ها اي ربي جعله من نصيبج ان شاء الله
طبعا اني كمت اخربط من الصدمه فبسرعه كتلها الله ايجعله من نصيبج 😔💔
كملت حجايتي وكلتلها راح اروح للحمامات خلي غراضي يمج رحت عيوني صارن دم من الدموع كمت اغسل بل عيوني حته مايبينن والمي بارد كولش لان دنيا ثلج كمت احس الماي يجويني من كدما صخنت من القهر طلعت من الحمام ..طبعا هاي المحاظره الاولى بعدها ماباديه ..كتلها زينب كومي خلي نتمشى شويه كالتي ليان خلينه شويه كاعدين هو شويه وراح ندخل للمحاضره كتلها لعد امشي وحدي كامت خطيه وياي كالت ليان شبيج احسج مو على بعضج اكو شي كتلها لاياقلبي ببتسامه لا
زينب ..ماتوقعت ليان يطلع عدها شي اتجاه امير بيوم من الايام واني جان مجرد اعجاب بسيط يعني مااحبه اوشي لا بس اعجاب ونعجبت بي السبب واحد 💔😔بس ومااحبه ابد ..😁بس ليان الله ايسامحها بالها راح بعيد حيل
ليان..
ماكوشي طبعا اني ماكدر انقهر اواضوج منج حياتي زنوبتي ..و زينب مالها ذنب باي شي يعني هيه متدر ي انو اني احبه فماكدر اضوج منها دخلنه للمحاظره واجه الدكتور كام يشرح بل محاظره بس اني كمت اشوف دكتور ثلاث اشخاص من كدما كمت اغوش كامت تلعب نفسي حيل كلت للدكتور راح اطلع وهو شاف حالتي فكلي طلعي بابا جان هاذه الدكتور كولش حباب ..كال الزينب تطلع وياي لان الاساتذه مالتنه يدرون بينه وكاعدين وحده يم الثانيه احنه فطلعنه ورحت للحمامات كمت اتقيه وتبهذلت وهبط ظغطي شويه خطيه زينب ابتلت وياي كامت وساعدتني وخابرتلي اهلي واهلي اجو خذوني والمحاظره الثانيه هم ماحظرتها
زينب ..
بنهاية الدوام امير وسيف شافوني اني ومروى سوه نمشي فستغربوا اكثر لان الصبح اميراستغرب من حالت ليان شلون هيه ضايجه دور شافوها ماهيه اسغربوا اكثر
امير ..عود ليان ليش هيج ضايجه حته ماجاهه اتصال اوشي حته هيج ايصير بيها
سيف ..يجوز جتها رساله وانته ممنتبه من شخص تحبه ..
سيف اني حجيت هيج  حبيت شويه اضوج  امير ..يعني اكيد عدها اقارب والبنيه حلوه يعني هيج ايصير كولش عادي
امير..لك معقوله ايكون عدها شخص تحبه ومن وره هشي معتزله بل كليه
سيف..اني كتلك اذا عدك مشاعر اتجاها روح صارحهه بس انته الله ايسلمك كبريائك ميسمحك 😁
امير ...ههه 😏علساس انته الي رحت صارحت
يوم العلم الحب يكسر الكبرياء والحب  والحب ومن هاذه الكلام يله روح اعترفلها شمنتظر
سيف.. لايابه اشاقه وياك
سيف ..امير تدري بيه اذا رحت اعترفتلها لازم اروح اتقدملها لان مااحب اعذب بنيه وخليها تتعلق بيه وبعدين اعوفها بنص الطريق خليها هيج من اشوف نفسي اريد ازوج اروح واني هستوني مرحلة ثانيه يعني مورابعه حتى اروح اعترف الها
امير ..لعد شون بله اجاها انسان غيرك وبله حبت شخص غير
سيف ..اذاالله قاسمها من نصيبي تصير الي واذا لا فالله يقسملها الااحسن بعد مني صح راح اتعذب بس ماكدر ..فوك مااهلي مدخليني اهلي صيدله اجي اجيب بت الناس واخلي اهلي ايدفعولها للطبيه وفوك مصروفوها الي من حقها يعني هيه مراءة تحتاج مصرف وعنايه وهيج شي فماكدر ..من النهايه اكولك امير اذا ماوفرلها عيشه مثل ماهيه عايشتها او على اقل عيشه زينه ماتزوجها واظلمها وياي لان هيه لو مو غنيه مداخله طبيه
امير ..لعد ماحجيت شي غريب نفس مبدأي سيف ..نصبر وان شاء الله الله يجعلهن من قسمتنه ثنيهن
امير..ونعم بالله ان شاء الله
وره هل الكلام رحنه للبيت
ليان .. بعد مارجعت للبيت رحت بسرعه نمت لان كولش متخربطه احاول بس انام حتى انسى لان كولش متاذيه طبعا حتى غده ماتغديت لا ن نفسي مسدوده من الاكل
ماما حست بي ضايجه واول ماكالت
ام ليان ..ماما ليان شبيج
ليان اول ماكالت ماما شبيج ..عيوني  كاك وانفتح من الدموع
ام ليان ..ياليان ماما خيرج
ليان   ..ماكدر احجي من البجي
وكأنو جنت متمنيه واحد يسألني هيج سؤال
حته بس ابجي 😔💔