انا وعذاب الحب

البارت الثالث

اني ساره اليوم راح احجيلكم عن نفسي
اني اكبر من ليان بسنتين يعني عمري 21سنه اني طالبه جامعيه مرحله ثالثه كلية علوم
اني وامي واخواني حيل مظلومين بسبب اهل والدي
..ابوي وامي ابد ممتفاهمين وبينهم مشاكل قويه ودائما يردون ينفصلون
طبعا اكو هواي اولاد يدمرون بسبب انفصال الااهل وتدمر حياتهم
راح اعرفكم على عائلتي ..
احنه تلاث اخوه
اني واخواني ثنين مصطفى..مرتضى

والدي .. كاسب يعني يشتغل اعمال حره
والدتي ..معلمه
اخواني ..
مصطفى عمره 18سنه ..سادس ادبي ..ايحب الانكليزي وشاطر بي وايريد ايروح لغات انكليزي
مرتضى عمره 14سنه ..ثاني متوسط
عائلة اهل والدي جانو مأذينه حيل 
والدي جان انسان جدا متعصب ومحد يكدر يحجي ويا و ورحه طالعه دوم وجان ابد مامتفهم ويسوي مشكله من الماكو اكو ورغم هاذه كوله ساكته امي ومتحمله اهله ومتحملته وساكته
بيبتي عكس بيبية ليان .. جانت حيل مأذيتني ومأذيه امي
جانت شويه انانيه و تريد ولدها حكر يعني اذا واحد من ولدها كال مثلا اريد اطلع تكلب الدنيا فوك تحت عليه ..يعني مرات اكو ظرف يجبر الانسان يطلع ..فوالدتي كالت الوالدي ..المكان ضيك ولدي كبرو المكان بعد ميكفينه
كالتله امك ماتريد نطلع حقها تريدك يمها بس المكان بعد ميكفي لان والدي عده اربعه اخوان غيره واربع اخوات.. صح اخواته متزوجات بس مو كولهن متزوجات .ثنين متزوجات وثنين بعدهم واخوانه المتزوجين مخلفين
البيت تره موصغير بس همه هواي وكالتله اذا تريد ناخذ بيت ايجار و انرتب  حياتنه بل بدايه  وبعدين ونشتري بيت ملك حته نستقر ..للعلم ميأثر اذا طلع والدي بيت وحده لان غيره اربع باقين بل بيت يم بيبتي
الام مكانتة  عندي مقدسه والام الله موصي بيها .. بس الام دائما تتمنى الخيرالااولادها وشي الي يسعدهم ويفرحهم يسعدها ويفرحها والشي الي يحزنهم ويأذيهم يحزنها ويأذيها هاذه الي اعرفه على ام وهاذه الي وعيت عليه بس مع الاسف اكو بعض الامهات انانايات ..مع احترامي الام ..شويه وعلى رغم من كول هاذه مكانته الام عدي مقدسه
يعني امي ماطلبت شي منه صعب طلبت انأجر بيت بنفس المنطقه لان المكان صار ضيك علينه بعد ميكفينه ونص فلوس الايجار على امي لان خطيه هيه هواي تساعده ..وطلبت  اياجرون نفس المنطقه حتى امه متضوج
ام ساره.. تعبت من المشاكل والله بعد ماكدر اتحمل
ترى ماكدر اخلي ساره ومصطفى ومرتضى
بغرفه وحده تره كبروا ماترهم بعد
الحجي هاذه كول يوميه احجي بس ميفيد واكول بلكت يجي يوم ويقتنع من وحده ..
والحمد الله اجه يوم والله هدى واقتنع وقرر يطلع ..طبعا شال من المشاكل الي صارت والي مالها حل بعد غير يطلع بيت ..وامه كول يوميه مسويتلها سالفه
ساره ..امي وحده فقيره وتخاف الله و  متحجي المهم كعدنه بيت وحدنه ..اني جنت اتمنى اهل والدي مثل اهل ابو ليان ..شلون بحياتهم متفاهمين ومتفقين

جنت احب شخص وهاذه شخص
اسمه عباس..
جان يخدعني ويسوي نفسه ايحبني
راح اعرفكم على شويه ..
عباس هم مرحلة ثالثه بس غير قسم
بس شي اكوله..
اذا انتو مو كد الحب ليش توعدن بنات الناس وتأملوهن انو عدكم مشاعر تجاهن ومن توصل للخطوبه تنسحبون ليش ..💔😔