انا وعذاب الحب

البارت الواحد والثلاثون والااخير

امير ..سيف الي سويته صح وانته هسه ارتاحيت من عرفت بمشاعرك وبعد خلي هشي للزمن هو يحل المشاكلك
سيف :هو هم هيج
ليان ..بعد ماحجينه اني ونور ويه عمتي
ونور: حجت ويه امها وتمت للموافقه من جميع الااطراف
اجت مرت عمي وبيبي اجو خطبو ملاك وبعدين اجه عمي ابوعلي وعلي وبابا واخوان علي الاابو حسين زوج عمتي
تمت موافقة جميع الااطراف
ام علي ..ام حسين احنه اهل مو غربه يعني مراح نطي مقدمات بل موضوع راح نحجي گبل
بيبي ام حسن :احنه نريد ملوكه لعلي
ام علي :واحنه نشوف ملاك خوش بنيه ومودبه
ام حسن :واحنه ابنه علي خوش ولد وبنيي هاذه مربيته على ايدي والي تاخذه راح تنسعد متاكده من هل شي
ام حسين ..يمه جيتكم على راسي بس عدي شرط واحد
ام علي: شنو هل شرط
ام حسين: تخلص المرحله الاولى عندي وبل عطله ايكون زواجها
وادري من راح انطي بنتي راح انطيها الناس تقدر التعب واعرف راح اتعاملوهه مثل بتكم بس خلي تخلص المرحله الاولى
ام علي :وشنو الفرق اني نور قبل لاداوم مرحله اولى انطيناكميها وحتى احس بتي صغيره بعده ومال تتحمل مسؤوليه زواج ومن شفت ابنكم مصر عليها وافقنه
ام حسين ..اني هم حس ملاك بعدها صغيره بس من اجيتو وخطبتو مارفضنه لا اني ولا ابوها ومن حقه يعقد عليها وتصير خطيبته
ويجي ايشوفها بس هاذه الشرط
ام علي: اني هاهيه هيه اذا هاذه شرط اني مايهمني المهم همه ..ابني وبتج مرتاحين وهوهاذه  الشي الي ايهمني
ام حسن: بس يمه مرام تره الفتره هواي
ام حسين: يمه هاذه قبل ليكون شرطي شرط ابوها
ام حسن :بعد شنسوي اذا شرط ابوها بس احنه بتنه انطيناكميها بسرعه وماشرطتنه يله الله ايقدم الي بي صالح
طبعا علي ضاج حيل بعد ماسمع شرط عمه ابو حسين لان محد جان متوقع هل الفتره الطويله
علي ..ليان شفتي شنو هل شرط حته حسين ماقبل ولامحمد بس ابوها معترض
وابوي وابوج حاجو بس مفاد قافل اله بعد ماتخلص عود شنو الي يفرق
ليان :علي لاتضوج هسه واله بعد سنه مثل مگلت مراح تفرق حتودون  النيشان وتعقدون وتصير خطيبتك وباي وكت تريد تروح تشوفها تشوفها لان اولا اخوها ماخذ اختك وثانيا بيت عمتك يعني مو غربه فاانته بجميع الحالات انته ماخاسر شي
علي ..كلامج صح ..شكرا كلامج هدئني
ليان :عفوا ولاتضوج ابد والي تريده راح ايصير
ليان: بعد ماعلي خطب ملاك ودو النيشان وعقدو.. بعطلة الكورس الاول ..والحمد الله ملاك گدرت تطلعني من گلب علي وتخلي ايحبها
اما اني اليوم راح احجي عن نفسي
اني باجر زواجي واليوم اخر يوم الي بيت اهلي واليوم كول الي احبهم يمي بس خايفه من شي واحد خايفه خاف نور تولد بنص العرس لان هاذه شهرهه
ليان ..نور كولشي ولاتجيبين بعرسي
نور: ان شاء الله ويخرب العرس مالتج 😁
ليان: لالا ان شاء الله وره زواجي
ليان ..ساره شوكت  راح تزوجين
ساره: اجلنه الموضوع لان جانت امه شويه مريضه ان شاء الله بعد اسبوع ولامخليه زواجج وزواجي بنفس اليوم انصير فد شي
ليان :الحقيقيه اتمنى بس موبيدي
قبل اسبوع عقدنه بس جان احلى اسبوع جان عباره عن اتفاقات لاتسوين هيج ولاتحجين هيج واهلي هيج اتعاملي وياهم وهيج سوي المهم اني الشي الصح اسوي ومااحب اعانده من ايكول هاذه سوي وهاذه لا تسوين هاذه
ملاك: يمعوده شوكت تروحين لصالون الساعه بل 10 شوكت تروحين
ليان :اي اي خلصت طالعه بس بس امي وين
ساره: تره اخرتينه وخاله طلعت ومنتظرتج بره هيه وماما منتظراتج بس بسرعه يمعود اذا الحنه ب2:00 يله يله بعد مانلحك
ليان :بده العد التنازلي احس نفسي بعدني صغيره شلون احمل مسؤوليه بيت واطفال وعيال وشلون حدرس شلون راح اجمع ذني كولهن بيت اهلي جنت مد لله وجنه قليلين خايفه حيل بس من انذكر صرت الاانسان احبه افرح وخليت املي بالله واعتقادي انو الله ميأذني
رحنه لصالون طبعا اني احب المكياج الخفيف ولان اني بيضه شويه يعني اذا تزودلي بل مكياج شطلع يطلع شكلي موحلوو ابد فخلتلي مكياج بيسط وبدلتي جانت حلوه وبسيطه لان ماحبيت اكلف امير او اكلف اهله لان هو طالب وديشتغل مااحب اشر ط عليه واگوله جيبلي هاي وجيبلي هاي للعلم اني غنيه واهلي متمكنين بس اني شبعانه واني عدي اهم شي الشخص المقابل ايكون زين ويقدر هشي ويوكفلي من احتاجه باازمه واهم شي يكون الي سند من تأذيني الحياة استند عليه وهو هم نفس الشي هاذه الشي المهم
ام ليان: ياماما شطالعه
ليان :ها ماما شطالعه
ام ليان :يمه ربي يحرسج طالعه تخبلين
ليان: فدتج ليان شلون حنتفارك شلون راح افارك هل الوجه الحلو شلون افارك الحجي العسل الي من الصبح تغرديلي بي اوووف ماما حشتاقلج هوااااي شلون
ام ليان :انطيتج الرجال ونعم منه وان شاء الله ايصونج ويسعدج
ليان: امين ياماما
ساره :بنات بنات اجت عروستنه وشلون حنتفارك مادري
ليان: يمه صديقاتي وخواتي وبناتي وين لارين
ليان ..لارين تعاي حبيبة روحي 😔
نور :لج لاتبجين عادي حتتعودين وتصير سوالف شبيج تتعودين على فراكهم 😔
ليان..يعني هسه انتي تعودي
نور :موكولش تعودت بس اكيد مو مثل بداية زواجي وشويه شويه تگومين تحبين بيت زوجج اكثر من بيت اهلج وتگومين تحسين ذاك بيتج ومن تجين البيت اهلج تحسين نفسج كأنو ضيفه للعلم اهلج من تجين ايعاملوج احسن معامله ويدللوج ..فراح تتعودين ☺️
ليان: ها شكرا لج خاف ماتعود لان متعلقه بااهلي حيل
نور: لعد كولنه متعلقين بااهلنه بس نتعود
ليان :مادري
ساره: شبيجن حسستني بفاتحه مو بعرس هاي تبجي وهاي تهدي بيها ودتنصحها شبيكم
نور: لعد شسوي اني داكوللها تتعود ولاتضوج وتخاف وداكوللهاكلنه هيج بل بدايه وبعدين تعودنه
ساره: اكيد كلامج صح وانتي صرتي خبره بيت وعيال وكليه وطفل
نور: الله كريم اني خايفه من مسؤولية الطفل والولاده شويه بس مسلمه امري الله ايخليني اكوم بسلامه
ليان :ان شاء الله وتجيبنه نونه صغنوني
ساره: ان شاء الله ولاتخافين
ليان :واخيرا اجت زينب
هلوو واخيرا اجيتي
ساره: لعد احنه مو بعينج شنو
نور: والله مادري
ليان: لاوالله موهيج بس هاي البنيه گمت احسها تؤم روحي
زينب :يمه خجلت حياتي ربي يحفظ الي
زينب :اجه عريسنه
امير ..هلو حبيبتي عفيه همزين مرتبتلج  المكياج مثل ماردت
ليان :والله الي عدلي المكياج الخبيرات الگدامك واله لو اظل على ام صالون ومكياجها لاوالله جان ماعرفتني وخترعت مني لان طلعتني شبح من البياض
امير: هو انتي بيضه يعني مكياج بسيط طلعين حلوه
ام حسين :يله بدلو الحلقات
ام ليان :وينج انطينه الحلقات
يله يله لبسها
وانتي هم لبسي
ليان :عمتي يمكن مستعجله وتخاف خاف نور تولد هنا
ليان: من صعدنه السياره امير حاجاني
امير :الحمد الله واخيرا صرتي ملكي ربي يحفظج الي ويديمج
ليان :ويحفظك الي ياسندي وابو بيتي
ليان :بعد زواجنه بيومين نور ولدت وصار عدها بنوته اسمها روزلين
وبعد الاسبوع زوجت حبيبة روحي ساريتي وخالتي وامي تگابلن ثنينهن يبجن علينه وقررنه ثنينه نروح البيت جدو حته نشوفهن ونشوف بيبي وجدو لان حيل نشتاقلهم
ومرت ايام على زواجنه اني وساره وصرنه حوامل بس حملي جان جدا صعب يعني ايام اگضيها عداهلي وايام يم اهل زوجي
ليان :امير مشتهيه عنب گمت اتوحم بفواكه مو موسمها واذا مايجبوهه اگوم ابجي من كول عقلي بس للحقيقه امير مامقصر وياي بس اني نفسي تلعب گامت من كولشي وكول شويه واكعه وخاصه گمت اداوم صرت فلم كول شكم يوم واگعه الحمد الله جنه نفس الكليه ومن تخربط لو اوگع يجيني
طبعا نزل مستواي الدراسي حيل گمت حته انجح بل گوه يعني الدرجات صارن زفت وبل گوه اقره لان ماگدر اربط بين بيت عيال وحمل گمت احس مسؤوليه جبيره عليه وين احنه عدامهاتنه مدللين
يعني ..ساره ارتاحت لان تخرجت طحنه بيها اني نور دمرنه ومن شافتنه ملاك هيج جاي ايصير بينه گالت اني ماتزوج اكمل دراسه يله بس علي عصب ماقبل شنو قابل ينتظرها خمس سنين مترهم
وجرت على سره ويانه وصار بيها نفس المعاناة بس حملها مجان مثل حملي صعب اصعب وحده اني
طبعا علي تزوج ملاك بعد المشاكل الي صارت بينهم هم علمود موضوع الدراسه وگالي حاجيهه انتي ونور وظلينه فتره نحجي وياهه يله قنعت
ام ليان ..ماما اني الي اعرفه ام البنيه حملها صعب انتي ليش هيج وانتي هم متاكلين وعصبيه على رجال وصارلج اسبوعين عندي وهو ميحجي لان ايشوفج مريضه وحالتج تعبانه
ليان :ماما هو جاي ايعصبني
ام ليان: سكتي سكتي انتي الغلطانه
ليان: ليش يعني جاي اكوله ماكدر اگوم اشتغل امه تعيط وتعصب ماما تعبانه
ام ليان :ماما مو الكل مثلي يتحملج ويتحمل دلعج اني دالعتكم وهاذه خطأي
ام ليان :ماما ليان انتي صرتي متزوجه وراح تصيرين ام يعني تعودي تسايسين الكل وتكسبين الكل صارلج ثمن اشهر من مزوجه ولسا ماتعلمتي وبعدلج شهرين وتصيرين ام ياليان
ليان :بعد ماظليت عد امي شهر وكول يوميه تحجي وياي خلتني ارجع بحجيي وحسستني اني صدوك غلطانه بحق امير واهله وبمرور الايام گمت اتعلم من اغلاطي وگمت احاول اكسب الكل وخلي الكل ايحبني والله سبحانه رزقني بولد حلوو يشبه ابو وجزاة المعناة الي عانيتها بفترة الحمل ولدت قبل لاتخلص السنه الدراسيه بشهر واجألت امتحاناتي من وره ابني والي سمينا غيوثي وابو حب الاسم وسما واني وافقته
ساره صارت عدها بنيه وسموهه سما
مااعرف داخلين على حرف سين😁
ملاك وعلي صار عدهم ولد يشبه علي هواي سمو ليث
وثنينهم جانومتمنين تصير عدهم بنيه
بل نسبه زنوبتي بهاي السنتين الانتضار الي خلت سيف ميت من الانتظار وبعد الكلام الي كو ل يوميه نحجي ويا وافقت على سيف وسيف خطبها وبعطلة المرحلة الخامس يتزوجون من اگوللها ليش متوافقين دگول لان الحب صعب اني جاي اموت من عذاب الحب والفراگ والله لايوگع شخص بي جدا صعب وشكد جنت احجي وياهه متقنع الحد مااجه يوم هيه قررت توافق بس گالت سيف ..ذو الفقار مراح انسا بسهوله
صح سيف ضاج من كلامها بل بدايه بس قرر شي واحد راح ايخليها تنسا گام يسألها شلون حبت ذو الفقار  وشنوالاشياء الي تحبها بي وشنو شي الي تحبه حته يسوي وشنو شي الي متريده حته ميسوي ويجنبه ومن گام ايعاملها هيج شويه شويه گامت تتغير ويا وشويه وشويه گامت تبدي تنسا مااكول نسته نهائي لا بس بتعامله الحلو واسلوبه الطيف گدر يجذبها اله ويغيرها وهو هاذه الحب الحقيقي ..الى هنا تنتهي قصة انا وعذاب الحب

كل حب بي الاالم وحزن وتضحيه واذا نحب صدوك لازم نضحي
وره كل عذاب والم وتضحيه اكو امل وفرح
واتمنى ماطولت بل بارتات لان اكدر اكتب اكثر بس اذا تطول تصير ممله ومحلوه ..تقبلوا مني اجمل تحيه sahar alhussiny ..♥️